سىز قايسىغا تەۋەكەنسىز؟

ئىستەك

ئەسسالامۇ ئەلەيكۇم مۇنبەرداشلىرىم... سىز ئەگەر ئەر كىشى بولسىڭىز تۆۋەندىكى قايسى خىل ئەر كىشىگە كىرىدىكەنسىز قاراپ بېقىڭ بۇ بەكمۇ مۇھىم..
ئەگەر سىز ئايال كىشى بولسىڭىز سىزنىڭ ئېرىڭىز قايسى خىل ئەر كىشىگە كىرىدىكەن سىزمۇ قاراپ بېقىڭ ..

1. ئايالنىڭ مىجەزى يوق ۋاقىتلىرى، ئۇ ئاغرىققا چىداپ تۇرۇپ ئۆيلەرنى تازلاپ، يىغىلىپ قالغان كىرلەرنى يۇيۇشقا تۇتۇش قىلدى، ئەر بولسا كومپىيۇتېر ئالدىدا ئولتۇرۇپ ئويۇن ئويناۋاتاتتى ئايال ئىشلارنى تۈگۈتۈپ، كارىۋاتتا يېتىپ ئۇلۇغ كىچىك تىندى. ئەر ئايالىغا قاراپ :«ھارغانسەن ھە جېنىم، بىردەم ئارام ئال ئەمدى» دېدى -دە، يەنە ئويۇن بىلەن ھەپىلىشىپ كەتتى.

2. ئايالنىڭ مىجەزى يوق ۋاقىتلىرى، ئىنتايىن بىئارام بولۇۋاتاتتى، ئەمما ئۆي ئىشلىرىنى قىلمىسا بولمايتتى، ئەر ئۇنىڭ قولىنى تارتىپ:« ماڭ! بېرىپ ئارام ئالغىن، مەن قىلىۋىتەي، يوتقان يىپىۋال جۇمۇ»
ئايال:«قىلالامسىز؟»
ئەر:«قىلالمىسام ئۆگەنمەمدىم، سېنىڭ مىجەزىڭ يوق ۋاقىتلاردا مەن قىلمىسام بولماس؟»
ئايال كىشى پەقەت شېرىن - شېكەر سۆزلەرگىلا مۇھتاج ئەمەس، تاتلىق سۆزلەرنى قىلىپ ئەركىلەتسىڭىز بەلكىم بىرنى كۈلۈپ قويار، ئەمما ئۇنىڭغا ھەقىقىي مېھرىبانلىقىڭىزنى ھېس قىلدۇرسىڭىز، ئۇ بۇنىڭغا بىر ئۆمۈز مىننەتدارلىق بىلدۈرىدۇ ۋە سىزگە ئىللىق بىر ئائىلە ئاتا قىلىدۇ.

يەنە بىر خىلى:
1. تېلىۋىزور كۆرۈپ ئولتۇرغاندا ئايال :«بىر ئىستاكان سۇ ئېلىۋىتىڭە، بەك ھېرىپ كەتتىم»
ئەر: «قايچا شاپىلاق ئوينايلى، كىم ئوتتۇرسا شۇ ئەكەلسۇن»
ئايال :«بولدى ئۆزۈم ئەكىلەي»

2. تېلىۋىزور كۆرۈپ ئولتۇرغاندا ئايال ئورنىدىن تۇردى ئەر:«نىمە قىلغىلى ماڭدىڭ؟»
ئايال:«ئۇسساپ كەتتىم، سۇ ئىچىپ چىقاي»
ئەر:«سەن كۆرۈپ تۇر، مەن ئەپچىقىپ بېرەي»
ئايال كىشىنىڭ يولدىشىدىن بىر دىنبىر كۈتىدىغىنى ئۇنىڭ ئۆزىنى ئاۋايلىشى، گۆھەردەك كۆرىشىدۇر، ئۇنىڭغا كۆيۈنسىڭىز ئۇنىڭدا بىر ئۆمرىنى سىزگە ئاتاشقا بولغان ئىشەنچىسى تېخىمۇ ئاشىدۇ.

يەنە بىر خىلى:
1. ئەر كەچتە ئىشتىن چۈشۈپ ئايالىغا تېلفۇن قىلدى:«بۈگۈن دوستلار بىلەن بىردەم ئولتۇرۇپ كېلەي»
ئايال:«مەن بىلەن بىللە چۆرگىلەپ كېلىشكە ماقۇل بولغانغۇ؟»
ئەر:«باشقا كۈنى بارايلى ھە»
ئايالنىڭ كۆڭلى شۇنداق يېرىم بولدى، «دائىم شۇنداق قىلغان...»

2. ئەر كەچتە ئىشتىن چۈشۈپ ئايالىغا تىلغۇن قىلدى، «خىزمەتدىشىم بۈگۈن كەچنىڭ ۋاسكىتبول مۇسابىقىسىنىڭ بېلىتىدىن بىرنى بەرگەنتى مەن بېرىپ كۆرۈپ ئاندىن قايتىمەن ھە»
ئايال :«بۈگۈن دوستۇم بىلەن يولىدىشى ئىككەيلەننى تاماققا تەكلىپ قىلغانتىغۇ؟بىللە بارىمىز دىيىشىپ قويغانغۇ؟»
ئەر:«ھەر راست! ئۇنتۇپلا كېتىپتىمەن بۇ ئىشنى، ئەمسە بېلەتنى خەققە بېرىۋىتىپ قايتىپ كېتەي ھە »
ئايال: «تاماقنى باشقا كۈنى يەيلى بولمىسا، سىز بېرىپ كۆرۈپ كېلىڭ»
ئەر:«ياق، مەن ساڭا ماقۇل بولغان تۇرسام بىللە بارىمىز دەپ ھازىر قايتىمەن، سەن تەييار بولۇپ تۇرغىن»
ئايال:«ھىچنىمەن بولمايتتى بولمىسا...»
ئەر كەسكىنلىك بىلەن:«بولدى، گېپىمنى ئاڭلا، ھازىر بارىمەن ھە»

ئەمەلىيەتتە ئاياللار بىر ئىشلارنى توغرا چۈشەنمەيدۇ ئەمەس بەلكى بىر ئىشلارنى توغرا چۈشىندىغان ئەرگە ئۇچرىمىغان گەپ، ئەر - ئاياللار ئارىسىدا ئىشلار ئۆز - ئارا بولىشى كېرەك.

يەنە بىر تۈردىكى:
1. ئەر:«مەن ئاغىنىلەر بىلەن تاماق يەپ قايتىمەن ھە»
ئايال:«قاچان كېلىسىز؟»
ئەر:«توققۇرزدىن بۇرۇن چوقۇم قايتىمەن»
توققۇز يېرىم بولغاندا ئايال ئەرگە تېلفۇن ئۇردى:«كەلمەيسىزغۇ؟»
ئەر:«ئوندا، ئونغىچە چوقۇم قايتىمەن»
ئون بىر، ئون ئىككى، بىر... كېيىن،  ئايال ئىككىنچى ئۇنى سۈيلەپ تېلفۇن قىلماس بولدى چۈنكى بىر گېپىدە تۇرمايدىغان ئەرنىڭ ھەربىر ئىشى چوقۇم ئېنىقسىز ئىدى.
2. ئەر:«مەن ئاغىنىلەر بىلەن تاماق يەپ قايتىمەن توققۇزدا تەييار بولۇپ تۇر، كىنپ كۆرۈپ كېلەيلى»
ئايال:«شۇنداق بالدۇر قايتىپ كېلەمسىز؟»
ئەر:«ھەي، مەن قاچان بىر گېپىمدە تۇرماي باققان؟»
توققۇز بولاي دىگەندە ئەر ئايالغا تىلفۇن قىلدى:«تېخىچە تەييار بولمىدىڭما؟ بولە مەن كەلدىم مانا»
ئىشىنىش مۇشۇنداق «ئۇششاق - چۈششەك» ئىشلاردىن يېتىلىدۇ.

يەنە بىر خىلدىكىسى:
1. ئىشتىن چۈشكىچە ئايال يولدا ئاپلىسىن سېتىۋاتقىنىنى كۆرۈپ ئازراق سېتىۋالدى، يولدىشى ئاپلىسىپ يېيىشنى ياخشى كۆرەتتى ئۆيگە قايتىپ ئاپلىسىننى ئۈستەلگە قويۇپ قويۇپ، ئۆي ئىشلىرى بىلەن مەشغۇل بولۇشقا باشلىدى ئىشنى تۈگـۈتۈپ قارىسا، ئاپلىسىندىن بىرىمۇ قالمىغان ئىدى.

2. ئايال يولدا ئاپلىسىن سېتىۋاتقىنىنى كۆرۈپ ئازراق سېتىۋالدى، چۈنكى يولدىشى ئاپلىسىن يېيىشنى ياخشى كۆرەتتى، ئۆيگە قايتىپ ئۆي ئىشىلىرىنى قىلىشقا باشلىدى ئايال ئىشنى تۈگۈتۈپ ئولتۇردى ۋە ئۈستەلدىكى ئاقلاپ تەييار قىلىپ قويغان ئاپلىسىننى كۆردى.

ئايال كىشى تولىمۇ ھىېسياتچان، كىچىككىنە بىر كۆيۈمچانلىقىڭىزنى ئالتۇندىنمۇ ئەزىز كۆرىدۇ، ئازراق كۆڭۈل ئىشلەتىسىڭىزلا ھېسابسىز بايلىققا ئېرىشەلەيسىز.

يەنە بىر خىلى:
1. ئەر: «سەن بەك ياخشى جۇمۇ»
ئايال:«نەرىم ياخشىكەن؟»
ئەر:«يۇقىرى دىپلوملۇق، ئىقتىدارلىق، ئۆزەڭ ئايدەك چىرايلىق، ماڭىمۇ شۇنداق ياخشى مۇئامىلە قىلسەن»
ئايال كۈلۈپ قويدى...

2. ئەر:«سەن ئۆمرۈمدە كۆرگەن ئەڭ ياخشى قىز جۇمۇ»
ئايال:«قانداق ياخشىكەنمەن»
ئەر:«سەن ئەتراپىڭدىكى ھەممىسىگە شۇنداق دوستانە مۇئامىلە قىلىسەن، كەڭ قورساق، ئاتا - ئانىمىزنى شۇنداق ئەزىزلەيسەن، ئىشقىلىپ بەك ئاقكۆڭۈل، ماڭا تەگمىگەن بولساڭ قانداقمۇ قىلار بولغۇيتۇم، بەختىم جۇمۇ سەن »
ئايالنىڭ كۆزى ياشقا تولدى.
بىرى سىز ئۇنى ياخشى كۆرگەچكە سىزنى ياخشى كۆرىدۇ، يەنە بىرى سىزنىڭ ياخشىلىقىڭىزنى بىلگەچكە سىزنى ياخشى كۆرىدۇ، بەخىتلىك ئەر - ئاياللار ئاۋۋال بىر- بىرىدىن ھوزۇرلىنىشنى بىلىشى كېرەك.
بارلىق بىر- بىرىنى ھەقىقىي قەدىرلەشكەن ئاشىق - مەشۇقلارغا بەخىت يار بولسۇن!

pari

كۆپىنچە ئاياللارغا نەسىھەتلەر كۆپ ئىدى .سىز مانا بۈگۈن ئەرلەرگىمۇ يېزىپسىز بەك سۈيۈندىم
رەھمەت .

يۈسۈف

ياخشى تىما ئكەن،بىلىشكە تىگىشلىككەن

سەييارە0

ئىناق ئائىلە بەرپا قىلىش ئۇچۇن ئەرلەر بىلۋېلىشقا تىگىشلىك ياخشى ئۇسۇلكەن،رەخمەت سىزگە.

بايقاش

ھەرقايسى تۈرلەرنى ئايرىم-ئايرىم رەڭدە ئىپادىلىگەن بولسىڭىز تېخىمۇ چۈشىنىشلىك بۇلاتتىكەن.

muhammad

ياخشىكەن
来自: Android客户端

بەختىيار(بايقاش

ياخشى تېما ئىكەن،مەنچە بولغاندا ھەر ئىككى تەرەپ ئۆز-ئارا چۈشىنىشى،ھۆرمەتلىشىشى،قوللىشىشى،بىر-بىرگە ياردەم قىلىشى كېرەك.دەپ ئويلايمەن.

زەپەر

بىلىۋېلىشقا تىگىشلىك بولغان مەزمۇنلاركەن  رەخمەت سىزگە

گۈلنۇر

يازغانلىرىڭىز بەكمۇ ئۇرۇنلۇق .ئاياللارنىڭ كۆڭلى شۇنچىلىك نازۇك ،شۇنچىلىك مېھرلىك ، شۇنچىلىك سەزگۈر،سىزنىڭ شۇنچىكى يەتكۈزگەن مېرىبانلىقىڭىز ،سىزگە شۇنچىلىك بەخىت ئاتا قىلىدۇ .سىز بىرسىنى ھەقىقى قەدىرلەي دىسىڭىز ، كۆڭۈل ئاغرىقىمغا شىپا ئىزدەپ يۈرگەن بولسىڭىز، كۈيۈنۈشتىن ئىبارەت بۇ كۈچلۈك دورىنى ئىشلەتسىڭىزلا كۇپايە .