قولۇڭنى10مىڭغا،جىنىڭنى100مىڭغا ساتامسەن؟

راۋاپچى

بىر يىگىت ھە دېسىلا تەلىيىنىڭ كاجلىقى تۈپەيلى نامرات بولۇپ قالغانلىقىدىن ئاغرىنىپ داۋاملىق پەرىشان يۈرىدىكەن.
بىر كۈنى ئاپئاق چاچلىق بىر بوۋاي ئۇنىڭ يېنىغا كېلىپ:
ـــ يىگىت نېمە قىينچىلىققا يولۇقتۇڭ،ــ دەپ سوراپتۇ.
ھېچ بىلمىدىم، مەن نېمىشقا مۇشۇنداق نامرات؟ــــ دەپتۇ يىگىت مەيۇس ھالدا.
ـــ نامرات؟   نەدىكىنى، سەن شۇنچە باي ئىكەنسەنغۇ، ـــــ دەپتۇ بوۋاي سەمىمىيلىك بىلەن.
ـــ گېپىڭىزنى چۈشەنمىدىم،ـــ دەپتۇ يىگىت.
ـــ مۇبادا بىر بارمىقىڭ مىڭ يۈەنگە يارىسا سەن ئۇنى ساتامسەن؟
ـــ گەپنى ئەگىتىپ سوراپتۇ بوۋاي.
ـــ ساتمايمەن،ـــ دەپ جاۋاب بېرىپتۇ يىگىت.
ـــ ئەگەر بىر قولۇڭ 10 مىڭ يۈەنگە يارىسىچۇ؟ـــ يەنە سوراپتۇ بوۋاي.
ـــ ساتمايمەن.
ـــ ئەگەر بىرسى ساڭا 80 ياشلىق بوۋايغا ئايلىنىشنى خالىساڭ ساڭا 1 مىليون بېرەي دېسە، شۇنداق قىلىشنى خالامسەن؟
ـــ خالىمايمەن.
ـــ ئەگەر بىراۋ ساڭا ھازىرلا ئۆل، ساڭا 10 مىليون بېرەي دېسە ئۆلەمسەن؟
ـــ ئۆلمەيمەن .
ــــ ھەببەللى ، دېمەك سەندىكى بايلىق 10 مىليون يۈەندىن ئېشىپ كەتتى دېگەن گەپ. شۇنداق تۇرۇقلۇق يەنە نېمىشقا ئۆزۈڭنى نامرات چاغلايسەن،ــ دەپتۇ بوۋاي كۈلۈپ تۇرۇپ.
يىگىت ھاڭ-تاڭ قاپتۇ-يۇ ھېچنېمە دېمەپتۇ، ئەمما قەلبى ۋاللىدە يورۇپ كەتكەندەك بوپتۇ.

مەنبە:مىللەتلەر ژورنىلى

ۋېنرا

تېمىڭىز ياخشى ئىكەن ،مەن ھەر قېتىم مۇشۇ تېمىنى ئۇقۇغاندا يېڭىچە بىر تۇيغۇغا كىلىپ قالىمەن ،ھايات تېخىمۇ گۈزەل بىلىندۇ ھەم ئۆزىدە بارىنىڭ قەدرىنى بىلمەپتۇ دىگەن بۇھىكمەتنى ئەسلەيمەن .دىمىسىمۇ تەن ساقلىقتىن باشقا زور بايلىق نەيە نەدە بار دەيسىز .

ياشنار

توغرا دەيسىز ھاياتلىق ئەڭ قىممەتلىك ،  تېمىڭىزغا رەھمەت.

دىلكەش

ھايات ئادەمگە پەقەت بىرلا قىتىم كىلىدۇ .ھاياتنى قەدىرلەش كىرەك .ئۆزىگە ئىشىنىش كىرەك .بەك ياخشى تىما يوللاپسىز .

مۇزتاغ

ماددى جەھەتتىكى نامراتلىق نامراتلىق ئەمەس، دۇنيادىكى ئەڭ نامراتلىق مېنىڭچە روھى نامراتلىق بولسا كېرەك. ياخشى تېما يوللاپسىز، تېمىڭىزغا رەھمەت.

ئوتلۇق

پەلسەپىۋى ھىكايەتلەر كىشىلەرگە ئاجايىپ ھوزۇر بېغىشلاش بىلەن بىللە،كىشىنى چوڭقۇر ئويلاندۇرىدۇ.تىمىڭىزغا رەھمەت