ئوقۇتقۇچىنىڭ ئوقۇتۇشنى تەشكىللەش قابىلىيىتى قايسى جەھەتلەردە

xahdiyar46

ئوقۇتقۇچىنىڭ ئوقۇتۇشنى تەشكىللەش قابىلىيىتى قايسى جەھەتلەردە ئىپادىلىنىدۇ؟
1. ئوقۇتۇش پروگراممىسى بىلەن ئوقۇتۇش مەقسىتىنى تولۇق چۈشەنگەن ئاساستا، ئوقۇش يىلى ياكى ئوقۇش مەۋسۈمى  , بىرەر دەرس مەزمۇنى بويىچە سائەتلىك پىلان تۈزۈش ئىقتىدارىغا ئىگە بولۇپ، ئوقۇتۇشنى تەرتىپلىك،سېستىمىلىق، قەدەم باسقۇچلۇق ھالدا ئېلىپ بېرىش.
2. دەرسلىكنى  تەشكىللەپ ئورۇنلاشتۇرۇش _ دەرسلىكنى قۇرۇلمىسى زىچ، سىستېمىچانلىقى كۈچلۈك، قائىدىلىرى ئېنىق بولغان ئوقۇتۇش سىستېمىسىغا ئايلاندۇرۇش, ھەمدە سۆزلەيدىغان مەزمۇن، مەشىق مەزمۇنى، مۇھىم-  قىيىن نۇقتىلار، يېڭى _ كونا بىلىملەرنى باغلاش، تەجىربىنى سەپلەش، تاپشۇرۇق ئورۇنلاشتۇرۇش قاتارلىقلارنى مۇۋاپىق كۆڭۈل قويۇپ تەشكىللەش ۋە ئورۇنلاشتۇرۇش لازىم.
3. ئوقۇتۇش ئۇسۇلىنى بەلگىلەش قابىلىيىتى  ئوقۇتقۇچىنىڭ تەربىيىلەش ۋە ئوقۇتۇش مەقسىتىگە يېتىش ئۈچۈن قوللانغان خىزمەت ۋاستىسى. ئۇ، دەرسلىكنى چوڭقۇر تەتقىق قىلىش، چوڭقۇر چۈشىنىش، ئوقۇغۇچىنىڭ بىلىم سەۋىيىسى، پىسخىك ئالاھىدىلىكىنى تولۇق چۈشىنىش ئاساسىغا قۇرۇلغان. مەسىلەن، ئوقۇتۇش ئۇسۇلىنىڭ تۈرى بېكىتىلگەندىن كېيىن، يېڭى دەرسكە قانداق ئۆتۈش، دەرسخانىدا سۇئالنى قانداق سوراش، مۇھىم نۇقتىنى قانداق گەۋدىلەندۈرۈش، قىيىن نۇقتىنى قانداق بۆسۈش، قانداق تەكرارلاپ مۇستەھكەملەش، تەجرىبىنى قانداق بىر تەرەپ قىلىش ۋە ئورۇنلاشتۇرۇش قاتارلىق ھالقىلارنى لايىھىلەش ۋە ئورۇنلاشتۇرۇشتىن ئىبارەت.
4.دەرسخانا ئوقۇتۇشى جەريانىدىكى تەشكىللەش ۋە باشقۇرۇش قابىلىيىتى" \* k5 N, ~) t9 p ^# b _بۇ مەزمۇنلار _ ئوقۇتقۇچىنىڭ رەھبەرلىك قابىلىيىتى ۋە قوماندانلىق قىلىش ئىقتىدارىنىڭ جانلىق گەۋدىلىنىشى. شۇنداقلا بەلگىلەنگەن بوشلۇق ۋە ۋاقىت ئىچىدە ئوقۇتۇش مەقسىتىنىڭ ۋەزىپىسىنى ئورۇندايدىغان ئىجابىي سەنئەت. پەقەت، مۇشۇنداق سەنئەت بولغاندىلا، ئوقۇتۇش داۋامىدا، ئوقۇتقۇچى بىلەن ئوقۇغۇچىنىڭ ئىرادىسىنى بىرلىككە كەلتۈرۈپ، ئىنتىزامنى چىڭىتىپ، ھەرىكەتنى ماسلاشتۇرۇپ، پۈتۈن سىنىپتىكى ئوقۇغۇچىلارنى بىر پۈتۈن گەۋدىگە ئايلاندۇرۇپ، ئوقۇغۇچىلارنىڭ بىلىم ئېلىش ئىستىكىنى قوزغىتىپ، ئۇلارنىڭ ئۆگىنىش تەشەببۇسكارلىقىنى جارىي قىلدۇرۇپ، ئوقۇتۇش بىلەن ئوقۇشنى خوشال _خورام، جانلىق، تېتىك كەيپىياتتا يولغا قويۇپ، قانائەتلىنەرلىك ئوقۇتۇش ئۈنۈمىگە ئېرىشكىلى بولىدۇ.