ئاخىرىنى داۋاملاشتۇرىدىغانلار بارمۇ؟

سىرداش

ئاخىرىنى داۋاملاشتۇرىدىغانلار بارمۇ؟




مىنىڭ بىر بېغىم   بار ئىدى، باغدا نۇرغۇن  شىرىن تاتلىق مىۋېلەر بار ئىدى، بۇلارنى كۆز قارچۇغۇمنى ئاسرىغاندەك ئاسرايتتىم، نۇرغۇن يىل بالامنى پەرۋېش قىلغاندەك يۇرەك قېنىمنى سەرپ قىلىپ ئىنتايىن چىرايلىق بىر گۈلزارلىققا ئايلاندۇرغان ئىدىم................................................

ئاخىرىنى داۋاملاشتۇرىدىغانلار بارمۇ؟


ھەقىقى  ھىسياتىنى ئىپادىلىگۈچىلەرگە   مۇكاپات بار....

بۇغداي

...بېغىمدىكى ھەرخىل مىۋىلەرنى ، گۈل-گىياھلارنى كۆرگەن كىشىنىڭ ئۇلارنى يېقىن ئارلىقتىن كۆرۈش ھەۋىسى قوزغالماي قالمايتى ھەم، بۇ باغ كېمنىڭ بېغىدۇ  ھەجەپ چىرايلىق باغكىنا شۇ باغدىكى مىۋىلەردىن قانغۇچە يىسەم، باغدىكى گۈللەردىن بىر دەستە ئۈزۈپ ئەڭ سۆيۈملۈك كېشىللىرىمگە بەرسەم نىمىدېگەن ياخشى بولاتتى ھە!  دەپ ئويلاشقىمۇ ئۈلگۈرەتتى.

ئەزىزى

ئاخىرى:
بۇ باغ گوياكى باغى ئىرەم ئىدى،بۇ باغدىن يەتتە ئىقلىمدىكى ھەممە مىۋە تېپىلاتتى، باھارپەسلىدە رەڭدار چىچەكلەر بەئەينى جەننەتۇل پىردەۋىس كەبى ھۆسىنگە تولاتتى،مىۋە پىشقان چاغدىكى ئىشلارنى بىر دىمەڭ:تۇمەن خىل مىۋلەردىن تارقالغان خۇشبۇي ھېد يەر-جاھاننى بىر ئېلىپ رەڭدار كىپىنەكلەرنى،ئۇچار-قۇشلارنى،ھەتتا يېقىن ئەتراپتىكى كىشلەرنى مەس قىلىپ ھەپتە قۇپالماس قىلۋىتەتتى،مىېۋنىڭ شېرىنلىكىنى دىمەڭ....بۇ باغ شۇنداق بىر باغ ئىدىكى........

گۇلزار

بۇ گۈلزارلىقنى كۆرگەن ھەرقانداق بىر ئادەمنىڭ كىرىپ  كۆرۈپ باققۇسى كېلەتتى . ئەمما مەن ئۇلارنى بۇ مەقسىتىگە يەتكۈزمەيتتىم چۈنكى ئۇلارنىڭ بۇ گۈلزارلىقىمنى دەسسەپ - چەيلىۋېتىشىدىن بەكمۇ قورققاتتىم .  باشقىلارمۇ كىرىشكە پېتىنالمايتتى. چۈنكى بۇ گۈلزارلىقنىڭ تاملىرىنى ئېگىز قوپۇرۇپ سېپىل ھاسىل قىلغان ئىدىم ھەم  كېچە كۈندۇز قارايدىغان ناھايتى ياۋۇز ھەم قامەتلىك بىر كىشىنى  باغقا قاراشقا قويغان ئىدىم . ئۆزەممۇ  كۈندە كېلىپ ئۇنىڭغا  قارايتتىم .ھەم ئىچىدىكى گۈللەرنىڭ خۇش ھىدلىرنى تويماي پۇرايتتىم ،ھەم  ھۆزۇرلىناتتىم .
شۇنداق قىلىپ كۈنلەر  ئايلارنى قوغلىشىپ ، ئايلار يىللارنى قوغلىشىپ ئۆتىۋەردى. بۇ گۈلزارلىقمۇ كۈندىن -كۈنگە تېخىمۇ باراقسانلىشىپ  جاھاندىكى ھەممە كىشىنىڭ دىققىتنى تارتقىدەك تېخىمۇ گۈزەللىشىپ كەتتى .
شۇ كۈنلەرنىڭ بىرىدە جاھاننىڭ يەنە بىر چېتىدىكىشەھەرنىڭ شاھزادىسى بۇ گۈلزارلىقنىڭ  نامىنى ئاڭلاپ كۆرۈپ  بېقىش ئىستىكى قوزغىلىپ يولغا ئاتلىنىپتۇ . ئۇ نۇرغۇن تاغ داۋانلاردىن ئېشىپ ، ئۇسسۇزلۇق ۋە ئاچلىقنىڭ دەردىنى  بولىشىغا تارتىپ ئاخىرى بۇ باغقا يېتىپ كەپتۇ . ھەم بۇ باغنى كۆرۈپ باققا كىرىپ كۆرۈش ئىستىكى يەنە بىر ھەسسە يوقۇرى كۆتۈرلۈپتۇ . شۇنداق قىلىپ باققا كىرىشنىڭ ئامالىنى ئىزدەپتۇ. ئۇ  باغقا قارىغۇچىغا يېلىنىپ يالۋۇرۇپتۇ .  ئەمما ئۈنىمى بولماپتۇ .ئۇ ئاخىرى ئوغۇرلۇقچە تامنىڭ ئاستىدىن لەقمە كولاپ كىرىشنى ئويلاپ يەتتە كىچە كۈندۇز لەقمە كولاپتۇ ھەم ئۆزى پاتقۇدەك بىر لەقمە كولاپ باققا كىرىپتۇ . ئۇ باققا كىرىپ  گۈلزارلىقنىڭ ئوتتۇرسىدا نۇر چېچىپ، خۇشپۇراق  تارقىتىۋاتقان بىر گۈلنى كۆرۈپتۇ ھەم ئۇنىڭ يېنىغا بېرىپلا ئۇنىڭ ئىپار كەبى ھىدىنى پۇراپ ھۆشىنى يوقۇتۇپتۇ .   ئۇ ھۆشۇدىن كېلىپ يەنە بۇ گۇلگە قاراپتۇ دە يەنە ھۆشىدىن كېتىپتۇ شۇ تەرىقىدە ئۇ يەتتە قېتىم ھوشىدىن كېتىپ ھۆشىغا كەپتۇ . ئاخىرى ئۇ ھۆشىغا كېلىپ ...


ئاخرىنى داۋاملاشتۇردىغانلار بارمۇ؟    قېنى ئەمىسە ...

ۋېنرا

شاھزادە ھۇشىغا كىلىپ بۇ خۇشپۇراق گۈلنى ئۆز ئوردىسىغا كۈچۈرۇپ ئەكەتمەكچى بوپتۇ ،ھەتتا بېشىغا ئۈلۈم كەلسىمۇ قەتئىي يانمايدىغان ئىرادىگە كەپتۇ ،شۇنىڭ بىلەن ئۇ بارمەقلىرى بىلەن گۈلنىڭ مۇنبەت توپرىقىنى كولاشقا باشلاپتۇ ،ھەيران قالارلىقى شۇكى بىر ئالقان توپا كولىسا  گۈل تۈۋىگە ئىككى ئالقان توپا  ئاۋۇپ مېڭىپتۇ ،شۇنداقتىمۇ شاھزادە  قەتئىي ئىرادە بىلەن كولاۋىرىپتۇ ،كېچە –كۈندۇز تىنماي كولاپتۇ  .......

قېنى داۋامىنى .......

سىرداش

داۋامى  يېڭى يىلغا قالدىمۇ   دوستلار؟

گۇلزار

سىرداش يوللىغان ۋاقتى  2012-12-31 23:34
داۋامى  يېڭى يىلغا قالدىمۇ   دوستلار؟

سىزلا داۋاملاشتۇرۇڭا .

سىرداش

گۇلزار يوللىغان ۋاقتى  2012-12-31 23:40
سىزلا داۋاملاشتۇرۇڭا .

ئۈزى يېقىپ  ئۈزى  يىگەن   ناۋايغا  ئوخشاپ  قالمامدىمەن،   دوستلارنىڭ يازغىنى   شۇنداق ياخشى  چىقىۋاتقان تۇرسا، مەن ھازىر  شۇ  بېغىمنىڭ  ھۇزىرىنى  سۈرۈۋاتىمەن.

گۇلزار

ۋېنرا يوللىغان ۋاقتى  2012-12-30 11:38
شاھزادە ھۇشىغا كىلىپ بۇ خۇشپۇراق گۈلنى ئۆز ئوردىسىغا ك ...

شاھزادە كولاشنى ئۇدا يەتتە - كېچە كۈندۈز داۋاملاشتۇرۇپ . ئاخىرى ئۇ ھۆشىدىن كېتىپ ،شۇ گۈلنىڭ يېنىغىلا يىقىلىپتۇ  . بىر ۋاقىتتا كۆزىنى ئاچسا يېنىدا ئاي دىسە ئاي ئەمەس ، كۈن دىسە كۈن ئەمەس  بەدىنىدىن ئىپار كەبى خۇش پۇراق تۆكۈلۈپ تۇرغان بىر قىزنىڭ ئۆزىگە  كۈلۈمسىرەپ تۇرغانلىقىنى كۆرۈپتۇ . ھەم بۇنى ئۆزىنىڭ ئوڭىمۇ ياكى چۈشىمۇ ئىكەنلىكىنى ئاڭقىرالماي قېتىپلا قاپتۇ . شۇ ئەسنادا  قىز شۇنداق يېقىملىق ئاۋاز بىلەن ئۇنىڭغا سالام بېرىپتۇ .  ھەم بېشىدىن ئۆتكەن ئىشلارنى ئۇنىڭغا سۆزلەپ بېرىپتۇ .  

  داۋامى  مۇنبەرداشلارغا قالدى

ئوغلانبەگ

بۇ قىز ئەسلىدە يىراق كۈن چىقىشتىكى مەشھۇر بىر ئەلنىڭ مەلىكىسى ئىكەنتۇق.ئۇ كىچىكىدىنلا زامانىسىدىكى داڭلىق ئالىملار،ئۇستازلارنىڭ ياخشى ئەمەللەر ۋە بىلىملىرىنىڭ تەربىيىسىدە ئۆسكەن بولۇپ،ئەلەم ۋە قەلەمدە كامالەتكە يەتكەن ئىكەن.
كۈنلەر ئۆتۈپ،ئايلار ئۆتۈپ،قىز بويىغا يېتىپتۇ.قىزنىڭ ئاتىسى بولىمىش كەرەملىك شاھ ئالىيلىرى قىزىنى ئۆزىگە ئوخشاش ياخشى تەربىيە ئالغان،ئىلىمدە پەيلاسوپ ئارسىتوتىلدەك،ئەلەمدە رۇستەمى داستاندەك ھەر جەھەتتىن يېتىشكەن كامالەتكە يەتكەن،جىسمانىي ۋە ئەقلىي جەھەتتىن كامالەتكە يەتكەن بىر يىگىتكە ياتلىق قىلماقچى بولۇپ پۈتۈن ئەلگە پەرمان چۈشۈرۈپتۇ...
نۇرغۇن شاھزادىلەر قىزنىڭ تەرىپىنى ئاڭلاپ،قىزنى كۆرمەيلا ئاشىقى-بىقارار بولۇپ،ئۆزلىرىنىڭ تەلەي پىشانىسىنى سىناپ كۆرمەك،قىزنىڭ ۋىسال شەربىتىنى ئىچمەك بولۇپ،غەيرەت كەمىرىنى بېلىگە مەھكەم باغلاپ،ئول مەملىكەتكە ئاتلىنىپتۇ.
نۇرغۇنلىغان ئاشىقلار قىزغا كۆرۈنۈش قىلغان بولسىمۇ،لېكىن قىزنىڭ دىققەت -نەزىرىگە ئىلىنالماستىن،ھەسرەت بىلەن ياقا يىرتىپ،ئەقلىدىن ئېزىپ،چۆل-باياۋانلارغا چىقىپ كېتىپتۇ.
دەل شۇكۈنلەردە قىز بىر ئاخشىمى چۈش كۆرۈپتۇ.چۈشىدە دەل ئول شاھزادە ئايان بولۇپتۇ.شۇنىڭ بىلەن قىز  چۈشىدە كۆرگەن بۇ شاھزادىگە غايىۋانە ئاشىق بولۇپ،شاھ ئاتىسىغا پەرماننى قايتۇرۇشنى ئىلتىماس قىلىپتۇ ۋە بۇ باغى ئېرەمىنى ياسىتىپ،گۈل-گۈلىستان،گۈلزارلىقلارنى بەرپا قىلدۇرۇپتۇ. ھەمدە گۈللەرنى پەرۋىش قىلغاچ،چۈشىدە كۆرگەن ئاق ئاتلىق شاھزادىسىنىڭ كېلىشىنى كۈتۈپتۇ.
نۇرغۇن كۈنلەر ئۆتكەندىن كېيىن شاھزادە ئاخىرى قىزنىڭ كۆز ئالدىدا نامايەن بولۇپتۇ....