گىلەم ھەققىدە رىۋايەت

تۇرسۇنجان

بۇرۇننىڭ بۇرۇنىسىدا خوتەن پادىشاھىنىڭ ناھايتىمۇ چىرايلىق بىر قىزى بولغان ئىكەن،بۇ قىز تەڭدىشى يوق گۈزەللەردىن بولۇپ ئىسمى گۈلەم ئىكەن.گۈلەم قۇشلارنى بىقىشقا ئامراق بۇلۇپ ئاستا-ئاستا ھەرخىل قۇشلارنىڭ تىلىنى ئىگەللىۋاپتۇ.
بىر كۈنى كەچقۇرۇن پادىشاھ دەريا بۇيىنى ئايلىنىشقا چىقىپتۇ.تۇيۇقسىز بىر چوڭ قۇش پادىشاھنىڭ بىشى ئۈستىدىن بىر نەچچە قىتىم سايرىغىنىچە ئۇچۇپ ئۈتۈپتۇ.بۇنى كۆرگەن
پادىشاھنىڭ ئىچى تىت-تىت بۇلۇپ ۋەزىرىدىن ‹‹ئۇ،نىمە دەپ سايراۋاتىدۇ؟››دەپ سوراپتۇ.ۋەزىر ئالدىراپ تىنەپ ‹‹ئالىيلىرى،سىلىنىڭ قىزلىرى ھەر خىل قۇشلارنىڭ تىلىنى بىلىدۇ،شۇنىڭدىن سوراپ باقساق،ئۇ سىلىگە جاۋاب بىرەلەيدۇ››دەپتۇ.پادىشاھ بىشىنى لىڭشىتىپ قۇشۇلۇپتۇ.
گۈلەم ئاتىسىنىڭ يىنىغا كەپتۇ،پادىشاھ ئۇنىڭدىن‹‹ئۇ قۇشنىڭ نىمە دىگەنلىكىنى بىلەمسىز؟››دەپ سوراپتۇ،گۈلەم دادىسىغا‹‹ئۇ،قۇش ئاياللار پادىشاھنى كەمبەغەل قىلىۋىتەلەيدۇ،شۇنداقلا بىر كەمبەغەلنى پادىشاھ قىلالايدۇ دىدى››دەپتۇ.
پادىشاھ قىزىنىڭ گىپىنى ئاڭلاپ ئىنتايىن خاپا بوپتۇ ۋە ئادەم ئەۋەتىپ ئەڭ كەمبەغەل چارۋىچىدىن بىرنى تىپىپ كەپتۇ ھەم گۈلەمگە ‹‹مەن ھازىر سىنى ئۇنىڭغا ياتلىق قىلمەن،قىنى سىنىڭ قانداق قىلىپ ئۇنى پادىشاھ قىلىدىغىنىڭنى بىر كۈرۈپ باقاي››دەپتۇ.
گۈلەم چارۋىچى بىلەن بىللە ئىككى قوزىنى ئىلىپ بىر چۆللۈكتە كەپە ياساپ ئولتۇرۇپتۇ.باھار كەلگەندە قوزىلارمۇ چوڭ بوپتۇ،ئۇلار قويلارنىڭ يۇڭلىرىنى قىرقىۋىلىپ يىپ ئىگىرىپتۇ،ۋە ھەر خىل رەڭلەردە بوياپتۇ،ئۆسۈملۈك گۈللىرىنىڭ ،مىۋىلەرنىڭ،يۇپۇرماقلارنىڭ،ھەر خىل ھايۋانلارنىڭ تەگلىكىنى چۈشۈرۈپ بىر پارچە رەڭلىك زىننەت بۇيۇمى تۇقۇپ چىقىپتۇ.گۈلەم ئەر خۇتۇن ئۇنى ‹‹گىلەم››دەپ ئاتاپتۇ.ئۇلار چىرايلىق گىلەملەرنى بازارغا ئاپىرىپ سىتىپتۇ.كىشىلەر بۇنى ناھايتى ياخشى كۈرۈپ تالىشىپ سىتىۋاپتۇ.
گۈلەمنىڭ قول ھۈنەرۋەنچىلكتىكى داڭقى ئاستا-ئاستا يىراق يىقىنغا تارقىلىشقا باشلاپتۇ.ئۇلار نۇرغۇن پۇل تىپىپتۇ.كىشىلەرمۇ ئاستا-ئاستا بۇ يەرگە كۈچۈپ كىلىشكە باشلاپتۇ.
كىيىن كىشىلەر گۈلەمنىڭ ئىرىنى ئۆزلىرىگە پادىشاھ قىلىپ سايلاپتۇ.يىڭى پادىشاھ كىشىلەرنى گىلەم تۇقۇشنى ئۆگىنىشكە يىتەكلەپتۇ.گۈلەمنىڭ قول ھۈنەرۋەنچىلىكى خوتەننىڭ يىزا كەنتلىرىگىچە تارقىلىپتۇ،قىز ئاياللار گىلەم توقۇشنى ئۈگىنىپتۇ.شۇنىڭدىن باشلاپ ئۇ يەردە بىر گىلەمچىلىك شەھرى بەرپا بوپتۇ.توقۇپ چىققان گىلەملەرنى كىشىلەر گۈلەمنىڭ نامى بىلەن‹‹گۈلەم››دەپ ئاتاپتۇ.


مەنبە:ئۆزەم خەنزۇچىدىن  تەرجىمە قىلغان.

زەپەر

ياخشى ئەسەركەن  مەنمۇ ياقتۇردۇم

زەپەر

ياخشى ئەسەركەن  مەنمۇ ياقتۇردۇم