بىلىۋىلىڭ

ئادىل

* تاپان ئاغرىش كونا ھاجەتخانىلارنىڭ خىش(كېسەك)لىرىنى قىزدۇرۇپ، ئۈستىگە ھۆل لۆڭگىنى يېپىپ دەسسىسە تاپان ئاغرىقىغا شىپا بولىدۇ.
   * ئاق كېسەل يىلان تېرىسىدىن 100 گىرامنى ساپالغا قويۇپ ئوتقا قاقلاپ قارارەڭگە كىرگىچە قىزدۇرۇپ، يۇمشاق سوقۇپ، قوينىڭ ئۆتى بىلەن تەكشى ئارىلاشتۇرۇپ ئاق چۈشكەن ئورۇنغا چاپسا شىپا بولىدۇ.
   * تۇتقاقلىق يېڭى ئاغمىخان گۆشىنى يىللاپ كەتكەن نومى گۈرۈچىنىڭ پاخىلىنىڭ ئوتىغا قاقلاپ قۇرۇتۇپ، يۇمشاق سوقۇپ، كېسەل قوزغىلىشنىڭ ئالدىدا سېرىق ھاراق بىلەن قوشۇپ ئىچىۋەتسە شىپا بولىدۇ.
   * سۆڭەك ئۆسمىسى قايناق سۇ قاچىلانغان گىرىلكىنى ئاچچىقسۇدا نەمدەلگەن لۆڭگە بىلەن ئوراپ، ئاغرىغان ئورۇنغا 30 مىنۇت بېسىپ تۇرغاندىن كېيىن، قول بىلەن ئۇۋىلاپ بەرسە، بىر ھەپتىدە شىپاسى كۆرۈلىدۇ.
   * بويۇن ئومۇرتقىسى ئۆسمىسى كۈندە ئۇخلاشنىڭ ئالدىدا ئارپابېدىياندىن 250گىرامنى بىر كىلوگىرام خالتىلىق تۇز بىلەن قوشۇپ قازاندا قورۇپ، قىزىق پېتى قارا لاتىغا ئوراپ بويۇنغا قويىلىدۇ، ئاندىن قول بىلەن ئۇۋىلاپ بېرىلىدۇ. بۇنى يېرىم ئاي داۋاملاشتۇرسا ئۈنۈمى كۆرىلىدۇ.
   * شامال دارىپ زۇكامداش بىر نەچچە توغرام زەنجىۋىلنى 10 نەچچە تال غولپىياز ئېقى ۋە بىر سىقىم چاي بىلەن سۇدا قاينىتىپ، ئاق شېكەر قوشۇپ قىزىقىدا ئىچىپ تەرلىسە ئۈنۈمى كۆرىلىدۇ.
   * تارقىلىشچان زۇكام زەنجىۋىلدىن 20 گىرام، سامساق بىر باش، قارا شېكەردىن ئازراق ئېلىپ سۇدا قاينىتىپ سۈيىنى ئىچىپ بەرسە شىپاسى كۆرىلىدۇ.
   * سەكتە (شامال دارىش) كۈندە ناشتىدىن بۇرۇن كەرەپشە سۈيىدىن 50 گىرامنى، كەچتە ئۇخلاشنىڭ ئالدىدا جۈجەم(ئۈجمە) يوپۇرمىقىدىن 25 گىرامنى سۇدا قاينىتىپ سۈيىنى ئىچىشنى ئىككى – ئۈچ ھەپتە داۋاملاشتۇرسا ئۈنۈمى كۆرۈلىدۇ.
   * بالىلارنىڭ ئورنىغا سىيىپ قويۇشى غولپىياز يىلتىزىدىن 100 گىرامنى 50 گىرام زەرنىخ بىلەن ئارىلاشتۇرۇپ سوقۇپ يۇمشاتقاندىن كېيىن، ئىككىگە بۆلۈپ بالا ئۇخلاشتىن ئاۋۋال كىندىكىگە چاپلىسا ئۈنۈمى كۆرۈلىدۇ.
   * بالىلاردىكى يىغلاڭغۇلۇق قۇرۇق چاينى يۇمشاق چايناپ، بالىنىڭ كىندىكىگە چېپىپ، ئۈستىدىن ئاق لاتا بىلەن ئوراپ قويسا ئون مىنۇتتىلا يىغىدىن توختايدۇ.
   * بالىلاردىكى كۆك يۆتەل توخۇنىڭ ئۆتىنى ھوردا پىشىرىپ، پىشقان ئۆت سۇيۇقلۇقىغا ئاق شېكەر قوشۇپ ئىلمان قايناقسۇ بىلەن ئىستېمال قىلىنىدۇ. كۈنىگە بىر قېتىمدىن ئىستېمال قىلىشنى ئۈچ كۈن داۋاملاشتۇرسا شىپاسى كۆرۈلىدۇ.

   * بالىلاردىكى سۈت ئورۇقى كېسىلى ئىچكى ئەزالىرىپاكىز تازىلىۋېتىلگەن پاقا بىلەن ئاق شېكەرنى قوشۇپ قاينىتىپ ئىچسە شىپاسى كۆرۈلىدۇ.
   * بالىلاردىكى قۇلاق ئالدى بېزى يەللىكى قىزىل پۇرچاقتىن بىر سىقىمنى سوقۇپ ئۇماچ قىلىپ يەرلىك ئورۇنغا چېپىپ بەرسە ئۈنۈمى كۆرۈلىدۇ.
   * يەل تاشما يېڭى كۈدە(جۈسەي)دىن 100 گىرامنى نومى گۈرۈچىنىڭ سۈيىگە چىلاپ سېسىتقاندىن كېيىن قاينىتىپ، سۈيىدە يۇيۇنسا بىر قېتىمدىلا ئۈنۈمى كۆرۈلىدۇ

1.سۆگەت شېخى:كىچىك تەرەتنى راۋانلاشتۇرۇپ،ئاغرىق توختىتىدۇ.ئىششىقنى ياندۇرۇپ،سىفلىس قاتارلىق ھەر خىل جىنسىي كېسەللىكلەرگە،يۇقۇملۇق جىگەر يەللىكى،ئاستا خاراكتېرلىك كاناي يەللىكى قاتارلىق كېسەللىكلەرگە شىپا بولىدۇ.كېسەللىكلەرنى داۋالاشتا 120 گرام سۆگەت شېخىنى مۇۋاپىق مىقداردىكى سۇدا قاينىتىپ،كۈندە بىر قېتىمدىن 10 كۈننى بىر داۋالاش باسقۇچى قىلىپ ئىستېمال قىلسا بولىدۇ.سۆگەت شېخىغا يەنە شېكەر سېلىپ قاينىتىپ قىيام قىلىپ ئىچىپ بەرگەندە،ئارتېرىيە قېتىش خارەكتىرلىك يۈرەك كېسەللىكىگە شىپا بولىدۇ.
    2.سۆگەت يوپۇرمىقى:سۆگەت يوپۇرمىقىغا مۇۋاپىق مىقداردا سۇ قۇيۇپ قاينىتىپ ئىستېمال قىلىپ بەرگەندە،چېچەكنىڭ سىرتقا تېپىشىنى تېزلىتىدۇ.سىفلىس،چىش ئاغرىقى،سۈت بېزى يەللىكى قاتارلىقلارغىمۇ داۋا بولىدۇ.ئۇنىڭدىن باشقا يەنە سۆگەت يوپۇرمىقىدىن مەلھەم ياساپ كۆيگەن ئورۇنغا سۈرۈپ بەرسە،ئۈنۈمى كۆرۈنەرلىك بولىدۇ.سۆگەتنىڭ يۇمران يوپۇرمىقىدىن پايدىلىنىپ،بوغۇز ئىششىقنىڭ ئالدىنى ئالغىلى ۋە داۋالىغىلى بولىدۇ.
    3.سۆگەت قوۋزىقى:ئىششىقنى ياندۇرۇپ،ئاغرىقنى توختىتىدۇ.قاينىتىپ سۈيىنى ئىچىپ بەرسە سېرىقلىق كېسىلى ۋە ھەر خىل جاھىل خاراكتېرلىك جىنسىي كېسەللىكلەرگە داۋا بولىدۇ.سۆگەت قوۋزىقىنى كۆيدۈرۈپ،كۈلىنى كۈيۈك ئورنىغا سېپىپ بەرسە تېز مەنپەئەت قىلىدۇ.
    4.سۆگەت گۈلى:سۆگەت گۈلىنى ئېزىپ سۈيىنى چىقىرىپ ھەسەل بىلەن ئارىلاشتۇرۇپ ئىستېمال قىلغاندا،سېرىقلىق كېسىلىگە شىپا بولىدۇ.سۆگەت گۈلىنى ئېزىپ ئالتە گرامدىن ئىستېمال قىلىپ بەرگەندە،يۆتىلىپ قان تۈكۈرۈش،قانلىق تەرەت،ئاياللاردىكى ھەيز توختاپ قېلىش قاتارلىقلارغا شىپا بولىدۇ.
    5.سۆگەت يىلتىزى:سۇلۇق ئىششىق،سىفلىس،سېرىقلىق،رېماتىزم مەنبەلىك سۆڭەك ئاغرىش ۋە ھەر خىل كۈيۈكلەرنى داۋالاشتىكى ئىنتايىن ياخشى دورا ماتېرىيالىدۇر.
    6.سۆگەت مېۋىسى:قان سەپرا،تېرىنىڭ ھەر خىل زەخمە سەۋەبلىك قانىشىغا،رېماتىزم خارەكتىرلىك تىز ئاغرىقىغا شىپا بولىدۇ

ئامان

رەخمەت سىزگە، بىلىۋېلىشقا تېگىشلىك ساغلاملىق ساۋاتلىرىنى يوللاپسىز. ساقلىۋالدىم، ئەھمىيەتلىك تېمىلىرىڭىز ئۈزۈلۈپ قالمىغاي.

گۇلزار

بايقاشتىكى ئەزالارنىڭ ساغلام بولىشى ئۈچۈن ياخشى ماتىريال ئېلىپ كەپسىز رەھمەت سىزگە .

Ziba

رەھمەت سىزگە، بىلىۋېلىشقا تېگىشلىك ساغلاملىق ساۋاتلىرىنى يوللاپسىز. ساقلىۋالدىم، ئەھمىيەتلىك تېمىلىرىڭىز ئۈزۈلۈپ قالمىغاي!!!

ۋېنرا

قىزىمنىڭ كېسىلى ئۈچۈن ئاز بولمىغان ئىزدىنىش ئارقىلىق نۇرغاۇن رىتسىپلارنى توپلىغان ،لىكىن بۇ رىتسىپنى كۈرۈپ باقماپتىكەنمەن ،رەخمەت سىزگە !