نۇرئەلى مەمەت بۇ يىل ئالىي مەكتەپ ئىمتىھانىدا 646 نومۇر ئالدى
خەلق تورى خەنزۇچە قانىلى خەۋىرى نۇر تورى تەرجىمىسى:
ئالىي مەكتەپ ئىمتىھانىدا 646 نومۇر ئېلىش خەنزۇ ئوقۇغۇچىلار ئۈچۈن ئېلىپ ئېيتقاندىمۇ ئېلىش تەس بولغان نومۇر ھېسابلىنىدۇ، كىچىكىدىنلا خەنزۇ تىلى بىلەن ئۇچرىشىپ باقمىغان ئازسانلىق مىللەت ئوقۇغۇچىلىرى ئۈچۈن بۇنچىلىك نومۇر ئېلىشنى بولسا تېخىمۇ تەس ھە قالتىس ئىش دەپ قارىساق بولىدۇ، ئۆزىنىڭ ئالغان نومۇرى 626 نومۇر،شىنجاڭلىق ئوقۇغۇچىلارنى ئالىي مەكتەپكە قوبۇل قىلىشتىكى بەلگىلىمىسىگە ئاساسەن، شەندۇڭ ئۆلكىسىنىڭ ئۈچتە ياخشى ئوقۇغۇچىسى بولۇپ باھالانسا 20 نومۇر قوشۇپ بېرىلىدۇ، شۇنداق بولغاندا ئۇنىڭ ئومۇمى نومۇرى 646 بولۇپ، بۇ ھازىرغا قەدەر ئىچكىرىدە ئوقۇۋاتقان شىنجاڭلىق ئوقۇغۇچىلار ئالغان ئەڭ يۇقىرى نومۇر بولۇپ قالدى.
ئۆز ئوقۇغۇچىسىنىڭ بۇنداق يۇقىرى نومۇر ئالغانلىقىدىن خەۋەر تاپقان لاۋ شەن 2-ئوتتۇرا مەكتەپ شىنجاڭ سىنىپى ئىشخانىسىدىن لىيۇ شاۋ لىڭ مۇئەللىم ھاياجىنىنى باسالمايلا قالدى، چۈنكى بۇ ئۇ كۆرگەن، ئاز سانلىق مىللەت ئوقۇغۇچىلىرىدىن چىققان ئەڭ يۇقىرى نومۇر ھېسابلىناتتى، بۇ نومۇرنى ئالغۇچى دەل شىنجاڭ سىنىپىدىكى ئۇيغۇر يىگىت نۇرئەلى مەمەت ئىدى. ئۇ ئالاھىدە ئائىلىدىنمۇ ئەمەس، بەلكى يەكەن ناھىيىسىنىڭ بىر دېھقان ئائىلىسىدىن كېلىپ چىققان.
ئۇ ئىمتىھاندىن بۇرۇنقى تەقلىدى ئىمتىھانلاردا ئىلگىرى كېيىن بولۇپ 570 نومۇر598 نومۇر617 نومۇر ئالغان،ئۇ ئالىي مەكتەپ ئىمتىھانىدىن كېيىن ئۆزىنىڭ نەتىجىسىنى 630 ئەتراپىدا مۆلچەرلىگەن ئىكەن.
ئۇنىڭ ئوقۇتقۇچىسى ھاياجانلىنىپ:« مەن 12 يىللىق خىزمەت جەريانىدا ،ئازسانلىق مىللەت ئوقۇغۇچىلىرىدىن بۇنداق يۇقىرى نومۇر ئالغاننى كۆرمىگەن، بۇ نومۇر بەلكى شەندۇڭ ئۆلكىسى بويىچە ،ھەتتا دۆلەت بويىچە ئەڭ يۇقىرى نومۇر بولۇشىمۇ مۇمكىن، كىچىكىدىن خەنزۇ تىلى بىلەن يولۇقۇپ باقمىغان بۇنداق بالىلارغا نىسبەتەن ئېيتقاندا،خەنزۇ يېزىقىدا ئىمتىھانغا قاتنىشى، خۇددى خەنزۇ ئوقۇغۇچىلارنىڭ ئىنگلىز تىلى يېزىقىدىكى ئىمتىھانغا قاتناشقىنى بىلەن ئوخشاش قىيىن، قارايدىغان بولساق ئۆتكەن يىلى ئىنگلىز تىلى يېزىقىدا ئىمتىھانغا قاتنىشىپ 600 دىن يۇقىرى نومۇر ئالغانلار ساناقلىقلا چىقىدۇ» دېدى.
نۇرئەلى مەمەتنىڭ ئائىلىسى قەشقىرى يەكەن ناھىيىسى ئاۋات بازىرى 12-كەنت 8-گۇرۇپپىدا بولۇپ،كىچىكىدىن يېزىسىدىكى مەكتەپتە ئوقۇغان،ئىشلەتكەن دەرسلىك ماتېرىياللىرى پۈتۈنلەي ئۇيغۇرچە، تولۇقسىزغا چىققاندا ئۇ ناھىيىدىكى نۇقتىلىق ئوتتۇرا مەكتەپكە قوبۇل قىلىنغان.
مەنبە: نۇر تورى | 
[ئۇلانما كۆچۈرۈش]
قىزغىنلىق
تىللا
تۆھپە
شۆھرەت
يوللىغان ۋاقتى 2012-7-24 20:53:25
يوللىغان ۋاقتى 2012-7-25 00:20:26
يوللىغان ۋاقتى 2012-7-25 01:01:43
