ئۇستاز تەرجىمان توختى باقى ئارتىشى ئالەمدىن ئۆتتى

arkzat

  ئۇستاز تەرجىمان توختى باقى ئارتىشى ئالەمدىن ئۆتتى
6 Y+ i* _( p! G5 F0 ]
! \) S, Y& v9 I8 X' a/ z5 n
      




, @0 a7 i' c+ ^; }# J5 X
  ھازىرقى زامان ئۇيغۇر تەرجىمىچىلىكىنىڭ باشلامچىسى، ئۇستاز تەرجىمان، پېشقەدەم نەشرىياتچى توختى باقى ئارتىشى 2013-يىلى 12-ئاينىڭ 29-كۈنى كەچقۇرۇن ئۈرۈمچىدە ئۇ دۇنياغا سەپەر قىلدى.
        توختى باقى ئارتىشى 1922-يىلى ئاتۇش ناھىيەسىنىڭ ئىشتارچى كەنتىدە دېھقان ئائىلىسىدە تۇغۇلغان. 1939-يىلى ئۈرۈمچى دارىلمۇئەللىمىنگە كېلىپ، بىر يىلدىن كېيىن ئوقۇش خىراجىتىنى تۆلىيەلمەي ئامالسىز مەكتەپتىن چېكىنىپ «شىنجاڭ گېزىتى» ئىدارىسىدە ئىشچى، ھەرپ تىزغۇچى، تەھرىر بۆلۈم خادىمى بولۇپ ئىشلىگەن. 1942-يىلىدىن 1944-يىلىغىچە ئەينى چاغدىكى ئۈرۈمچى ساقچى ئوفىتسېرلەر مەكتىپىدە ئوقۇغۇغان. 1944-يىلى مەكتەپنى پۈتتۈرگەندىن كېيىن قەشقەرگە بېرىپ خىزمەت قىلغان. 1946-يىلى ئۈرۈمچىگە كېلىپ «ھەقىقەت» گېزىتى ۋە «ئالغا» گېزىتىدە تەرجىمان، مۇھەررىر، شىنجاڭ پېداگوگىكا ئىنستىتۇتىدا ئوقۇتقۇچى بولۇپ ئىشلىگەن. ئۇ 1953-يىلى مەركىزىي مىللەتلەر نەشرىياتىنىڭ تەسىس قىلىنىشىغا قاتنىشىپ، تەرجىمە ۋە تەھرىرلىك خىزمىتى بىلەن شۇغۇللانغان ۋە شۇنىڭدىن باشلاپ لۇشۈن ئەسەرلىرىنى ئىزچىل تەرجىمە قىلىشقا كىرىشكەن. 1962-يىلىدىن كېيىن «شىنجاڭ گېزىتى»، «شىنجاڭ خەلق نەشرىياتى» قاتارلىق ئورۇنلاردا تەرجىمان، مۇھەررىر بولۇپ ئىشلىگەن، 1986-يىلى دەم ئېلىشقا چىققان.
        توختى باقى ئارتىشى  كۆپ يىللىق تەرجىمانلىق ھاياتىدا سىياسىي نەزەرىيىۋىي ئەسەرلەر، پەن-تېخنىكا ئەسەرلىرى، ئەدەبىي ئەسەرلەر، گېزىت-ژۇرنال ماقالىلىرى، كىنو-تېلېۋىزىيە ئەسەرلىرى قاتارلىق تۈرلۈك مەزمۇن ۋە ژانىردىكى ئەسەرلەرنىڭ تەرجىمىسى بىلەن شۇغۇللاندى: «يېڭى باتۇرلار»، «تۈن يانغاندا»، «كەپىگە ئۈچ قېتىم زىيارەت»، «لۇشۈن ئەسەرلىرى» (22 توم) قاتارلىق چوڭ تىپتىكى ئەسەرلەرنى تەرجىمە قىلدى؛ «تەرجىمە تەجرىبىلىرىدىن تەرمىلەر»، «لۇشۈن تەرجىمە توغرىسىدا»، «تەرجىمە توغرىسىدا»، «قانداق تەرجىمە قىلىش كېرەك؟» قاتارلىق نۇرغۇن ئىلمىي ئەسەرلەرنى يازدى؛  «كەتمەن چاپقان گۇناھمۇ؟»، «ھەق گەپ قىلغان گۇناھ ئەمەس» (2 توم)، «كۆڭۈلدىن-كۆڭۈلگە يول» قاتارلىق ماۋزۇلاردىكى تاللانما تەرجىمە توپلاملىرىنى نەشردىن چىقارغانىدى، «چۈشنىڭ ماھىيىتى ۋە تەبىرى» ناملىق چوڭ ھەجىملىك ئىجادىي تەرجىمە ئەسىرىنى نەشرگە تاپشۇرغانىدى.

Maarip

مەرھۇمنىڭ ياتقان يېزى جەننەتتە بولغاي! مەرھۇم ئۇستازنىڭ ئالەمدىن ئۆتكەنلىكىگە قايغۇمنى بىلدۈرىمەن.

盘吉尔山

مەرھۇمغا چوڭقۇر تەزىيە بىلدۈرىمەن،ياتقان يېرى جەننەتتە بولغاي.

شاھيار88

ياتقان يىرى جەننەتتە بولغاي

200ablatjan

ياتقان يىرى جەننەتتە بولغاي مەرھۇمنىڭ

نەپرەت

مەرھۇمغا چوڭقۇر تەزىيە بىلدۈرىمەن

zeheri

ئاھ تونىغانتىم ئۇستازنى:سو 1،چۈش2ئۈچ پادىشا3،لۇشۈن4دىن،،ئاشۇ ئاجەل ئالدى سىزنى يەر قوينىغا ،قىلدىم فاتىھە.ئويلاندىم:يەنە چىقۇېمۇ
بىزدىن سىزدەك تەرجىمان،تىلەكىم شۇ:
& N' f6 M) O. ], X( {+ c: Z" g/ pئۇجماغ بولسۇن ۇاتمىشى  لا ئىلاھە!ئىزاھات:1.چۈش:قىزىل راۋاقتىكى چۈش2:ئۈچ-ئۈچ پادىشاھلىق ھەققىدە قىسسە.3:سۇ:سۇ بويىدا.4.لۇشۇن:لۇشۈن ئەسەرلەرى.مانا بۇلار توختى باقى ئارتىشى تەجىمە قىلغان كىلاسسىك رومان ۋە ئەسەرلەردۇر.بۇنى مۇنۇ خەۋەر يازغان قېرىندىشىم مۇنۇ قايغۇلۇق خەۋەر ئخچىگە قوشۇشىنى تەۋسىيە قىلىمەن.مېنىڭ تەرجىمان بولۇشۇمغا بۇ زات بەك تەسىر كۆرسەتكەن.مەرھۇمنىڭ ياتمىشى ئۇجماغ بولسۇن،امين.

تۈرگۈن

مەنمۇ مەرھۇمنىڭ «شىنجاڭ مەدەنىيىتى» دە ئېلان قىلىنغان تەرجىمە فىليەتۇنلىرىنى ئىزدەپ ئۇقۇيتتۇم. ئەتىگەندە ئۈندىداردا كۆرگەن ئىدىم بۇ قايغۇلۇق خەۋەرنى. مەرھۇمنىڭ ياتقام يىرى جەننەتتە بولغاي.

كۇسەنى

مەرھۇمنىڭ ياتقان يىرى جەننەتتتە بولغاي،مەرھۇم تەرجىماننىڭ پېليەتۇنلىرىنى مەن ياقتۇرۇپ ئۇقۇيتۇم،ئۇيغۇر تەرجىماننلىرىنىڭ ئىچىدىكى تەۋەرەككۇك ئادەم ئىدى.

KAKTUS573

مەرھۇمنىڭ ياتقان يېرىنى ئاللا جەننەتتە قىلغاي، مەنمۇ مەرھۇمنىڭ ‹‹قانداق تەرجىمە قىلىش كېرەك›› دېگەن كىتابلىرىنى ئوقۇغان.