100 يىل بۇرۇنقى خىزمەتچى قوبۇل قىلىش ئىلانى

ئەزىزى

شىركىتىمىزگە تۆۋەندىكى شەرتلەرگە چۈشىدىغان ئوغۇل خىزمەتچىدىن بىرنى قوبۇللىماقچى:


يۈرۈش- تۇرۇشى راۋۇرۇس، گەپ ئاغزى جايىدا، تىرناق ۋە قۇلاقلىرى پاكىز، كەشى ئوبدان سۈرتۈلگەن، ئۈستىۋېشى رەتلىك، چېچى تارالغان، چىشلىرى ياخشى ئاسرالغان بولسۇن.

سۆھبەتتە باشقىلارنىڭ گېپىنى زېھىن قويۇپ ئاڭلايدىغان، چۈشىنەلمىگەن نۇقتىلارنى سوراپ بىلىۋالىدىغان، ئەمما ئۆزىگە مۇناسىۋەتسىز ئىشلارنى كوچىلاپ يۈرمەيدىغان بولسۇن.

ھەرىكىتى چەبدەس ئەمما سىلىق بولسۇن.

كوچا- كويلاردا ئەركىن- ئازادە، ئەمما خەپشۈكلەنگەن سورۇنلاردا تىۋىش چىقارمايدىغان بولسۇن.

روھلۇق- خۇشھال يۈرىدىغان، ئادەملەرگە ئىللىق چىراي بولسۇن.

باشقىلارغا ئەدەب بىلەن مۇئامىلە قىلىدىغان، ئايال زاتىنى ھۆرمەتلەيدىغان بولسۇن.

تاماكا چېكىش تۈگۈل ھەتتا خىيالىغا كەلتۈرۈپمۇ باقمايدىغان بولسۇن.

ئەبجەش تىلدا ئەمەس، ساپ ئىنگلىز تىلىدا سۆزلەيدىغان بولسۇن.

ياماندىن قورقمايدىغان، ياۋاشنى بوزەك ئەتمەيدىغان بولسۇن.

   بىلمىسە « ئۇقمايدىكەنمەن» ، سەۋەنلىك ئۆتكۈزۈپ قويغاندا « كەچۈرۈڭ» دەيدىغان بولسۇن.

بىرەر ئىشنى تاپىلىغاندا « چامامنىڭ يېتىشىچە تىرىشاي» دەيدىغان بولسۇن..

گەپ قىلغاندا راستچىل- سەمىمىي بولسۇن، يالغانچى بولمىسۇن.

ئېسىل ئەسەرلەرنى ئوقۇشقا ھېرىسمەن بولسۇن.

بوش ۋاقىتلىرىنى ئويۇن- تاماشا، قىمارخانىلاردا ئەمەس، تەنتەربىيە سارىيىدا ئۆتكۈزىدىغان بولسۇن.- ئاتىكاچىلىق قىلىپ باشقىلارنىڭ دىققىتىنى تارتىشقا ئىنتىلمەيدىغان بولسۇن.

مۇبادا خىزمىتىىدىن ئايرىلىپ قالغان ياكى مەكتەپتىن ھەيدەلگەن بولسا، يوشۇرمايدىغان بولسۇن.

قىزلار بىلەن باردى- كەلدى قىلغاندا ئۆزىنى تۇتۇۋالالايدىغان بولسۇن.

ھەدىسىلا ئۆزىنى ئاقلايدىغان، ئۆزىنىلا ئويلايدىغان، ئۆز گېپىنى يورغىلىتىدىغان ئىللەتلەردىن خالىي بولسۇن.

ئانىسى بىلەن سىردىشالايدىغان، ئەڭ يېقىن كىشىم دەپ بىلىدىغان بولسۇن.

كىشىلەرنىڭ كۆڭلىنى ئۇتالايدىغان ۋە كۆتۈرەلەيدىغان بولسۇن.

سەمىمىي، راستچىل، تەندۇرۇس، خۇشخۇي، ۋە سەزگۈر بولسۇن.

مەنبە: شىنجاڭ مەدەنىيىتى ژورنىلى

tarhanbag

ھەقىقەتەن  خىزمەتچى قۇبۇل قىلىش توغرىسىدىكى ئىلغار ئېلان ئىكەن.
«يۈز يىل بۇرۇنقىلار» ھازىرقىلاردىنمۇ ئىلغار پىكىردىمۇ قانداق؟
رەھمەت.

گۇلزار

«ئەبجەش تىلدا ئەمەس، ساپ ئىنگلىز تىلىدا سۆزلەيدىغان بولسۇن.»دىگىنىگە  قارىغاندا بۇ ئېلان چەت ئەلنىڭمۇ قانداق ؟   
ئەگەر ئىدارە ئورگان ۋە شىركەتلەر مۇشۇ ئېلان بويىچە خىزمەتچى قوبۇل قىلالسىا ،ئۇلارنىڭ ئىش ئۈنىمى ھەسسىلەپ ئاشقىدەك .
رەھمەت