بايقاش «مائارىپ تۆھپىكارلىرى» سەھىپىسى قورۇلدى.
بايقاش مائارىپ تورىمىز كەڭ مائارىپچىلارنىڭ يېقىندىن قوللاپ قۇۋۋەتلىشى بىلەن قىسقىغىنا بىر مەزگىل ئىچىدە رايۇنىمىز تەۋەسىدىكى كۆزگە كۆرۈنگەن مائارىپ تورى بۇلۇپ قالدى.
نۆۋەتتە بايقاش مائارىپ ئۆزىنىڭ سەھىپىلىرىنىڭ رەڭدارلىقى ۋە كۆپ خىللىقى ، ئىزدىگەن ماتىرىيال ۋە ئوقۇتۇش بايلىقلىرىنىڭ بىر قەدەر تولۇق ۋە مۇكەممەللىكى بىلەن تور دۇنياسىدا جۈملىدىن مائارىپ تور بەتلىرى ئارىسىدا نەمۇنىلىك رول ئويناپ كەلمەكتە .
بىزدە « سۇ ئىچكەندە قۇدۇق قازغۇچىنى ئۇنتۇماسلىق » دەيدىغان بىر جۈملە ھېكمەتلىك سۆز بار .
ھەممىمىز كىچىك چېغىمىزدىن باشلاپلا نۇرغۇنلىغان ئوقۇتقۇچى-ئۇستازلارنىڭ يېتەكچىلىكىدە ، ئەتراپلىق تەربىيىسى نەتىجىسىدە ئادەم بولۇش يولىدا كۈنسېرى داۋان ئېشىپ كېتىپ بارىمىز .
ئەلۋەتتە ، پېشقەدەم ئۇستازلارنى سېغىنىش ، ئۇلار ئۈچۈن ئابىدە تىكلەش بىز ياشلارنىڭ باش تارتىپ بولمايدىغان بۇرچى .
مائارىپىمىزدا ئۈن-تىنسىز تۆھپە قوشۇۋاتقان ، قىلچە مىننەتسىز ۋە تاماسىز ھالدا بارلىقىنى ياش-غۇنچىلارنىڭ تەربىيىلىنىشىگە ئاتاپ شام روھىنى توختاۋسىز ھالدا جارى قىلدۇرۇۋاتقان پېشقەدەم ، ئوتتۇرا ياش ۋە ياش ئوقۇتقۇچى –ئۇستازلىرىمىز بار .
بايقاش تورىمىز بۇ يېڭىدىن تەسىس قىلغان تۆھپىكارلار سەھىپىسى ئارقىلىق ئەنە شۇ ئوقۇتقۇچىلارنى كەڭ جامائەتچىلىككە تونۇشتۇرۇش ، ئۇلارنىڭ ئەۋلات تەربىيلەشتىكى ئېسىل خىسلىتىنى تور دۇنياسىدا ئومۇمىي تورداشلارغا نامايان قىلىپ ۋە ئۇلارنىڭ ئىش-ئىزلىرىنى كەڭ تەشۋىق قىلىپ ئۇيغۇر مائارىپىنىڭ تەرەققىياتىنى ئالغا سىلجىتىشنى مەقسەت قىلىدۇ .
شۇڭلاشقا كەڭ تورداشلارنىڭ بۇ كۆزنەككە يېقىندىن ئاۋاز قوشۇپ ھەرقايسى جايلاردىكى مائارىپچى قېرىنداشلىرىمىزنى بايقاش تورىدا تەشۋىق قىلىشقا ئاكتىپ ئاۋاز قوشۇشىنى ئۈمىد قىلىمىز . بۇنىڭدا ئاساسلىق قىلىپ خىزمەتلەردە ئاكتىپ بولغان ، ئوقۇتۇش جەھەتتە تەجرىبىسى مول ۋە باشقىلارنىڭ ئېتىراپ قىلىشىغا ئېرىشكەن ، تەسىرى بار ياش ، ئوتتۇرا ياش ۋە پېشقەدەم ئوقۇتقۇچى-ئۇستازلارنىڭ ئىش-ئىزلىرىنى تونۇشتۇرۇش مەقسەت قىلىنىدۇ .
تۆھپىكار باغۋەنلەرنىڭ ماتىرىيالىنى يوللىغاندا چۇقۇم شۇ كىشىنىڭ روخسىتىنى ئالغان ئاساستا يوللاش كېرەك.
تۆھپىكارلار سەھىپىسىگە بۇ يەردىن كىرىڭ: /bbs/forum.php?mod=forumdisplay&fid=253
تورداشلارنىڭ ئەتىراپىڭلاردىكى مائارىپ ئىشلىرىغا قوشقان تۆھپىسى زور ئەمما كۈمۈلۈپ قېلىنۋاتقان مائارىپچىلارنى كۆرسىتىشىڭلارنى، ئۇلارنى تورىمىزدا تەشۋىق قىلىپ، ئۇلار ئۈچۈن مەنىۋىي جەھەتتە بولسىمۇ ياردەم قىلساق دىگەن ئۈمۈدتمىز.
بايقاش مائارىپ تورى ئىشخانىسى
2012-يىلى 8-ئاينىڭ 2-كۈنى | 
[ئۇلانما كۆچۈرۈش]
قىزغىنلىق
تىللا
تۆھپە
شۆھرەت
يوللىغان ۋاقتى 2012-8-2 19:11:36
يوللىغان ۋاقتى 2012-8-2 19:33:44
يوللىغان ۋاقتى 2012-8-2 20:15:20
يوللىغان ۋاقتى 2012-8-3 09:11:05