كۆز بوياپ ( ئابدۇللا ياقۇپ )

نونى

كۆز بوياپ

(ئابدۇللا ياقۇپ)

باشلىقىمنىڭ كۆڭلىگە يېقىۋالدىم كۆز بوياپ،

تۆر بېشىغا پەگاھتىن چىقىۋالدىم كۆز بوياپ.

.

بىلىندۈرمەي سىرىمنى،دىلدا ئەخلەت كىرىمنى،

يۈز-كۆزۈمگە گىرىمنى ئېتىۋالدىم كۆز بوياپ.

.

تۇتۇپ ئۇستاز تۈلكىنى، نىقاپ قىلىپ كۈلكىنى ،

گۆش كۆرسىتىپ ئۆپكىنى سېتىۋالدىم كۆز بوياپ.

.

يۇندى بولۇپ ئاققانتىم،بەدبۇي پۇراق چاچقانتىم،

ئەمدى سۈزۈك بۇلاقتەك ئېقىۋالدىم كۆز بوياپ.

.

يەڭ ئىچىدە شەمشىرىم، ھېچ كۆرۈنمەس نەشتىرىم،

پەيتى كەلسە ياخشىنى چېقىۋالدىم كۆز بوياپ.

.

زىيان سېلىپ ئاۋامغا، ئايلىنىپ چوڭ قارامغا،

نەپسىم تويماي ھارامغا ، بېيىۋالدىم كۆز بوياپ.

.

ئوغرى ئىدىم ئەل ئۇققان، بۆرە بىلەن بىر تۇغقان،

پاقلان بولۇپ قوتانغا كىرىۋالدىم كۆز بوياپ.

.

گەر ئاڭلىسام شەپىنى ، تېپىپ ئىشنىڭ ئېپىنى،

قۇيرۇقۇمنى ئىچىگە تىقىۋالدىم كۆز بوياپ.

.

1997-يىل 5-ئاي

مەنبە : ئابدۇللا ياقۇپنىڭ " ئاچكۆزلەر " ناملىق كىتابىدىن ئېلىندى.

Ziba

ئاپىرىن سىزگە،بەك ياخشى يېزىلغان شېئىر ئىكەن،ھازىرىقى دەۋرىمىزدىكى بىر قىسىم كىشىلىرىمىزگە  تولىمۇ ماس كېلىدىكەن.ئېسل تېمىلىرىڭىز ئۈزۈلۈپ قالمىغاي!

ئوتلۇق

بەك ياخشى يېزىلغان غەزەل شەكلىدىكى ھەجۋىكەن بۇ . بۇ تىمىنى يۇلەپ قويسا مېڭىپ كەتكۇدەك جۇما ؟

tursun123

ئابدۇللا ياقۇپ ئەپەندى جەمىيەتنى بەكمۇ ئىنچىكە كۈزۈتۈپ يازغان شېئىركەن بۇ. راست ئەشۇنداق كۆز بويايدىغانلار ھازىرقى جەمىيتىمىزدە خېلى كۆپ ساننى ئىگىلەيدۇ.قولىدىن ھىچقانداق خەلىققە پايدىلىق ئىش كەلمەيدۇ ئۇلارنىڭ.زامان شۇلارغا باقتى.ھەي ئېسىت...............