| قانداق بالا ئىجادچان كىلدۇ؟ بۇ توغرىسىدا ئامرىكىنىڭ ئىجادچانلىق ئۈستىدە تەتقىقات ئېلىپ بارغان داڭلىق پىسخولوگى تورانىس مول ئىجادچانلىققا ئىگە بالىلارنىڭ ئالاھىدىلىكىنى مۇنداق يىغىنچاقلىغان. 1.دائىم باشقىلارنىڭ سۆزىنى كۆڭۈل قويۇپ ئاڭلاپ، شەيئىلەرنى كۆزىتىدۇ، باشقىلارنىڭ ھەركىتىگە دىققەت قىلىدۇ. 2.گەپ قىلغاندا ۋە ماقالە يازغاندا تۈرلەرنى سىلىشتۇرىدۇ ۋە ئەقلى يەكۈن چىقىرىدۇ. 3.كىتاپ ئوقۇش، يېزىش ۋە تەسۋىرلەش قابىلىيىتىنى بىر قەدەر ياخشى ئىگىلەيدۇ. 4.نوپۇزلۇقالارغا رىقابەت ئېلان قىلىشنى ياخشى كۆرىدۇ. 5.ئىشلارنىڭ تېگى-تەكتىنى سۈرۈشتۈرۈپ، شەيئىلەرنىڭ سەۋەبلىرىنى ئىنىقلايدۇ. 6.شەيئىلەرنى ئىنچىكە كۆزىتىشىنى ياخشى كۆرىدۇ. 7.ئۆزى بايقىغان نەرسىلەرنى باشقىلارغا ئېيتىپ بىرىشنى ئىنتايىن ئارزۇ قىلىدۇ. 8.شاۋقۇنلۇق، قالايمىقان مۇھىتتىمۇ زېھنىنى يىغىپ ئىش قىلالايدۇ، ھەم ۋاقىتقا ئانچە دىققەت قىلىپ كەتمەيدۇ. 9.مۇنداقلا قارىغاندا، ئۆز ئارا مۇناسىۋەتسىزدەك كۆرۈنگەن شەيئىلەر ئىچىدىن، ئۇلارنىڭ ئۆز ئارا مۇناسىۋىتىنى تىپىپ چىقالايدۇ. 10.ھەر ۋاقىت، ھەر جايدا ئۆگىنىش ئۈستىدە ئىزدىنىدۇ. 11.ئىشلارغا قىزىقىشى كۈچلۈك. 12.ئۆزىنىڭ مۇستەققىل تەجرىبە قىلىش ئۇسۇلى ۋە مەسلىلەرنى بايقاش ئۇسۇلى بولىدۇ. 13.نەتىجىسىنى ئالدىن مۆلچەرلەشنى ياخشى كۆرىدۇ ھەم بو مۆلچەرنىڭ توغرىلىقىنى تىرىشىپ ئىسپاتلايدۇ. 14.دىققىتى چېچىلىپ كېتىدىغان ۋاقتى ئاز بولىدۇ. 15.ئۆتكۈر كۆزىتىش ئىقتىدارى ۋە سۇئال سوراش ئىقتىدارىغا ئىگە، ئۆزى بىلگەن شەيئىلەر ۋە نەزىرىيىلەر ئۈستىدە ئويلىنىشنى ئادەت قىلغان. 16.ئۆگىنىش ۋە تەتقىقات تىمىلىرىنى ئۆزى بەلگىلەيدۇ. 17.بارلىق مەسلە ھەل قىلىش ئىمكانىيەتلىرى ئۈستىدە ئىزدىنىشنى ياخشى كۆرىدۇ، شەيئىلەرنىڭ تەرەققىيات مۇمكىنچىلىكىنى كۆپ جەھەتتىن ئىزدەشكە ئادەتلەنگەن.
|
|