شىنجاڭ ئارمان شىركىتى ئېغىر دەخلى تەرۇزگە ئۇچرىدى

alkuyi.com

	ئارمان مەھسۇلاتلىرىنىڭ پاتېنتى دەخلى تەرۇزگە ئۇچرىدى ئاخبارات ئېلان قىلىش يىغىن مەيدانىدىن بىر كۆرۈنۈش ئەلكۈيى تورى ئۈمىد 28-كۈنى خەۋىرى:  ئۈمىد ئېيىنىڭ 25-كۈنى چۈشتىن بورۇن  «شىنجاڭ ئارمان مۇسۇلمانچە يېمەكلىكلەر سانائىتى گوروھ چەكلىك شىركىتى» ئارمان مەھسۇلاتلىرىنىڭ ئىگىلىك ھوقوقىغا دەخلى-تەرۇز قىلىش قىلمىشلىرى ھەققىدە ئاخبارات ئېلان قىلىش، مۇخبىرلارنى كۈتىۋېلىش يىغىنى چاقىردى. ئاخبارات ئېلان قىلىش يىغىنىغا «شىنجاڭ ئارمان مۇسۇلمانچە يېمەكلىكلەر سانائىتى گوروھ چەكلىك شىركىتى»نىڭ باش لىدىرى،باش مۇدىر رادىل ئابلا ،ئارمان شىركىتىنىڭ قانۇنى مەسلىھەتچىسى، ئادۋۇكاتى ياۋجىدۇڭ ئادۋۇكات،ئارمان شىركىتى پارتىيە ياچايكىسىنىڭ باش سېكرىتارى لىشيەن ئەي قاتارلىقلار قاتنىشىپ بۇ قېتىملىق ئاخبارات ئېلان قىلىش يىغىنىدا مۇخبىرلارنى كۈتىۋالدى. شىنجاڭ تېلىۋىزىيە ئىستانسىسى، شىنجاڭ خەلق رادىيو ئىستانسىسى، ئەلكۈيى تورى،  شىنجاڭ گېزىتى ،ئۈرۈمچى تېلىۋىزىيە ئىستانسىسى، ئۈرۈمچى رادىيو ئىستانسىسى ،شىنجاڭ ئىقتىساد گېزىتى،سەھەر گېزىتى  قاتارلىق شىنجاڭ ئۇيغۇر ئاپتونۇم رايونىمىزدىكى نوپۇزلۇق تاراتقۇلار دىن بولۇپ 100گە يېقىن ئادەم ئاخبارات ئېلان قىلىش يىغىنىغا قاتناشتى. «شىنجاڭ ئارمان مۇسۇلمانچە يېمەكلىكلەر سانائىتى گوروھ چەكلىك شىركىتى»نىڭ باش لىدىرى،باش مۇدىرى رادىل ئابلا ئارمان مەھسۇلاتلىرىنىڭ پاتېنتى دەخلى تەرۇزگە ئۇچرىغانلىقىنى پاكىت بىلەن كۆرسىتىپ سۆزلىمەكتە شىركەت تەرەپنىڭ ئاخبارات ئېلان قىلىش يىغىنىدا ئوتتۇرىغا قويۇشىچە، ئارمان ماركىسىنىڭ ئىناۋىتى ئۈزلۈكسىز يۇقىرى كۆتۈرۈلگەنسىرى،ئارمان مەھسۇلاتلىرىنىڭ ئىگىلىك ھوقوقىغا دەخلى-تەرۇز قىلىش قىلمىشلىرى كۆپلەپ بايقالغان. ھەرقايسى تاراتقۇلاردىن كەلگەن مۇخبىرلار خەلق ساغلاملىقىنى ئۆزىنىڭ ئەڭ چوڭ ئارمىنى بىلىپ،«ساغلام يىمەكلىك،ساغلام ھايات»تىجارەت يۆنىلىشى بويىچە خەلقنى تەبىئىي،بىخەتەر ساغلام يېشىل يىمەكلىكلەر بىلەن تەمىنلەش مەقسىتىدە تىنىمسىز تىرىشىۋاتقان ئارمانلىقلار سۈپەتلىك مەھسۇلاتلىرى،ئەلامۇلازىمىتى شۇنداقلا چىن نىيىتى بىلەن خەلق قەلبىدىن چوڭقۇر ئورۇن ئېلىپ كىلىپ،17يىللىق بوشاشماي تىرىشىش ۋە تېخنىكا يېڭىلاش نەتىجىسىدە «شىنجاڭ ئارمان مۇسۇلمانچە يېمەكلىكلەر سانائىتى گوروھ چەكلىك شىركىتى»مۇسۇلمانچە يېمەكلىكلەرنى ئىشلەپ چىقىرىش،تەتقىق قىلىش،سېتىش بىر گەۋدىلەشتۈرۈلگەن دۆلەت دەرىجىلىك يېزائىگىلىكىنى كەسىپلەشتۈرۈشتىكى باشلامچى كارخانا ۋە    AAAA دەرىجىلىك ياخشى كارخانا بولۇپ مۇسۇلمانچە يىمەكلىكلەر ساھەسىدىكى سەركەردىگە ئايلانغان.ئارمان شىركىتىنىڭ ئوتتۇرىغا قويۇشىچە، ئوزۇن يىللىق تەرەققىياتنىڭ نەتىجىلىرى سۈپىتىدە ئارمان ماركىسىنىڭ ئىناۋىتى ئۈزلۈكسىز يۇقىرى كۆتۈرۈلگەنسىرى،ئارمان مەھسۇلاتلىرىنىڭ ئىگىلىك ھوقوقىغا دەخلى-تەرۇز قىلىش قىلمىشلىرى داۋاملىق بايقالغان. ئارمان شىركىتىنىڭ قانۇنىي ھوقۇق مەنپەئەتىغا دەخلى تەرۇز قىلغان مەھسۇلاتنىڭ كۆرسەتمىسى ئارمان شىركىتىنىڭ مەسئۇللىرى ئاخبارات ئېلان قىلىش يىغىنىدىكى ئەھۋاللاردىن تورىمىزنىڭ ئېگەللىشىچە: ئارمان شىركىتى يېقىنقى بىر قانچە يىلدىن بۇيان شىنجاڭ ئالتاي قاناس سۈتچىلىك چەكلىك شىركىتى ئىشلەپچىقارغان (چوڭلار ياڭاق تالقىنى )،(ئاياللار قۇۋۋەت تالقىنى) نىڭ سىرتقى ئورالمىسىدا ئارمان شىركىتىنىڭ پاتېنت ھوقوقىنى ئۆز ئالدىغا ئىشلىتىش قىلمىشى ،شۇنىڭ بىلەن بىللە يەنە مۇبارەك سودا شىركىتىنىڭ ئارمان شىركىتىنىڭ (ئارمان چوڭلار قۇۋۋەت تالقىنى )،(ئاياللار قۇۋۋەت تالقىنى) پاتېنتىنى ئۆز ئالدىغا ئىشلىتىش قىلمىشىنى بايقىغان. ئالتاي قاناس سۈتچىلىك چەكلىك شىركىتى،ئارمان شىركىتىنىڭ سىرتقى كۆرۈنۈش لاھىيە پاتېنتىنى كۆچۈرۈپ ئىشلەتكەن،مەھسۇلاتلىرى شىنجاڭ بازارلىرىدا كۆپلەپ سېتىلغان،بۇ مەھسۇلاتلارنىڭ ئىستىمال ئوبىكىتلىرى كەڭ ئاز سانلىق مىللەت ئاممىسى بولغانلىقتىن ،كۆرۈش تۇيغۇسى جەھەتتىن كەڭ ئىستىمالچىلارنى ئېغىر دەرىجىدە قايمۇقتۇرۇپ،ئىستىمالچىلارنىڭ قانۇنلۇق ھوقوق مەنپەئىتىگە دەخلى تەرۇز قىلىپلا قالماي،يەنە ئارمان شىركىتىنىڭ مەنپەئىتىگىمۇ ئېغىر دەرىجىدە دەخلى تەرۇز قىلغان ھەم نورمال بازار تەرتىپىنى قالايمىقانلاشتۇرۇپ،ئارمان شىركىتىگە ئېغىر ئىقتىسادىي زىيانلارنى ئېلىپ كەلگەن. «شىنجاڭ ئارمان مۇسۇلمانچە يېمەكلىكلەر سانائىتى گوروھ چەكلىك شىركىتى»نىڭ باش لىدىرى،باش مۇدىرى رادىل ئابلا ئارمان مەھسۇلاتلىرىنىڭ پاتېنتى دەخلى تەرۇزگە ئۇچرىغانلىقىنى پاكىت بىلەن كۆرسىتىپ سۆزلىمەكتە ئاخبارات ئېلان قىلىش يىغىنىدا ئەلكۈيى مۇخبىرىنىڭ ئېگەللىشىچە: ئارمان شىركىتى مەزكۇر شىركەتلەر بىلەن بۇخىل قىلمىشنى توختىتىش توغرىسىدا مۇرەسسەلەشكەن بولسىمۇ ئۈنۈم بەرمىگەن. ئارمان شىركىتى ئىستىمالچىلارنىڭ قانۇنلىق ھوقوق مەنپەئىتىنى،شىركەت مەنپەئىتىنى قوغداش ئۈچۈن 2011-يىلى 9-ئايدا ئۈرۈمچى شەھەرلىك ئوتتۇرا خەلق سوت مەھكىمىسىگە ئەرز سۇنغان . ئوتتۇرا خەلق سوت مەھكىمىسى قانۇن بويىچە كېسىم چىقارغاندىن كېيىن ئالتاي قاناس سۈتچىلىك چەكلىك شىركىتى بۇنىڭغا قايىل بولماي 2012-يىلى 3-ئايدا يۇقىرى خەلق سوت مەھكىمىسىگە نارازىلىق ئەرزى سۇنغان. يۇقىرى خەلق سوت مەھكىمىسى مەزكۇر دېلوغا كېسىم چىقىرىپ ، ئالتاي قاناس سۈتچىلىك چەكلىك شىركىتىنىڭ ھوقوققا دەخلى تەرۇز قىلىش قىلمىشىنى دەرھال توختىتىش ھەققىدە ھۆكۈم ئېلان قىلغان. ئادەمنى سۆيۈندۈرىدىغىنى شۇكى ئارمان شىركىتى جەمئىيەتنىڭ مۇقىم،ئىناقلىقىنى چىقىش قىلىپ تۆلەم مەسىلىسىدە يول قويۇپ،پەقەت قانۇنىي ھوقۇققا دەخلى -تەرۇز قىلمىشىنى توختاتسا تۆلەمنى ئالمايدىغانلىقىنى بىلدۈرگەن. «شىنجاڭ ئارمان مۇسۇلمانچە يېمەكلىكلەر سانائىتى گوروھ چەكلىك شىركىتى»نىڭ باش لىدىرى،باش مۇدىرى رادىل ئابلا ئەلكۈيى تورى مۇخبىرىنىڭ زىيارىتىنى قوبۇل قىلماقتا ئارمان شىركىتىنىڭ لېدىرى،باش دېرىكتورى رادىل ئابلائەلكۈيى مۇخبىرىنىڭ بۇندىن كېيىنكى مەسىلىلەرنى ھەل قىلىش يولى توغرىسىدا سورىغان سۇئالىغا جاۋاب بېرىپ : «ئارمان شىركىتىنىڭ كۈرەش نىشانى –جۇڭگۇنىڭ مۇسۇلمانچە يېمەكلىكلەر ساھەسىدىكى سۈپەت ھەم ئىناۋەتتىكى بىرىنچى ماركىنى يارىتىش شۇنداقلا ئارمان ماركىسىنى شىنجاڭدىن پۈتۈن مەملىكەتكە،دۇنياغا يۈزلەندۈرۈش. بىز مۇشۇ نىشان بويىچە ئۆزلۈكسىز تىرىشىمىز.بۇ جەرياندا يۇقارقىدەك قانۇنىي ھوقوق مەنپىئەتىمىز ۋە شىركىتىمىزنىڭ ئوبرازىغا زىيان يەتكۈزىدىغان قىلمىشلار بايقالسا قانۇنىي يول ئارقىلىق قاتتىق زەربە بېرىپ باشقىلارنىڭ خەلقنى ئالدىشىغا قەتئىي يول قويمايمىز.»دېدى.

uyghurata

	ئارمان بىلەن ئىخلاسنى نەچچە چاپان يەڭگۈشلەتتىغۇ مۇبارەك شىركىتى ،بۇ شىركەتنىڭ دىرىكتورى مەخمۇتجان قۇرباننى ئىشچىلار ھەركىتى ژورنىلىدا مەخسۇس تۇنۇشتۇرغاننى كۆرگەن ئىدىم قارىغاندا بۇ قىتىم ئارمان شىركىتى قاتتىق ئىرادىگە كەلگەن ئوخشىمامدۇ

mamatale

	مەن ئارمان گوروھىنى قولايمەن. نېمە قىلدۇدەيمەن بۇ شىركەتلەر يىڭلىق ياراتماي بىربىرىنى دوراپ. ئارمان شىركىتى ياخشى ئەدىپنى بىرىپتۇ.

barkatjan

	مەن كىچىك بولسىمۇ بىر كارخانچى بولۇش سۇپىتىم بىلەن بۇنداق ئىشلاردىن قاتتىق نەپرەتلىنىمەن. ھەركىم ئۆزئالدىغا تەرەققى قىلىدىغان جاھانغۇبۇ. نەدىن يۇقتى بۇنداق قاملاشمىغان قىلىقلار ئوخشاش تالقان ئىشلەڭ بوپتۇ.ماركىنى خالتىنى باشقىچە لاھىيلىسە بولمامدۇ.......ۇنداق قىلمايلى قىرىنداشلار ئۆزىمىزگىمۇ ئۆزگىگىمۇ ئورا كولىمايلى.....

gulbelik

	بۇ كارخانلار ئارا ئادىل رىقابەتلىشش دېگەن پىرنسپقا خلاپ قىلمش . ئارمان شىركىتى ئۆزنىڭ پاتىنىت ھوقوقنى قانۇنى ۋاستە ئارقىلىق قوغداشقا تۇلۇق ھوقوقلۇق. ھازىر بازاردا بۇ خىل يامان قىلمش ئىغرلاشماقتا . بۇنداق قىلسا كارخانلار ئارا سودا رىقابتگە  ، يېڭلىق يارتىش ئڭغا ئىېغر تەسىر يىتدۇ. شۇڭا ئەتراپمىزدكى بۇ خىل ناچار قىلمشقا قارتا مۇۋاپىق بولغان تەدبىرنى قولانمسا بولمايدۇ. ئارمان شىركتى نەچچە يىلىق ئۇزاق مۇساپەلەرنى بېسپ ئۇتۈپ ،نۇرغۇن جاپا -مۇشاقەتلەر بىلەن ئاران بۇگۈندكىدەك مۇشۇ ئۇرۇنغا ئىرشكەن. بۇنداق تەييار تامماققا تەڭ شىرىك بۇلدىغان كىشلەرگە تەدبىر قولانمسا ،ئارمان شىركتىدەك غوللۇق شىركەتلەرنىڭ مەنپەتگە تەسرى بۇلىدۇ.

ArislanMemet

	2004-يلىمىكىن تازا ئېسىمدە قالماپتۇ ، ماركا تىزىملاش توغرىسىدا مۇناسىۋەتلىك ئىدارىگە بېرىپ سۈرۈشتە قىلىپ باققان ، شۇ چاغدا بىزگە مەلۇم بولغىنى ، ئۇيغۇرچە يېزىقنى پەقەت رەسىم شەكلىدە ماركا قىلىپ تىزىملاتقىلى بولىدىكەن ، بۇ دىمەك «ئارمان» خېتىنى روقىيە خەت نۇسخسى بىلەن يېزىپ تىزىملاتسا بىر ماركا ، تەئىلىق خەت نۇسخىسى بىلەن تىزىملاتسا يەنە بىر ماركا ھېسابلىنىدۇ . خەنچە خەت بىلەن ئېنگىلىزچىنى سۆز مەنىسى بىلەن ماركا قىلىپ تىزىملايدىكەن ، خەت شەكلى قانداق ئۆزگەرسۇن يەنىلا بىر ماركا ھېسابلىنىدۇ . ھازىر قانداقكىن بىلمىدىم ، ناۋادا ھېلىھەم ئۆزگەرمىگەن بولسا ، ئۇيغۇرلارنىڭ ناخشا - ئۇسۇلچى قۇرۇلتاي ۋەكىللىرى  مۇمكىن بولسا ،  مۇشۇنداق مەسىلىلەر ئۈستىدىمۇ ئويلىشىپ قويسا دەپ ئويلاپ قالىمەن .

tohar

	بىر يىللاردا تېلىۋۇزۇردا ئابدۇكېرەم ئابلىز 2خىل رول ئېلىپ،ئىخلاس فېرىمانىڭ ئېلانىغا چىققان ھەمدە ‹‹ھەقىقىي ئابدۇكېرەم ئابلىز ئىخلاس فېرىما ئىچىدۇ››دەپ،تېزگىنەكنى بېسىپ،يالغان ئابدۇكېرەم ئابلىزنى يوق قىلىۋەتكەن ئىدى. رادىل ئابلادىن تولىمۇ سۆيۈندۇم،ئېغىر خاتالىق ئۆتكۈزگەن شىركەتلەرگە ھېلىمۇ كەڭچىلىك قىلىپ،تۆلەم پۇلى ئالماپتۇ،ئۇ شىركەتلەرنىڭ تەرەقىي قىلىشىنى يەنىلا ئويلايدىكەن،توغرا رىقابەت ئۇسۇلىنى تەكىتلەيدىكەن،بۇ نېمەدېگەن مەردلىك،رادىل ئابلانىڭ بۇ ئەپۇچانلىقى مېنى تەسىرلەندۈردى. ئەمدى ئۇ شىركەتلەر ئۇنداق ئوخشىتىش قىلماي،باشقا ماركىنى ياراتقىنى ياخشى دەپ ئويلايمەن،ئىخلاس فېرىما چىققاندا،ئىختىدا دەپ بىرسى چىققان،خەت ئۇقمايدىغان نۇرغۇن ئۇيغۇرلىرىمىز كۆرۈپلا،پەرقلەندۈرەلمەي سېتىۋالغان. ئارمان شىركىتىنىڭ بۇرۇنلا پاتىنىت ھوقۇقى بۇرۇنلا دەخلى تەرۇزغا ئۇچۇرغان،قەدىردان دەپ ئەتكەن چاي چىقىپ،قەدىناس دېگەن ئىسىمدا خەت نۇسىخسىنى ئوخشاش قىلىپ،تازا بازاردا خېرىدارلارنى ئالدىغان. سودىدا سەمىمىي بولغان ياخشى،ئارمان شىركىتىنىڭ پاتىنىت ھوقۇقىغا دەخلى-تەرۇز قىلغان شىركەتلەرنىڭ ۋاقتىدا ئۆزىنى تۈزەشتۈرۈپ،دورامچىلىقتىن ساقلىنىپ،ئۆزىگە يېڭىچە بولغان يول تۇتۇپ،تەرەقىي قىلىشىنى ئۈمىد قىلىمەن.

salam234

	زادى  ئەدىبىنى بىرىش كىرەك ، خەقنىڭ چاپىنىدا  تەرلەيمەن دىيىيىش  نامەرتنىڭ ئىشىدۇر.   بىڭسى بولسا ئۆزىمۇ ئارمانغا ئوخشاش  مۇستەقىل ماركا يارىتىپ بازارغا يۈزلەنسۇن.

alimmuhemmet

	قانۇن  بىلەن بىر تەرەپ قىلىش كېرەك،دۆلىتىمىزنىڭ تۆلەم سوممىسى بەكلا تۆۋەن،غەرپ ئەللىرىدە بۇنىڭغا ئوخشاش ئىشلاردا تۆلەمنى تۆلەپ بولالماي شىركەت ۋەيران بولىدىغان گەپ.

fayiza

	ئەلكۈيى مۇنبىرىنىڭ يېڭىلىنىشى ئاستا . نادىر تىما چىقمىسا ، تىما يېڭىلانمايدۇ  دەپ ئويلاپ تاس قاپتىمەن كىرمەي قويغىلى . كىرىپلا مۇشۇ تىمىنى كۆرۈپتىمەن . رادىل ئابلانىڭ كەڭ قۇرساقلىقى مىنى بەك قايىل قىلدى .