بۇ يازمىنى ئاخىرىدا نونى تەھرىرلىگەن. ۋاقتى 2012-11-19 21:35
پەلەك ئەركىسى ــ ئابلەت مەجۈن
[attachimg]4740[/attachimg]
[ئابلەت مەجۈن ـــ 1970-يىلى 7-ئاينىڭ 29-كۈنى يېڭىسار ناھىيىسىنىڭ ئوچار يېزا بوزغۇن 26-كەنت 1-مەھەللىسىدە دېھقان ئائىلىسىدە تۇغۇلغان.
كىچىكىدىن باشلاپ سېرىك سەنئىتىگە ئوتتەك ئىشتىياق باغلىغان ئابلەت مەجۈن ـــ 1987-يىلى تولۇق ئوتتۇرا مەكتەپنى پۈتتۈرۈپلا ، ئۆزىنىڭ سېرىك جەھەتتىكى تالانتىغا ئاساسەن يېڭىسار ناھىيىلىك سېرىك ئۆمىكىگە قوبۇل قىلىنغان. 1990-يىلى ئاپتونۇم رايۇنلۇق سېرىك ئۆمىكىگە يۆتكەلگەن.ئۇ ھازىر مەملىكتلىك سېرىكچىلەر جەمىيىتىنىڭ ئەزاسى.ئۈرۈمچى شەھرى تەڭرىتاغ رايۇنلۇق خەلق قۇرۇلتىيىنىڭ ۋەكىلى. دۆلەتلىك 1-دەرىجىلىك ئارتىسىت، ئالى تېرېنېر.
يولاش ئابلەت مەجۈن ــ ئۆزىنىڭ سېرىك ھاياتىدا ناھايىتى زور نەتىجىلەرنى قولغا كەلتۈرگەن: 1991-يىلى گۇۋاڭشى شەھرىدە ئۆتكۈزۈلگەن ئاز سانلىق مىللەتلەرنىڭ تەنتەربىيە مۇسابىقىسىدە دارۋازلىق ماھارىتىنى كۆرسىتىپ ، ئالتۇن مدالغا ئېرىشكەن. 1995-يىلى يۈننەننىڭ كۈنمىڭ شەھرىدە ئۆتكۈزۈلگەن ئاز سانلىق مىللەتلەرنىڭ تەنتەربىيە مۇسابىقىسىدە دارۋازلىق ماھارىتىنى كۆرسىتىپ ،مەملىكەت بويىچە 1-دەرىجىلىك مۇكاپاتقا ئېرىشكەن.1996-يىلى شاڭخەيدە ئۆتكۈزۈلگەن مەملىكەتلىك 3-نۆۋەتلىك دېھقانلار تەنتەربىيە مۇسابىقىسىدە دارۋازلىق ماھارىتىنى كۆرسىتىپ، 1-دەرىجلىك مۇكاپاتقا ئېركەن. 1999-يىلى خەلقارا سەنئەت مۇسابىقىسىدە سەھنە دارۋازلىقى بويىچە ماھارەت كۆرسىتىپ،ئالتۇن شىر مۇكاپاتىغا ئېرىشكەن.2001-يىلى مەملىكت بويىچە ئۆتكۈزۈلگەن سېرىك مۇسابىقىسىدە 1-دەرىجىلىك مۇكاپاتقا ئېرىشكەن.2004-يىلى گۇاڭجوۇ شەھرىدە ئۆتكۈزۈلگەن سېرىك ئىجادىيەت مۇسابىقىسىدە دار ئۈستىدە راۋاپ چېلىپ، مۇقام توۋلاپ، 1-دەرىجىلىك ئالتۇن مۇكاپاتقا ئېرىشكەن ۋە ئاپتونۇم رايۇنىمىزغا پەن-تېخنىكا يېڭىلىقلىرى بويىچە شان-شەرەپ كەلتۈرگەن.شۇ يىلى يەنە سېرىك قىزىقچىلىقى بويىچە ماھارەت كۆرسىتىپ، مەملىكەت بويىچە 1-دەرىجىلىك مۇكاپاتقا ئېرىشكەن.2005-يىلى 9-ئاينىڭ 1-كۈنىدىن 10-ئاينىڭ 8-كۈنىگەىچە 38 كۈن بوشلۇقتىكى سىم ئۈستىدە تۇرمۇش كەچۈرۈپ، 7 تۈردە دۇنيا جېننىس رېكورتى يارىتىپ، ئاپتونۇم رايۇن قۇرۇلغانلىقىنىڭ 50 يىللىقىغا قىممەتلىك بىر سوۋغا تەقدىم قىلغان.2007-يىلى 8-ئاينىڭ 24-كۈنى مەركىزى تېلىۋېزىيە ئىستانسىسى بىلەن ئاپتونۇم رايۇنلۇق مەدەنىيەت نازارىتى بىرلىشىپ ئۇيۇشتۇرغان پائالىيەتتە تىكلىكى 45 گىرادۇسلۇق سىمدا مېڭىپ ، ئامېرىكىلىق ماڭغان 43 گىراۇسلۇق رېكورتنى بۇزۇپ تاشلاپ، تىك سىمدا مېڭىشتا دۇنيا بويىچە ئەڭ ئالدىغا ئۆتكەن ھەمدە ئەنگىلىيە جېننىس ئەترىتى تەرىپىدىن ئالاھىدە كېنىشكىگە ئېرىشىپ، جوڭگۇ دارۋازلىرى ئىچىدە ئەنگىلىيە كېنىشكىسىنى ئالالماسلىقتەك تارىخقا خاتىمە بەرگەن.
ئۇ ھازىر 10 نەپەردىن ئارتۇق شاگىرتنى ھەقسىز قوبۇل قىلىپ، كېچە-كۈندۈز جاپالىق ئىشلەپ، شىنجاڭنىڭ دارۋازلىق سەنئىتىنى تېخمۇ يۈكسەك پەللىگە كۆتۈرۈش ئۈچۈن تىرىشماقتا.
مەنبە : ئابلەت مەجۈننىڭ ئۆز ئاغزى | 
قىزغىنلىق
تىللا
تۆھپە
شۆھرەت
يوللىغان ۋاقتى 2012-11-19 07:14:53
يوللىغان ۋاقتى 2012-11-19 14:41:22
