بالا تەربىيىلەشتە سەككىزگە دىققەت قىلىڭ

tagor · ۋاقتى: 2012-5-4 00:12:15

1.بالىڭىزنى كىچىك چىغىدىن باشلاپ تەربىيىلەڭ.ئۇنىڭ ساپ،پاك قەلبىگە گۈزەل خۇلق ئۇرۇقلىرىنى چىچىڭ،ئادەمگەرچىلىك ۋە مىھىربانلىقنىڭ قانداق بولىدىغانلىقىنى بىلدۈرۈڭ. لازىم تىپىلسا بىر ئاز يۇمشاق ۋە قاتتىق قولمۇ بولۇڭ.
2.بالىڭىز خاتالىق ئۆتكۈزۈپ قويسا ئۇرۇپ-تىللاپ،دىلىنى رەنجىتمەڭ،دوست ۋە ساۋاقداشلىرى ئالدىدا تەنقىد قىلماڭ.
3.كىشلەرنىڭ قەدىر-قىممىتى پەقەت ئۆزىنىڭ غەيرەت-شىجائىتىگە باغلىق ئىكەنلىگىنى،ھەركىم ئۆز ئىشىنى ئۆزى قىلىش كىرەكلىكىنى بالىڭىزغا بىلدۈرۈڭ.ھورۇنلۇقنىڭ،باشقىلارنىڭ نەرسىسىنى ئىلىۋېلىشنىڭ،ئوغۇرلۇق قىلىشنىڭ ناچار ئىللەت ۋە جىنايەت ئىكەنلىگىنى چۈشەندۈرۈڭ.
4.ئەگەر بالىڭىز بىر ئۇلۇغ ئىشقا تۇتۇش قىلسا،ياردەم قىلىڭ،زۆرۈر تېپىلسا بۇ يولدا پۇلنى ئايىماڭ.
5.مال-دۇنيارىڭىزنى ئۇلارنى تەربىيىلەش،ئۇلارنىڭ ئىلىم،ھۈنەر ئۈگىنىشىگە سەرپ قىلىڭ،بىلىمنىڭ پۈتمەس-تۈگىمەس بايلىق ئىكەنلىگىنى چۈشەندۈرۈڭ.
6.بالىلىرىڭىزنىڭ ھەممىسىنى ئوخشاش كۆرۈڭ،سوۋغات بەرگىنىڭىزدە ھەممىسىگە ئوخشاش بىرىڭ،بىرەرسىگە يوشۇرۇنچە بەرمەڭ.مۇنداق قىلىش بالىنى يالغانچىلىق،خىيانەت قىلىشقا ئۈگىتىدۇ.ئۇنىڭ كۆڭلىگە بىخىللىق،ئۆزىنىڭ پايدىسىنىلا كۆزلەشكە ئوخشاش ئۇرۇقلانى چاچىدۇ.
7.بالىڭىز ئىشقا يارىغۇدەك بولغاندا،ئۆز كەسپىڭىز،ھۈنۈرىڭىزنى ئۈگىتىڭ،كۈندىلىك تۇرمۇش قائىدىلىرىنى بىلدۈرۈڭ،ئۇلار جەمىيەتنىڭ ياراملىق ئەزالىرىدىن بولۇپ يىتىلسۇن.
8.ۋاختى يەتكەندە ئوغۇللىرىڭىزنى تەربىيە كۆرگەن ئائىلىنىڭ قىزلىرىغا ئۆيلەندۈرۈڭ،قىزلىرىڭىزنى تەربىيە كۆرگەن،ئەدەپ-ئەخلاقلىق يىگىتلەرگە ياتلىق قىلىڭ،ھەشەمەتلىك،داغدۇغىلىق توي قىلىشتىن ساقلىنىڭ،ئوغۇل-قىزلىرىڭىزغا بەرگەن گۈزەل تەربىيىڭىز داغدۇغىلىق ئۆتكۈزگەن تويلىرىڭىزدىن،قالدۇرغان مىراسلىرىڭىزدىن ئەۋزەلدۇر.

kalkvn117117 · ۋاقتى: 2012-5-4 04:15:11

كەلگۈسىنىڭ ئېگلرىنى تەربىيەلشكە سەل قاراشقا بولمايدۇ .