ئەڭ ئىسىل ھېكمەتلىك سۆزلەرئوقۇمىسىڭىز بىر ئۆمۈر پۇشايمان قىلىسىز

雪豹（图尔荪江

ھېكمەتلىك سۆزلەر


* ئەڭ يېقىن ئادىمىڭلا سېنى ئەڭ قاتتىق ئازابقا سالالايدۇ.

* مەسلىھەتنى چېچى ئاقارغانلاردىن ئەمەس ، دىلى ئاقارغانلاردىن سورا.

* ئىنسان يىغلاپ تۇغۇلۇپ ، باشقىلارنى يىغلىتىپ كېتىدۇ.

* ئازابلانغان ، قايغۇرغان ۋاقتىڭدا ساڭا تەسەللى بەرگۈدەك بىرەرىنىڭ يوقلۇقى روھۇڭنى تاۋلايدىغان ئەڭ ياخشى پۇرسەت.

* ئادەم قانچىكى كۆڭۈلچان بولسا زىممىسىدىكى يۈكى شۇنچە ئېغىر بولىدۇ.

* سەۋر - تاقەت ئىناق تۇرمۇشنىڭ بايلىقى.

* بىر - بىرىگە مەپتۇن بولۇش ئائىلە ئىتتىپاقلىقىنى كۈچەيتىشنىڭ ئۇلى.

* بىلىم ئۆگىنىش ئائىلە ئىتتىپاقلىقىنىڭ جەۋھىرى.

* پەرزەنت - چىن ئەقىدىنىڭ يىلتىزى.

* قىمار ئويناش ئائىلىنى ئوتتا كۆيدۈرگەنلىك.

* ھەممە كىشى سىناق ئۈستىدە؛ ئالدىغۇچى ئالدىنىدۇ، ئەزگۈچى ئېزىلىدۇ.

* ھېچكىمنى كەمسىتمە، باشقىلارغا ئورا كولىغان كىشى ئۆزى دومىلايدۇ.

* ئەڭ چوڭ بالا تىلدىن كېلىدۇ.

* كىشىنىڭ ئىشى بولسا ئىشى، سۆيەر ئۇنى ھەر كىشى، كىشىنىڭ ئىشى بولسا كىشى، راۋاج تاپماس ھېچ ئىشى.

* مۇھەببەتنىڭ ئاساسى ئۆز - ئارا ئىشەنچتۇر. ئىشەنچ بولغان يەردە مۇھەببەت بولىدۇ. ھەر ئىككىسى بولغاندا غەلىبە قولغا كېلىدۇ.

* مۆمىن ھەر دائىم ئېھتىياجنى قاندۇرىدىغان غىزاغا ئوخشاش بولۇشى كېرەك.

* ئالدىنى دۇنياغا قىلغان كىشىنىڭ دوستى بولمايدۇ، ئالدىنى ئاخىرەتكە قىلغان كىشىنىڭ دۈشمىنى بولمايدۇ.

* ‹ياخشى بولسا مۇشۇنچىلىك بولا› دېيەلەيدىغانلار بىلەن بىرگە بولغانلار بەخت قۇچىدۇ.

* قەلبنى ئەڭ كۆپ نۇرلاندۇرىدىغان نەرسە، سېنى غەزەپلەندۈرگەن كىشىنىڭ ياخشىلىقى ئۈچۈن دۇئا قىلىشتۇر.

* قۇل ھەققىدىن قورققان كىشى پۇتىنى ئۇزىتىپ، راھەت ئۇخلىيالمايدۇ.

* مەردلىك - سېنى ياخشى كۆرمىگەن كىشىگە ئېھسان قىلىش ۋە سەن ياخشى كۆرمىگەن كىشى بىلەن تاتلىق تىلدا سۆزلىشىشتۇر.

* تىلى تاتلىق موزاي ئىككى ئانىنى ئېمىدۇ، تىلى ئاچچىق موزاي بىر ئانىنىمۇ ئېمەلمەيدۇ.

* ياخشىنىڭ يامان، ياماننىڭ ياخشى ئادىتى بولۇشى مۇمكىن. ياخشى ئادىتىنى ئۈلگە قىلىش لازىم. روسۇلىللا سەللەللاھۇ ئەلەيھى ۋەسساللەم: ‹بىر مۆمىننىڭ ياخشىلىقىنى ئۇنتۇپ، يامانلىقىنى ئېسىدىن چىقارمىغان كىشىنى ئاللاھ ياقتۇرمايدۇ› دېگەن.

* تەقۋادارلىق ئەقىل بىلەن قىلىنغان ئىشلارنىڭ ئەڭ ياخشىسىدۇر. ئاللاھ تائالاغا ئاسىي بولۇش، ئەخمىقانە قىلغان ئىشلارنىڭ ئەڭ قەبىھدۇر.

* بېخىل ئىنسانلارنىڭ مۇھەببىتىگە ئېرىشەلمەيدۇ.

* ئۆمرىنى پايدىسىز، بىھۇدە ئىشلار بىلەن ئۆتكۈزگەن كىشى، ئېتىزغا ئۇرۇق سېلىش ۋاقتىنى ئۆتكۈزۈۋەتكەن بولىدۇ. ۋاقتىدا ئۇرۇق سالمىغان كىشى ھوسۇل ئالىدىغان چاغدا چوقۇم پۇشايمان قىلىدۇ.

* ئىككى مۈرەڭدە ئىككى مۇپەتتىش بار، سېنى ھەر دائىم تەپتىش قىلىپ تۇرىدۇ. ئۇنداقتا ئاز سۆزلىگىن ۋە سۆزۈڭنىڭ ياخشى ياكى يامان دەپ يېزىلىدىغانلىقىنى ئۇنتۇما.

* بىر نەرسە دېمەكچى بولساڭ، ھەم ئۆزۈڭنىڭ ھەم ئاڭلىغۇچىنىڭ ئاخىرىتىنى ئويلاپ سۆزلە. ئاتىلىرىمىز ‹مىڭ ئويلاپ، بىر سۆزلە› دەپ بىكار ئېيتمىغان.

* ھەر قانداق كىشىدە باشلىق بولۇش ئارزۇسى بار. بۇ ئارزۇ پەقەت يۈزى ئاخىرەت تەرەپكە بولغان كىشىدە بولمايدۇ.

* تەبەسسۇمنى بىلمىگەن كىشىنىڭ سۆيۈملۈك ۋە مۆتىۋەر بولۇشى ناھايىتى قىيىن.

* مۇسۇلمان باشقا مۇسۇلمانلار يېنىغا ھاجىتىنى سوراپ بېرىشتىن تارتىنىدىغان بولسا، يېنىغا تارتىنغان ھالدا بېرىلىدىغان مۇسۇلماننىڭ ئاقىۋىتىدىن ئەندىشە قىلىنىدۇ.

* ئۆلۈمنى ئەسلەش ئۆمۈرنى ئۇزىتىدۇ. ئۇزۇن ياشاش ئارزۇسى ئۆمۈرنى قىسقارتىدۇ. ئۇزۇن ياشاش ئارزۇسى بىلەن ياشىغان كىشى ئۈچ نەرسىگە ھەسرەتتە كېتىدۇ. ئىستەكلىرىگە قانالمايدۇ؛ ئارزۇسىغا ئېرىشەلمەيدۇ؛ ئاخىرىتى ئۈچۈن يېتەرلىك تەييارلىق قىلالمايدۇ.

* ھالىڭدىن دەرتلەنمە، ياماننىڭ يامىنى بار.

* يۇقۇملۇق كېسەللەرنىڭ يۇقماسلىق ئېھتىمالىمۇ بار. ئەمما بىر بىنادا بىر يامان كىشى بولسا، ئۇنىڭ يامان خۇيلىرىنىڭ باشقىلارغا يۇقماسلىق ئېھتىمالى يوق.

* مۇۋەپپەقىيەتنىڭ سىرى تەبەسسۇم، تاتلىق تىل ۋە گۈزەل سىياسەتتۇر. گۈزەل سىياسەت ھەممە كىشىنىڭ خۇرسەن بولۇشىدۇر.

* مۇھەببەت يېقىنلىق تەلەپ قىلىدۇ، يىراقلاشقان مەھرۇم بولىدۇ.

* باشقا كەلگەن ھەر بىر خاپىلىقنىڭ سەۋەبى گۇناھ ئىشلەشتۇر.

* كىبىر ۋە ئاچچىقلىنىش ئىنساننىڭ بېشىغا نۇرغۇنلىغان بالالارنى كەلتۈرىدۇ.

* ياخشىلار بىلەن دوست بولغان كىشى يامانلارنىڭ شەرئىدىن خاتىرجەم بولىدۇ.

* قەلبتە قانچىلىك كىبىر بولسا، ئەقىلدە شۇنچىلىك نۇقسانلىق پەيدا بولىدۇ.

* باشقىلارغا يۈك بولغان كىشى خورلىنىدۇ.

* گەپ توشۇش ئامانەتكە خىيانەت قىلغانلىقتۇر.

* ئۆزىگە ئىچى ئاغرىمىغاننىڭ باشقىلارغا ھەرگىز ئىچى ئاغرىمايدۇ.

* ئالىم بىلەن يۈرگەن ئەزىز، بىلىمسىز بىلەن يۈرگەن رەزىل بولىدۇ.

* مۆمىن ئاز سۆزلەيدۇ، كۆپ ئىش قىلىدۇ. مۇناپىق كۆپ سۆزلەيدۇ، ئاز ئىش قىلىدۇ.

* ئەقلىدەك سەرمايە، ياخشى خاراكتېردەك دوست، ئەدەبتەك مىراس، ئىلىمدەك شەرەپ بولمايدۇ.

* تىل يىرتقۇچ ھايۋانلارغا ئوخشايدۇ، قويۇپ بەرسەڭ سېنى پارچىلاپ تاشلايدۇ.

* كىشى تىلىنىڭ ئاستىدىدۇر، قانداقلىقى سۆزىدىن مەلۇم بولىدۇ.

* يامان ئادەم ھەممە كىشىنى ئۆزىگە ئوخشاش يامان دەپ قارايدۇ.

* پۈتكۈل يامانلىقلارنىڭ بېشى يامان دوستتۇر.

* دىل پاك بولسا، تىلدىن چىرايلىق سۆزلەر چىقىدۇ.

* ئۆز قارىشىغىلا ئېسىلىۋالغان كىشى ھەقىقەتنى تاپالمايدۇ.

* ھەر قانداق ياخشىلىق سەۋر قىلىش بىلەن قولغا كېلىدۇ