گۈلنەزەرگە ئوچۇق خەت

salam234

	مەن گۇلنەزەر توغرىلىق خەۋەرلەرنى تۇنجى قىتىم ئەلكۈيىدە كۆرۈپ  ئۇ توغرىلىق ئويلىنىپ قالغان ئىدىم ،مانا ئەمدى مىنىڭ ۋە باشقا تورداشلارنىڭ ئويلىغانلىرى  ئۇنىڭغا ئوچۇق خەت بولۇپ يىزىلىپتۇ. مەن بۇ ئەسەرنى گۈلنەزەرنىڭمۇ كۆرۈپ بىقىشىنى ۋە ئۇنىڭمۇ بىزدەك ئويلىنىپ بىقىشىنى ئۈمىد قىلىمەن.

ramizani

	گۈلنەزەر توغرىلىق تېمىلار توردا پەيدا بولۇشقا باشلىغاندىن كىيىن مەنمۇ  ئانچە - مۇنچە دىققەت قىلىپ تۇرىدىغان بولغان ئىدىم،بۈگۈن مۇنبەردىكى تېمىغا چۈشكەن ئىنكاسلارنى ئوقىغاچ تور ئارىلاپ ئولتۇرۇپ گۈلنەزەرنىڭ مىكروبلوگىغا توردىكى ئىنكاسلارنى كۆرۈپ يېزىپ قويغان بىر قانچە سۆزلىرىنى كۆردۈم ھەمدە بۇ خەتلەردىن ئەلكۈيىدىكى باشقا تورداشلارمۇ خەۋەر تاپسۇن دېگەن مەقسەتتە ئازراق تەرجىمە قىلىپ ئىنكاس شەكلىدە تېما ئاستىغا يوللاپ قويدۇم.تىللاش ۋە قاقشاش ھېچنىمىنى ھەل قىلالمايدۇ،سوغۇققانلىق بىلەن ئويلىنىپ گۈلنەزەر ۋە شۇنىڭغا ئوخشاش ئىنى-سىڭىللىرىمىزنى قايىل قىلغۇدەك ئىنكاسلارنى يېزىشىڭلارنى سورايمەن. ۋاقىت ئىلگىرى- كىيىنلىكى بويىچە گۈلنەزەرنىڭ تىلى بويىچە تەرجىمە قىلىپ تېزىلدى. 6-ئاينىڭ 12-كۈنى، سائەت 23 تىن 59 مىنۇت ئۆتكەندە يېزىلغان بۇندىن كېيىن ھېچكىمگە ئىشەنمەيمەن، سىلەر مۇشۇنداق قىلىپ خۇشال بولساڭلار، داۋاملاشتۇرىۋېرىڭلار. مەن پەقەت ئادەتتىكى گۈلنەزەر... بېسىم بەك ئېغىر، چىداپ بولالمىدىم.... مەن گۇناھ ئۆتكۈزمىدىم... 6-ئاينىڭ 13-كۈنى، سائەت 00 دىن 7 مىنۇت ئۆتكەندىن باشلاپ يازغانلىرى مەن تاپتىن چىقىدىغان ئىشنى قىلمىدىم، مەن پەقەت ئادەتتىكى ئۇيغۇر قىزى. مەنمۇ ئۆزۈمنى ئاقلىدىم، سىلەرنىڭ قانداق ئويلىشىڭلارنى مەن باشقۇرالمايمەن. مەن پەقەت ئۆزۈمنىڭ مىللىتى ۋە دۆلىتىنى سۆيسەملا بولدى، مېنىڭ گۇناھىم يوق. ئەمەلىيەتتە باشقا مىللەتتىكىلەر بىلەن مۇھەببەتلىشىدىغان بۇنداق ئىشلار بىزنىڭ مىللىتىمىزدە بەك كۆپ. پەقەت مېنى نەس باستى شۇ، مەن بۇرۇنمۇ دېگەن، ئۇ دېگەن ئۆتۈپ كەتكەن ئىشلار. مەن ئۆزىمىزنىڭ مىللىتىدىن بولغان «قوش جىنسلىق» (双性恋男人) ئوغۇل بالا تەرىپىدىن زىيانكەشلىككە ئۇچرىدىم، ئۇ قەستەن مېنى ئەدەپلىدى، بەلكىم دېسەممۇ سىلەر ئىشەنمەسلىكىڭلار مۇمكىن، شۇڭا مېنىڭمۇ دېگۈم يوق. مەن ھېچكىمگە يۈز كېلەلمىگۈدەك ئىش قىلمىدىم. سىلەرنىڭمۇ ماڭا ئىش ئۆگىتىدىغان ھەققىڭلار يوق. لېكىن بىزنىڭ مىللەتتىن بولغان نۇرغۇن كىشىلەرنىڭ ئىزچىل بىر-بىرىگە تارقىتىشى مېنىڭ تۆمۈرنى قىزىقىدا سوقۇشىمغا سەۋەب بولدى. ئۇلارنىڭ غەزەپلىنىشىنى چۈشىنىمەن، مەنمۇ پۇشايمان قىلدىم، ئەمما ئۇلار ئىنتايىن ساپاسىز گەپلەر بىلەن مېنى تىللىدى، مانا بۇ مىللىتىمىزگە قىلىنغان ھەقىقىي ھاقارەت، باشقىلارنىڭ ئالدىدا ئۆز مەدەنىيىتىمىزنى ۋەيران قىلغانلىق.

kaqkun16

	رامىزاننىڭ تەرجىمە قىلغانلىرىغا قارىسام بۇ قىزنىڭمۇ خېلى باش ئاغىرىقى بار ئوخشايدۇ ياخشى پىكىر مەسلىھەتلەر بولسا بېرەيلى باللا

nawayi

	ئىمان ئىسلامنى  ھەقىقى قوبۇل قىلمىغىچە نىمىنىڭ تاپتىن چىققانلىق ھىساپلىنىشى،  نىمىنىڭ شەرەپ، نىمىنىڭ نۇمۇسلۇق ئىش ئىكەنلىكىنى قانچە دىگەن بىلەنمۇ بۇ خىلدىكى كەسىپلەرنى نورمال دەپ تاللىغان كىشىلەر  قۇبۇل قىلمايدۇ.   قىزلارنىڭ :كىيىم مودىلى، سەتىراچ، ئۇۋىلغۇچى، ھۆسۈن تۈزىگۈچى، ئۇسۇل دىگەنلەر  شەرىئەتتە چەكلىنىدىغان نەرسىلەر. ساپ ديانەتلىك ئاتا-ئانىلار بالىلىرىنىڭ شۇنداق قىلىپ يۈرگىنىدىن نومۇس قىلغىنىدىن كىشىلەر ئارىسىدا بېشىنى ككتۈرەلمەسلىكى مۇمكىن. ئەمما بەزى ئاتا-ئانىلارغا قارايدىغان بولساق، قىزلىرىنىڭ شۇنداق بولۇپ يۈرىشىدىن پەخرلىنىپ كېتىدىكەن. قىزلىرىغا شۇنداق كەسپلەرنى قىلىشىغا مەدەت بېرىپ رىغبەتلەندۈرۈپ كېتىدىكەن. شۇڭا، ئاۋال ئېتىقاد ئاساسىدكى ياخشى-يامان ئۆلچەمدە بىرلىككە كەلمەي تۇرۇپ نىمىلا دىگەن بىلەن بىكار. سىز ئۇنى تاپتىن چىققان دەيسىز، ئۇ مەن تاپتىن چىقمىدىم دەيدۇ.

oqmasjan

	قىرىنداشلار قىزلارنىڭ بۇنداق بولۇپ كىتىشىدە بىز ئەرلەرنىڭ مەسئۇلىيىتىمىز ئىغىر .  مۇبارەك ئىيىتقاندەك  بۇ تېما خۇددى بىر مىھرىبان ئاكائۆز سىڭلىغا تەربىيە قىلىۋاتقاندەك تۇيغا بىرىدۇ.ئادەتتە بىر ئائىلىدە قىزلار ئاكىسى ۋە دادىسىدىن  بەكراق ئەيمىنىدۇ.

sarsan1117

	مەزكۇر تېمىنى باشقا مۇنبەرلەردىمۇ كۆرگەن، ئەمما ھېچقايسى مۇنبەردە بۇنداق ھەقىقى يۈرەكتىن چىققان چىن مىھرىبانلىق بىلەن تەربىيە بېرىدىغان ئىنكاسلارنى ئۇچراتمىغان، ئاتالمىش ئۇيغۇرلارنىڭ ئەڭ چوڭ مۇنبىرى **مۇنبەرلىرىدىمۇ ساپلا ئاغزىنى بۇزۇپ تىللاش،غەيۋەت ئەۋج ئاپتۇ ، بىلمەي ئېزىپ تېزىپ يولنى مايماق دەسسەپ قالغانلارغا سېسىق ھاقارەت قىلماي مۇشۇنچىلىك مەسلەھەت ،كۆز قاراشلىرىمىزنى ۋاقتىدا بېرىپ تۇرغان بولساق بەزى ئىشلاردا خېلىلا ئىلگىرى بېسىپ قالاتتۇق !~~!

maxal20

	ئەلكۈيىدە ئەزالار پىكىر قىلسا بىرخىل ئېغىرلىق بىلەن قىلىدۇ جۇمۇ... ئىشقىلىپ گۈلنەزەر بىر كىرىپ كۆرگىدەك ئىنكاسلار چۈشۈپتۇ... ھېلىقى بىر پوۋسىتىمغا شۇنداق يازغانتىم: قىزلارنىڭ بۇزۇلىشى، نادانلىقى جەمىيەتنىڭ بۇزۇلغانلىقىنىڭ، نادانلىققا قاراپ يۈزلەنگەنلىكىنىڭ ئىپادىسى، كوچىدا يېرىم يالىڭاچتەك كېتىۋاتقان قىزلارغا قاراپ تامىقىڭىزنى چاكىلداتقان بولسىڭىز ئۇنداقتا ئۆزىڭىزنىڭ غۇرۇرىغا قىلىنغان چاقچاق، ئەگەر كوچىدا مەلۇم قىزلار سىزگە قاراپ قېشىنى ئاتقاندا، تەبەسسۇم بىلەن كۈلگەندە سىز ئۇنىڭغا تەلمۈرۈپ قارىغان بولسىڭىز ئۇنداقتا بۇ سىزنىڭ ۋىژدانىڭىزغا سېپىلگەن يۇندا.... يۇرت قىزلىرىنىڭ بۇزۇلغانلىقى، شۇ يۇرت ئوغۇللىرىنىڭ نامەرتلەشكەنلىكىنى ئىپادىلەيدۇ.... بۇ يەردىكى يۇرت يىگىتلىرىنى بىز ئۇيغۇر يىگىتلىرى دەپ چۈشەنسەك بولامدۇ؟ بارلىق گۇناھنى قىزلارغا ئارتىپ قويىمىزيۇ، لېكىن قىلىدىغىنىمىزنى قىلىۋېرىمىز...

nawayi

	ياردەم قىلغان بولسىڭىز ئۇدۇللا مىكرو بىلوگىغا كىرىڭ- دە، خەنچە ئىنكاس يېزىڭ، بۇ يەردە يوق ئادەمگە سۆزلەۋەرمەي، gheril ------ مېنىڭ قارىشىم مۇنداق: بۇ يەردە مەن ئىنكاس يېزىپ ئولتۇرۇشۇمدىكى مەقسەت قېرينداشلارنىڭ قالاقلىقتىن ئىبرەت ئېلىش، ئازغۇنلىۇقتىن ساقلىنىش، ھاياسىزلارنى دورىماسلىق دىگەندەك مۇشۇ مۇنبەرنى زىيارەت قىلغۇچىلار ئۈچۈنلا گەپ قىلىپ قويىمەن. قۇبۇل قىلىش قىلماسلىقنى ھەر كىم ئۆزلىرى تاللايدۇ. پىكىرىمنى ئىدىيىسىدىن ئۆتكۈزگەنلىرى قۇبۇل قىلسا ياخشى بولىدۇ دىگەن ئۈمىدتىلا پىكىر يېزىپ قويىمەن، قۇبۇل قىلمىغانلارغىمۇ شۇنىڭغاقارىتا پىكىرىمنىلا بېرىپ قويىمەن. تىللاپ يۈرۈش تۇغرا ئەمەس، بەلكى ئەخلاقسىزلىق، بىلىمسىزلىكنىڭ ئىپادىسى. قارشى پىكىر بېرىسشىمدىكى سەۋەپمۇ مۇنبەردىكى قېرىنداشلارنىڭ تۇغرا -خاتانى ئېنىق بىلىشى، مۇھەببەت نەپرەت ئېڭىنىڭمۇ روشەن بولىشى ئۈچۈنلا ئىنكاس يېزىپ قويىمەن.  ئازغان قىزلار ئازغان  پېتى كېتىۋەرسىمۇ ئۆزىنىڭ ئىشى ئەمما بىز بىلىپ تۇغران كىشىلەر نەسىھەت قىلىپ قۇيۇش بۇرچىمىز بار. شۇڭا ئىنكاس يېزىپ قويىمىز. ئۇ بىر كىشىنى ئۆزگەرتىش بىزنىڭ مەجبۇرىتيىمىز ئەمەس، ھەق يولنى قۇبۇل قىلسا خوش بولىمىز،  بىز ھېچكىمنى ھىدايەت قىلالمايمىز، بىز ئۇيغۇر بولغاندىكىن، مۇشۇ ئويغۇرچە مۇنبەردە ئويغۇرچە سۆز قىلىمىز، خەنزۇچە يەرلەرگە قوغلۇشۇپ خەنچە پاراڭ قىلىپ يۈرۈشنى ئاقىلانىلىق دەپ قارىمايمەن. ئۇيغۇر كىشىسى بولغانلىقى ئۈچۈن بىر قەۋىم بولغانلىقى ئۈچۈن مۇشۇنداق ئۆز بىلىپ مۇنازىرە قىلىمىز.  تىما يازغۇچىنىڭمۇ ياخشى كۆڭلى.

tiwip

	بۇ تىمىدىن بەكرەك ، ئىنكاسلارغا دىققەت قىلىۋاتىمەن ،   بۇنداق تەربىيە خارەكتىردىكى مۇنازىرە كىشىنىڭ ھاردۇقىنى چىقىرىدۇ .   مەن يەنىلا گۇزەلنۇر ۋە شۇنىڭغا ئوخشىغان قىزلارنىڭ ئاللاھنىڭ ھىدايەت ئىشىكىنى چىكىشىنى تىلەيمەن . چۇنكى ئۇ بىزنىڭ قىرىندىشىمىز ...

ramizani

	ماختىغان قىز تويىدا.... دېگەندەك بولىىۋاتامدۇ نېمە؟  تالاشقا چۈشۈپ كېتىپسىلەرغۇ. كىچىككىنە قىزغا مۇشۇنداق بېسىم بولغىلى تۇرسا چىدىيالامدۇ؟ ئەلۋەتتە ئۇنىڭغا چاپان يېپىۋاتقىنىم يوق، ئۇنىڭ بىر گېپى توغرا، بىزنىڭ ئۇنىڭغا ئىش ئۆگىتىدىغانغا سالاھىيىتىمىز توشمايدۇ، چۈنكى بىز ئۇنى بۇ دۇنياغا ئەكىلىپ قويمىدۇق، بېقىپ چوڭ قىلىپ قويمىدۇق، نېمە گەپ بولسا ئاتا-ئانىسى دېسۇن، شۇلارنىڭ گېپى ئۆتىدۇ. يەنە كېلىپ بۇنداق ئىشلارنى تۇنجى قېتىم كۆرىۋاتمايمىز، شۇلارنىڭ قانچىسىنى ۋاتىلداپ يۈرۈپ توغرا يولغا كىرگۈزەلىدۇق؟ بۇ يەردە تالىشىپ ئولتۇرغاندىن ئازىراق ئىش قىلغان تۈزۈك، مۇشۇ يەردە تونۇشلىرى بولسا ياكى زادى مۇشۇ قىزنى <<قۇتقۇزىمەن>> دەيدىغان <<ئەركەك>> لەر بولسا ئاتا-ئانىسىنىڭ گېپىنى ئاڭلاپ باقسۇن.