شەھەردىكى كەچمىشلەر (ھېكايە)

hawas

شەھەردىكى كەچمىشلەر
/ z+ I. o: ~5 w- L）ھېكايە（
& B5 D9 v' G% c: P5 Gمۇھەببەت زاكىر
$ E" j- m! p0 r, ~# V

چەت، ياقا  بىر ناھىيىدە ئىشلەيدىغان بىر ئاغىنەمدىن بىر پارچە خەت تاپشۇرۇپ ئالدىم. خەت ئون نەچچە ۋاراق بولۇپ، ئۇنى سالام خەت دېگەندىن كۆرە .... نېمە دېسەم بولار، بۇ ئاداش كۆرگەن-بىلگەن، ئاڭلىغانلىرىنىڭ ھەممىسىنى يازغان ئوخشايدۇ. خالار خالىماس خەتنى ئاچتىم.
ـ ئاغىنە، ياخشىمۇ سىز ؟ـ دەپ يېزىپتۇ ئۇ خېتىدە ــ سالامەت تۇرىۋاتقانسىز؟ تۇرمۇشىڭىز كۆڭۈللۈك ئۆتۈۋاتامدۇ؟ مېنىڭچىغۇ سىزنى بەكلا «باشلىق» دەپ ئاتىغۇم بار ئىدى. ئەمما خوشامەت قىلغاندەك بولۇپ قالمىسۇن دەپ ھەم ئىككىمىزنىڭ كۆڭلىمىزنىڭ يېقىنلىقىدىن ئاغىنە دەپلا ئاتاۋەردىم. خاپا بولمايدىغانسىز؟
ھە، شەھەر تەرەپتىن  غەلىتە خەۋەرلەرنى ئاڭلايمىزغۇ؟ يېقىندىن بۇيان شەھەردە «ئاياللار رىستورانمۇ-رىستوران قاتار چاي ئويناپ، بالا باقىدىغان، تاماق ئېتىپ، كىر يۇيىدىغان ئىشلار ئەرلەرگە قاپتۇ» دېيىشىدۇ. مەن «مېنىڭ ئاغىنەم دېگەن چوڭ باشلىق، ئۇنداق تاماق ئېتىپ، كىر يۇيىدىغان ئىشلارنى قىلمايدۇ» دېسەم، ئاغىنىلىرىم پەقەتلا ئىشەنمىدى. ئۇلارنىڭ دېيىشىچە، شەھەرلىكلەرنىڭ ئەمىلى قانچە چوڭ بولسا خوتۇنىدىن شۇنچە بەك قورقامىش.
قارىغاندا شەھەردە ئەمەلدار بولغاندىن پۇقرا بولغان ياخشىدەك قىلىدۇ، يا شەھەرنىڭ پۇقرالىرىمۇ خوتۇنىدىن قورقامدىغاندۇ؟ ھە راست، شەھەردە ھازىر قىزلار توي قىلغاندا ئىككى-ئۈچ مىڭ يۈەنلىك گىرىم قىلدۇرۇپ، بىر-ئىككى ئايغىچە يۈزىنى يۇمايدىكەن دەيدۇ، بۇ گەپ راست ئەمەستۇ؟... مۇشۇ شەھەردىكى توقۇمچىلىق زاۋۇتلىرىنىڭ ۋەيران بولۇشى ھازىرقى ئاياللارنىڭ كىيىمنى تار ھەم قىسقا كىيىشى بىلەن  مۇناسىۋەتلىكمىكىن دەيمەن، قارىسىڭىز ئۇلارنىڭ مەيدىسى، يوتىلىرى ئوچۇقلا تۇرغان.
  J- _5 R" s- E, ?بىزنىڭ مەھەللىدە ئۈچ قىز بىر يىگىتنى تالىشىپ چاچلىشىپ، بوغۇشۇپ، ئۆلگىلى تاسلا قالدى دەڭا، تالاشقىنى تۈزۈكرەك بىر ئوغۇل بالا بولسا كاشكى. چاچنى دولىسىغىچە قويۇپ، ئۈچ ۋاقلىقىغا نەشە چېكىپلا يۈرۈيدىغان بىر ساراڭ بەڭگى ئىدى ئۇ. ئۇنىڭدىن كېيىن بويىغا يەتكەن قىزلىرى بارلار ئەنسىرەپ ئولتۇرالمايدىغان، تۆت ئادەم يىغىلىپ قالغان سورۇنغىمۇ قورقماي بارالمايدىغان بولۇپ قالدى.  توۋا دېگۈلۈكتە.
يېقىننىڭياقى  مۇشۇ ھاياتلىق توغرىسىدا تولا ئويلىنىدىغان بولۇپ قالدىم. ئەتىگەندە قوپۇپ تاماق يەيدىكەنمىز، كەچكىچە ئىشلەپ يەنە تاماق يەپلا ئۇخلايدىكەنمىز.  ھازىر ئادەم بىلەن ھايۋانلارنىڭ پەرقى بەك چوڭىيىپ كەتتىمۇ قانداق؟ ھايۋانلارنى مەخسۇس قوغدايدىكەنمىز، ئەمما ئادەملەرنىڭ ھېچبىر ئەتىۋارى يوق. ئويلىغانلىرىمنى ئاغىنىلىرىمگە ئېيتسام، ئۇلار «بۇ ئىشلارغا سەن بېشىڭنى قاتۇرما» دەپلا تۈگەتتى. تولا ئويلاپ، بېشىم ئاغرىپ، كېچىلىرى غەلىتە چۈشلەرنى كۆرىدىغان بولۇپ قالدىم. ئۆتكەن ئاخشام لىقلا بىر چامادان پۇل تېپىۋېلىپ ياستۇقۇمنىڭ ئاستىغا باستۇرۇپ يېتىپ چۈش كۆرۈپتىمەن. ئويغانسام پۇل يوق.... نەچچە كۈنگىچە خامۇش بولۇپ يۈردۈم.
9 Q" u( o- ]5 j+ yقايسى كۈنى ئەسكەر بولۇپ، جەڭگە قاتنىشىپ چۈش كۆرۈپتىمەن، تازا ھۇررا توۋلاپ، ھۇجۇم قىلىپ كېتىۋاتسام، قوناق مەدىكىدەك چوڭلۇقتىكى بىر پاي ئوق كېلىپ بېقىنىمغا تەگكۈدەك. ئاچچىقىم كېلىپ ھېلىقى ئوقنى ئاتقان خۇمسىنى تازا بىر قوياي دەپ ماڭسام، بىزنىڭكىلەر تۇتىۋالغۇدەك، ئۇلاردىن بوشىنالماي تىپىرلىغۇدەكمەن، تىللىغۇدەكمەن، ئاخىرى بولماي ھۆڭرەپ يىغلاپ كېتىپتىمەن. ئاخىرى ئايالىم ئويغىتىۋەتمىگەن بولسا قانچىلىك يىغلايتىمكىن تاڭ؟ ئويغانسام يېشىم ياستۇقنىڭ يېرىمىنى ھۆل قىلىپ بوپتۇ. ھېلىقى ئوق تەگكەن يەرنى ئاستا تۇتۇپ باقتىم، ئوق تەگكەن ئىز يوق، ئەمما بېقىنىم قاتتىق ئاغرىپ كېتىپتۇ. ئۆتكەن قېتىم شەھەرگە كىرگىنىمدىن خەۋىرىڭىز يوق ھەقاچان. ئۇ چاغدا سىز كاماندۇروپكىغا كېتىپتىكەنسىز، شۇڭا سىز بىلەن كۆرۈشەلمەيلا قايتىپ كەلدىم. ھەي ئۇ گەپلەرنى دەپ كەلسەم... مەن ئۆمرۈمدە ئۇنداق ئەخمەق بولۇپ، خورلۇق تارتقان ئەمەستىم.
3 v3 g+ R7 e' Z% K& Dشەھەرگە نۇرغۇن ئارزۇ-ئۈمىد بىلەن كېلىۋىدىم. ئەمما كېلىپ ئەتىسىلا كەلگىنىمگە جاق تويدۇم. قۇرۇپ كەتسۇن ئۇ «ئاجايىپ گۈزەل شەھەر» دەپ ماختاپ كەتكەنلىرى،  كۆزۈم كۆرمىسۇن ئەمدى ئۇ شەھەر دېگەننى، خۇددى مەن بۇ شەھەرگە جېەرىمانە تۆلىگىلى كەلگەندەك، ھە دېسىلا جەرىمانە قويغۇچىلارغا ئۇچراپلا تۇردۇم.
بىر كۈندە ساقمۇ-ساق ئەللىك كوي جېەرىمانە تۆلەپتىمەن. يەنە كېلىپ نەدىكى تايىنى يوق ئىشلارغا دەڭا، تازا نەس باستى... ئەتىگەندە تاماقنى يەپلا كوچا ئارىلاپ كېتىۋاتسام، بىرسى پېشىمنى تارتىدۇ، قارىسام سېرىق چاپان كىيگەن بىر ئايال بىر پارچە قەغەزنى تەڭلەپ: «تاماكا قالدۇقى ۋە ئەخلەتلەرنى قالايمىقان تاشلاشقا بولمايدۇ، سىز بەلگىلىمىگە خىلاپلىق قىلدىڭىز، ئون يۈەن جەرىمانە تۆلەيسىز» دەيدۇ.
1 _. T; i/ n) ]0 }7 s" b2 C: X3 sــ نېمە؟ بىر تال تاماكا قالدۇقىنى تاشلىغانغا ئون كوي تۆلەيمەنما؟
ــ شۇنداق، ئۇدۇل كەلگەن يەرگە ئەخلەت تاشلاشقا، تۈكۈرۈشكە بولمايدۇ. خىلاپلىق قىلغانلار جەرىمانە تۆلەيدۇ. شەھەرنىڭ مۇھىت ئاسراش بەلگىلىمىسىدە شۇنداق بەلگىلەنگەن. ئون يۈەن جەرىمانە تۆلەڭ.
- ۋاي نېمانداق قىممەت جەرىمانە بۇ؟ بىر تال تاماكا قالدۇقىنى تاشلىغانغا ئون كوي ئالىدىغان.
ـــ ئىشقىلىپ بەلگىلىمە شۇنداق.  مېنىڭ ئىشىم بەلگىلىمىگە خىلاپلىق قىلغانلاردىن جەرىمانە ئېلىش، پۇلنى تۆلەپ يولىڭىزغا مېڭىڭ...
/ k: j, t: U) G* E! F# m: Aتارتىشىپ باقتىم. بىراق بۇ ئايال ھېچبىر گەپ يەيدىغاندەك ئەمەس، ئاخىرى بولماي ئون كوي پۇلنى بېرىپ قۇتۇلدۇم. بىر تال تاماكىنىڭ قالدۇقىنى تاشلىغانغا ئون كوي تۆلىسەم... ئون كوي دېگەنگە بەش قاپ تاماكا كېلەتتىغۇ. ئىسىت، مېنىڭ ئون كۈن چېكىدىغان تاماكامنىڭ پۇلى كۆزى ئوچۇق كەتتى-دە.
2 n( p8 d% K7 ~* M- Gتەرىتىم قىستاپ يولنىڭ ئۇ تەرىپىدىكى ھاجەتخانىغا كىرەي دەپ، يولنى كېسىپ ئۆتمەكچى بولدۇم. ئەمما چوڭ يولنىڭ ئوتتۇرسىغا تۆمۇر رېشاتكا ئورنىتىۋاپتۇ ئەمەسمۇ. بۇ نېمە قىلغىنى ئەمدى؟ كۆز يەتكەن دائىرىدە ئۇ ياققا ئۆتىدىغان باشقا ئامال بولمىغاچقا، ئالدىراشچىلىقتا رېشاتكىدىن ئارتىلىپلا ئۆتتۈم. قاتناش ساقچىسى ئالدىمنى توستى، ئۇنىڭ قولىدىمۇ بىر پارچە قەغەز.
ــ قاتناش قائىدىسىگە خىلاپلىق قىلدىڭ، بەلگىلىمە بويىچە ئون يۈەن جەرىمانە تۆلەيسەن.
بۇ ساقچىنىڭ ئەلپازى بەكلا يامان. بىر نېمە دېسەملا ئاپىرىپ سولىۋېتىدىغاندەك قىلىدۇ. تېز بولمىسام چىقىپ كېتىدۇ. غىڭ قىلماي ئون كوينى بەردىم-دە، قەغەزنى ئېلىپ ھاجەتخانىغا قاراپ چاپتىم.
" t, X8 g* E: f) H/ yھاجەتخانىدا يەنە ئون كوي تۆلىدىم. سەۋەبى ئالدىرىغاندا تۇڭغا سىيمەي يەرگە سىيىپتىمەن، توۋا بىر قېتىم سىيىشىم ئون كويغا توختىدى ئەمەسمۇ. ئەگەر چوڭ تەرەت قىلىپ قاتتىقراق يەل قويىۋەتكەن بولسام، يەنە قانچىلىك قوياتتىكىن بۇ جەرىمانە دېگەننى. ھېلىمۇ خۇدايىم بىر ساقلاپتۇ.
يەنە «ئاممىۋىي سورۇندا تاماكا چەكتىڭ، يەرگە تۈكۈردۈڭ...» دەپ تۆلىگەن جەرىمانىمۇ بار تېخى. قىزىق ئىش، يەرگە تۈكۈرمەي نەگە تۈكۈرىدۇ ئادەم. شۇنىڭغا قاراپ بۇ شەھەرنىڭ ئادەملىرى تاماق يېمەي، تۈكۈرىكىنى يۇتۇپلا يۈرۈيدىغان خەق ئوخشايدۇ دەپ ئويلاپ قالدىم. ناۋادا بىرەرى كېتىۋېتىپ تاسادىپىي يىقىلىپ كەتسە  «قالايمىقان يىقىلدىڭ» دەپمۇ جەرىمانە ئالامدىكىن تاڭ بۇ شەھەرلىكلەر؟
ئادەم قورقماي تۇرۇپ يا تۈكۈرگىلى، يا ئوسۇرغىلى بولمىسا، بۇ شەھەر دېگەندە قانداق تۇرغىلى بولىدۇ؟
شۇ ئىشلاردىن كېيىن شەھەر دېگەندىن رايىم يېنىپ، يۇرتقا قايتىپ كەتمەكچى بولدۇم. تىنچلىق بولسا ئەتە ئەتىگەندە يۇرتقا قاراپ يولغا چىقىمەن. شۇنىڭغىچە يەنە پالاكەت بېسىپ جەرىمانە تۆلەپ يۈرمىسەملا بولاتتىغۇ. خۇدايىم ساقلا.
# n7 n" q3 I# ^  R/ lيۇرتقا بېرىۋالسام، ئۇ يەردە ھېچكىم جەرىمانە دېمەيدۇ. ئادەملەردىن تارتىپ ئىت- مۈشۈكلەرگىچە شۇنداق ئەركىن، نېمىنى خالىسا شۇنى قىلىدۇ. سىيگۈسى كەلسە سىيىدۇ، تۈكۈرگىسى كەلسە تۈكۈرىدۇ، ھەتتا قالايمىقان يىقىلسىمۇ بولىۋېرىدۇ، بۇنىڭغا ھېچكىم جەرىمانە قويمايدۇ. ھەي ئادەمگە ئۆزىنىڭ يۇرتى نېمە دېگەن ياخشى-ھە!
& N: q/ _2 b& r/ `# q+ ~* c  Tشۇ خىياللار بىلەن ئەتىكى سەپەرنىڭ  تەييارلىقىنى قىلىپ ئولتۇراتتىم تۇيۇقسىزلا ياتاقنىڭ ئىشىكى چېكىلدى. ئاچسام ئاپپاق ساقاللىق بىر بوۋاي ئىكەن. ئادىتىمىز بويىچە قوش قوللاپ قىزغىن كۆرۈشۈپ، ياتاققا باشلىدىم. بوۋاي كارىۋاتقا جايلاشقاندىن كېيىن دۇئاغا قول كۆتۈردى، مەنمۇ ئەگىشىپ (گەرچە ھېچ نەرسە بىلمىسەممۇ) دۇئا قىلدىم.
/ G6 c$ Y' [* x- u% a" U% w' V: I: r1 \ـــ بارىكاللا ئوغلۇم ـــ دېدى بوۋاي دۇئادىن كېيىن ـــ ئەدەپ-ئەخلاقلىق، تەربىيە كۆرگەن بالىكەنسەن، ياخشى ئائىلىنىڭ بالىسىدەك قىلىسەن، كۆز تەگمىسۇن ئىلاھىم.
بوۋاينىڭ ماختاشلىرىدىن كۆڭلۈم كۆتۈرۈلۈپ، خېلى خوش بولۇپ قالدىم. بوۋاي ناھايىتى پاراڭچى ئادەم ئىكەن. ئۇنىڭ پاراڭلىرىغا قوشۇلۇپ، ھە-ھۇ دەپ ئولتۇراتتىم، ئوچۇق ئىشىكتىن ئۈستى-بېشى جۇل-جۇل، چاچلىرى چۇۋۇق، چىرايىنى كىر باسقان 12-13 ياشلاردىكى بىر قىز كىرىپلا يىغلاپ تۇرۇپ بوۋايغا دەرت تۆكۈشكە باشلىدى.
5 m& u( g$ U$ O% l5 h! E9 C$ `ــ ئۇكام ئاغرىپ قالدى، دوختۇرخا ئاپارساق، ئالدىن پۇل تاپشۇرۇڭلار دەيدۇ. ئىككى كۈن بولدى ئۇ بىچارە ئۇكام ھېچ نەرسە يېمىدى ھى- ھى-ھى....
بالىنىڭ ياشلىرى يامغۇردەك تۆكۈلمەكتە. تۇرقىدىن بىچارىلىك چىقىپ تۇرىدۇ. ئۇنىڭ بىچارە ھالىتىگە قاراپ ئىچىم سېرىلىپ كەتتى.
1 T! F* `5 i8 Q4 X( N4 iــ يىغلىما بالام ـــ دېدى بوۋاي بالىنىڭ بېشىنى سىلاپ تۇرۇپ، ـــ بىر ئامالىنى قىلارمىز، خۇدايىم شىپالىق بەرسە ئۇكاڭمۇ ساقىيىپ قالارــ بوۋاي شۇنداق دەپ خۇرجۇننى يېشىپ بىر تۇتام پارچە پۇلنى  ئېلىپ بالىنىڭ قولىغا تۇتقۇزدى.
ــ مە، ماۋۇ پۇلنى ئېلىپ ئۇكاڭنى دوختۇرخانىغا ئاپارغىن.
: M. N6 a5 d, Q5 lمەن ئۇنچىلىك پۇل بىلەن بۇ شەھەردە دوختۇرغا كۆرۈنگىلى بولمايدىغانلىقىنى ئوبدان بېلەتتىم.
ـــ بالام ـــ دېدى بوۋاي ماڭا قاراپ، ئەھلى مۇسۇلماننىڭ بالىسى ئىكەنسەن، بۇ بىچارىنىڭ ھالىنى كۆرۈپ تۇرۇپسەن. ئۇكىسى ئاغرىق ئىكەن، سەنمۇ ياردەم قولۇڭنى سۇنۇپ قوي، ساۋاب بولىدۇ، ئۇنىڭدىن يانمىسا خۇدايىمدىن يانار،ـــ بالام ياردەم قىل.
بالىنىڭ بىچارە تۇرقىغا، سارغايغان چىرايىغا، تاراملاپ ياش تۆكۈلۈپ تۇرغان كۆزلىرىگە قاراپ
ئىچىم ئاغرىدى. يانچۇقۇمدىن  پۇلنى چىقىرىپ، ئەتە كىراغا يەتكۈدەك پۇلنى ئايرىۋېلىپ، قالغىنىنى بالىنىڭ قولىغا تۇتقۇزدۇم.
" F; c. O4 g5 hـ ئېلىڭ، ئۇكىڭىزنى ياخشى داۋالىتىڭ.
) n7 I& n. d' bمېنىڭمۇ يېتىملىك چاغلىرىم ئېسىمگە كېلىپ، كۆزلىرىمگە ياش كەلدى.
' y# y4 c. R$ C, k/ Q8 eــ رەھمەت ئوغلۇم، ئاقكۆڭۈل بالىكەنسەن، خۇدايىم بەختىڭنى بەرسۇن، ئۆمرۈڭنى ئۇزۇن، دۆلىتىڭنى زىيادە قىلسۇن، ئامىن...
/ c- a$ H/ _, Q# b8 Iبوۋاي قىسقا دۇئا قىلغاندىن كېيىن ئورنىدىن تۇرۇپ، مېڭىشقا تەمشەلدى ھەم ھېلىقى بالىغا دېدى:
8 H# u) I0 @- F( n( h- Oــ يۈر بالام، ئاكاڭغا رەخمەت دە، ئەمدى ئۇكاڭنى دوختۇرخانىغا ئاپىرايلى.
+ Y% {1 s  d  Aبالا ماڭا رەخمەت ئېيتىپ بىرنەچچىنى تازىم قىلغاندىن كېيىن، بوۋايغا ئەگىشىپ چىقىپ كەتتى.
ئۇلار چىقىپ كېتىپ ئۇزۇن ئۆتمەي، كۈتكۈچى قىز چاي كۆتۈرۈپ كىردى ۋە مەندىن:
ـــ بايىقى ئادەم تونۇشىڭىزما؟ نېمىگە كىرىپتۇ؟ ـــ دەپ سورىدى چاي قۇيغاچ.
8 d8 Y' ]  h2 O  ~8 b% zـــ ياقەي، مەنمۇ تونۇمايمەن.
& U. V2 W3 T2 _- A1 w: N3 f6 Tـــ ھېلىقى بالىنىچۇ؟
ــ ھە بىچارە قىز، ئۇكىسى ئاغرىپ قاپتىكەن، داۋالىتالماي ئاۋۇ بوۋاينىڭ يېنىغا پۇل سوراپ كىرىپتىكەن، ئىچىم ئاغرىپ مەنمۇ ئازراق پۇل بەردىم.
3 ~; X0 z9 f- f1 Gــ راستما؟ قانچىلىك بەردىڭىز؟ــ قىز ھەيران بولۇپ سورىدى.
( _" g* y- {6 J1 B) |  eـــ يۈز كوي بەردىم.
1 h# |, Q0 n& i/ K5 ^( _ـــ بەك ئاق كۆڭۈل، مەرت ئىكەنسىز، ھەم بەكلا ئەخمەق ئىكەنسىز. ئۇ دېگەن بوۋاي ئەمەس، بەلكى بىر ئالدامچى، تېخى ئەللىك ياشقىمۇ كىرمىگەن ئادەم ئۇ. ھېلىقى بالا بىلەن ئىككىسى بىرلىشىپ سىزگە ئوخشاش ئاقكۆڭۈل، ئەخمەقلەرنى ئالداپ جان باقىدۇ. ئىست سەل بۇرۇنراق كىرگەن بولسام سىزمۇ ئۇنچىلىك  زىيان تارتماس ئىدىڭىز. يۈز كوي بەرسىڭىز تومۇچۇقتەك قىزدىن بىرسى سىزگە كېچىچە ھەمرا....
ــ نېمە؟ ئالدامچى!... ــ ئالدىراپ سىرتقا مېڭىۋىدىم، كۈتكۈچى قىز مېنى توساپ:
, Q4 H1 f6 T+ E8 K* q2 Tــ بولدى چىقماڭ، ئەمدى ئۇلارنى ھېچيەردىن تاپالمايسىز، تاپسىڭىزمۇ پۇلىڭىزنى قايتۇرۇپ ئالالمايسىز ــ دېدى.

مەن جايىمدا ئولتۇرۇپ قالدىم. «خۇدا ئۇرغاننى خۇدابەردى قوشلاپ ئۇرۇپتۇ» دېگەن شۇدە. توۋا، ئاجايىپ شەھەركەن بۇ، ماڭساڭمۇ پۇل، تۇرساڭمۇ پۇل... ھەممىسى ئالىمەنلا دەۋاتقان. خۇدايىم جاجاڭنى بېرەر ھۇ ئالدامچىلار...
; ?: p$ Q( `  u/ C, H/ G! C1 v$ sئاچچىقىمدا بوغۇلۇپ سۆزلەپ كېتىپتىمەن. كۈتكۈچى قىز:
ـــ خەقنىڭ نەچچە مىليونلاپ پۇلىنى قويۇۋەتكەن قويمىچىلار بىلەن كارى بولمايۋاتقان يەردە، سىزنىڭ يۈز كوي پۇلىڭىزنى دەپ خۇدايىم ئۆزىنى ئاۋارە قىلىپ يۈرەمتى ــ، دېدى ھەم مېنى مەسخىرە قىلغاندەك كۈلۈپ قويۇپ چىقىپ كەتتى.
% _- F9 ]4 t1 R5 lتۇرۇپ ئويلاپ قالدىم. ئەڭ ياخشىسى نەس باسقان بۇ شەھەردىن تېزرەك كېتىۋالاي.  يەنە بىر- ئىككى كۈن تۇرۇپ قالىدىغان بولسام، ئەسلى-ۋەسلىمدىن ئايرىلىپ يۇرتۇمغىمۇ كېتەلمەي قالىدىغان ئوخشايمەن.
يۈك-تاقىلىرىمنى يىغىشتۇرۇپلا كېچىلىك ئاپتوبۇسقا ئولتۇرۇپ يولغا چىقتىم، ئەسلىدە يەنە بىر نەچچە كۈن تۇرۇپ بۇ شەھەرنى ئوبدانراق بىر تاماشا قىلىپ كەتمەكچى ئىدىم. بۇ پىلانىممۇ سۇغا چىلاشتى. ئەمدى ھەر نېمە بولسىمۇ يۇرتقا ساق-سالامەت بېرىۋالسام بولاتتى. خۇدا ئۆزەڭ ساقلىغايسەن.
ئاپتوبۇستا چايقىلىپ ئولتۇرۇپ قاچانلاردا ئۇخلاپ قالدىمكىن-تاڭ؟ كېچىچە جەرىمانە تۆلەپلا چۈشەپتىمەن.
8 e0 y4 Z7 {( _/ v
, v( Y( k6 F/ O* J6 ?(ئاپتور: ئاۋات ناھىيەلىك مۇھىت ئاسراش پونكىتىدا)
مەنبە: «دولان» ژۇرنىلىنىڭ سانى
( L  y- Z8 b* Y

muslima

ناھايتى ياخشى يېزىپسىز ،بەزدە ئاقكۈڭۈللۈك ،رەھمدىللكمۇ ئادەمنى ئەخمە ق بولۇشقا باشلاپ قۇيدىكەن .

بەرىكەت

      ھېكايە دىگەن مۇنداق بولمامدۇ!!تازا قىزىقىپ ئۇقۇپتىمەن .مەمتىمىن ھۇشۇرنىڭ پۇرىقى بارمۇ قانداق؟

hawas

يازغۇچىنىڭ بەدئىي دېتى كىشىنى سۆيۈندۇرىدۇ.......
1 f  Y9 n. e$ f( K4 ^- _

سەلكىن01

بۇ ھېكايە بەك ياخشى يېزىلىپتۇ. باشتىن- ئاخىر قىزىقىش ئىچىدە ئوقۇپ چىقتىم.ئاپتۇرنىڭ تىل ئىشلىتىش جەھەتتىكى ماھىرلىقى، بەددىي دىتى ۋە تەپەككۈر ئىقتىدارىغا قايىل بولدۇم. شۇنداقلا ھەۋەس ئۇستازنىڭ روھلان تورى ئارقىلىق بۇ نادىر ھېكايىنى ئوقۇش پۇرسىتى يارىتىپ بەرگىنىدىن بەك سۆيۈندۈم. داۋاملىق نادىر تېمىلارنى يوللاپ تۇرغايسىز...

تاڭنۇر1

بۇ ھىكايە ھەقىقەتەن ئۆزگىچە پۇراقتا يېزىلغان ھىكايە ئىكەن،بەك ياخشى يېزىلىپتۇ.بۇنىڭدىن كىيىنمۇ داۋاملىق مۇشۇنداق ياخشى ئەسەرلەرنى يوللاپ تۇرغايسىز.