باراۋەرلىك ئىستىكى

turditohti

باراۋەرلىك ئىستىكى

تۇردى توختى

- باراۋەرلىك مەڭگۈلۈك تىما بولۇش سۈپىتى بىلەن،ئۇ- مەڭگۈ ئەمەلگە ئاشمايدىغان غايە-

باراۋەر ياشاش – ئىنسانلارنىڭ مەڭگۈلۈك ئارزۇسى ،شۇنىڭ ئۈچۈن ئىنسانلار بۇ ئارزۇغا يىتىشنى ئۆزىنىڭ كۈرەش قىلىش ئىستىكى قىلىپ ، ئۇنىڭغا ئىنتىلگەن ۋە تۈرلۈك ئەمىلى پالىيەتلەر بىلەن شۇغۇللانغان بولسىمۇ ، ئۇلار بۇ ئىنتىلىشنىڭ ھەقىقى رەۋىشتە ئەمەلگە ئاشمايدىغان ئىنتىلىش ئىكەنلىكىنى بىلىدۇ،چۈنكى باراۋەرسىزلىكنى ئىنسانلار ئۆزلىرى كەلتۈرۈپ چىقىرىدۇ ھەم چىقارغان. مۇشۇنداق رىياللىق ئاساسىدىمۇ ئىنسانلار يەنىلا باراۋەرلىككە ئىنتىلىش ئارزۇسىدىن ۋاز كەچمەيدۇ،چۈنكى باراۋەرلىك شۇئارى ئىنسانلارنىڭ تۈرلۈك رەزىللىكلىرىنى،ئارزۇ-ئارمانلىرىنى ئەمىليەتكە ئايلاندۇرۇشنىڭ سىرلىق چۈمپەردىسى.يانا نۇرغۇن كىشىلەرنىڭ پۈتۈن كۈچى بىلەن ئىنتىلگەن ئادەمدەك ياشاش ئىستىكى. باشقىچە دىسەك، باراۋەرلىك ئۇقۇمى كىشىلەرنىڭ ئارزۇ-ئۈمىدى،يەتمەكچى بولغان مەقسىدى ۋە تۈرلۈك ئارمانلىرى بىلەن بىر گەۋدىلىشپ كەتكەن ، يۈكسەكلىك تۇنۇنى كېيگەن ۋاستەلىك شۇئار.
باراۋەرلىك ئىستىكى ھەرقانداق بىر باراۋەرلىكنى تەلەپ قىلىۋاتقان شەخسى ياكى تەشكىلاتنىڭ ئۆزىنىڭ ئاخىرقى مەقسىدىنى ئەمەلگە ئاشۇرۇشتا كىشىلەرنىڭ ئېڭىغا سىڭدۈرىدىغان پىرگۈراممىلاش ئۇسۇلى بولۇش سۈپىتى بىلەن،ئۇ كىشىلەرنىڭ ئېڭىغا چۇڭقۇر سىڭىشىپ كەتكەن بولىدۇ،چۈنكى باراۋەرلىك ھەممە بىردەك ئىزدىۋاتقان ، ئىنتىلىۋاتقان، ئىنساننىڭ تەبىيىتىدە مەۋجۇت بولغان بىر خىل تۇيغۇ.پىرىگۈراممىلىغۇچىنىڭ مەقسىدى قانچە يۈكسەك بۇلۇشتىن قەتتئى نەزەر كىشىلەر ئارىسىدىكى باراۋەرلىك مەسىلىسىنى مەڭگۈگە ھەل قىلالمايدۇ.سۈيۈقەستلىك باراۋەرلىك بولسا كىشىلەرگە يېڭىدىن باراۋەرسىزلىكنى ئاتا قىلىپ،كىشىلەردە مەڭگۈلۈك ئازاب ۋە پۇشايماننىڭ ئىزنالىرىنى قالدۇرۇدۇ.
(1)
ئادەمنىڭ تۇغۇلۇشى بىلەن ئۆلۈشى بىر يۈكسەك ھەقىقەت.نۇرغۇنلىغان كىلاسسىك ئەسەرلەردە ‹‹ئادەم تۇغۇلۇشتىلا باراۋەر بولىدۇ››،‹‹ئادەم ئۆلگەندىن كىيىن بارلىق ئازاب ئوقۇبەتلىرىنى ئۈنتۇپ،قەۋرە ئالدىدا بارەۋەر بولىدۇ›› دىيىلگەن بۇيۇك ئىبارىلەرنى ئۇچراتقىلى بولىدۇ.بۇنى بىز قىل سىغماس ھەقىقەت دەپ قارىغىنىمىزدىمۇ،كىشىلەر ئۆلۈش بىلەن تۇغۇلۇش ئارلىغىدىكى ۋاقىت چۈشەنچىسىدىن بارۋەرسىزلىكنى چۈشىنىپ يەتەلەيدۇ.ئاتا-بوۋىلىرىمىزنىڭ ‹‹ياخشىغا كۈن يوق،يامانغا ئۆلۈم ››دىگەن بۇ بۇيۈك ئىبارىسىدىنمۇ بۇ نوقتىنى چۈشىنىپ يەتكىلى بولىدۇ.
ئىنسانلار تۇغۇلغاندىن كىيىن مەلۇم مەزگىل ياشاپ ئۆلۈپ كېتىدۇ.بۇ جەرياندا بەزى كىشىلەر خېلى بىر مەزگىل ياشاشيدۇ،يانا بىزىلەر بۇ دۇنياغا كۆز ئېچىپلا بۇ دۇنيادىن كىتىپ قالىدۇ.بۇ چاغدا نۇرغۇنلارنىڭ ئېڭىدا ‹‹بۇ بالا ئىدى،بۇ تېخى ياش ئىدى...››دىگەن ئۇقۇملار پەيدا بۇلۇپ،كىشىلەرنىڭ ئۆمۇر كۈرۈش جەھەتتىكى باراۋەرسىزلىكلەرنى ئېتىراپ قىلسا،يانا بىر تەرەپتىن ئۇلارنىڭمۇ تۇغۇلغاندىن كىيىن ئۇزاقراق ئۆمۇر كۈرۈپ،بۇ دۇنيادىكى نىممەتلەر بىلەن ئۇچرۇشۇپ بىر مەزگەىل ياشاپ،ئۆلۈپ كىتىشىنىڭ لازىملىغىنى ئۈمۈت قىلىشىدۇ.بۇ ئۈمۈتلەر كىشىلەرنىڭ ئۆمۈر چۈشەنچىسىدىكى باراۋەرلىك ئىستىكى ئىدى.
ئۆلۈم بىلەن تۇغۇلۇش ھاياتلىقنىڭ ئىككى ئۇچى بۇلۇپ،بۇ ئارلىقتىكى ۋاقىت چۈشەنچىسى ئىلاھى قانۇنىيەت بۇلۇپ،تۇغۇلۇش-ئۆلۈش مەڭگۈ شۇ قانۇنىيەتنى بويلاپ ،داۋاملىشىدىغان ھەقىقەت.ماھىيەتتە بىز دېۋاتقان تۇغۇلۇش-ئۆلۈش ئارلىغىدىكى ۋاقىت چۈشەنچىسى(باراۋەرسىزلىك)-ئىنسانىيەتنىڭ ئۆزىنى يېڭىلاش،ئۆزىنى تەرەققى قىلدۇرۇش،ئۆزىنى قۇتقۇزۇشتىكى ھەقىقى باراۋەرلىك ئىدى.ئەگەر ئۆلۈش-تۇغۇلۇش داۋام ئەتمەيدىغان مۇمكىنچىلىك بولغىنىدا بۇ ھەقىقى  ئىنسان ھايات تىنق كۆل سۈيىدەك ئاستا ئاستا ئاۋال سېسىپ،ئاندىن كۆل تىگىگە سىڭىشىپ،ياكى پارلىنىپ تۈگەپ كەتكەن بولاتتى.بۇنىڭ بىلەن ئىنسان،كۆل،سۇ ،ھاياتلىق، تۇغۇلۇش،ئۆلۈش ... ئىبارىلىرىمۇ مەڭگۈگە مەۋجۇت بولمايتتى.
بىز باراۋەرلىك مەسىلىسىدە تۇغۇلۇش-ئۆلۈشتىن ئىبارەت بۇ بۇيۇك ھەقىقەتنىلا ھەقىقى باراۋەرلىك دەپ ئېيتىيالايمىز،بىز بۇ سۆزنى ئېيتىۋاتقاندا تۇغۇلۇش بىلەن ئۆلۈشتىن ئىبارەت بۇ بۇيۈك ھەقىقەت ئارلىغىدىكى ۋاقىت ئېڭىنى نەزەردىن ساقىت قىلغان بولىمىز.
(داۋامى بار)
مەن بۇ تىمىنى ۋاقتىمنىڭ يىتىشىگە قاراپ ،نەچچە نوقتىدىن ئىسپاتلاپ چىقىشقا تىرشىمەن،قېرىنداشلارنىڭ توغرا چۈشىنىشىنى ئۈمۈت قىلىمەن ھەم بۇ تىما تەستىقلىنىپ قالسا ئىنكاس سۈپىتىدە داۋاملاشتۇرىمەن-ھۆرمەت بىلەن :تۇرى توختى

abm165

      بىز بۇدۇنياغا  ئارزۇ  بىلەن  كىلىپ  ئارمان  بىلەن كىتىمىز .  چۇنكى دەۋىر ئالدىدا  باراۋەر بۇلالمايمىز . شۇڭا  باراۋەرلىكنى  ئىزدەيمىز  ، تۇردى توختى مۇئەللىمنىڭ  كىىشنى  ئىزتىراپقا سالىدىغان  ھىكمەتلىرى  ئۇزۇلۇپ قالمىغاي .  

huxrui

ئىنساندا ئىستەك بولدۇ، مۇشۇ ئىستەكلىرىمىز ئارىسدا  كەلگۈسدە نۇرغۇن ئىشلارنى قىلىش ، قانداق ياشاش، باللارنى قانداق تەربىيلەش، ئۇ ئالەمگە قانداق بېرىشقا قانداق تەييارلىق قلىش،  ئىسىل داچلاردا ياشاش، ئىسىل ماشىنلارنى ئېلىپ ھەيدەش دىگەندەك ئىستەكلەر نى قلىپ ياشايمىز، ئىنسان قايسى ئارمانلارنى قىلپ قايسى غايلەرگە يەتكەن.   
مۇنۇ ھىكمەتلەر بەك ياخشى يېزىلىپتۇ . كۆپ تەشەككۇرلەر بولسۇن .

2009

ئۈستۈن ئورۇندا تۇرغانلارنىڭ ئۆزىدىن تۆۋەنلەر بىلەن باراۋەر بولغۇسى كەلمەيدۇ.تۆۋەن ئورۇندا تۇرغانلار ئۆزىدىن ئۈستۈن ئورۇندا تۇرغانلار بىلەن باراۋەر بولغاندىن كېيىن يەنە قانائەت قىلماي ئېشىپ كەتكۈسى كېلىدۇ.باراۋەرسىزلىكنى ئىنسانلارنىڭ كەلتۈرۈپ چىقىرىۋاتقاانلىقى ئەمەلىيەتتۇر.مۇئەللىمنىڭ  بايانىنىڭ داۋامىنى كۈتىمىز.

umudwar-uyhur

باراۋەرلىكنى قايرىپ قۇيۇپ ،ئىتتىپاقلىقنى تەكىتلەش ،سىنپى زۇلۇمدىن ئىبارەت خالاس.
                                                                                                              -لېنىن

4tapakkur4 ھەقىي سالاھىيەتلىك ئەزا

ئىنسانلارنىڭ   ھەممىسى  تارغاقنىڭ  چىشلىردەك   باپباراۋەر)))) مۇھەممەد  ئەلەيھىسالام

turditohti

(2)
يۇقىرىدا ئېيتىقىنىمىزدەك تۇغۇلۇش – بىلەن ئۆلۈش ئارلىغىدىكى ۋاقىت،دەل ئىنسانلارنىڭ ھاياتلىقىنى داۋاملاشتۇرۇش جەريانى بۇلۇپ،ئىنسانلار مۇشۇ ۋاقىت ئىچىدە ھەم باراۋەرلىكنى تەشەبۇس تەشەبۇس قىلىدۇ ھەم باراۋەرسىزلىكنى پەيدا قىلىدۇ،بۇ  ئارلىق ئىنسانلارنىڭ ئۆزىنى ئىپادىلەش ئارلىغى بۇلۇپ ھىساپلىنىدۇ.
بۇ ئارلىق ئىنسانلاردىكى ياشاش جەريانى بۇلۇپ،ئىنسانلار مۇشۇ ئارلىقتا تۈرلۈك-تۈمەن مۇناسىۋەتلەر بىلەن ئۇچرىشىدۇ.تۈرلۈك-تۈمەن مۇناسىۋەتلەرنى ھەل قىلىدۇ.يەنە باشقىچە قىلىپ ئېيتىساق ئىنسانلار بۇ ئارلىقتا ئۆزىنى ۋە ئۆزى ھىمايە قىلىدىغان گۇرۇھنىڭ مەنپەئەتنى گەۋدىلىندۈرىدۇ، يىغىنچاقلىساق بۇ جەريان باراۋەرسىزلىكنىڭ مەنبەسى بۇلۇپ،ئىنسانلار مۇشۇ مەزگەىلدە خىلمۇ خىل شەكىلدە ئۆزىنى ئىپادىلەپ،دۇنيادا ھەقىقى باراۋەرلىك ئۇقۇمنىڭ مەۋجۇت ئەمەسلىكىنى ھىس قىلىشىدۇ.شۇنداقلا ئاشۇ باراۋەرسىزلىكىنى يۇقۇتۇش ئۈچۈن بەزى بىر ھەركەتلەرنى قىلىدۇ،باراۋەرلىككە چىن ئەقىدىسى بىلەن ئىنتىلىدۇ.بىراق بۇ غايىسىگە يەتەلمەي،ۋاقىت ۋە ئىلاھى ھۈكۈملەردىن ئاغرىنىدۇ.
ئەمىليەتتە ئىنساننىڭ ياراتقۇچىدىن ئاغرىنىش ھۇقۇقى بولمايدۇ.‹‹قۇرئانىدىكى قىسسەلەر›› دىگەن كىتابتا‹‹مەن شۇنداق بىر خىل ئىنسان ياراتايكى،ئۇلار كەڭ زېمىندا تۇرۇپ ئەمگەك بىلەن تىرىشچانلىق قىلسۇن،زىرائەت-ئۆسۈملۈكلەردىن نېمەتلەرنى تېپىپ ئوزۇقلانسۇن،زېمىن ئاستىدىكى بايلىقلارنى ئېچىپ پايدىلانسۇن ۋە ئۆز ئەۋلاتلىرىنى يىتىشتۈرۈپ ئاۋۇتسۇن››{1} دىگەن ئىلاھى ھۈكۈم ئادەم ئەلەيھىسالامنىڭ قىسسەسىدە ئوترىغا قۇيۇلغان.بۇ ئىلاھى ھۈكۈمدىن ئىنسانلارنىڭ تۇغۇلۇشتىلا باراۋەر تۇغۇلىدىغانلىغىنى ياشاش جەريانىدا ئۆزىنىڭ ئەجرى ۋە مېھنىتى ئاساسىدا ئۆزىنىڭ ئورنىنى ئىپادىلەيدىغانلىغىنى بىلىۋېلىش تەس ئەمەس.بۇ نوقتىنى يەنە ‹‹ئىلىمگە دالالەت››دىگەن مەشھۇر ئەسەردە ئوترىغا قۇيۇلغان‹‹تەڭرى ئادەمدىن ئۈستۈن ئادەم ياراتمايدۇ،ئادەمدىن پەس ئادەمنىمۇ ياراتمايدۇ››{2} دىگەن ھۈكىمىدىنمۇ كۆرۋېلىش تەس ئەمەس.
بۇ يەردە شۇنى چۈشىنىپ يىتىش تەس ئەمەسكى ئادەملەر تۇغۇلۇشتىن باي-كەمبىغەل،ئەتىۋار- پەس،ئېزىز –خار يارتىلغان ئەمەس.ئۇلارنىڭ ياشاش جەريانىدا قانداق يول تۇتقانلىغى- ئۇنىڭ ئەمگىگى،بىلىمى،تەجىربىسى،ئەقىل-پاراسىتى،خارەكتىرى،ئەۋلات قالدۇرۇش چۈشەنچىسى...قاتارلىق ئادەم ئىختىدارىغا مۇناسىۋەتلىك تۈرلۈك شەرت-شارايىتلارنى ھازىرلىغانلىغى بىلەن مۇناسىۋەتلىك بۇلۇدۇ.ئۇ تەبىيەتتىن قانچە كۆپ نېمەتلەرنى ئېلىپ،تەبىيەتكە قانچە كۆپ ئەجىرى ۋە مېھرىنى بەرگەن بولسا ئۇلارنىڭ جەمىيەتتە تۇتقان ئورنى يۇقىرى بولغان،قانچىكى تەييارتاپ،ھۇرۇن كىشىلەرنىڭ بولسا تۇتقان ئورنى تۈۋەن بولغان،ئورنى يۇقىرى بولغانلار ۋاقىتنىڭ ئۆتىشىگە ئەگىشىپ باشقۇرغۇچىلىق،ھۆكىمىرانلىق ئورنىغا نائىل بولۇپ،دىكتاتۇراۋازلىق دېرجىسىگە يەتكەن.ھۇرۇنلار ،بىغەملەر ئۈستىدىن قانلىق زۇلۇملىرىنى يۇرگۈزگەن،بۇ قانلىق زۇلۇملار‹‹ بىئەتىۋالار›› نىڭ ئۇيقىسىنى ئېچىپ،ئۇلاردا باراۋەرلىك ئىستىكىنى قوزغاپ،قانلىق قىسمەتلەرنىڭ كىلىپ چىقىشنىڭ ئاساسى بولۇپ قالغان.بۇ قىسمەتلەر ئىنسانلارنى ئالغا ئىلگىرلىشىدىكى ھەركەتلەندۈرگۈچى كۈچ بۇلۇپ،ئىنسانلارنىڭ قانداق ياشىشىنىڭ لازىملىغىنى ئىنسانلارغا تۇنۇتقان ھەقىقەت بۇلۇپ قالغان،لىكىن ئىبرەتسىز ئىنسان بىر قېتىملىق قانلىق جەرياننىڭ ئاخىرلىشىشغا ئەگىشىپ يەنە ئۆزىنىڭ ئىللەتلىرىنى نامايەن قىلىشقا ئۈلگۈرگەن،شارايىت ھەم پۇرسەتنى قەدىرلەشنى ئېسىدىن چىقىرىپ قۇيۇشقان ئازغۇچىلارغا ئايلانغان.

turditohti

umudwar-uyhur يوللىغان ۋاقتى  2013-6-21 19:38
باراۋەرلىكنى قايرىپ قۇيۇپ ،ئىتتىپاقلىقنى تەكىتلەش ،س ...

ئىنتايىن توغرا ئېيتىلغان مىللى باراۋەرلىكنى ئالغا ئىلگىرلىتىشتىكى،بىرخىل تاللاشنى ئوتتۇرىغا قويغىنىڭز ئۈچۈن سىزگە تەشەككۈرلەر بولسۇن!
ئامان بۇلۇڭ قېرىدىشىم،بىز ھازىر لېنىننىڭ ئاشۇ سوزى تەتبىقلىنىدىغان ئەمىليەتتە ياشاۋاتىمىز.

turditohti

(3)
كىشىلەرنىڭ سۇبىكتىپ پالىيەتچانلىقىنىڭ قانداق بولۇشى،ئىنسانلارنىڭ باراۋەرلىگىگە بىۋاستە تەسىر كۆرسۈتۈپ،خىلمۇ-خىل ئارزۇدىكى كىشىلەردە باراۋەرلىك ئىستىكىنى بارلىققا كەلتۈرگەندەك،ئىنسانلارنىڭ ياشىۋاتقان تېبىئى شارايىتىلىرىمۇ ئىنسانلارنىڭ باراۋەر ياشاشتەك ئارزۇسىغا بىۋاستە تەسىر كۆرسىتىدۇ.
ئىنسانلار ياشاۋاتقان جۇغراپىيەلىك شارايىت ئوخشاش بولمايدۇ.بەزىلەرنىڭ ياشاۋاتقان ماكانىنىڭ شارايىتى ياخشى،بايىلىغى مول،مۇھىتى گۈزەل،ئىنسانلار ياشاشقا شۇنداق ماس كېلىدۇ،بۇنداق شارايىتتا ياشىۋاتقان كىشىلەرنىڭ ماددىي شارايىتى بارغانسىرى ياخشىلىنىپ،كىشىلەرنىڭ ئېتىياجى ماددىيلىقتىن مەدىنلىككە تەرەققى قىلىپ،قوساقنىڭ غىمىدىن چىقىپ،ئۆزىنىڭ مەنىۋى تۇرمۇشىنى بېيتىش ئۈچۈن ئۆزىنىڭ سۇبىكتىپچانلىغىنى تېخىمۇ جارى قىلدىرىدۇ،بۇنداق جايلاردا خاتىرجەملىك مۇھىتى ھاسىل بولۇپ،ئىنسانلارنىڭ دىمۇگىراتىيە ئېڭى كۈچۈيىپ،باراۋەرلىك چۈشەنچىسى-ئادەمنى ،ئادەم كۆرشۈش دېرىجىسىگە يېقىنلاشقان بولىدۇ.
بەزى ئورۇنلارنىڭ شارايىتى ناچار،ياشىماق قىيىن،ياشاش بوشلىغى تار،بولۇپ بۇنداق مۇھىتتا ياشىغان كىشىلەردە مۇنداق ئىككى خىل ياشاش شاكلى مەيدانغا كىلىشى مۇمكىن،بىرسى شۇ جايدا ياشىۋاتقان كىشىلەر ئەقىلنى بايلىققا ئايلاندۇرۇپ،ياشاش شارايىتىنى ياخشىلاشقا ئېمكانىيەت يارتىپ،ئەقلى ئارقىلىق قىيىن ياشاش شارايىتىنى،ئۆزىنىڭ ئەقلىگە بوي سۇندۇرىدۇ.يەنە بىر خىلدىكىلەر بولسا قوساق تويغۇزۇشتىن ئىبارەت ماددىي قۇللۇقنىڭ زۇلىمىدىن قۇتۇلالماي،قوساق ئۈچۈن بارلىغىنى ئاتايدۇ،بىراق قوساقتىن ئىبارەت بۇ زالىمنىڭ ئاسارىتىدىن قۇتۇلۇپ كېتەلمەيدۇ.بىراق ئۇلار يوقسىزلىققا بەك چىداملىق كېلىدۇ.
شارايىت كەلتۈرۈپ چىقارغان يۇقارقىدەك پەرىقلار كىشىلەردىكى،بۇلۇپمۇ ئىنسانىيەت دۇنياسىدىكى باراۋەرسىزلىكلەرنىڭ مۇھىم بىر تەركىۋى قىسىم بۇلۇپ،كىشىلەردە ياشاشتىكى باراۋەرلىك چۈشەنچىسىنى شەكىللەندۈرىدۇ.شۇنداقلا كۇچلۇكلەردە(ياشاش شارايىتى ياخشى بۇلۇپ،ماددىي ۋە مەنىۋىي جەھەتتىن قۇدرەت تاپقان توپلار) ئاجىزلارنىڭ رىزقىغا كۆز تاشلاشتەك رېزىللىكلەرنى پەيدا قىلسا،ئاجىزلاردا ئادەمدەك ياشاش ئىستىكىنى مەيدانغا كەلتۇرۇدۇ.شارايىت تەسىر كۆرسەتكەن كۇچلۇكلەر-ئاجىزلار مەسىلىسىدە بۇ ئىككى توپ ئارىسىدىكى كەڭلىك ئىنسانلارنىڭ  باراۋەرسىزلىكنى ئىپادىلەيدىغان ئەمىلى بوشلۇق بۇلۇپ ھىساپلىنىدۇ. بۇ بوشلۇق نوۋىتىدە يانا كىشىلەرنىڭ باراۋەرلىك چۈشەنچىسىنى،ئىستىكىنى رىياللىققا كەلتۈردىغان،مۇنداقچە دىگەندە باراۋەرلىك ئىستىكىنى تۇغىدىغان ماكان بوشلىغى بولۇپ ھىساپلىنىدۇ.
يۇقىردىكىلارنى يىغىنچاقلىساق،ئىنسانلار باراۋەر ياشاشتىن ئىبارەت ئۇلۇغ ئىستەكنى كۆڭلىگە پۈككەن بولسىمۇ ،لىكىن ئۇلار ياشىۋاتقان ماكان نىممەتلىرى ئىنسانلارنىڭ باراۋەر ياشاش ئىستىكىنىڭ ئەمىليەتكە ئايلىنىشىغا تەسىر كۆرسىتىدۇ.بۇنىڭ بىلەن كىشىلەر يانىلا ئاشۇ رىياللىق ئىچىدە ياشاشقا مەجبۇر بولىدۇ،شۇنداقتىمۇ باراۋەر ياشاشتىن ئىبارەت بۇ ئۇلۇغ روھتىن ۋاز كەچمەيدۇ.بۇنداق ۋاز كەچمەسلىك ئىنسانلاردا تېبىئى ھالدا ئالدىغا قاراپ ئىلگىرلەيدىغان قەيسەر ئىرادىنى يىتىلدۈرىدۇ.
تەبىيەت بىلەن ئىنسانلارنىڭ مۇناسىۋەت ھالىتىمۇ باراۋەرسىزلىكنى كەلتۇرۇپ چىقىرىدۇ،ئىنسانلار ئۆزىنى ئويلاپ تېبىيەتنى ئويلىماي،تەبىيەتكە بۇزغۇنچىلىق قىلىپ،تەبىيەتنىڭ ئۆچ ئېلىشىنى كەلتۈرۈپ چىقىرىدۇ.بۇ ھال ئىنسانلارنىڭ ياشاش شارايىتىنى بارغانچە قىيىلاشتۇرۇپ،ئۇلارنىڭ ئارزۇلىرىنى بەربات قىلىپ،ئادەملەر ئارىسىدىكى تۇرلۇك مۇناسىۋەتلەرنى تەڭسىز ھالەتتە تەڭشەيدۇ.بۇ چاغا تېبىيەت بىلەن دوست بولغانلار  ماددىي نىممەتلەرگە كۆپلەپ ئىرشىپ،ئىنسانىيەتنىڭ يىتەكچىلىرىگە ئايلىنىدۇ.بۇ ھال تېبىئى ھالدا يىتەكچىلىك قىلغۇچىلار بىلەن يىتىكچىلىك قىلىنغۇچىلار ئوترىسىدىكى باراۋەرسىزلىكلەرنى كەلتۇرۇپ چىقىرىدىغان مۇھىم ئامىلغا ئايلىنىپ،يىتەكچىلىك قىلىنغۇچىلارنىڭ باراۋەرلىك ئىستىكىنىڭ ئويغىنىشىغا تۈرۈتكە بولىدۇ.
بىر جۈملە سۆز بىلەن ئىپادىلىسەك-بۇ تەبىيەت ئاتا قىلغان باراۋەرسىزلىكنىڭ مەنبەسى ھەم باراۋەرلىك ئىستىكىدۇر.

sultan777 ھەقىي سالاھىيەتلىك ئەزا

- باراۋەرلىك  مەڭگۈ ئەمەلگە ئاشمايدىغان غايە بولسىمۇ شۇ غايىگە  يىتىش ئۈچۈن توختىماي ھەركەت قىلىشىمىز  كىرەك.
ھاياتلىق ھەركەتتە.