سىز كىمنى ئالداۋاتىسز

nikap

	بۇ 6قەۋەتتىكىkaymas يوللىغان 2011-10-12 13:12 غا قارتىلغان  : ئەسما خانىم سەل ئۆز ھاياجىنىڭىزنى بىسىۋىلىڭ. سىز خىيالىڭىزدا ئۆز ئالدىغا زاۋۇت قۇرۇپ مەھسۇلات ئىشلەپچىقىرىشىنى شۇنچە ئاسان دەپ ئويلامسىز؟ ھەممىنى بىر تاياقتا ھەيدىمەيلى. مەن بۇ مۇنبەرگە ئىزچىل دىققەت قىلىپ كىتىۋاتىمەن. مۇشۇ توغرىسىدا كۆپ مۇلاھىزىلەر ۋە مۇنازىرىلەر بولدى. سىز ئالدى بىلەن << مىللي كارخانىچىلىرىمىزنى قانچىلىك قوللىيالىدۇق>> دىگەن تىمىنى بىر ئوقۇۋىتىڭ. ئۇيغۇرچە ماركىدىكى بىر مەھسۇلاتىنى راۋاجلاندۇرۇپ، ئۇنى كىشىلەرگە تونۇتۇشقىمۇ بىر جەريان كىتىدۇ. مەن مۇشۇ مىللي ئىگىلىمىز ئۈچۈن ئاندىغەي، مىللي ئىگىلىمىز ئۈچۈن مۇندىغەي دەپ ئاغزىدىن كۆپۈك چىققىدەك سۆزلىگەنلەردىن شۇنى سوراپ باققۇم كىلىۋاتىدۇ. سىز ئۆمىرىڭىزدە ئىلم-سىتىم بىلەن شۇغۇللىنىپ باققانمۇ ياكى ئىلىۋاتقان ئايلىق مۇئاشىڭىزغا تايىنىپ جان بىقىپ،ئاق-قارىنى پەرق ئەتمەيلا ھەممىنى ساختىپەز كاززاپ قاتارىغا قوشۇۋاتامسىز؟ بەزىلەرنىڭ ھەققەتەن پۇل ئۈچۈن ھەرنىملەرنى قىلىۋاتقانلىقىنى ھەتتا كىشلەرنى ئالداش بەدىلىگە، ئىچكىرىدىكى ئامبار قالدۇقى بولغان بىرقىسىم ناچار-سۈپەتسىز مەھسۇلاتلارنى ئەكىلىپ سىتىپ شۇ ئارقلىق باي بولغانلار كۆپ. ئەمما بۇ ھەممە كارخانىچىغا ۋەكىلىك قىلالمايدۇ. سىلەرنىڭمۇ ئۇيغۇرنىڭ ئىشلەپ چىقارغان مەھسۇلاتىنى كۆرۈپ تۇرۇپ، يەنە باھاسىنىڭ ئەرزانلىقىنى قوغلىشىپ ئۆزىڭىز يىرگەنگەن ئەشۇلارنىڭ ئىشلەپ چىقارغان مەھسۇلاتىنى سىتىۋالىسىلەرغۇ؟ تورداشلار بۇ ئىشقا بىر تەرەپلىمە قاراشتا بولمايلى. كارخانىچى بولماق ئاسان ئەمەس، ئەگەر سودىگەر تەرەققى قىلىمەن دەيدىكەن، راۋاجلىنىمەن دەيدىكەن خىرىدارلارنىمۇ خۇددى ئۇرۇق-تۇققان، يارۇ- بۇرادەرلەرگە ئوخشاش كۆرىشى ئەڭ ياخشى -ئەڭ سۈپەتلىك مەھسۇلاتىنى ئەشۇ خىرىدارلاغا ئاتىشى كىرەك. بۇ بۇرۇندىن تارتىپ بار ھەققەت. ئەمما بەزىلەر بۇنى ئۇنتۇپ قالدى. بۇنىڭ ئىچىدىمۇ خىرىدارلامۇ، كارخانىچىلارمۇ بار. kaymas بۇرادەر، ئەسىما خانىمنىڭ دىگىنىنى بۇنداق ئۇسۇل بىلەن ئىنكار قىلالمايمىز. بۇ يەردە بۇلغىنىۋاتقىنى يىمەكلىك مەسلىسى، توغرا ھازىرقى جەميەتتە بۇ خەقنىڭ قولىدىن چىقمايدىغان نەرسىلەر ئاز قالدى. ئۇن، ماي، ھەتتا گۈشلەرنىمۇ ئىچكىردىن ئېلىپ چىقىپ ساتىدىغان ئىشلار ئەۋجى ئېلىپ كەتتى. بىراق بۇ قېتىم تىجارەت ئىشى بىلەن ئىچكىرگە كىرگىنىمدە بىر بۇرادىرىم نىڭشىيادىكى تەييار چۆپ ئىشلەش زاۋۇتىدا تەييار چۆپ ئىشلەتمەكچى بولۇپ بارغان ئىدى. ئۇ بىر دوستى بىلەن شېرىك ئىدى. ئاردىن ئۇزۇن ئۆتمەي ماڭا تىلفۇن قىلىپ - زاۋۇتتا ھالاللىق دىگەن ئۆلچەم ئەمەس، پاكىزلىق دىگەن ئۆلچەمگە يەتكىدەك (مۇسۇلماندىكى پاكىزلىقنى دىمەكچى) قىلچىلىك نەرسە بولغان بولسا ئىدى، بۇ ئىشنى چوقۇم قىلاتتىم، خېرىدارلار 500 مىڭلىق مال بۇيرۇپ بولدى. بىراق مەن بۇ يىمەكلىكنى ئېلىپ چىقىپ بايغۇ بولارمەن. ئاللاھ قا نىمە دەرمەن. سودىدىن چىكىنەي دىدىم. قىلىدىغانلار قىلسۇن - دەپ شېرىكىدىن سالغان مەبلىغىنى قايتۇرۋالغانلىقىنى ئېيتتى. ئۆزۇم ئەمەلىي كۆرمىگەن نەرسە ھەققىدە ھەرگىزمۇ سۆزلىگىم يوق. بىراق شۇ ماركىدىكى تەييار چۆپ ھازىر بازاردا ئىتتىك بازارلىق، بىزدىكى نۇرغۇنلىغان تەييار چۆپلەر ئەنە شۇنداق ئىشلەنگەن. بۇ تەييار چۆپلەرنىڭ شىنجاڭغا چىقىش باھاسى بەزىللىرىنىڭ ھەتتا 0.5 يۈەنگىمۇ يەتمەيدۇ. ئەلۋەتتە پايدا بار ئىشلار. بىراق ئادەمنىڭ ئاغزىدىن كىرگەن ئوزۇقلۇقنىڭ قانچە پىرسەنتىنى مىڭە ھەزىم قىلدىغانلىقىنى بىلەمسىز؟ ئاتا بۇۋىمىزدا -بالام بەك چىچەن بولۇپ كېتىپ باردۇ- دىسە - بازاردىن بىر ۋاقلىق تاماق ئېلىپ بېرىڭ- دەيدىغان گەپلەر بار ئىكەن.مۇشۇنى بىلىپ تۇرغان ئۇيغۇر كارخانچىللىرىمىز تېخى مەھسۇلاتلىرىغا "ھالال جىڭ- ھالاللىق ئىسپاتى" چىقىرىپ سېتىۋاتىدۇ. بىراق ئۇ شىنجاڭنىڭ ئەمەس، ئىچكىردىكى خۇيزۇلار ئولتىراقلاشقان بىر ئورۇننىڭ ئىسپاتى. يۈركىڭىزدىن بىر دەپ بىقىڭا، ئۇيغۇر كارخانچىلارغا مىللەتنى سېتىشتىن، ئۇلارنىڭ ئېمانىنى بۇلغاشتىن باشقا تىجارەت قالمىغاندىمۇ؟ ھەممە كىشى ئۆز كارخانچىللىرىنى قوللايدۇ. ئارمان، ئىخلاس، ئامىنەلەر ئۆزلىكىدىن بىر كۈندە تەرەققىي قىلمىدى. خەلقى قوللىغانلىقى ئۈچۈن شۇنداق تەرەققىي قىلدى. ئەلۋەتتە ھەر بىر كارخانچى نەتىجە قازنىۋەرمەيدۇ. ئەسىما خانىم توغرا دەپتۇ، ھالال نىئىمەتلىك كارخانچىلارنى قوللايمىز. بىراق مىللىتىنى ئازغىنا نەپسىگە ساتقانلارنى، ئالدىغانلارنى بىز قوللىساقمۇ تۇپراق قوينىغا ئالغاندا قوللىغىلى بولمايدۇ! شۇنداق ئەمەسمۇ؟

nikap

	بۇ 23قەۋەتتىكىتادۇ يوللىغان 2011-10-13 11:49 غا قارتىلغان  : تىۋىپكە قارتىلغان. نامنى سۇيئى ئىستىمال قىلغانلار قانچىلىك بۇ توغرىسىدا ئىنىق مەلۇمات بىلمەيدىكەنمەن. مەن يەنىلا ئاۋالقى ئىنكاسىمدا قالىمەن.مۇسۇلمانچە،ھالال خىتى بولسا ئىستىمال قىلىۋىرىمەن. بىسمىللا دىيىشنى ئۇنتىمايمەن. چۇنكى زاۋۇت قۇرۇش ئۇنداق ئاسان گەپ ئەمەس. ھەسەلنىڭ قىلنى خىللاپ ھۇپەپنى يۇڭدىماي يەپتۇ دەپ ئەمدىلەتتىن كۇزنى ئاچقان مىللىي ئىگىلىكنى ئۇنداقكەن مۇنداقكەن دىسەك،بۇنى كىملەر ئىستىمال قىلىدۇ. بىز ئويلىغاندەك دەرجىگە بىرىشنىڭ مەلۇم جەريانى بولىدۇ.مەسلەن بوۋىقىمىزنىڭ ئاستىغا لاتا سالىمىز. ئۇنىڭغا بالاغەتكە يەتكەن كىشىگە قۇيغان تەلەپنى قويغىلى بولمايدۇ. يەھۇدىي نىسارالارنىڭ تامىقى ھالال. باشقىلىرىنىڭ تامىقىنى يىيىش چەكلەنگەن. بەك ئىنجىگىلەپ كەتسەك،ئۇزىمىزگە مىللىي ئىگىلىكىمىزگە زىيان ئىلىپ كىلىدۇ.مۇسۇلمانچە ھالال دىگەنلىك مۇسۇلمانلار ئىشلىدى دىگەننى بىلدۇرىدۇ. قالدىسىغا ئۆزلىرى ئىگە، بىزدە مەسھۇلىيەت يوق. ....... بۇ سەل بولماپتۇ تادۇ بۇرادەر،جوڭگۇنىڭ مۇسۇلمانچە دىگەندىكى ئۆلچىمىنىڭ قانداق تۇرغۇزۇلغانلىقىنى بىلەمسىز، ئۇنداقتا مەن سىزگە دەپ بىر ئاز چۈشەنچە دەپ بېرەي، جوڭگۇدا مۇسۇلمانچە - پاكىز بولسىلا بولدى دىگەنلىك بولىدۇ. بۇ يۇقاردىكى بىر قېرىندىشىمىز مۇسۇلمانلار تورىدىن ئېلىپ قويغان نەقىلگە دەل چۈشىدىغان گەپكەن، شۇنداق ئەمەسمۇ؟ بىراق ئىسلامدىكى پاكىزلىق بىلەن جوڭگۇچە پاكىزلىقتا سەل پەرىق بار. مۇسۇلمانلار تورىمۇ بەزى پەتىۋالارغا سەل دىققەت قىلسىكەن دەيمەن. باشقا ئالاھىدە پىكىرىممۇ يوق. ئۇنداقتا جوڭگۇچە پاكىزلىق قانداق بولىدۇ؟ ئەگەر بىر قوينى بوغۇزلىساق، كىم بوغۇزلىغاندىن قەتئىي نەزەر ئۇ پاكىز بولىدۇ، دىمەكچى قايسى مىللەت بوغۇزلىشىدىن قەتئىي پاكىز بولىدۇ. ئىسلامدىكى پاكىزلىق ۋە پاكلىقنى مۇشۇ قوي گۈشىگە مىسال ئالساق، ئۇنى چوقۇم بىر مۇسۇلمان كىشى تېگىشلىك ئىسلامىي شەرىت ئاستىدا پىچاق سۈرۈپ قېنىنى چىقارغاندىن كېيىن ئۇ ئاندىن پاكىز ۋە پاك بولىدۇ. مىنىڭچە مۇسۇلمانلار تورىمۇ بۇ قارشىمغا قارشى ئەمەس بەلكىم. سىز بازاردا پىشۇرۇلغان توخۇ گوشلىرىنى پاكىز ئەمەس دىيەلمەيسىز؟ بىزمۇ ئۇنى پاكىز ئەمەس دىيەلمەيمىز.  بىراق سىز ئۈرۈمچىنىڭ توخۇ فىرمىللىرىغا، ئۇيغۇر رايۇنىدا قۇرۇلغان بەزى توخۇ گوشلىرى بىلەن تەمىنلەش ئورۇنلىرىغا كىرگەندىن كېيىن ئىككىنچى قىتىم يەنە بازاردىن توخو گوشى بىلەن قىلىنغان يىمەكلىكنى ئىستمال قىلالىشىڭىزغا شەخسەن مەن ئىشەنمەيمەن. ئەھلى كىتاپنىڭ يىمەكلىكلىرى، ئۇلارنىڭ ئاياللىرى مۇسۇلمانلارغا ھالال قىلىنغانلىقى راسىت، بىراق بۇمۇ چوقۇم ئىسلامى شەرىت ئاستىدا ھالال بولىدۇ. ماڭا ھالال قىلىنغان دەپ يەھۇدىيلار ئىستىمال قىلىدىغان ھارام يىمەكلىكلەردىن ئىستىمال قىلىۋالماسلىقىڭىزنى ئالاھىدە تەۋسىيە قىلىمەن. مۇسۇلمانلار تورى ھالاللىق ۋە ھاراملىققا ھەقىقەتەنمۇ خېلى ئەتراپلىق جاۋاپ ۋە دەلىللەرنى بېرىپتۇ. ئۇنداقتا بىز قۇرئان كەرىمدە ھالال ۋە ھارام مەسلىسى قانداق تەكىتلەنگەنلىكىگە يەنە بىر كۆز يۈگۈرتۈپ باقايلى. قۇرئان كەرىمدە تۇنجى ھالاللىق مەسلىسى ھەققىدىكى ئايەت مەدىنىدە نازىل ئىككىنچى سۈرە بەقەرەنىڭ168-ئايىتى، قۇرئان كەرىمنىڭ 175-ئايىتىدە ئۇچرايدۇ، ئاللاھ يىمەكلىك مەسلىسىدىكى ھالال - ھاراملىق مەسلىسىگە ئەسكەرتىش بېرىپ مۇنداق دەيدۇ. ئى ئىنسانلار! يەر يۈزىدىكى ھالال پاكىز نەرسىلەردىن يەڭلار شەيتاننىڭ يوللىرىغا ئەگەشمەڭلار چۈنكى شەيتان سىلەرگە ئوچۇق دۈشمەندۇر. يەنە شۇ ئايەتنىڭ ئارقىسىدىلا ، مەدىنىدە نازىل ئىككىنچى سۈرە بەقەرەنىڭ169-ئايىتى، قۇرئان كەرىمنىڭ 176-ئايىتىدە ئاللاھ بەندىلەرنىڭ چۈشىنەلمەي قالماسلىقى ئۈچۈن ھالال-ھارام مەسلىسىدە شەيتاننىڭ يولىنى تەپسىلى چۈشەندۇرۇپ ئۆتىدۇ. شەيتان سىلەرنى ھەقىقەتەن يامانلىقلارغا قەبىھ گۇناھلارغا ۋە ئاللاھ نامىدىن يالغاندىن ئاللاھ سىلەرگە ھالال قىلغان نەرسىلەرنى ھارام دەپ ۋە ھارام قىلغان نەرسىلەرنى ھالال دەپ) سىلەر بىلمەيدىغان نەرسىلەرنى ئېيتىشقا بۇيرۇيدۇ. يەنە ئىككى ئايەت ئاتلاپ مەدىنىدە نازىل ئىككىنچى سۈرە بەقەرەنىڭ172-ئايىتى، قۇرئان كەرىمنىڭ 179-ئايىتىدە  قورئان كەرىمگە قايتا نەزەر سالساق ئاللاھ يەنە شۇ يىمەكلىك ھەققىدىكى ھالال-ھاراملىق مەسلىسىگە مۇنداق بىر ئايەتنى نازىل قىلىدۇ. ئى مۇئمىنلەر! بىز سىلەرنى رىزقلاندۇرغان ھالال نەرسىلەردىن يەڭلار ئەگەر ئاللاھ غىلا ئىبادەت قىلىدىغان بولساڭلار ئاللاھ غا (يەنى ئاللاھ نىڭ ھەددى- ھېسابسىز نىئمەتلىرىگە) شۈكرى قىلىڭلار. سۈرە بەقەرەنىڭ 187- ئايىتىدە ئاللاھ ھالال - ھارام مەسلىسىدىكى ئاياللارغا يېقىنچىلىق قىلىشنى تىلغا ئالىدۇ. ھەم مۇنداق دەيدۇ. روزا كېچىلىرىدە ئاياللىرىڭلارغا يېقىنچىلىق قىلىش سىلەرگە ھالال قىلىندى ئۇلار سىلەر ئۈچۈن كىيىمدۇر (يەنى ئۇلار سىلەرگە ئارىلىشىپ ياشايدۇ ۋە كىيىم بەدەنگە يېپىشقاندەك يېپىشىدۇ) سىلەرمۇ ئۇلار ئۈچۈن كىيىملەر (يەنى سىلەرمۇ ئۇلارغا ئارىلىشىپ ياشايسىلەر كىيىم بەدەنگە يېپىشقاندەك يېپىشىسىلەر). ئاللاھ ئۆزەڭلارنىڭ ئۆزەڭلارنى ئالدىغانلىقىڭلارنى (يەنى روزا كېچىسىدە يېقىنچىلىق قىلغىنىڭلارنى بىلدى. ئاللاھ تەۋبەڭلارنى قوبۇل قىلدى سىلەرنى ئەپۇ قىلدى. ئەمدى ئۇلارغا (يەنى ئاياللىرىڭلارغا) يېقىنچىلىق قىلىڭلار ئاللاھ سىلەرگە تەقدىر قىلغان نەرسىنى (يەنى پەرزەنتنى) تەلەپ قىلىڭلار تاكى تاڭنىڭ ئاق يىپى قارا يىپىدىن ئايرىلغانغا (يەنى تاڭ يورۇغانغا) قەدەر يەڭلار، ئىچىڭلار ئاندىن كەچ كىرگىچە روزا تۇتۇڭلار سىلەر مەسجىدتە ئېتىكاپتا ئولتۇرغان چېغىڭلاردا (كۈندۈز بولسۇن كېچە بولسۇن) ئۇلارغا يېقىنچىلىق قىلماڭلار ئەنە شۇلار ئاللاھ بەلگىلىگەن چىگرىلاردۇر (يەنى مەنئى قىلغان ئىشلاردۇر) ئۇنىڭغا يېقىنلاشماڭلار. كىشىلەرنىڭ (ھارام قىلىنغان ئشلاردىن) ساقلىنىشلىرى ئۈچۈن ئاللاھ ئايەتلىرىنى ئۇلارغا مۇشۇنداق بايان قىلىدۇ. بۇ ئايەتتىكى ھالال- ھاراملىق مەسلىسىنى بۇ يەردىكى يىمەكلىك مەسلىسىگە ئارلاشتۇرۋالماي ئايەتنىڭ ئەڭ ئاخرىغا نەزەر سالساق ئاللاھ نىڭ ھالال - ھارام مەسلىسىدە يىمەكلىكتىن باشقا قىلىدىغان ئىشلاردىمۇ ھالال-ھارام مەسلىسى ئايرىلدىغانلىقىنى بىلىۋالالايمىز.ھەم بىزنىڭ ھىچكىشىدىن پەتىۋا سورىشىمىزنىڭ بولۇپمۇ، ھالال- ھارام مەسلىسىدە پەتىۋا سورىشىمىزنىڭ ئورنى يوقلىقىنى، ئاللاھ نىڭ ناھايىتى تەپسىلى ھالدا بۇ ھەقتىكى ئايەتلەرنى بايان قىلغانلىقىنى، قۇرئان كەرىمگە چىڭ يىپىشساق، بۇ مەسلىلەرنى ئايدىڭلاشتۇرۋېلىشنىڭ تەس ئەمەسلىكىنى بىلىمىز. يۇقارقى سۆزىمىزگە دەلىل قىلىپ ئاللاھ نىڭ مۇنۇ ئايىتىنى سودا سىتىق ئىشلىرىدىكى قايسى ئىشلارنىڭ ھارام ئىكەنلىكىگە دەلىل قىلىشقا بولىدۇ. جازانە ئۆسۈم يىگەن ئادەملەر (قىيامەت كۈنى گۆرلىرىدىن) جىن چېپىلىپ قالغان ساراڭ ئادەملەردەك قوپىدۇ. بۇ شۇنىڭ ئۈچۈنكى ئۇلار ئاللاھ ھارام قىلغان ئىشنى ھالال بىلىپ: «سودا- سېتىق جازانىگە ئوخشاش (جازانە نېمىشقا ھارام بولىدۇ)» دېدى. ئاللاھ سودا- سېتىقنى ھالال قىلدى، جازانىنى (بەدەلسىز بولغانلىقى شەخسكە ۋە جەمئىيەتكە زىيانلىق بولغانلىغى ئۈچۈن) ھارام قىلدى. كىمكى پەرۋەردىگارى تەرىپىدىن ۋەز- نەسىھەت كەلگەندىن كېيىن (يەنى جازانە مەنئى قىلىنغاندىن كېيىن ئۇنىڭدىن) يانسا، بۇرۇن ئالغىنى ئۆزىنىڭ بولىدۇ ئۇنىڭ ئىشى ئاللاھ قا تاپشۇرۇلىدۇ (يەنى ئاللاھ خالىسا ئۇنى كەچۈرىدۇ،  خالىسا جازالايدۇ). قايتا جازانە قىلغانلار ئەھلى دەۋزەخ بولۇپ، دەۋزەختە مەڭگۈ قالىدۇ. مەدىنىدە نازىل بولغان ئايەت، بۇ ئايەت قۇرئان كەرىمدىكى ئىككىنىچى سۈرە بەقەرەنىڭ275-ئايىتى، قۇرئان كەرىمنىڭ 282-ئايىتى يۇقارقى ئايەتلەر ئېتىقاد ئىسلام تورىدىن ئېلىندى. ئېتىقاد تورىدىن قۇرئان كەرىمىنىڭ 4352 - ئايىتىگە بارغىچە بولغان ئورۇن ۋە 5000 دىن ئارتۇق سەھىھ ھەدسىتىن ھالال - ھارام مەسلىسىگە قارتا ئىزدەپ كۆرسىڭىز جەمى 214 دانە ئۇچۇر چىقىدۇ.  مەنبە ئادرىسى مانا http://www.etiqad.com/izdax.asp?tur=ھەممە&tallax=2&keyword=ھالال&page=2 مۇسۇلمانلار تورى ھالال ھارام مەسلىسىنى چۈشەندۇرگەندە، بۇ ھەقتە قېرىنداشلارغا پەتىۋا بەرگەندە سەل دىققەت قىلسىكەن، ھالال- ھاراملىق مەسلىسىنى پەقەت پاكىز بولسىلا بولدى دەپ ئىزاھلىماستىن پاكىزلىق ۋە پاكلىق ھەققىدىمۇ قىسمەن چۈشەنچە بەرسىكەن دىگەن ئۆمۇدىمىز بار. ماشا ئاللاھ. ئەمدى مىللىي كارخانلار ھەققىدە ۋە ئۇلارنى قوللاش ۋە قوللىماسلىق ھەققىدە يەنىلا بۇرۇنقى پىكىرىمىز بويىچە ئۇلارنى چوقۇم قوللايمىز. بىراق قوللاش ھەرگىزمۇ ئۆزىمىزنى ۋە ئىمانىمىزنى شەكلىك نەرسىلەر بىلەن بولغاشتىن بولمايدۇ. چۈنكى مۇسۇلمانلارغا خىتاپ قىلىنىپ - ئى مۆئىمىنلەر، شەكلىك نەرسىدىن يىراق تۇرۇڭلار - دىيىلگەن.

taxbalik

	ئەسسالامۇ ئەلەيكۇم nikap بۇرادەر سىز مىنى مۇسۇلمانلار تورنىڭ ئەزاسى دەپ قالغان ئوخشايسىز ،مەن تىخى ئۇنداق دەلىل بىلەن قۇرئاندىن ھۆكۈم ئىلىپ پەتىۋا بەرگۈدەك دەرىجىدە بىلمىم يوق ،مەن پەقەت ئۈگەنگۈچى ، شۇ تورغا پىكرىڭىز بولسا تور ئادىرسىنى قالدۇرۇپ قويدۇم ،  كىرىپ ئاندىن ئانداق قىلسىكەن ، مانداق قىلسىكەن دىگەن پىكرىڭىزنى بەرسىڭىز بولىدۇ . سىز بەك ئاسان ھاياجانلىندىكەنسىز  ئەتىگەندە مۇنبەرگە كىرسەم  <<چەتئەلدىكى زىيالىيلىرىمىزغا ۋە ئۇيغۇر يازغۇچىللىرىغا >> كۆرۈپ كۆڭلۈم تولىمۇ غەش بولغان ئىدى . بۇ سەھىپىگىمۇ كىرىپ يەنە ئۆزىڭىزنىڭ ھىسياتىنى يورغىلاتقىلى تۇرۇپسىز . سىز يازمىڭىزدا نەقىل ئالغان دەلىلدىن باشقا گەپلىرىڭىز بەك چۈشنىكسىز ھەم مەخسەت ئىنىق ئەمەس ، سىز باشقىلارغا ۋەكىل بولۇپ سۆزلەشكە بەك ئامراق ئوخشايسىز، بولۇپمۇ ئۇيغۇر مۇسۇلمانلىرىغا سىزگە تەۋسىيەرىم ئۆز ھىسياتىڭىزنى قەدىرلەڭ بىز بۇ يەردە يىمەك-ئىچمەكنىڭ ھالال-ھاراملىقى توغورلۇق پىكىر قىلۋاتمىز ! ئەمدى سىزنىڭ ھەرقانداق پىكرىڭىزگە جاۋاپ قايتۇرمايمەن.

nikap

	بۇ 52قەۋەتتىكىtaxbalik يوللىغان 2011-11-12 12:06 غا قارتىلغان  : ئەسسالامۇ ئەلەيكۇم nikap بۇرادەر سىز مىنى مۇسۇلمانلار تورنىڭ ئەزاسى دەپ قالغان ئوخشايسىز ،مەن تىخى ئۇنداق دەلىل بىلەن قۇرئاندىن ھۆكۈم ئىلىپ پەتىۋا بەرگۈدەك دەرىجىدە بىلمىم يوق ،مەن پەقەت ئۈگەنگۈچى ، شۇ تورغا پىكرىڭىز بولسا تور ئادىرسىنى قالدۇرۇپ قويدۇم ،  كىرىپ ئاندىن ئانداق قىلسىكەن ، مانداق قىلسىكەن دىگەن پىكرىڭىزنى بەرسىڭىز بولىدۇ . سىز بەك ئاسان ھاياجانلىندىكەنسىز  ئەتىگەندە مۇنبەرگە كىرسەم  <<چەتئەلدىكى زىيالىيلىرىمىزغا ۋە ئۇيغۇر يازغۇچىللىرىغا >> كۆرۈپ كۆڭلۈم تولىمۇ غەش بولغان ئىدى . بۇ سەھىپىگىمۇ كىرىپ يەنە ئۆزىڭىزنىڭ ھىسياتىنى يورغىلاتقىلى تۇرۇپسىز . سىز يازمىڭىزدا نەقىل ئالغان دەلىلدىن باشقا گەپلىرىڭىز بەك چۈشنىكسىز ھەم مەخسەت ئىنىق ئەمەس ، سىز باشقىلارغا ۋەكىل بولۇپ سۆزلەشكە بەك ئامراق ئوخشايسىز، بولۇپمۇ ئۇيغۇر مۇسۇلمانلىرىغا سىزگە تەۋسىيەرىم ئۆز ھىسياتىڭىزنى قەدىرلەڭ بىز بۇ يەردە يىمەك-ئىچمەكنىڭ ھالال-ھاراملىقى توغورلۇق پىكىر قىلۋاتمىز ! ئەمدى سىزنىڭ ھەرقانداق پىكرىڭىزگە جاۋاپ قايتۇرمايمەن. ۋە ئەلەيكۇم ئەسسالام taxbalik بۇرادەر، ھېسسىيات ئادەمنى بەزىدە ئاشۇنداق ئالدىراقسان قىلىپ قويىدۇ، سىز مىنىڭ چەتئەلدىكى زىيالىيلارغا ۋە ئۇيغۇر يازغۇچىلارغا نامىدىكى تىمامغا ئالدىراقسانلىق بىلەن ھېسسياتىڭىزغا تاينىپلا ئاخىرىنى ئوقىماي ئىنكاس يازغاندەك بۇ ئىنكاسىمغىمۇ تولۇق ئوقىماي ئىنكاس يېزىپسىز. مەن سىزنى مۇسۇلمانلار تورىنىڭ ئادىمى دىمىدىم. دەلىل مانا بۇ يۇقاردىكى بىر قېرىندىشىمىز مۇسۇلمانلار تورىدىن ئېلىپ قويغان نەقىلگە . . . بىر نەرسىنى تولۇق ئوقۇپ ئاندىن ھېسسىياتلانماي تۇرۇپ ئىنكاس يازغان بولسىڭىز بولارمۇ؟

muslima402

	بۇ تېمىنى يوللىغان ھەمشىرەمگە ئاللاھ كۆپ ئەجىر ئاتا قىلسۇن. توغرا بولۇپمۇ بىز ياشاۋاتقان ھازىرقى دەۋرىدە چوقۇم سېتىۋالغان يىمەكلىكلىكلىرىمىزگە قاتتىق دىقەت قىلشىمىز كىرەك . بىزمۇ مىللى كارخانچىلىرىمىزنىڭ مەسلۇھاتلىرىغا ئىشىنىپ ئۇللارنى قوللىساق ئۇللارمۇ بىزنىڭ ئىشەنچىمىزنى يەردە قويمىسا ،

altuntarim09

	بۇنداق مۇنازىرە قىلىپ قاينىغىچە، توردا جىق ئولتۇرالايدىغانلار قايسى مەھسۇلات  شىنجاڭدا، قايسى مەھسۇلات ئىچكىرىدىكى زاۋۇتتا ئىشلەپچىقىرىلىدىغانلىقىنى يېزىپ قويساڭلار بوپتىكەن. ماركىسىنى قوشۇپ يېزىڭلار.ماركا ئىگىلىرى توردا بار، چوقۇم پىكىر قاتناشتۇرىدۇ.

telqin

	مەنمۇ تاللا بازىرىدىن نەرسە سېتىۋالسام ئالدى بىلەن زاۋۇت ئادىرىسىغا قارايدىغان بولۇپ قالدىم. ئۇنىڭ ئۈستىگە مەسھۇلاتلارنىڭ چۈشەندۈرشىدىمۇ ئۇيغۇرچىسىغا شىركەتنىڭ ئادرىسىنى ، خەنزۇچىسىغا زاۋۇتنىڭ ئادرىسىنى باسىدىكەن. بۇنىڭغا ئېنىق بىر قانۇنى بەلگىلىمە بارمۇ يوقمۇ دەپ ئويلاپ قالىمەن بەزىدە.

gulayi

	مەنمۇ بۇ ئىشقا ئەپسۇسلىنىدىغانلارنىڭ بىرسى ،بالىلارنىڭ كوپىنچىسى پارچە خىرراجەت پۇلىغا ئاشۇنداق كىلىش مەنبىيى نامەلۇم يىمەكلىكلەرنى ئېلىپ يىيىشكە ئامراق. سۈپەت ئۆلچىمىگە تۇلۇق چۈشىدىغان مۇسۇلمانچە يىمەكلىكلەر نىڭ باھاسى ئازراق قىممەت بولغاچقا ئەرزانغا يۇگىرەيدىغان گەپكەن. بالىلارنىڭ ھۈكۈم قىلىش، پايدا زىياننى ئايرىش ئىقتىدارى تۇلۇق يىتىلمىگەن ئەھۋالدا بۇ ئىشتىن ساقلانماق تەس. ئائىلە ۋە مەكتەپ تەڭ تۇتۇپ تەربىيە قىلغاندىلا ئۈنۈمى بۇلۇشى مۇمكىن.

yorga

	يەپ كۆنمىگەن نەرسىنى يىيىش مۇ ياخشى ئەمەس ..... بىز نىڭ ئاتا بوۋىلىرىمىز ئەڭ ساپ نەرسىلەر نى يەپ كۆنگەن ئەمەسمۇ ........

qinargul

	ھازىرقى بالىلار دوكانلاردا ساتقان مەينەت نەرسىلەرنى يىيىشكە ئامراق شۇنىڭغا ئاتا-ئانىلار بالىلارغا يەيدىغان يىمەكلىكلەرنى ئۆيگە ئېلىپ بىرىپ سىرتلاردا قالايمىقان نەرسە يىيىشنى توسسا ياخشى دەپ قارايمەن.