ئوقۇتقۇچىلىق پەس كەسىپمۇ؟

xahdiyar46

                              ئوقۇتقۇچىلىق ئەڭ پەس كەسىپ ئىكەن دگەن بىر تېما توغرىسىدا
   مەن بۈگۈن  تور ئارىلاۋېتىپ  مەلۇم بىر ئويغۇرچە توردا ئوقۇتقۇچىلىق ئەڭ پەس كەسىپ دىگەن تېمىنى كۆرۈپ شۇنداق ئاچچىقىم كەلگەن ئىدى  بەكمۇ ئەپسۇس... بۇ تېمىنى 40 ياشتىن ئاشقان بىر ئوقۇتقۇچى يېزىپتۇ  شۇ سەۋەپتىن  بۇ كەسىپنىڭ پەسلىكى زادى نەدىدۇ دەپ ئويلاپ  كۆرۈپ بېقىش قارارىغا كەلدىم ھەم كۆرۈپ چىقتىم . ئۇ مۇنداق  دەپتۇ <1> مەن 18يىللىق خىزمەت سىتاژىغا ئىگە ئوقۇتقۇچى،  مائاشىم ئاران 2300يۈەن. مەن بۇ پۇل بىلەن ئايالىم، ئىككى بالام ، ئاتا -ئانام ۋە قېينىئاتا –قېينىئاناملارغا ياخشى قارىيالمىدىم، <2>ئوقۇغۇچىلارنى چىڭراق باشقۇرغىلى بولمىدى، <3>جەمىيەتتىكى ئورنىمىز تۆۋەنلەپ كەتتى  دەپتۇ.
     بۇ ئۇقۇتقۇچىنىڭ زارلىغىنى توغرا ئەمما بۇ كەسىپنىڭ ئەھلى تۇرۇپ بۇ كەسىپنى پەس كەسىپ دىگىنى توغرا بولماپتۇ. ئوقۇتقۇچىلىق كەسپى مەلۇم ناچار ئادەملەرنىڭ نەزىرىدە پەس كەسىپ دەپ قارالغىنى بىلەن ئەسلىدە ئىنتايىن ئۇلۇغ كەسىپ. ھەر ئىككى دۇنيالىقى بار كەسىپ. مائاش مەسىلىسىگە كەلسەك ھۆكۈمەت مائاشنى پەقەت شۇ ئادەم ئۈچۈنلا بېرىدۇ  مائاش ئېگىسى يالغۇز يىسە جېنىنى نورمال باقالايدۇ ئائىلىنى باقىمەن دىسە يەتمەيدۇ  ئەمما بىز ئاشۇ مائاش بىلەن قانداقلا قىلىپ بولمىسۇن ئائىلىنى بېقىشىمىز كېرەك. ھەقىقەتەن ئىش ھەققىمىز بەكلا تۆۋەن ئاش قالمايمىز.
5 S* I3 D3 P; |. r   ئوقۇغۇچىلارنى چىڭراق تۇتۇش مەسىلىسىگە كەلسەك  بىز خەق بەكمۇ نادان بەكمۇ گۆل خەق ئىكەنمىز . ئاۋۇ يولداشلارنىڭ بالىلىرىنى ئۇرسىمۇ گەپ قىلمىغان بىلەن بىز قاتتىقراق گەپ قىلىپ قويدۇقمۇ بولدى  ئەتىسىلا كاللىڭىزدا مۇش قاينايدۇ. بىز بالاڭنى ئوقۇتمايمەن دەپ قويىدىغان بولساق نادانلارغا ياغدەك گەپ بولىدۇ .ئۇلار شۇ ھامانلا مال باققىلى سالىدۇ ياكى موللامدا ئوقۇتىدۇ . ئاۋۇ خەقلەر  بالىلىرىنى سىنىپتىن چىقىرىۋەتسە ئوقۇتقۇچىغا يالۋۇرۇپ كېلىدۇ .
   جەمىيەتتىكى ئورنىمىزنىڭ نىمىشقا تۆۋەنلەپ كىتىۋاتقىنىنى مەنمۇ تازا ياخشى چۈشەنمەيمەن. بىزگە نەپ بېرىدىغان يەردە بىر ئادەم بولمىغان بىلەن بىزنى باشقۇرىدىغان يەردە ئادەم كۆپ. مەسىلەن : قوش لىنيەلىك باشقۇرىمىز دەپ يېزا -بازارلارنىڭ ئەسكەرلىكتىن قايتىپ كەلگەن سېكىرتارلىرى، يېزا – بازار باشلىقلىرى، كەنت سېكىرتار ۋە مۇدېرلىرى ھەتتا ئەتىرەت باشلىقلىرىدىن ئىبارەت قارا قوساق لاي پاچاقلارمۇ  باشقۇرىدۇ. ماۋۇ ئەپەندى خەق بىزنىڭ كەنت دەرىجىلىك كادىرلارنىڭ باشقۇرىشىغا بويسۇنماپتۇ دەپ كايىپ كىتىشلىرى بار تېخى. ئويلاپ باقسام بىزنىڭ ئورنىمىز ھەقىقەتەن بەك تۆۋەن ئىكەن.   يېزىلاردا  ئۆزىنىڭ تىل يېزىقىنى راۋان بىلماي تۇرۇپ بالامنى خەنسو  مەكتەپتە ئوقىتىمەن دەپ خەنزۇ مەكتەپكە بېرىدىغان ئەھۋاللار بەك كۆپ. خەنزۇ يەسلىگە بەرمىسە خەنزۇ مەكتەپكە ئالمايدۇ. خەنزۇ مەكتەپتە ئوقۇتۇش ئۈچۈن خەنزۇ يەسلىگە بىرىپ  يەسلىنىڭ تامىقىنى يىگۈزۈپ ئاندىن خەنزۇ مەكتەپكە  بېرىمىز  شۇنداق قىلغاندا بالىلىرىمىز ياخشى ئوقۇيدۇ. شۇنداق قىلىپ يېقىندىكى جا موللام يىراقتىكى دا موللام بولۇپ مىللى ئوقۇتقۇچىلارنىڭ ئورنى تەدىرجى تۆۋەنلەپ كىتىۋاتىدۇ.
- H/ O( g# d6 w    يۇقارقىدەك سەۋەپلەر تۈپەيلى  ئوقۇتقۇچىلىق كەسپى پەس بوپ قالدىمىكىن،
      

ADiL

مەنغۇ ئۇ تېمىنى كۆرۈپ باقماپتىمەن، ئەمما شۇنى دېگەن ئادەمنىڭ چوقۇم نېرۋىسى جايىدا ئەمەس.
جاپاسىنى، مائاشنىڭ ئازلىقىنى،..... دەپلا پەس كەسىپ دېسە قانداق بولىدۇ؟
بۇ سىز دېگەندەك ھەقىقەتەن ئىككى دۇنيالىقى بار كەسىپ، ئەمما ھازىرقى مەسىلە پەقەت ھۆكۈمەتنىڭ كۆڭۈل بۆلۈشى يىتەرلىك بولمايۋاتقان، ئوقۇتقۇچى يېتىشمەسلىك ئېغىر بولغان بىر دەۋىردە تۇرىۋاتقانلا يېرىمىز بار، ھەممە ئىشلار ئاستا-ئاستا ياخشى بولۇپ كېتىدۇ ئەمەسمۇ.

جام

  |5 S2 t5 G) w. T& Z
مەن مۇنبەرنى ئېچىپلا بۇ تېمىنى كۆرۈپ جان- پىنىم چىقىپ كەتكىلى تاسلا قالدى. سەۋەبى كۆپچىلىككە ئايان بولغىنىدەك، ئوقۇتقۇچىلىقنى ئۇنداق قەبىھ سۆز بىلەن ھاقارەتلەشكە بولمايدىغانلىقىدىن تاشقىرى، مەن ئۆزۈم گەرچە مۇشۇ كۈنلەردە مەلۇم سەۋەبلەر تۈپەيلىدىن بۇ ئۇلۇغ كەسىپ بىلەن شوغۇللانمىغان بولساممۇ بىراق، مەنمۇ بىر ئوقۇتقۇچى ئائىلىسىدىن كېلىپ چىققانلىقىم ھەم ھازىرغا قەدەر تەڭ ئۆمرۈمنى دېگۈدەك مائارىپ ساھەسىدە ئۆتكۈزۈپ، بىر ئۆمۈر ئۆزۈمنى «مائارىپ سىرتىدىكى مائارىپچى» دەپ ھېس قىلىشقا ئەھد قىلغانلىقىمدەك يۈكسەك دۇنيا قارشىمنىڭ سەۋەبىدىن، دەرھال بۇ تېمىنى كۆرۈپ، شۇ تاپتا ئىنكاس يېزىپ ئولتۇرۇپتىمەن.
مەن ھازىر بۇ ئىنكاسىمدا ئارتۇقچە گەپ قىلغۇممۇ يوق. سەۋەبى: بىرسى كۈننىڭ ئەتىگىنىدە ئۆز كۆڭلۈمنى ئارتۇقچە ئاۋۇندۇرۇپ غەش قىلغۇم يوق، يەنە بىرسى بۇنچىۋالا ئەزۋەيلەپ قايناپ كېتىشمۇ ئانچە بىھاجەت. بىراق، نېمىلا بولمىسۇن ئىنكاس يازغان ئىكەنمەن، بىر- ئىككى ئېغىز بولسىمۇ سۆز قىلغۇم كەپ قالدى.
ئوقۇتقۇچىلىق- ھەقىقەتەن شاھدىيار 46 ۋە ئاتامان ئادىل ئەپەندىم، شۇنداقلا زور كۆپ قىسىم كۆپچىلىكنىڭ قارشىدەك ئىنتايىن ئۇلۇغ بىر كەسىپ، بىراق ھەر دەرىجىلىك ھۆكۈمەتلەرنىڭ مائارىپ ساھەسىگە بولغان ھەقىقىي پوزىتسىيەسى، سىياسىتى شۇنداقلا مائارىپ ساھەسىدىكى بىرقىسىم ئۆز كەسپى، ئۆز بۇرچىنىڭ نېمە ئىكەنلىكىنى بىلەلمەي، جان بېقىش كويىدىلا يۈرگەن ئاز ساندىكى نامدا ئوقۇتقۇچى، ئەمەلىيەتتە نېمىلىكىنى بىلگىلى بولمايدىغان يولداشلىرىمىزنىڭ سەۋەنلىكلىرى، مۇشۇ ئون نەچچە يىل مابەينىدە دىيارىمىز مائارىپىدىكى مۇھىم «خىزمەت» بولغان «ئىككى ئاساسەن» نى يوقىرىغا ئۆتكۈزۈپ بېرىش جەريانىدىكى قالايمىقانچىلىقلار تۈپەيلىدىن، جەمئىيەتتە، ھەتتا مائارىپ ساھەسىنىڭ ئىچكى قاتلىمىدا مۇشۇنداق مائارىپنى «پەس» كۆرىدىغان قاراش شەكىللىنىپ قالغىلى تۇردى. بۇنداق قاراشنىڭ پەيدا بولۇش مەنبەسى مېنىڭچە كۆپ تەرەپلىككە، مۇرەككەپلىككە ئىگە، لېكىن، ھەقىقى كېلىپ چىقىش مەنبەسىنى يەنىلا يوقىردا نەقىل كەلتۈرۈپ ئۆتكەن ئامىللاردىن ئايرىپ قاراشقا بولمايدۇ.
شۇنداق بولسىمۇ، ھەرقانچە بىر غەزىپىمىز تۇتقان تەقدىردىمۇ بىر ئوقۇتقۇچى بولغان ئادەمنىڭ ئۆز ئېغىزى بىلەن جەمئىيەتكە: «ئوقۇتقۇچىلىق پەس كەسىپ» دەپ جاكارلىشى تازا نورمال ھادىسە ئەمەس. شۇنداق بولسىمۇ ئاشۇ ئوقۇتقۇچىنىڭ بۇ سۆزلەرنى قىلىشقا كۆرسەتكەن سەۋەبلىرىنى ئازراق بولسىمۇ تەھلىل قىلىپ بېقىشىمىزغا مۇۋاپىقمۇ- ئەمەسمۇ؟ (ھۆرمەتلىك ئادىل ئاتامان، سىزنىڭ ئەشۇ سۆزنى قىلغان ئوقۇتقۇچىنىڭ نېرۋىسى جايىدا ئەمەس دېگەن سۆزلىرىڭىز قارىماققا توغرا، كۆپ قىسىملارمۇ، ھەتتا مەنمۇ شۇ قاراشقا قوشۇلساقمۇ، بىراق، شۇنىسى ئايانكى، مۇشۇنداق قاتمۇ- قات بېسىم، ئەركىن- ئازادە ئوقۇتۇش مۇھىتىدىن مۇستەسنا قالغان، مائارىپنىڭ ئەقەللىي، بىردىنبىر ۋەزىپىسى بولغان ئوقۇتۇشقا مۇناسىۋەتسىز، قىسمەن ئورۇنسىزلىق بىلەن يۈكلەنگەن ۋەزىپە بىلەن تولغان مۇشۇنداق خىزمەت مۇھىتىدا نېرۋىسىدىن ئاداشقان، ئادىشىشقا باشلىغان ئوقۇتقۇچىلىرىمىز يالغۇز ئۇلا بولماسلىقى مۇمكىن).
ئەسلى مەن بۇ توغرىسىدا بەزى كۆز قاراشلىرىمنى، تەھلىللىرىمنى ئوتتۇرغا قويۇپ ئۆتمەكچى بولغان بولساممۇ، بىراق، بۇ ئىنكاسىمنىڭ باش قىسىمىدا ئىزاھلاپ ئۆتكەندەك، يەنىلا كۆپ گەپلەرنى قىلغۇم يوق. شۇڭا بۇ ھەقتىكى باشقا تەھلىل- قاراشلارنى كۆپچىلىك ئوتتۇرغا قويۇپ ئۆتسۈن دېگەن قاراشتا سۆزۈمنى مۇشۇ يەردە ئاخىرلاشتۇرۇشقا مەجبۇرمەن.

ablimitt

ئىچى قاينايدىغان ئۇقۇتقۇچىلار تىرىشىپ باللارغا ياخشى ئۈگىتىشى مۇئاش بىلەن مۇناسىۋەتسىز، ئۇقۇتقۇچىنىڭ مۇئاشى ئاشسا بۇ بىر يىڭى جان بىقىش يۇلى بۇلۇپ قىلىپ ، ئەۋلاتلارنىڭ تەربىيلىنىشى كىيىنكى ئورۇندا، يارىماسلارنى ئەپلەپ-سەپلەپ بۇ كەسىپكە كىرگۈزۋىلىش بىرىنچى ئورۇنغا ئۈتۈپ قالىدۇ.
بۇرۇنقى ئۇقۇتقۇچىلار شۇنچە ئاز مۇئاش بىلەنمۇ شۇنچە بالىلارنى ياراملىق قىلىپ يىتىشتۈرگەن، ئەمما ئۇلار ھەممە ئادەم تەرپىدىن بەك ھۈرمەتلىنىدىغۇ؟...
قانونسىز زەھەر سىتىش، قىمارخانا ىاراكتىرىدىكى ئۇيۇنچۇقخانىلارنى ئىچىش، شەكلى ئۆزگەرگەن مېھمانخانىلارنى ئاچقۇچىلار كۆپ كىرىم قىلىدىكەن،
  F% f" F+ z2 i* Eئۇلار ئۇلۇغ كىشىلەرمۇ؟!...

زۇبەيېر

ھى ھى ھى قىززىقكەنغۇ.

114

مەنغۇ ئوقۇتقۇچى ئەمەس لىكىن ئوقۇتقۇچىلارنىڭ جاپاسىنى خېلى بىلىمەن .ئوقۇتقۇچىلىق  پەس كەسىپ ئەمەس.

iltebir107

بىز تىلغا ئالغان بۇ تېمىنىڭ ماۋزۇسى خاتا قۇيۇلۇپ قالغان .لىكىن مەزمۇنى  ياخشى بۇلۇپ ئوقۇتقۇچىلارنىڭ ئەھۋالىنى خېلى ياخشى ئەكىس ئەتتۈرگەن.

شاھيار88

مەنچە بۇ ئۇقۇتقۇچىدا ساپا دىگەن ھۈجەيرە  تۇغۇلۇشىدىن كام ئىكەن، شۇنداقلا بىلىم سەۋيەسى بۇ كەسىپكە ماس كەلمەيدىكەن، ئۈزىنىڭ ھۆرمىتىنى ئۈزى قىلالمايدىكەن، بىلىمى ھەم ھۆرمىتى بولسا مۇنداق قاخشىماس ئىددى، جەميەتتە نۇرغۇن تۇرمۇشتا غۇربەتچىلىكتە ئۈتۈۋاتقان قېرىنداشلىرىمىز بار ئۇلارمۇ شۇ كۈنىگە شۈكرى ھەمدۇسانالارنى ئۇقۇپ كۈن ئۆتكۈزۋاتمامدۇ؟ مائاشنى ئاز كۆرسە كەسىپنى تاشلاپ تىجارەت قىلمامدۇ

BVRKVT

شاھيار88 سىز ئىنكاس يازغاندا ئوبىكتىپ ئەمەلىيەتنى چىقىش قىلماي. سوبيكتىپ ئىڭىڭىزغا تايىنپلا ئىنكاس يازىدىكەنسىز.سىز تىجارەتچى ياكى بىكارچى ئوخشايسىز.سىز ئوقۇتقۇچىلىق قانداق خىزمەت ئىكەنلىكىنى ئەسلا چۈشەنمىگۈدەكسىز.بۇ ئوقۇتقۇچىنىڭ يازغان تىمىسىنى ھەققى مائارىپ سىپىدە يەنە ئاساسىي قاتلامدا ئىشلىگەن ئوقۇتقۇچىلارلا ھىس قىلىپ يىتەلەيدۇ.دىمىسىمۇ بىز ئوقۇتقۇچىلارنىڭ مائاشى باشقا كەسىپتىكىلەرگە قارىغاندا ئازغۇ.بۇ ئوقۇتقۇچى دىگەن بەزى مەسىلىلەر ھەقىقەتەن ئەمەلىيەتتە مەۋجۇتقۇ.ئوقۇتقۇچىلارنىڭ مائاشتىن باشقا قوشۇمچە كىرىم يولى بولمىسا يا.بۇ ئۇقۇتقۇچىنىڭ ئوقۇتقۇچىلىق پەس كەسىپ ئىكەن دەپ تېما يىزىشىدىكى سەۋەپ شۇ سىز بىزنى ئوقۇتقۇچىلارنىڭ دەرىت ئەھۋالىنى چۈشەنسۇن دەپ يازغىنى. ھەرگىزمۇ چىن يۈركىدىن ئۇنداق يازغىنى ئەمەس.

KokZat

دۇنيادا پەس كەسىپ يوق،پەقەت پەس ئادەملەر بار.