باراۋەرلىك ئىستىكى

turditohti

sultan777 يوللىغان ۋاقتى  2013-6-26 01:04
- باراۋەرلىك  مەڭگۈ ئەمەلگە ئاشمايدىغان غايە بولسىمۇ ش ...

توغرا دەيسىز،بىز ئۇنىڭغا ئىنتىلىمىز،بۇ ئىنتىلىش جەريانى ئەمىليەتتىكى ھەركەت جەريانىدۇر.
سىزگە سالاملار بولسۇن!

turditohti

(4)
ئىنسانلار ياشىغان جۇغراپىيىلىك مۇھىت ئىنسانلارنىڭ ياشاش شارايىتىدىكى تەڭسىزلىكلىرىنى كەلتۈرۈپ چىقىرىش بىلەن،ئۇ يانا ئۆزىدىكى يادۇرولۇق تۆت زاتنىڭ تەسىرى بىلەن ئىنسانلارنىڭ شەكىل جەھەتتىكى باراۋەرسىزلىكىنىمۇ كەلتۈرۈپ چىقىرىپ،ئىنسانلارنىڭ ئېرقى كەمسىتىش مەسىلىسىنىڭ پەيدا بولىشىدا ئاكتىۋال روللارنى ئوينىغان.
ئادەملەر ياشاشتا ئاساسلىق ھاۋا،سۇ،ئوت،تۇپراقنىڭ تەسىرىگە بىۋاستە ئۇچرايدۇ،شۇنداقلا ئۇلار بىلەن ئۆزىنىڭ مەۋجۇتلىقىنى،ھاياتى پالىيەتلىرىنى داۋاملاشتۇرۇدۇ.ئىنسانلار ئۆزىنىڭ ئېتىياجىنى ئاساسلىق ھالدا يۇقىردىكى تۆت ئامىلغا تايىنىپ قاندۇرىدۇ.
ئىنسانلارنىڭ ئولتۇراقلاشقان شارايىتىنىڭ ئوخشاش بولماسلىغى،ھاۋا مۇھىتى،سۇنىڭ تەركىۋى،تۇپراقنىڭ ئوخشىماسلىغى ۋە ئوتتىن پايدىلىنىش سەۋىيەسىنىڭ ئوخشىماسلىغى قاتارلىقلار ئىنسانلارنىڭ سىرتىقى شەكلى ۋە ئېرىقى ھالىتىنى شەكىللەندۈرۈشتە مۇھىم روللارنى ئوينىغان بولىدۇ.
ئىلمىي تەتقىقاتلارنىڭ نەتىچىسى ئىنسانلارنىڭ نەسلىگە تارتىشتەك قان بىرلىگىنىڭ رولىغا بارغانچە مايىللىشىۋاتقان بولسىمۇ، تېخى مۇھىت ئامىلىنىڭ رولىنىمۇ بىر پۈتۈن چەتكە قاققىنى يوق،ئىلمىي تەتقىقاتلار مۇھىتنىڭ تەسىرىنىڭمۇ ئىنتايىن مۇھىم ئىكەنلىگىنىمۇ ئېتىراپ قىلىدۇ.بىر قىسىم پەيلاسوپلار مۇھىت ئامىلىنى ئىرسىيەت ئامىلىدىنمۇ مۇھىم ھىساپلىشىۋاتىدۇ.مەيلى قانداقلا بولىشتىن قەتتىئى نەزەر ئىنسانلارنىڭ ياشىغان شارايىتىنىڭ ئىنسانلارنىڭ مىجەز-خارەكتىرى،رەڭگى،جىسمانى سۈپىتى...قاتارلىق جەھەتلىرىگە ئاز بولمىغان تەسىرلەرنى كۆرسىتىدىغانلىغى ھەممىمىزگە سىر بولمىسا كېرەك.
يۇقىرقىدەك ياشاش شارايىتى ئىنسانلارنىڭ سىرتقى شەكىلنىڭ(تېرىسىنىڭ رەڭگىنىڭ)ئوخشاش بولمىغان رەڭلەردە ئىپادىلىنىشكە تەسىرلەرنى كۆرسىتىپ.ئىنسانلارنىڭ رەڭ چۈشەنچىسى ئارقىلىق ئىنسانلارغا باھا بىرىشتەك بىر يۈزەكىلىكنى ئىنسانلار دۇنياسىدا بارلىققا كەلتۈرۈپ،ئۇلار ئوترىسىدىكى قانلىق تارىخنىڭ شەكىللىنىشىگە سەۋەپچى بولغان ئامىللارنىڭ بىرسىگە ئايلانغان.
دىنىي چۈشەنچىلەردىن قارىغاندا دۇنيادىكى ھەممە ئىنسانلار ھاۋا ئانا بىلەن ئادەم ئاتنىڭ نەسلىگە تەۋە،بۇ نوقتىدىن قارىغاندا ئۇلارنىڭ چىرايى ۋە رەڭگىدە بۇنداق زور پەرىقلەر بولماسلىغى كېرەك ئىدى.بۇ نوقتىمۇ بىزگە ياشاش شارايىتىنىڭ ئوخشىماسلىغنىڭ يۇقىرىقىدەك پەرىقلەرنى شەكىللەندۈرۈپ،ئىنسانلار ئارىسىدىكى ئېرقى ۋە مىللى كەمسىتىشنى مەيدانغا كەلتۈرگەن ئامىللارنىڭ بىرسىگە ئايلانغانلىغىغا بىزلەرنى ئىشەندۈرۈدۇ.
بۇ پەرىقلەر ئىنسانلار ئارىسىدا مىللى زۇلۇمنى نامايەندە قىلىپ،مىللەتلەرگە ئېغىر بالايى-ئاپەتلەرنى ئېلىپ كەلگەن.بۇ بالايى-ئاپەتلەر ئەمىليەتتە مىللى باراۋەرسىزلىكنىڭ مىللى كەمسىتىش ۋە مىللى زۇلۇم سۈپىتىدە ئىپادىلىنىشتىن باشقا نەرسە ئەمەس ئىدى. بۇ بالايى-ئاپەتلەر يەنە ئىنسانلارغا باراۋەرسىزلىك ئېڭىنى ئاتا قىلغان بىر رىياللىق ئىدى.
ئىنسانلار ئارىسىدىكى بۇ باراۋەرسىزلىك ھەرقايسى مىللەت كىشىلىرى ئىچىدە يەنە مىللەت چۈشەنچىسى،قان بىرلىگى چۈشەنچىسى،ئەجدات چۈشەنچىسى،مەدىنىيەت چۈشەنچىسى،پىسخىك خارەكتىر چۈشەنچىسىنى ئۇلۇغلاشتەك ئۆزىگە-ئەجدادىغا تىۋىنىش ئىستىكىنى تېخىمۇ يۇقىرى سەۋىيەدە نامايەن قىلغان، ئىدىلوگىيە چۈشەنچىسىنى تېخىمۇ يۇقىرى باسقۇچقا كۆتۈرۈپ،مىللەتلەر ئارا چۈشىنىش،ئىشىنىش  دېرىجىسىنى تۈۋەنلىتىۋېتىشتەك ئىنسانلار ئەمىليىتىنى شەكىللەندۈردى.
يانا بىر جەھەتتىن ئىنسانلار ئارىسىدىكى ئېرقى كەمسىتىش ئىنسانلار ئېڭىدا بارەۋەرلىك ئىستىكىنى ئويغاتتى.رەڭگىنىڭ ئۆزگۈچە بولۇپ قېلىشنىڭ تەمىنى تېىغان،مىللى كەمسىتىش ۋە زۇلۇمنىڭ دىشۋارچىلىقلىرنىڭ قۇربانىغا ئايلانغان كىشىلەر چۇقۇم تۇغۇلغاندىن كىيىن ئادەمدەك ياشاش،رەڭ پەرقىنىڭ قۇربانى بولۇپ كەتمەسلىك،ئۆزىنىڭ ياشاش ھۇقۇقىنى قوغداش يوللىرىدا توختىماستىن كۈرەشلەرنى قىلىپ،باراۋەركىنى قولغا كەلتۇرۇش يولىدا ئىزدەندى،باشقىچە دىسەك بۇ خىلدىكى باراۋەرسىزلىك ئىچىن كىشىلەر باراۋەرلىك چۈشەنچىسىگە ئىرىشىپ،باراۋەر ياشاشتەك گۈزەل ئىستەكلەرنى ئەمىليەتكە ئايلاندۇرۇشنىڭ نۇرغۇن تەجىربىلىرىنى تولاپ،شۇ ئاساستا باراۋەرلىك غايىسىنى ئەمەلگە ئاشۇرۇش ئەمىليىتىگە يۈزلەندى.
ئىنسانلارنىڭ باراۋەرلىك چۈشەنچىسىنىڭ ئىچىدىكى تەجىربىلەردە مىللەتنىڭ ئومۇمى ساپاسىنى يۇقىرى كۆتۇۈرۈش،ئائىلە بىرلىگىنى بۇيۇك بۈلۈش،ئائىلە ئىناقلىقى ئاساسىدىكى مىللەتنىڭ ئۇيۇشۇش كۈچىنى نامايەن قىلىش ئاساسىدا مىللەتنىڭ ياشاش ئورنىنى يۇقىرى كۆتۈرۈپ،باراۋەرلىكىنى تېخىمۇ نامايەن قىلىشقا ئۇرنۇشلارمۇ بار ئىدى.
ئەمىليەتتە ئىنسانلار بۇ يۈكسەكلىك ئىچىدىن ھەقىقى يۇسۇندىكى ئائىلە باراۋەرلىكنىمۇ تاپالمىدى.

turditohti

(5)
ئىنسانلار ياشاش جەريانىدا ئائىلە-قانداشلىقتىن ئىبارەت بۇ بۇيۈكلىك ئىچىدىن باراۋەرلىككە يول ئېچىپ،ئائىلە مۇقەددەسلىكى ئاساسىدىكى باراۋەر جەمىيەتنى بارلىققا كەلتۈرۈشنى مەقسەت قىلىشىپ،ئائىلە قۇرۇپ، دەسلەپكى قەدەمدىكى ئائىلە چۈشەنچىسىنى بارلىققا كەلتۈردى.شۇنداقلا ئائىلىدىن ئىبارەت بۇ مۇقەددەس بىرلىكى ئىچىدە ئائىلە باراۋەرلىكىنى ئىزدىگەن بولسىمۇ ،ئۇلار ھەقىقى مەنىدىكى ئائىلە باراۋەرلىكىنى ئاشقا ئاشۇرۇشقا قادىر بولالمىدى.بۇنداق نەتىچىنىڭ كىلىپ چىقىشىغان ئاساسلىغى تۈۋەندىكى ئامىللار كۈچلۈك تەسىر كۆرسەتتى.بۇ ئامىللار ئارىسىدىكى باراۋەرلىكنى ئىشقا ئاشۇرالمىغان كىشىلەر ئائىلە ئىچىدە ئادداقىچە باراۋەر بولۇشنىڭ زۇرۇرلىكىنى ھىس قىلىشقان بولسىمۇ،بۇ باراۋەرسىزلىككە ئامالسىز يول قۇيۇشقا مەجبۇر بولدى.
ئائىلە باراۋەرسىزلىكنىڭ كىلىپ چىقىشىدىكى ئاساسلىق ئامىلنىڭ ئەڭ تۈپكى يادۇرۇسى بولسا كىشىلەر ئېڭىدىكى ئەر-ئاياللارنىڭ ئورنى ۋە قىممىتى مەسىلىسى بۇلۇپ،بۇ چۈشەنچە ئەر-ئاياللارنىڭ جىسمانى قۇۋىتىنىڭ ئوخشىماسلىقى ئاساسىدا بارلىققا كەلگەن بىر تەرەپلىمىلىك ھالدا،ئادەتلىشىپ،قايدىلىشىپ،كۆنۈكۈپ كەتكەن ئەرلەرنىڭ ئورنى يۇقىرى بولۇش چۈشەنچىسىدىن كىلىپ چىققان باراۋەرسىزلىك ئىدى.
ئائىلە تەبىئى ھالدا ئەر-ئاياللارنىڭ بىرىكىشىدىن مەيدانغا كېلىدىغان بىرلىك بۇلۇپ،ئىنسانلار بۇ مۇقەددەسلىكنى ئەمەلگە ئاشۇرغان بولسىمۇ،ئۆزلىرىنىڭ ئېڭىدىكى ‹‹ئەرلەرنىڭ يادۇرۇلۇق ئورنى››نى چۈشەنچىسىنى چىقىرىپ تاشلىيالمىدى،بۇنىڭ بىلەن ئەر-ئاياللار ئائىلىدىن ئىبارەت بۇ مۇقەددەسلىكنىڭ ئىچىدە باراۋەر بۇلۇشتىن ئىبارەت بۇ ئىستىكىگە يەتەلمىدى.ئاياللارنىڭ ئائىلىدىكى ئورنى يانىلا تۈۋەن بۇلۇپ كىلىشتەك ئەمىليەت ئەۋلاتمۇ-ئەۋلات داۋاملىشىپ كەلدى.بۇ ھال تۈرلۈك ئىجدىمائى پورماتسىيىلەر،گۇرۇلارنىڭ ‹‹ئەر-ئاياللار باراۋەرلىكى›› شۇئارى ئاستىدىمۇ ئەمىليەتكە ئايلىنالمىدى.
يانا بىر نوقتىدىن قارىغاندا ئاتا-ئانا بىلەن پەرزەنت ئوتترىسىدىكى قانداشلىق،مىھرى-مۇھابەت،ھامىلىق مۇناسىۋەتلىرىدىن ئىبارەت بۇيۇك قان چۈشەنچىسىمۇ قارىماققا باراۋەرلىك تۇيغۇسىنى شەكىللەندۈرسىمۇ ئەمىليەتتە ئاتا-بالىلار ئوتتۇرىسىدىكى ھەقىقى باراۋەرلىكنى ئىشقا ئاشۇرالمىدى.
بىز بۇ بۇيۇك قان چۈشەنچىسى بارلىققا كەلتۈرگەن ئاتا-ئانا بىلەن پەرزەنت ئوترىسىدكى مۇناسىۋەتكە ئىنىچكىلىك بىلەن دىققەت قىلىدىغان بولساق،بۇلار ئوترىسىدكى مۇناسىۋەتتە ‹‹پەرزەنتىكە ئىنتىلىش،ئاتا-ئانىغا سەل قاراش››تەك بىر باراۋەرسىزلىك لىنىيەسىنى كۆرۋالالايمىز.
بۇ باراۋەرسىزلىك لىنىيىسىنىڭ ئىپادىلىنىشى بولسا ئاتا-ئانا بولغۇچى ئۆزلىرىنىڭ پەرزەنتىلىرىگە بارلىغىنى ئاتا قىلىش،قۇلىدىن كىلىشىچە پەرزەنتىلىرى ئۈچۈن ياشاش،ئۇلار ئۈچۈن قايغۇرۇش،ئۇلارنىڭ كەلگۈسىنى يارتىپ بىرىشكە تىرشىشتىن ئىبارەت ‹‹بالىنىڭ غىمى››چۈشەنچىسى بۇلۇپ،باللىرنىڭ ئورنى،ئىستىقبالى قانچىكى يۇقىرى مەرتىۋە ئۈستىگە ئۇۋا ياسىيالىسا ئاتا-ئانىلار شۇنىڭدىن خۇشاللىق تاپتى،قانائەت ھاسىل قىلىشىپ ھاردۇغى چىقىپ قېلىشقاندەك خاتىرجەملىك تۇيغۇسىغا مەپتۇن بولۇشتى.ئاتا-ئانا بولغۇچى ئۆزىنى ئاپىردە قىلغان ئاتا-ئانىسى ئۈچۈن يۇقىرىدىكى كۆيۈنۈشلەرنىڭ نەچچىدىن بىرنىمۇ ئىپادىلىيەلمىدى.ھاتتا بەزى نائەھلى پەرزەنتلەر ئاتا-ئانىسىنىڭ ئۆلۈپ تىرلىشى بىلەنمۇ كارى بولماي،ھەممىنى پەرزەنتلىرى ئۈچۈن ئاتىۋەتتى،ئۇلار مۇشۇنداق قىلۋاتقاندا ئۆزىنىڭ ئاشۇ ئاتا-ئانىدىن ئاپىردە بولغانلىنى ئىسىگە ئېلىپمۇ قويۇشمىدى.
بىز كۆيۈنۈپ بارلىغىمىزنى ئاتا قىلغان پەرزەنتىلىرىمىز ئاتا-ئانا بولۇشقاندىن كىيىن بىز قانداق رەۋىشتە ئاتا-ئانا،پەرزەنت مۇناسىۋىتىنى شەكىللەندۈرگەن بولساق،ئۇلارمۇ بىزدىن ئۈلگە ئېلىپ،بۇ مۇناسىۋەتنى بىز تەڭشىگەن ئۇسۇللار ئارقىلىق تەڭشەپ،ئۇلارمۇ بارلىغىنى ئۆزىنىڭ پەرزەنتىلىرىگە ئاتىدى،ئۆزىگە بارلىغىنى ئاتىغان ئاتا-ئانىسىغا بولسا ئوخشاشلا سەل قارىدى.
يىغىنچاقلاپ ئېيتقادا بۇيۇك قان چۈشەنچىسى ئاپىردە قىلغان باراۋەرسىزلىك‹‹مەن كۆيەرمەن بالامغا،بالام كۆيەر بالىسىغا››دىگەن ھىكمەت ئاساسىدا شەكىللىنىپ،ئاتا-ئانىلار بىلەن پەرزەنت ئوتتۇرىسىدىكى مۇناسىۋەتنى تەڭشەيدىغان ئەخلاق،سىياسەت،ھۇقۇق مۇناسىۋىتى ۋە دىنىيي ئەھكاملارنى بارلىققا كەلتۈردى.نەتىچىدە يۇقارقىدەك باراۋەرلىكنى ئىستەك قىلىپ شەكىللەنگەن ئاڭ پورماتسىيەلىرىمۇ ھەقىقى باراۋەرلىكنى ئىشقا ئاشۇرۇشقا قادىر بولالمىدى.چۈنكى بۇلارنى كىشىلەرنىڭ باراۋەرلىك چۈشەنچىسى بارلىققا كەلتۈرگەن بولسىمۇ ، بىز يۇقىرىدا دەپ ئۆتكەندەك باراۋەرسىزلىكتىن ئىبارەت بۇ رىياللىقنىمۇ ئىنسانلارنىڭ ئۆزلىرى پەيدا قىلغان.

turditohti

قېرىداشلارغا سالام!
ۋاقىت مۇناسىۋىتى بىلان داۋامىنى يېزىپ يوللىشىم بەك ئاستا بولىۋاتىدۇ،كۆچۈرۈڭلار

parangqin

‹باراۋەرلىك ئىستىكى مەڭگۈ ئەمەلگە ئاشمايدىغان ئىستەك› - بۇ، زىددىيەتلىك دۇنيانىڭ بىر خىل كۆرىنىشىدۇر.

  بۇنداق ئالاھىدىلىكى بولغان ئىستەك كىشىلەرنىڭ مەلۇم ماكان، زاماندىكى باراۋەرسىزلىكتىن كېلىپ چىققان شۇنداقلا ئىپادىلىنىدىغان خارلىق، نامراتلىق، ھوقۇقسىزلىققا قۇللارچە تىز پۈكۈشىدىن دېرەك بەرمەيدۇ.

turditohti

(6)
ئائىلىدىن ئىبارەت بۇ مۇقەدەس بىرلىك،ئۆزىدىكى قان بىرلىكى ئاساسىدا ئائىلىدىكى باراۋەرلىكنى ھەقىقى يۇسۇندا ئىشقا ئاشۇرالمىغانلىقى ئۈچۈن جەمىيەتنىڭ ھۈجەيرىسى بولغان ئائىلىلەرنى بىرلىك قىلىپ مەيدانغا كەلگەن ئىنسانلار جەمىيىتىدىكى باراۋەرسىزلىكلەرمۇ روشەن ھالدا ئىپادىلىنىپ،كىشىلەر ئېڭىدا يېڭىچە بولغان باراۋەرسىزلىك چۈشەنچىسى ۋە باراۋەرلىك ئىستىكىنى  ۋۇجۇتقا كەلتۈردى.
ئىنسانلار جەمىيىتىنىڭ بارلىققا كىلىشى ۋە تەرەقى قىلىش جەريانىدا،كىشىلەر تۈرلۈك مۇناسىۋەتلەرگە دۇچ كىلىپ،باراۋەرلىك ۋە باراۋەرسىزلىككە بولغان تۇنۇشى تېخىمۇ مۇكەممەللىكە قاراپ يۈزلەندى.ئىنسانىيەت جەمىيىتىدىكى بۇ مۇناسىۋەتلەر كىشىلەرنىڭ روھى ھالىتىدە نامايەن بۇلۇپ،بەزى كىشىلەرنى غۇرۇرلۇق،بازىلەرنى نۇمۇسىز،بەزىلەرنى مۇھتاچلىق ئىسكەنجىسىگە مۇپتىلاھ قىلىپ،جەمىيەتتە تۈرلۈك ئېقىمدىكى كىشىلەرنىڭ توپىنى مەيدانغا كەلتۈرۈپ،جەمىيەتنىڭ رەزىللىك بىلەن ياخشىلىق،مۇھتاچلىق بىلەن-بېقىنىش خارەكتىرىنى ھەقىقى يۇسۇندا نامايەن قىلدى.بۇ ماھىيەتتە ئىنسانلار جەمىيىتىدىكى ئادەملەر توپىنىڭ دۇنياغا بولغان چۈشەنچىسىدىن ئىبارەت ئىدى.
كىشىلەرنىڭ دۇنياغا بولغان چۇشەنچىسى تەدرىجى ھالدا دۇنيانى تەشكىل قىلغان شەيئىلەرگە بولغان چۈشەنچىسىنى ئىلگىرى سۈردى.بۇ شەيئىلەرنىڭ يادۇرىسى ھىساپلىنىدىغان ئادەملەرنىڭ بىر بىرگە بولغان چۈشەنچىسىنىڭ ئېشىپ بېرىشى ماھىيەتتە ئادەملەرنىڭ ئۆز ئارا مۇناسىۋەتلىشىپ ياشىشىنىڭ تەخىرسىزلىكىنى ئادەملەر ئېڭىدا شەكىللەندۈرۈپ،ئادەملەر توختاۋسىز ھالدا بىر –بىرى بىلەن مۇناسىۋەتلىشىپ،ئالاقە قىلىپ،زىدىيەتلىشىپ،بىرلىشىپ...ياشاشتەك تۈرلۈك ياشاشتىكى مۇناسىۋەت تىپلىرنى مەيداغا كەلتۈردى.بىز دىۋاتقان باراۋەرسىزلىك بىلەن باراۋەر ياشاش ئىشتىكىنى بولسا ئىنسانلارنىڭ يۇقىرقىدەك ياشاش ئۇسۇلى بىۋاستە مەيدانغا كەلتۈردى.
مۇھتاچلىق ئىچىدە ئۆتىۋاتقان كىشىلەر بولسا يۇقىرى ئورۇندا تۇرۋاتقان كىشىلەر ئالدىدا تىل قىسىنچىلىق،روھى ئازاب،غۇرۇرى دەپسەندە بولغاندەك بىر خىل روھى ھالەتنى شەكىللەندۈرۈپ،ئۆزلىرىنىڭ ‹‹ناقابۇللىغى››دىن ئاغرىنىش بىلەن بىرگە جاھاننىڭ باراۋەرسىزلىكىنى تۇنۇپ يىتىش ئۈچۈن تىرشىپ،باراۋەرسىزلىك تۇيغۇسى ئارقىلىق باراۋەرلىكنى ئەمەلگە ئاشۇرۇشنىڭ لازىملقغىنى تۇنۇپ يەتتى.ئۇلار باشقىلارنىڭ غەمخورلىغىغا ئىرىشكەن چاغدا بىر تەرەپتىن مەمۇن بولسا،يانا بىر تەرەپتىن ئۆزىنىڭ نەقەدەر ئاجىزلىقىدىن ئۆكۈنۈپ،كوڭۈل قۇبۇل قىلۋاتقاندا قوقاسنىڭ ئۈستىگە دەسسىۋالغاندە بىئارام بۇلۇدۇ،بۇنداق چاغدا كىشىلەر ئۆزىنىڭ ئىچكى تۇيغىسى ئاساسىدا باراۋەرسىزلىكنىڭ تەمىنى تېتىپ،باراۋەرلىك ئىستىكى قۇترايدۇ.يانا بىر تەرەپتىن مۇھتاچلىقتىكى كىشىلەر ئۆزىنىڭ ئاشۇ مۇھتاچلىق ئاساسىدا ،پەيدا بولغان تىلقىسىنچىلىق،نۇمۇس ۋە ئازابلارنىڭ زەربىسىگە چىداشقا نەجبۇر بولىدۇ.بۇنداق چاغدىكى ئادەمنىڭ روھى ھالىتىنى ،شۇ خىلدىكى ئازابنى بىۋاستە تارتىپ باققان كىشىلەرلا تۇلۇق ھىسى قىلالايدۇ...مانا مۇشۇداق ئازابلارغا چىداشقا مەجبۇر بولغان ئىنسانلاردا باراۋەرلىك ئىستىكى تېخىمۇ كۈچلۈك بولىدۇ.
يانا بەزى كىشىلەر ئادەمنى ئادەم قاتارىدا كورمەي باشقىلارغا مۇئامىلە قىلىدۇ.تۈرلۈك مۇناسىۋەتلەردە ئۇلار ئادەمنىڭ غۇرۇرىنى دەپسەندە قىلىدۇ.بۇ چاغدا غۇرۇرى دەپسەندە بولغان كىشىلەر ئادەم ھىس قىلىپ يېتەلمىگۈدەك خورلۇققا دۇچ كىلىپ،ئاشۇ خورلۇقنى كۆتۈرۈشكە مەجبۇر بولىدۇ.بۇنداق مەجبۇرلۇق كۆپىنچە ۋاقىتلاردا مۇنداق ئىككى خىل نەتىجىنى بارلىققا كەلتۈرىدۇ.بىرسى بولسا خورلۇقتىن(باراۋەرسىزلىكتىن) زەيىپلىشىپ،ياشاشتىن ئۈمۈت ئۈزىدۇ ياكى بولمىسا چۈشكىنلىشىپ،ھاياتقا،باراۋەر ياشاشقا بولغان ئۈمىتىنى ئۈزىدۇ.يانا بىرسى بولسا بۇ خورلۇقنى ھەركەتلەندۈرگۈچى كۈچ قىلىپ،باراۋەرلىكىنى تەشەبۇس قىلىش خاھىشىغا يۈزلىنىدۇ.كىشىلەردىكى بۇ خاھىش كۆپىنچە ئەھۋاللاردا قىساس چۈشەنچىسىنى پەيدا قىلىپ،كىشىلەرنى ئۆزىنىڭ غۇرۇرىنى قوغداشقا يىتەكلەيدۇ.بۇ ماھىيەتتە ئادەملەرنىڭ باراۋەرلىك ئىستىكىنىڭ غالىيەن قىلۋاتقانلىقنىڭ نامايەندىسى بولۇپ قالىدۇ.
بەزى مۇناسىۋەتلەر كىشىلەرنى ھىچقانداق بىر تەببىر قولىنىشقا ئىمكان بارمەيدۇ.بۇنداق ئىلاجىسىزلىقلارمۇ كىشىلەرنىڭ كىشلىك ھۇقۇقىنى دەپسەندە قىلىپ،كىشىلەردە غەزەپ-نەپرەت ئارلىشىپ كەتكەن باراۋەرلىك تۇيغۇسىنى پەيدا قىلىدۇ.ئۇلا ئاشۇ چاغدا ئەركىنلىككە ۋە باراۋەرلىككە ھەقىقى يۇسۇندا ئىنتىلىدۇ.باراۋەرسىزلىكنىڭ تەمىنى ھەقىقى يۇسۇندا تېتىيدۇ.
مەيلى قانداق بولۇشتىن قەتتىئى نەزەر يانىلا كىشىلەر ئىنسانىيەت جەمىيىتىدە تۇرلۈك مۇناسىۋەتلەر قوينىدا ياشاشقا مەجبۇر بولىدۇ.بۇ مۇناسىۋەتلەر ئارقىلىق باراۋەرسىزلىكلەرنىڭ ھەقىقى مەنىسى ۋە باراۋەرلىكتىن ئىبارەت گۈزەل غايىنىڭ مۇقەدەسلىكىنى ھەقىقى يۇسۇندا چۈشىنىپ يېتىدۇ.بىراق بۇ چۈشەنچىلەرمۇ باراۋەرلىكتىن ئىبارەت ئىنسانلارغا ئەڭ زۈرۈر بولغان بۇ غايىنى ئەمەلگە ئاشۇرۇشقا ئىمكانىيەتسىز قالىدۇ.
يۇقارقىدەك ئىنسان مۇناسىۋىتى جەمىيەتنىڭ تۇرلۇك قايدىلىرىنى رۇياپقا چىقىرىپ،ئاشۇ قايدىلەر ئاساسىدا باراۋەرلىنى ئىشقا ئاشۇرۇقا تىرىشىدۇ،ئەمىليەتتە بۇ خىل قايدىلەرمۇ ھەقىقى رەۋىشتىكى باراۋەرلىكنى ئىشقا ئاشۇرۇشقا ئاجىزلىق قىلىدۇ.

turditohti

(7)
ئىنسانلارنىڭ تۇرلۈك مۇناسىۋەتلەر ئارقىلىق ئۆزىنىڭ ھاياتى ۋە مال-مۈلۈك بىخەتەرلىگىنى داۋاملاشتۇرۇش جەريانىدا كىشىلەرنىڭ ئىچكى قىسىمىدىكى ھەركەتلەرنى تەڭشەپ تۇرىدىغان،شۇ ئاساستا كىشىلەر ئارىسىدا باراۋەرلىكىنى بارلىققا كەلتۈرۈش ئۈچۈن ئۆزىنىڭ رولىنى جارى قىدۇرىدىغان بىر تۈرۈلۈك ھەركەت مىزانى بارلىققا كەلدى.بۇ ئىنسانلارنىڭ ھەركەت مىزانلىرى قاتارىدا ئۆزىنىڭ رولىنى ئەڭ دەسلەپ نامايەن قىلىشقا باشلىغان ئەخلەقى قايدىلەر ئىدى.
ئىنسانلار ئۆزىنىڭ ھەركىتىنى چەكلەپ،باراۋەر ياشاشتەك مۇقەددەس غايىنىڭ تۇرۈتكىسىدە جەمىيەتنىڭ ھەممە ئەزالىرى ئورتاق رىئايە قىلىشقا تىگىشىلىك ھەركەت قايدىسىنى ۋۇجۇتقا كەلتۈردى.بۇ ئىنسانلارنىڭ تۇنجى قەدەمدە ئۆزىنى چەك ئىچىگە ئېلىپ،ھەركىتىنى قېلىپلاشتۇرۇشقا ئۇرۇنغان ئەمىلى ھەركىتى ئىدى.
ئەخلاقنىڭ كىشىلەر ئارىسىدا بۇيۇكلۈككە كۆتۈرۈلۇپ ھەممە ئىختىيارسىز ئۇنىڭغا بوي سۇنىدىغان ھالەتنىڭ نەچچە مىڭ يىللاردىن بۇيان ئۇمۇملىشالماسلىقى ئەخلاقنىڭمۇ جەمىيەتتىكى باراۋەرسىزلىكلەرنى تۈگۈتۈپ،كۈللى كىشىلەرنى باراۋەر ياشاشتەك ھالەتنى شەكىللەندۈرۈشىنىڭ مۇمكىن بولمايدىغانلىغى ۋە ئۇنىڭ يۇچىقى ئاستا ئاستا نامەيەن بۇلۇپ كىشىلەر ئارىسىدىكى باراۋەرسىزلىك ئەخلەقى قايدىلەرگە جەڭ ئېلان قىلىپ،كىشىلەرنىڭ باراۋەر ياشاش ئىستىكىنىڭ ئەمەلگە ئېشىشقا توسقۇنلۇقلارنى ئېلىپ كەلدى.
ئىسانلارنىڭ ياشاش شارايىتى،ئېرىقى ھالىتى،قوللانغان ئىجدىمائى تۈزىمى،كىشىلەرنىڭ جەمىيەتتە تۇتقان ئورنى،ئىنسانلارنىڭ جىنسى پەرقى،ياشنىڭ چوڭ-كىچىكلىگى... قاتارلىق تۈرلۈك تۈمەن ئەھۋاللار ئىنسانلارنىڭ گۈزەل-ئەخلەقى پەزىلىتىگە چەك قۇيۇپ،ئىنسانلارنىڭ ھەركىتىگە خالىغانچە قالپاقلارنى كەيدۈرۈپ،ئىنسانلار ھەركىتىنىڭ گۈزەل ياكى رەزىللىكىگە ئۆزلىرىنىڭ خايىشلىرى بىلەن باھالارنى بىرىشتى،شۇنىڭ بىلەن ئەخلاقنىڭ چەكلەش رۇلى بەلگۈلۈك، ئوخشاش بولمىغان مەسىلىلەر كەلرۈرۈپ چىقارغان باھالارنىڭ تەسىرىگە ئۇچرىدى.بۇنىڭ بىلەن ئىنسانلار ئارىسىدىكى باراۋەرسىزلىك رۇشەن تۈسكە كىرىپ،ئىنسانلاردىكى باراۋەر ياشاش ئىستىكى يەنىلا ئىستەك بۇلۇپ قالدى،ئىنسانلارمۇ بۇ ئىستەكتىن زادىلا ۋاز كەچمەي،قۇدرىتىنىڭ يىتىشىچە باراۋەرلىك يۈلىغا قاراپ ماڭدى .بۇ ھال ئىنسانلارنىڭ مەنىۋىيىتىنىڭ تەرەققى قىلىشىغا غايەت زور تەسىرلەرنى كۆرسەتتى.شۇنىڭ بىلەن ئىنسانلار مەنىۋى مەدىنىلىك قۇرلۇشىدا،بۇلۇپمۇ يۈرۈش-تۇرۇش،گەپ-سۆز،ئەقىل-پاراسەت...قاتارلىقلاردا ئالەم شۇمۇل ئۆزگىرىشلەرنى قولغا كەلتۈردى.
ئەخلەقىنىڭ رولى ھەقىقەتەن مولچەرلىگۇسىز  نەتىچىلەرنى قولغا كەلتۈرگەن بولسىمۇ،بىراق ئۇنىڭ تەتبىقلىنىش دائىرىسىدە يانىلا باراۋەرسىزلىك ساقلىنىپ كەلدى،بۇنىڭ بىلەن كىشىلەر ئارىسىدا ھەقنى،باراۋەرلىكنى كۆزلەپ،ئالغا ئىلگىرلەيدىغان مەردانە كىشىلەر بىرنىڭ ئىزىنى بىرى بېسىپ،باراۋەرلىك ئۈچۈن ئاداققىچە كۈرەش قىلىش روھىنى كىشىلەر ئارىسىدا يىتىشتۈردى.
ئەخلاقى پەرىقلەرنىڭ ساقلىنىپ ، كىشىلەرنىڭ جەمىيەتتە تۇتقان ئورنىنىڭ يۇقىرى-تۈۋەن بۇلۇشىغا قارىتا رول ئوينايدىغان ھالەتلىرى ئۈزۈل-كىسىل يوقىمىدى.يەنى پادىشاھقا قۇيۇلغان ئەخلاقى ئۆلچەم بىلەن،ئادەتتىكى كىشىلەرگە قۇيۇلغان ئەخلاقى ئۆلچەملەرنىڭ پەرقى ئاسمان-زېمىن پەرىقلىق ئىدى.سوتسىيالىستىك ئەخلاقى چۈشەنچە بىلەن كاپاتالىستىك ۋە پاتىشالىق تۈزۈمدىكى ئەخلاقى ئۆلچەمنىڭ پەرقى سىنىپ دەرجىسىگە كۆتۈرۈلگەن بۇلۇپ،ئۇنى مۇرەسسە قىلغىلى بولمايدىغان نامايەن بۇلۇپ، ئىنسانىيەت جەمىيىتىدە مەۋجۇت بۇلۇپ تۇردى...مۇشۇنداق پەرەقلەرنىڭ ساقلىنىشىغا يول قۇيغان ئەخلاقى قايدىلەر ھەرگىزمۇ ئىنسانلار ئارىسىدىكى باراۋەرسىزلىكلەرنى تۈگىتىشكە قادىر بولالمىدى.شۇنىڭ ئۈچۈن ئىنسانىيەت جەمىيىتىدىكى بۇ باراۋەرسىزلىكلەر زىددىيەتنىڭ ئانىسى،تەرەقىيادنىڭ ئاساسى بۇلۇپ ئىنسانلار ئارىسىدا ساقلىنىپ،داۋاملىشىپ،ئاخىرقى ھىساپتا ئىنسانلارنىڭ باراۋەرلىك ئىستىكىنىڭ تېخىمۇ جۇلالىنىشىغا تۈرۈتكە بولىدى.
مەيلى قايسى نوقتىدىن چۈشەندۈرمەيلى،ئەخلاقتىن ئىبارەت بۇ ئىجدىمائى ئىدىلوگىيە ئۆزىگە قانچىلىك قۇدرەتلىك كۇچنى تايانچى قىلىشتىن قەتتئى نەزەر ئۇنىڭ جەمىيەتتىكى باراۋەرسىزلىكىنى تۈگۈتۈپ،باراۋەرلىكنى رۇياپقا چىقىرىشى مۇمكىن ئەمەس،چۈنكى ئەخلاق ئۆزىنىڭ ئىچكى قىسىمىغا نۇرغۇنلىغان ئاجىزلىقلارنى يۇشۇرغان،نۇرغۇن ئىشلاردا ئۇ ئۆزىنىڭ رولىنى جارى قىلدۇرالمايدۇ.
يۇقارقىدەك ئەھۋاللار ئىنسانلارنىڭ بارەۋەرلىك ئىستىكىنى تېخىمۇ يۇقىرى باسقۇچقا كۆتۈرۈپ،ئىنسانلار ئارىسىدا ھەقىقى بارەۋەرلىكنى ئىشقا ئاشۇرالايدىغان قۇدرەتكە ئىگە بولغان بىر كۈچنىڭ بولىشىنى تولىمۇ ئارزۇ قىلىشتى،ئىنسانلار ئۆزلىرى ئارزۇ قىلغان ئاشۇ كۈچنىڭ ئىنسانلار ئارىسىدىكى باراۋەرسىزلىكنى مەڭگۈگە يوقۇتۇپ،باراۋەر بولغان بىر جەمىيەتنى بەرپا قىلىشقا ھەقىقەتەن ئىشىنىشكەن ئىدى.ئىنسانلار ئارزۇ قىلىشقان بۇ كۈچ دەل ئىلاھى كۈچ بۇلۇپ،بۇ ئىلاھى كۈچ كىشىلەرنىڭ ئارىسىدىكى مۇناسىۋەتلەرنى تەڭشەيدىغان ئىلاھى ھۈكۈملەر-دىننىي ئەھكاملار ئىدى.دىندىن ئىبارەت بىر ئىلاھى كۈچنىڭ مەيدانغا كىلىشى ئىنسانلار ئارىسىدىكى باراۋەرسىزلىكنى تۈپتىن ھەل قىلىپ كەتەلمەي،ئىنسانلارنىڭ دۇنيانى بىلىشتە زىددىيەتلىك ئىككى خىل قاراشىنى مەيدانغا كەلتۈرۈپ،كىشىلەرنىڭ ئەقلىيەتىگە بىۋاستە تەسىرلەرنى كۆرسەتتى.

ankarali

كىشىلەر ئارزۇ قىلغان باراۋەرلىك،ھەرگىز ئەمەلگە ئاشمايدۇ.ھازىرقى باراۋەرلىك كىشىلەرنىڭ ئاغزىغا سېلىپ قويغان ئىمىزەكتىن ئىبارەت.

turditohti

(8)
ئىلاھى ھۈكۈملەرگە ،ئىلاھى كۈچلەر،ئىلاھى ئاڭغا تايىنىپ ئۆزىنىڭ باراۋەر ياشاش ئىستىكىنى قاندۇرماقچى بولغان ئىنسانلار ،ئىلاھى چۈشەنچىلەر ئارقىلىقمۇ ئۆزىنىڭ باراۋەرلىكىنى زادىلا ھەل قىلالمىدى. ئىلاھنىڭ ئالدىدا ھىچنىمىگە ئەرزىمەيدىغان بۇ ئاجىز جانلار تۇرلۇك ئۇسۇللار بىلەن ئىلاھى ھۈكۈملەر ۋە ئىلاھنىڭ ئەلچىلىرىنىڭ ئىزاھاتلىرىغان ھەر تۈرلۈك تەبىرلەرنى ئېيتىشىپ، كىشىلەر ئارىسىدا تۈرلۈك قاراشلارنىڭ مەۋجۇت بۇلۇپ كىلىشىنى كەلتۈرۈپ چىقارسا،بەزى ئىلاھى دەستۇرلارغا ئۆز ئىدىيىسىنى تېڭىپ،ئىلاھى داستۇرلارنىڭ ئىشەنچىلىك دېرىجىسىنى تۈۋەنلىتىۋەتتى.بۇ ئاجىز بەندىلەرنىڭ بۇنداق ئازغۇنلۇغى خۇدانى نەچچە رەت غەزەپلەندۈرگەن بولسىمۇ،بۇ ئازغۇنلار خۇدانىڭ ئىلاھى داستۇرنى يېڭىلاپ چۈشۈرىشىگە سەۋەپچى بولدى.
شۇنداق ئاجىز يارتىلغان بۇ ئەقلىيەت تىپىدىكى مەخلۇقلار،مەنپىئەت مەسىلىسىدە ھەممىنى ئۇنتۇپ،ھەقىنى ئاستىن ئۈستۈن قىلىشىپ،بىر ئىلاھى چۈشەنچە ئاستىدا نەچىلىگەن گوروھلارنى تەشكىل قىلىپ،ھۇقۇق،مەنپەئەت ئۇچۈن كۈرەشلەرنى قىلىشىپ، ئىلاھى ھۈكۈملەرنى ئۆزلىرىنىڭ مەنپەئەتىگە ئۇيغۇنلاشتۇرۇپ چۈشەندۈردى. بۇنداق تۈرلۈك گورۇھ(مەززەپ)نىڭ ئۆز ئالدىغان چۈشەندۈرۈلگەن كۆز قاراشلىرى تەبىئى ھالدا كىشىلەردىكى سىياسى غەرەزنى ئاشكارلاپ قويدى.بۇنداق سىياسى غەرەز ئارلاشقان ئىلاھى ھۈكۈم ئاستىدا كىشىلەرنىڭ باراۋەرلىك غايىسىنىڭ ئەمەلگە ئېشىشى مۈمكىن ئەمەس ئىدى. مۇشۇ ئىلاھى تۈس ئالغان سىياسى نەتىچىلەر تۈمەنلىگەن كىشىلەرنىڭ جېنىنى تىنىدىن جۇدا قىلىپ،كىشىلەرنىڭ باراۋەر ياشىشىغا توسقۇنلۇقلارنى ئېلىپ كەلدى.
دىننىي كىتاپلاردا،پەيغامبەرلەرنىڭ داستۇرلىرىدا ئادەمنىڭ ھەم ئاجىز ھەم ھەممىسىنىڭ باپ-باراۋەر يارىتىلغانلىغى ،شۇنىڭ ئۈچۈن ئۇلارنىڭ ئىلاھى ئەھكاملارنى تۇتۇپ،خۇداغا تۆبە- ئىستىخپارلارنى ئۇقۇپ،ئۆز-ئارا مىھرى مۇھابەتلەرنى يەتكۈزۈپ،ئۇ دۇنيانىڭ غىمىنى كۆپرەك قىلىپ،خۇدانىڭ ئالدىغا ئاق يۈزى بىلەن بېرىشى تەكىتلەنگەن،ھەم شۇنداق ئېنىق قىلىپ،بۇ ئازغۇنلارغا يەتكۈزۈلگەن بولسىمۇ،ئىنسانلار بۇ دۇنيادىكى مەنپەئەت چۈشەنچىسىنى ئۇ دۇنيادىكى جەننەت چۈشەنچىسىدىن يۇقىرى ئورۇنغا قۇيۇپ،تۈرلۈك غاپىللىقلارنى قىلىشىپ،يانا ئۆزىنىڭكىنى ھەق سۈپىتىدە تەسۋىرلەشكە ئۇرنۇپ،ئۆزىنىڭ رەزىللىكلىرىنى(گۇناھ) سۈپەتلەش بىلەن ئاۋارە بولدى.ئىش قىلىپ خۇدا ئاپىردە قىلغان بۇ ئاجىز بەندە(قۇل) خۇدانىڭ كۆرسەتمىسىگە بويۇنتاۋلىق قىلىپ،تۈرلۈك جىنايەتلەرنىڭ ۋە كىشىلەر ئارىسىدىكى تۈرلۈك تەڭسىزلىكلەرنىڭ سەۋەپكارىغا ئايلىنىپ قالدى. بۇنىڭ بىلەن ئىنسانلارنىڭ ئىلاھى كۈچ ئارقىلىق باراۋەرلىكنى ئىشقا ئاشۇرۇش ئىستىكى يانىلا شۇ بىر غايە سۈپىتىدە ساقلىنىپ قالدى،بۇ يەردا شۇنداق بىر ھەقىقەتنى ئېيتىپ ئۆتۈشكە توغرا كېلىدۇكى،ئىلاھ بەندىلىرىنىڭ ئۆز قۇلى بىلەن باراۋارسىزلىكىنى كەلتۈرۈپ چىقىرىشقا يول قۇيۇپ،ئىسانلارنىڭ تۈرلۈك ئۇسۇللادا تەرەققى قىلىشىغا يول ئېچىپ بەرگەن،ئۇنداق بولماي ياشاش شارايىتى ئوپمۇ-ئوخشاش كىشىلەر توپىنى ئىنسانىيەت ئالىمىگە يارتىپ قويغان بولسا،بۇ ئالەم تۇرغۇنلۇققا دۇچار بۇلۇپ،تىزلا ھالاكەتكە يۈزلەنگەن بولاتتى.بۇ يەردە ئىنسانلار ئۆزلىرى ياراتقان باراۋەرسىزلىكنىڭ بىر ھىساپتا ئىنسانلارنى قۇتقۇزۇپ قالغان ئىلاھى كۈچ ئىكەنلىكىنى ئىتىراپ قىلماي تۇرالمايمىز.
يانا بىر نوقتىدىن چۈشەندۈرسەك ئىنسانىيەت ئىلاھقا چۇقۇنۇش ۋە ئۇنى ئىنكار قىلىشتەك بۇ مەرگىزى مەسىلىنى ئۆزلىرىنىڭ ھەل قىلىۋېلىشقا تىگىشلىك ئەڭ مۇھىم ئامىل دەپ قاراپ كەلگەن.بۇ قاراش ئىنسانىيەت دۇنياسىنىڭ بېشىدىن-ئاخىرغۇچە سىڭىپ كەتكەن بۇلۇپ،ئىنسانىيەتنى ھەقىقى ھالدا ئىككى خىل دۇنيا قاراش ئۈستىگە يىغىنچاقلاپ،دۇنيا زىددىيىتىنىڭ ئەڭ قىيىن ھالقىسى قىلىپ قويغان.ئىنسانلار بۇ ھالقىنى چۈشەندۈرۈشنى چورىدەپ،ئۆزلىرىنىڭ دۇنيا قارىشىنى ئىپادىلەشكە كىرىشكەن.ئىلاھى يول تۇتقانلار خۇدانىڭ مومۈنلىرى سانالسا،ئىلاھى ھۈكۈملەرنى رەت قىلغانلىر دەھرى،كاپىر سانالدى.
ئىلاھى يولنى تۇتقانلار بىلەن ئىلاھى ھۈكۈمنى رەت قىلغۇچىلارنىڭ دۇنيانى چۈشىنىشى ئوخشاش بولمىغانلىق سەۋەبى بىلەن دۇنيادا يانا باراۋەرسىزلىك پايدا بولدى دەپ قارىلىپ،ئۇلار ئۆزلىرىنىڭ چۈشەنچىسىدىكى باراۋەرلىكىنى ئىشقا ئاشۇرۇشنى مەقسەت قىلىپ،ئىنسانىيەت تارىخىدا قانلىق ئۇرۇشلارنى قىلىپ،نۇرغۇنلىغان كىشىلەرنىڭ قانلىرىنىڭ ئەھمىيەتسىز توكۈلىشىگە سەۋەپكار بولۇشتى.مانا بۇ ئىنسانلار ئارىسىدىكى ھەقىقى باراۋەرسىزلىك ھىساپلىنىتتى. چۈنكى بۇ دە-تالاشلار قانچە قاتتىق بولسىمۇ يانىلا بۇ مەرگىزى زىدىيەتنى ھەل قىلىپ كەتەلمەيتتى.چۈنكى ئىنسانلار ئۆزلىرى كەلتۈرۈپ چىقارغان بۇ باراۋەرسىزلىكنى ئۆزلىرى ھەل قىلىپ كەتەلمەيتتى ھەم ھەل قىلالايدىغان ئىختىدارىمۇ يوق ئىدى.
يۇقارقىلارنى ئاز دىگەندەك بەزى كىشىلەر ئىلاھى ھۈكۈملەرنى ئۆزىنىڭ مەنپەئەتىنى قوغداپ،باشقىلارنىڭ ئىززەت ئۆرمىتىنى دەپسەندە قىلىدىغان قۇرالغا ئايلادۇرۇپ،ئىلاھى ھۈكۈملەرنى بۇرمىلاپ چۈشەندۈرۈشكە ئۇرۇنۇپ،ئىنسانىيەت ئالىمىدە نۇرغۇنلىغان ئۇقۇشماسلىقلارنى،نۇرغۇنلىغان ھەقانىيەتسىزلىكلەرنى كەلتۈرۈپ چىقىرىشقا سەۋەپچى بولدى.بۇلارنىڭ ئاساسلىق قوللانغان ئۇسۇلى ‹‹بۇ دۇنيادا قانچىكى نامرات ياشىسا،گۇناھنى شۇنچە ئاز ئۆتكىزىپ،ئۇ دۇنياغا يۈزى يۇرۇق بارىدۇ›› دىگەندىن ئىبارەت بولدى.
قانداقلا بولمىسۇن ئىلاھى ھۈكۈملەردە ئىنسانلار تۇغۇلىشتىن باپ-باراۋەر بولدىغانلىغىدىن ئىبارەت ھەقىقەتلەر ئوتتۇرىغا قۇيۇلغان بولسىمۇ،ئىنسانلار ئۆزىنىڭ مەنپەئەتنى چىقىش قىلىپ ئېلىپ بارغان تۇرلۇك مۇناسىۋەتلەر ئارقىلىق ئىنسانلار ئارىسىدىكى باراۋەرسىزلىكلەرنى كەلتۈرۈپ چىقىرىپ،ئىنسانىيەت دۇنياسىنىڭ ماھىيىتىنى ئاشكارلىدى.بۇنىڭ بىلەن ئىنسانلاردىكى باراۋەرلىك ئىستىكى تېخىمۇ زورۇيۇپ،باراۋەرلىكنى ئىشقا ئاشۇرۇش يولىدا تۈرلۈك پالىيەتلەرنى ئېلىپ بېرىش بىلەن بىرگە ئىنسانلار يانا ئۆزىنىڭ ھەركىتىنى قېلىپلاشتۇرىدىغان زوراۋانلىق ماشىنىلىرىنى روياپقا چىقاردى.ئىنسانلار ئوتتۇرىغا چىقارغان قانۇنى قايدىلەر كىشىلەر ئارىسىدىكى باراۋەرلىكنى ئەكىس ئەتتۈرۈشتىن ئىبارەت مۇشۇ مەقسەتتە ئوتتۇرىغا چىققان بولسىمۇ،يەنە ئۇنىڭ يۇچۇقلىرىمۇ پەيدا بۇلۇشقا باشلىدى.نۇرغۇنلىغان كىشىلەر ئاشۇ يۇچۇقلاردىن پايدىلىنىپ،كىشلەر ئارىسىدىكى باراۋەرسىزلىكلەرنىڭ يېڭى مەزمۇنلىرىنى،كىشىلەر ئارىسىدا ئاپىردە قىلدى.

turditohti

ankarali يوللىغان ۋاقتى  2013-7-10 11:56
كىشىلەر ئارزۇ قىلغان باراۋەرلىك،ھەرگىز ئەمەلگە ئاشما ...

شۇنداقتىمۇ،ئىنسانلار باراۋەرلىككە ھەر،مىنۇت،ھەر سۇكۇنۇت ئىنتىلىپ،باراۋەرلىكىنى ئىزداش يۇلىدا ئۆزىنى تەكەممۇلاشتۇرىدۇ.
پىكىر بەرگىنىڭىزگە رەھمەت؟ سىزگە سالاملار بولغاي!