قۇلاق غوڭۇلداش

18709970564

قۇلاق غوڭۇلداش

قۇلاق غوڭۇلداش كۈنلۈك تۇرمۇشتا كۆپ ئۇچرايدۇ. مەسلەن، يېرىم كېچىدە، جىمجىت ۋاقىتتا قۇلاقنىڭ غوڭۇلدىغانلىقىنى ئاسان ھېس قىلغىلى بولىدۇ، جىددىي ئەقلىي ئەمگەك قىلىپ چارچىغان چاغدىمۇ قۇلاق غوڭۇلدايدۇ، ھاۋا،قاتناش، سۇ ئاستى كەسىپتىكى كىشىلەردە قۇلاق غوڭۇلداش تېخىمۇ روشەن ئىپادىلىنىدۇ، ئۇلارنىڭ ھەممىسى فىزىئولوگىيىلىك قۇلاق غۇڭۇلداش ھېسابلىنىدۇ، بۇنداق چاغدا جىددىيلىشىشنىڭ ھاجىتى يوق، ئادەتتە ئۆزلۈكىدىن يوقاپ كېتىدۇ.
كېسەللىك خاراكتېرىدىكى قۇلاق غوڭۇلداشقا بىپەرۋالىق قىلىشقا بولمايدۇ. مەسىلەن، قۇلاقنىڭ غوڭۇلدىشىغا باش ئاغرىش، باش قېيىش، ئۇيقۇسىزلىق قاتارلىق كېسەللىك ئالامىتى قوشۇلۇپ كەلسە بۇ نېرۋا ئاجىزلىقتىن كېلىپ چىققان قۇلاق غوڭۇلداش بولىدۇ. قۇلاق كىرى قاپلىشىۋالغاندا،قۇلاقتىن يىرىڭ ئاققاندىمۇ قۇلاق غوڭۇلدايدۇ،  بۇرۇن ياللۇغى، يۇتقۇنچاق ئاغرىش، ئاۋاز پەردىسى ياللۇغىغا گىرىپتار بولۇپ قالغاندىمۇ قۇلاق غوڭۇلدايدۇ بۇنىڭدىن باشقا، خېنىن، سالىتسىلىك كىسلاتا، سترېپتومېتسىن قاتارلىق دورىلارنى ئىشلەتكەندە كۆپرەك يۈز بېرىدۇ. شۇنىڭ ئۈچۈن، بۇ خىل دورىلارنى ئىشلەتكەندە ئەگەر قۇلاقنىڭ غوڭۇلدىشىنى ھېس قىلسا دەرھال دورىنى توختىتىپ،باشقا دورا ئالماشتۇرۇش كېرەك. بويۇن قىسمىدا ئۆسمە پەيدا بولۇپ قېلىپ ئارتېرىيەنى بېسىۋالسىمۇ قۇلاق غوڭۇلدايدۇ، بۇنداق ئەھۋالدا ئۆسمە بار تەرەپتىكى قۇلاق غوڭۇلدايدۇ، قىسقىسى، قۇلاق غوڭۇلداش بىر خىل كېسەللىك ئالامىتى، شۇنداقلا كېسەللىك كەلتۈرۈپ چىقارغان بىر خىل سىگنالدۇر. ئەگەر سەۋەبى ئېنىق بولمىغان قۇلاق غوڭۇلداش يۈز بەرسە دەرھال دوختۇرخانىغا بېرىپ تەكشۈرۈشى لازىم.