ئىككى بۆرىنىڭ ئېلىشىشى

فۇزەيىل

ئىككى بۆرىنىڭ ئېلىشىشى

   



بىر كىروكىي { شىمالىي ئامرىكىدا ياشايدىغان ئىندىيانلارغا تەۋە مىللەت} بوۋاي بالىلارغا ھايات ھەقىقەتلىرىدىن تەلىم بىرىپ مۇنداق ددېدى :   
-قەلبىمنىڭ چوڭقۇر قاتلىمىدا ئىزچىل بىر مەيدان جەڭ بولىۋاتىدۇ. بۇ جەڭ ئىككى بۆرىنىڭ ئېلىشىشى.بىرى ،يامان بۆرە.ئۇ قورقۇنچاقلىق،تىرىككەكلىك،قايغۇرۇش،ئۆچمەنلىك،نەپسانىيەتچىلىك،ھاكاۋۇرلۇق،چۈشكۈنلۈك،ئاداۋەت،ئۆزىنى كەمسىتىش،يالغانچىلىق،مەنمەنچىلىك،تەكەببۇرلۇق،شەخسىيەتچىلىك ۋە ساداقەتسىزلىككە ۋەكىللىك قىلىدۇ.  
يەنە بىرى،ياخشى بۆرە. ئۇ خۇشاللىق،تىنىچلىق،مۇھەببەت،ئۈمىدۋارلىق،مەسئۇلىيەتچانلىق،تەمكىنلىك،كەمتەرلىك،رەھىمدىللىك،كەڭ قۇرساقلىق،دوسىتلۇق،مىھرىبانلىق،مەرىدلىك،ھەققانىيلىق ۋە ساداقەتمەنلىككە ۋەكىللىك قىلىدۇ.   
بۇ ئىككى بۆرە ئارىسىدىكى جەڭ سىلەرنىڭ، شۇنداقلا بارلىق ئادەملەرنىڭ قەلبىنىڭ چوڭقۇر قاتلاملىرىدىمۇ يۈز بىرىۋاتىدۇ،-دېدى.  
بوۋاينىڭ گەپلىرىنى ئاڭلاپ بالىلار بىر ھازاغىچە ئۈندىمىدى،ئاخىرى بىر بالا ئۇنىڭدىن :  
-ئۇنداقتا قايسى بۆرە غالىپ كىلەر؟-دەپ سورىدى.  
بېشىدىن كۆپ ئىسسىق -سۇغۇقلارنى ئۆتكۈزگەن بۇ بوۋاي بالىغا مۇنداق دېدى :
-سەن قايسى بۆرىگە يېمەكلىك بېرىپ باقساڭ ،شۇ بۆرە غەلىبە قىلىدۇ.   



مەنبە :2011-يىل1-سان تەرمىلەر ژورنىلىدىن