ئەلتۇغ: ئەركىن ۋاھىدوۋ بالىلار شېئىرلىرى

ئەلتۇغ

ئەركىن ۋاھىدوۋ (ئۆزبىكىستان)

شاپتۇل

سېرىق، ئاق شاپتۇلمەن،
شېرىن شەربەت شاپتۇلمەن.
ماختىنىپ ئولتۇرمايمەن،
مانا شۇنداق شاپتۇلمەن.

ئۆرۈك

قەندەك ئۆرۈك ئېتىم بار،
خوپ ھەممىگە تەمىم بار.
مېغىزىمغا بېكىتكەن،
قەنتىم بار، ناۋاتىم بار.

ئالما

مەن سىزلەرنىڭ ئالمىڭىز،
خاملىقىمدا ئالماڭ سىز.
ئاي-چولپانغا ئىشىتىپ،
ۋاي قارنىم! دەپ قالماڭ سىز!

ياڭاق

مېڭە كەبىي پوستۇم بار،
بېشىم تولا، ئەقلىم بار.
«مېنى يېگەن دانىشمەن،
بولۇر» دېگەن نەقلىم بار.

تېرەك

مەن تېرەكمەن، تېرەكمەن،
مەن ھەممىگە كېرەكمەن.
ئاسمان مېنىڭ يەلكەمدە،
مەن ئالەمگە كېرەكمەن.

قارىغاي

بويۇن سوزۇپ قارىغاي،
يان ئەتراپقا قارىغاي.
دەر ئۇ: -بارچە دەرەختىن،
بەلەن ئاكاڭ قارىغاي!

گىلاس

مەن گىلاسمەن، قۇلاق سال:
رەڭگىم قىزىل، تەمىم بار.
تاپساڭ قوشماقلىرىمنى،
قۇلقىڭغا تاقىۋال!

مەجنۇنتال

بېشىم ئىگىك مەجنۇن ھال،
مەجنۇنتالمەن، مەجنۇنتال.
دەم ئالسىڭىز سايەمدە،
مەن سىزلەردىن مەمنۇن تال.

ئارچا

مەن ئارچىمەن، ئارچىمەن،
مەن خۇسەنمەن بارچىدىن.
ئەتراپىمدا ئايلىنىپ،
ھېچ چارچىماڭ، چارچىماڭ!

نەشپۈت

مېنى دەرلەر نەشپۈتى،
شەربەتلەرنىڭ شەربىتى.
مەزەلەرنىڭ مەزەسى،
لەززەتلەرنىڭ لەززىتى!

«ئۆزبېك بالىلار ئەدەبىياتى ئىنسكپىلودىيەسى»دىن

ئۆزبېكچىدىن ئۇيغۇرچىلاشتۇرغۇچى: ئابدۇرۇسۇل مۇھەممەد ئەلتۇغ

azat007

ما ئشنى

ئەلتۇغ

ئاران 3 قېتىم يوللىنىپتۇما؟ كومپىيۇتېرىم ئوبدان قوزغالماي تاس قالدى 30 قېتىم يوللىنىپ كەتكىلى...