بۈگۈن سەھەردە (شېئىر)

نونى

بۈگۈن سەھەردە
(مەمتىمىن ياسىن)

تۈن قوينىدىن شۇڭغۇغان سادا،
كەلدى ئۆيگە سەھەرنى باشلاپ.
توقۇم تىكىپ ئولتۇرغان ناكەس،
كېتىپ قالدى دۇكاننى تاشلاپ.
.
چىگىكلەردىن بوشاندىم بۇدەم،
سىلكىنىشتە قەددىمنى كېرىپ.
ئۆز-ئۆزۈمنى توقۇدۇم قايتا،
يىپلىرىمغا نۇردىن ھەل بېرىپ.
.
ساقىپ چۈشتى يۈرەكلىرىمگە،
تۆڭلۈكۈمدىن كىرگەن يورۇقلۇق.
ھالال نۇردىن  كەتتى ياشىرىپ،
قەلبىمدىكى پىنھان قۇرۇقلۇق.
.
روھىم ھالقىپ كەتتى ساماغا،
باغاشلىدىم يەرنى ئېڭىشىپ.
سىماپ كەبى ئېرىپ ۋۇجۇدۇم،
نۇر قوينىغا كەتتىم سىڭىشىپ...

.
2012-يىل 10-ئاينىڭ 18-كۈنى
.
مەنبە:  ئۆز يازمام

سىرداش

باركاللا  ياخشى  شىئېر ئىكەن

سىرداش

توقۇم تىكىپ ئولتۇرغان ناكەس،
كېتىپ قالدى دۇكاننى تاشلاپ

بۇ  تۇقۇمچى  كىچىسى ئىشلەپ  كۈندىزى  ئارام ئالامدۇ  ياكى  بازارغا ماڭدىمۇ؟   (چاخچاق ھە)

bilal_turkza

نونى
ئەپەندى بۇشىېئر ھەقىقەتەن ياخشى يىزىلغان گۇڭگا شىېئر ئىكەن.ئىماگلار نىمە دىگەن جايىدا ئشلىتىلگەن.‹‹سىماپ كەبى ئېرىپ ۋۇجۇدۇم، نۇر قوينىغاكەتتىم سىڭىشىپ......››مانا بۇ ھىدايەت نۇرى،ئىمان نۇرى.رەخمەت....قەلەم تۇلپارىڭز مەڭگۇ ھارمىغاي.....ھالال تۇرمۇش ،ساپ ئەقىدە مەڭگۇ يار بولسۇن......

نونى

سىرداش يوللىغان ۋاقتى  2012-10-18 19:38
توقۇم تىكىپ ئولتۇرغان ناكەس،
كېتىپ قالدى دۇكاننى تاشل ...

بۇ  تۇقۇمچى  كىچىسى ئىشلەپ  كۈندىزى  ئارام ئالامدۇ  ياكى  بازارغا ماڭدىمۇ؟   (چاخچاق ھە)

بۇ توقۇمچى كېچىچە توقۇم توقۇپ ، كۈندۈزى ئارام ئالىدۇ

saba007

مەمتىمىن ،بۇ لىرىكا ناھايتىمۇ جايىدا يېزىلىپتۇ. ھەربىر ئماگلارغا سىڭدۈرۈلگەن ھىسيات تولىمۇ ئۆزگىچە......

ساقىپ چۈشتى يۈرەكلىرىمگە،
تۆڭلۈكۈمدىن كىرگەن يورۇقلۇق.
ھالال نۇردىن  كەتتى ياشىرىپ،
قەلبىمدىكى پىنھان قۇرۇقلۇق.

لىرىك ئلھملىرىڭغا تەشەككۈر.........