باشنىڭ يېرىمى ئاغرىش مېڭىگە ماگنىي يېتىشمەسلىك بىلەن .....

18709970564

باشنىڭ يېرىمى ئاغرىش مېڭىگە ماگنىي يېتىشمەسلىك بىلەن مۇناسىۋەتلىك

باشنىڭ يېرىمى ئاغرىش تۇتقاقلىق خاراكتېرىدە بولۇپ، باش ئاغرىقى تۇتقاندا خىيالىي تۇيغۇ پەيدا بولۇش ۋە كۆز قاراڭغۇلىشىش، كۆرۈش سېزىمى توسالغۇغا ئۇچراش ۋە مېڭە ئىقتىدارى زەخىملىنىش، كۆڭلى ئېلىشىش، قۇسۇش قاتارلىق ئالامەتلەر كۆرۈلىدۇ. بۇ كېسەللىك ياشلىق دەۋرىدە كۆپ قوزغىلىدۇ، بولۇپمۇ ئاياللاردا كۆپرەك كۆرۈلىدۇ. بۇ كېسەللىك ھارغىنلىق يەتكەندە، ھەيز مەزگىلىدە، ھاياجانلانغاندا، ئۇيقۇ ياخشى بولمىغاندا، ھاۋا ئۆزگەرگەندە، ئاسان قوزغىلىدۇ. بۇ كېسەللىكنىڭ پەيدا بولۇش سەۋەبى ھازىرغىچە ئېنىقلانمىدى.
ئامېرىكىلىق تېببىي ئالىم ۋىلسون ماگنىي ئېلېمېنتى قان تومۇرنىڭ كېرىلىش كۈچىگە تەسىر كۆرسىتىدۇ، ماگنىينىڭ كەم بولۇشى چوڭ مېڭە پوستلاق قەۋىتىنىڭ ئېغىر دەرىجىدە بىخۇدلىشىپ كېتىشى، مەركىزىي نېرۋىنىڭ ۋاسىتىچى ماددىلارنى قويۇپ بېرىش ۋە قان پىلاستىنكىلىرىنىڭ بەك كۆپ توپلىشىۋېلىشە بىلەن مۇناسىۋەتلىك، شۇڭا ئۇلار باشنىڭ يېرىمى ئاغرىش بىلەن مېخانىكىلىق ھالدا مۇناسىۋەتلىك بولىدۇ، دېگەن.
تەتقىقاتچى خادىملار بېشىنىڭ يېرىمى ئاغرىيدىغان 19نەپەر كېسەل بىلەن تېنى ساغلام 25نەپەر كىشىنى سېلىشتۇرغان. يادرولۇق ماگنىت رېزونانس سېپلىتىر بىلەن تەكشۈرۈش ۋە خىمىيىلىك ئۇسۇل بىلەن ئېنىقلاش ئارقىسىدا، بېشىنىڭ يېرىمى ئاغرىغانلارنىڭ تېنىدىكى ماگنىي مىقدارىنىڭ نورمال ئۆلچەمدىن تۆۋەن ئىكەنلىكى ئېنىقلانغان.
مۇتەخەسسىسلەر مۇنداق دەپ ھېسابلىماقتا: باشنىڭ يېرىمى ئاغرىش مېڭىگە ماگنىي يېتىشمەسلىك بىلەن مۇناسىۋەتلىك، قېنىق يېشىل رەڭلىك كۆكتاتلار، ئالما قاتارلىق مېۋىلەر ۋە بېلىق خەيدەي، سېرىق پۇرچاق، كۆممىقوناق، سۇلۇ ۋە قاتتىق پوستلۇق مېۋە قاتارلىق تەركىبىدە ماگنىي ماددىسى مول بولغان يېمەكلىكلەرنى ئىستېمال قىلىش ئارقىلىق باشنىڭ يېرىمى ئاغرىشنى يەڭگىللەتكىلى بولىدۇ.