يېتىم بالىلارنى بېقىۋېلىپ ئوقۇتىمەن!

ئەزىزى

يېتىم بالىلارنى بېقىۋېلىپ ئوقۇتىمەن!
ئائىيلە سىزنىڭ! لېكىن بالا مىللەتنىڭ! ئۇ ۋەتەننىڭ كەلگۈسى ئۈمۈدى، بالىنى تېپىپ قويسىلا بولمايدۇ، ئۇنى ئەتراپلىق تەبىيەلەپ، ئوقۇتۇپ مەلۇماتلىق بىلىم ئىگىسى قىلىپ يېتىشتۇرۇپ چىقىش بىز ئاتا-ئانىلارنىڭ باش تارتىپ بولماس مەجبۇرىيىتىمىز. ئەتراپىمىزدا بالىنى تېپىپ قويۇپ، ئويۇن تاماشا، كەيپ-ساپاغا ئۆزىنى ئاتىۋەتكەن، ئەشۇ بىگۇنا، نارىسىدە بالىنى تىرىك يىتىملىك كوچىسىغا تاشلىۋەتكەن، مەسئۇلىيەتسىز ھايۋان دادىلارنى دائىم ئۇچرۇتۇپ تۇرىمىز. مەخسىدىم: ئەشۇنداق ئىگە-چاقىسىز يېتىم-يېسىر بالىلارنى بېقىۋېلىپ، ئۆزەم بىر قوللۇق ئوقۇتۇپ قاتارغا قوشسام دەيمەن، مېنىڭ تېخى يېتىملار مەكتىۋى ئاچقۇدەك پۇلۇممۇ يوق، لېكىن مەكتەپ ئوقۇش پۇلىنى تولىيەلەيمەن، ياتاق-تاماق جەھەتتە،كۆلىمى 5 مو دىن ئارتۇق كېلىدىغان مىۋىلىك باغ ۋە ئىككى جايدا ئۆزىمىز ئولتۇرۇۋاتقان ئۆيلەردىن باشقا يەنە 10نەچچە ئېغىز بىكار ئوي تەييار، ئارامگاھىمىزدا ئۈچ ۋاق تاماقنى تاييار قىلىپ بېرىدىغان ئاشپەز ئۇستاملارنى قوشقاندا10دىن ئارتۇق خىزمەتچى بار بولۇپ، بالىلار ھېچنىمىدىن غەمسىز ياشايدۇ. بالىلارنى خەلق ئىشلار ئىدارىسى ۋە ساقچىخانىلارغا تىزىملىتىپ قانۇنلۇق ھامىيسى بولۇپ، ئالىي مەكتەپلەرگىچە ئوقۇتماقچىمەن. ئۆيدە پەقەت ئوقۇتقۇچىلىقتىن پېنسىيەگە چىققان ئاپام بىلەن ئىككىمىزلا بار. مەن تېخى تۇرمۇش قۇرمىغاچقا بالاممۇ يوق، ئارزۇيۇم: بالىلارغا بارلىق يۈرەك قېنىمنى سەرپ قىلىپ،ئۇلارنىڭ ئۆز دادىسى بولۇپ، جەمىيەتكە ياراملىق ئىختىساس ئىگىسى قىلىپ چىقالىسام، ئۆلسەممۇ ئارمىنىم يوقتى، ئاخىردا كەڭ دوسلارنىڭ شۇنداق بالىلارنىڭ ئۇچۇرى بولسا ماڭا خەۋەر قىلىپ قويۇشىنى ئۆتۈنىمەن، ئۇلۇغ اللا ھەربىرىمىزنىڭ ساۋاپلىق ئىش ئۈچۈن باسقان قەدىمىمىزگە بەرىكەت ئاتا قىلغاي! ئامىن! بالىلارنىڭ ياش چەكلىمىسى 1 ياشتىن12ياشقىچە ،گاس-گاچا مېيىپ بالىلارنىڭ ياش چەكلىمىسى يوق. ئالاقە نومۇر: 0995-8552881 {چ.چ:504882229}
ئالاقىلاشقۇچى: پاسىبان ئاتا تېلىفون : 0995-13899301399

باشقا تور بەتلىرىگە چىقىرىپ تەشۋىق قىلىشقا بولىدۇ .

سىرداش

ياىشىمۇ  سىز  ئەزىزى  ئەپەندىم!
بايقاشتا  ئۇچراتقان  مۇنبەرداشلىرىمىزنىڭ ئىچىدە  سىزدەك  ياشلىرىمىزنىڭمۇ بارلىقىنى  ئەسلا  ئويلىماپتىكەنمەن.
سىزنىڭ  بۇ  ئۇلۇق  ئىشىڭىزنىڭ  رۇياپقا چىقىشىنى   تىلەيمەن،  شۇ  تاپتا  ھاياجىنىمدىن  نىمە دىيىشىمنىمۇ بىلەلمىدىم   رەھمەت  سىزگە،    سىز  بايقاشلىقلار ئۈچۈن  قەھرىمان  ھىساپلىنىسىز.

زەپەر

ياخشى ئويلاپسىز ئەزىز ئەپەندىم . بولسا شۇنداق قىلسىڭىز سىزنىڭ رىسىقىڭىزنى ياراتقان ئاللا بىرىدۇ. دىمىسىمۇ  جەمىيەتتە سىز دىگەندەكلا بالىنى تېپىپ قۇيۇپ ئۇنىڭ بىلەن كارى بولمايدىغان تاش يۈرەك ئاتا ئانىلار بار . ياخشى ئيلاپسىز .  سىزنىڭ بۇ خالىس تۆھپە قۇشۇش بۇ سۈزىڭىز ماڭا ئىنتايىن چوڭقۇر ياخشى تەسىرلەرنى قالدۇردى. .

گۇلزار

ياخشىمۇسىز ئەزىز ئەپەندى ؟
  يوقۇرقى قۇلارنى ئوقىۋاتقىنىمدا بۇ ئەزىز ئەپەندىم شۇدىمۇ ياكى باشقا بىرسىنىڭ ھاۋالىسى بىلەن يازغاندىمۇ دەپ  ئوقۇپ بولمايلا ئادرىسقا قارىدىم ھەم ھاياجىنىمدىن كۆزلىرىمگە ياشمۇ كېلىپ كەتتى . سىزگە بولغان ھۆرمىتىم ھەسسىلەپ ئاشتى . رەھمەت سىزگە .  ئاشۇ ئوقۇش ئارزۇسىدا يۈرەكلىرى تىنىمسىز تېپىۋاتقان ئوماق سەبى بالىلارنىڭ  ئارزۇ ئۈمۈدلىرى ئەمەلگە ئاشىدىغان بوپتۇ .
اللا مۇراد - مەقسىتىڭىزگە يەتكۈزگەي .  رىسقىڭىزنى كەڭ قىلغاي .  تېنىڭىزنى سالامەت قىلىپ ئىش - ئوقۇتىڭىزنىڭ بەركىتىنى بەرگەي . رەھمەت .
بايقاشلىقلار سىزدىن پەخىرلىندۇ . ۋاقتى كەلگەندە بىزمۇ  قاراپ تۇرمايمىز .  ياردەم كېرەك بولسا  بىز تەييار .

◤pari◥

ئۇلۇغ ئارزۇلارنى كۆڭلىڭىزگە پۈكۈپسىز قېرىندىشىم ئاللاھ مۇرادىڭىزغا يەتكۈزگەي ،رەھمەت .
لېكىن ھېچ بىلمىدىم بۇ نومۇرلار تۇرپاننىڭ نومۇرلىرىكەن ؟؟؟

قەسىر

        ئەسسالامۇ ئەلەيكۇم....

  ھاياجاندىن ئىسسىق ياش كەلدى،
     تېمىڭىزنى ئوقۇپ كۆزۈمگە.
  ئاپىرىن!ئېيتتىم شۇنداق تەخىرسىز،
     سىزنى تۇققان باتۇر ئانىگە!

  توغرا دەيسىز«پەرزەت مىللەتنىڭ»،
     ئىگە بولۇش ئاتا-ئانا بۇرچى.
     مەزمۇت يۆلەك بولمىساق سۆيۈپ،  
     نېمىگە يېتەر گۈدەكلەر كۈچچى.

          مېھرلىك ئاپپاق دىلىڭىز،
     غەم-غۇسىسىز گۈلدەك ئېچىلسۇن.
         ئاللاھ بېرىپ ئەجىرىڭىزنى،
      سىزنى ئۆز پاناھىدا ساقلىسۇن!


           بۈيۈك ئارزۇ-ئارمانىڭىزغا،
          تەلەكداشمەن ھەر بىر دۇئادا.
       دەستە گۈللەر ئېچىلىپ كەتسۇن!
       ساخاۋتتە باسقان ئاق يولۇڭىزدا!

ئەزىزى

بۇ نومۇرلار تۇرپاننىڭ نومۇرلىرىكەن ؟؟؟

تۇرپاننىڭ بولسا بولمايدىغان ئىش يوققۇ.

alimjan

[ياخشى ئويلاپسىز قېرىندىشىم ئاللا مۇرادىڭىزغا يەتكۈزگەي.يىتىم قېلىشتا نارىسىدە بالىلارنىڭ گۇناھى يوق .يىتىملىك بەزىدە تەقدىردىن بولسا ،بەزىدە مەسئۇلىيەتسىز ئاتا-ئانىلارنىڭ ئۆزمەسئۇلىيىتىنى تۇنۇپ يىتەلمىگەنلىگىدىن بۇلىدۇ .مەن سىزنىڭ بۇ ئاق كۈڭۈللىگىڭىزنى ،توغرا نىيىتىڭىزنى قوللايمەن .سىزگە ئىنساپلىق بالىدىن ئاتا قىلىشنى ئاللادىن تىلەيمەن .مۇرادىڭىز ھاسىل بولغاي. ھەممىمىزنىڭ كۆڭلىگە ئىنساپ بەرسۇن يىتىم بۇلۇڭدا قالمىسۇن .  ]