مەلىكە ئاماننىسا ھەيكىلىنى كۆرۈپ

tursun123

مەلىكە ئاماننىسا ھەيكىلىنى كۆرۈپ

ئاپتور : ئا ئۆتكۈر

چولپان كۈلۈپ چىققاندەك
ياكى يەرگە قونغاندەك،
قەد كۆتۈردى بىر ھەيكەل زەرەپشان ۋادىسىدە،
خۇددى تەقدىر تۇرغاندەك ئۆزىنىڭ ۋەدىسىدە.
نې خاقانلار ، سۇلتانلار ،
گۆھەردىن تاج تاققانلار
تەختكە مىنىپ يۇرت سوراپ سۈرسىمۇ دەۋرى- دەۋران،
ئىزسىز كەتتى جاھاندىن غازاڭدەك توزۇپ ھەر يان.
قالدى پەقەت ئىستەكنىڭ،
يۈرەك بىلەن ئىدراكنىڭ
سەمەرىسى، جەۋھىرى ياشاپ مەڭگۈ بەرھايات،
ياشار بەلكى توختىماي دەۋر قىلسا كائىنات.
پەلەك ئوڭغا چۆرگىلىگەچ،
ئەل رايىدىن ئۆرگىلىگەچ،
قىشتىمۇ گۈل ئېچىلىپ، ئالەم بولۇرمۇ ئەختەر،
گۈل ۋەسلىگە بۇلبۇلمۇ چوقۇم بولۇر مۇيەسسەر.
شۇنىڭ يارقىن مىسالى
ئاماننىسا ھەيكىلى.
ئون ئىككى مۇقام بىلەن نامى ياشار ئەبەدىي،
سەنئەتنىڭ مېھرابىدا شامى چاقنار ئەبەدىي.


مەنبە: ئۆمۈر مەنزىللىرى

گىياھى

يېڭىلىق- پەقەت يېڭىدىن ئىجاد قىلىش، ئىختىرا قىلىش بىلەنلا ئەمەس، بەلكى، تۈنۈگۈننىڭ مېۋىلىك دەرەخلىرىنى پات- پات ئېرغىتىپ، يەنە ئۇنىڭدىن شېرىن- شەكەرلەرنى تېتىش بىلەنمۇ ئۆز ئىپادىسىنى تاپىدۇ.

ئۆتكۈر ئەپەندىمنىڭ بالدىن تاتلىق ئەسىرىنى ھوزۇرى داستىخان مەيدانىغا قويۇپ، 72خىل نازۇ- نىئمەتلىرىمىزنى تېخىمۇ باي، رەڭدار قىلغىنىڭىزغا ئاپىرىن!!!!

زەپەر

ئۆتكۈر ئەپەندىمنىڭ ئەسەرلىرىنى مەنمۇ بەكللا ياقتۇرمەن بولسا يەنە يوللىغايسىز