يىتىملىك دەردى ( شېئىر )

كەۋسەر

بىر غېرىبنىڭ نالىسى

زىكرۇللا مەمەت (كەۋسەر )

يىتىملىك دەردىدە يۈرىكىم  ئانا ،
غېرىپلىق باستىغۇ تۈۋرۈكۈم  دادا،
سىلەرسىز شاتلىقىم يوق بولدى ئەمدى.
مارجاندەك ياشلىرىم تۆكۈلەر يەنا .

چىدارغا تاقىتىم يوق ئەمدى مېنىڭ ،
كەچۈرگىن ئاجىزە قىزىڭنى دادا .
چۈشۈمدە كۆرىمەن ھەر كېچە بىر رەت ،
كۆز ئاچسام ھېچيەردە يوقسەن جان ئانا .

ئاناسىز بۇ ئۆيلەر تار كەلدى ماڭا ،
دادىسىز بۇ ھايات زۇلمەتكەن ماڭا
جېنىم بالام دەيتتىڭ دائىم جان ئانا،
بېرەلمىدىم مېھرىمنى ھەم بىر ساڭا .

ئەركىنلىكىڭ بوغۇلغاندا جان دادا  ،
تولغىنىمەن ئاچچىق يۇتۇپ ھەردائىم .
چاپتىم شۇنچە ھەر تەرەپكە تېپىرلاپ ،
زار يىغلايمەن تاپالمىغاچ ئامالىم .

كۈندە مىڭ بىر تىرىلىمەن مىڭ ئۆلۈپ ،
ئانىسىدىن ئايرىلغان بوتىلاقتەك .
يۆنىلىشكە تېغىم يوقكەن ھەم بېغىم .
ئارمانلىرىم توزۇپ كەتتى توزغاقتەك .


ئانامسىز بۇ جاھان تار كەلدى ماڭا ،
دادامسىز بۇ ھايات خار كەلدى ماڭا.
بىر قۇياش ئازابنى ئىچىمگە يۇتتۇم ،
مېنىڭدەك غېرىبقا كىم بۇلار پانا...