بارلىق تورداش دوستلارغا‹7› (چوقۇم كۆرۈڭ)

ئامان

بارلىق تورداش دوستلارغا‹7›

يېقىندىن بېرى مۇنبىرىمىزدىكى تورداش دوستلارنىڭ باش چۆكۈرۈپ ئىزدىنىشى ۋە جاپالىق ئەمگىگى نەتىجىسىدە مەيدانغا كەلگەن، بايقاش مۇنبىرىگە خاس بىر قىسىم نادىر تېمىلىرىمىز مۇنبىرىمىزدىكى «نەچچە بايغا بىر مالاي» بولۇپ يۈرۈۋاتقان بىر قىسىم لەگۋانە تورداشلىرىمىز تەرىپىدىن ئوغۇرلىنىپ، باشقا مۇنبەرلەرگە يوللىنىۋاتىدۇ. ئۇلار بۇ قىلمىشلىرى بىلەن مۇنبىرىمىزدىكى تورداشلارنىڭ ئەمگەك مىۋىسىنى دەپسەندە قىلىپ، ئۇلارنىڭ ئاپتورلۇق ھوقۇقىغا دەخلى-تەرۇز يەتكۈزۈۋاتىدۇ ۋە مۇنبىرىمىزگە خاس مائارىپ بايلىقلىرىنىڭ ئېقىپ كېتىشىنى كەلتۈرۈپ چىقىرىپ، مۇنبىرىمىزنىڭ سىجىل، ساغلام تەرەققى قىلىشىغا بەلگىلىك دەرىجىدە توسقۇنلۇق قىلىۋاتىدۇ.

قېرىنداش مۇنبەرلەرنىڭ كۆپلەپ بارلىققا كېلىشى، مائارىپ ماتىرىياللىرىنىڭ كۆپىيىشى ھەممىمىزنى خۇشال قىلىدىغان ياخشى ئەھۋال. چۈنكى بۇلارنىڭ ھەممىسى رايونىمىز ئۇيغۇر مىللى مائارىپ ئىشلىرىنىڭ تەرەققىياتى ۋە يۈكسىلىشى ئۈچۈن خىزمەت قىلىشنى ئۆزلىرىنىڭ ئاساسى تۈپ مەخسىدى ۋە نىشانى قىلغان. شۇڭا بىز كۆپ مەنبەلىك، كۆپ خىل مائارىپ ماتىرىياللىرىنىڭ كۆپلەپ مەيدانغا كېلىشىنى، قېرىنداش مۇنبەرلەرنىڭ ئۆز ئارا ھەمكارلىق ئاساسىدا بىر-بىرىنىڭ ئارتۇقچىلىقلىرىنى قۇبۇل قىلىپ، ئۆز ئالدىغا يېڭىلىق يارىتىش، ئۆز ئارا بىر-بىرىنى تولۇقلاش ئاساسىدا ئورتاق تەرەققى قىلىشىنى، مىللى مائارىپ ئىشلىرىمىزنىڭ تەرەققىياتى ئۈچۈن تېگىشلىك ھەسسە قوشۇشىنى قوللايمىز ۋە ئۈمۈت قىلىمىز.
ئەمما بىر قىسىم تەييارغا ھەييار ‹‹قاراڭغۇ بازارچى›› لارنىڭ بايقاش مۇنبىرىمىزگە خاس مائارىپ ماتىرىياللىرىمىزنى تېما ئىگىلىرى ۋە مۇنبەر مەسئۇللىرىنىڭ رۇخسىتىسىز، قانۇنسىز ئوغۇرلاپ، باشقا مۇنبەرلەردە مەنبەسىز، ئۆز نامىدا ئېلان قىلىشىغا، باشقىلارنىڭ ئەمگەك مىۋىسىنى باشقا مۇنبەرلەردە قۇرۇق ئابروي ۋە شەخسى تاپاۋەت تېپىشنىڭ ۋاستىسىغا ئايلاندۇرۇۋېلىشتەك نۇمۇسسىز قىلمىشلىرىغا قەتئى قارشى تۇرىمىز!

بىز نەچچە كۈندىن بېرى بۇ قىلمىشلارغا مۇناسىۋەتلىك بىرقانچە تور بىكەت ۋە ئۇلارنىڭ مەسئۇللىرى بىلەن بىلەن پىكىر ئالماشتۇردۇق. ئۇلار بۇنداق باشقىلارنىڭ چاپىنىدا تەرلەيدىغان، باشقىلارنىڭ ئەمگىكى بەدىلىگە قۇرۇق ئابروي قوغلىشىدىغان ئەزالارنى سىغدۇرمايدىغانلىقىنى ۋە بۇنداق قىلمىشلارغا قەتئى قارشى تۇرىدىغانلىقىنى بىلدۈرۈشتى. بىزمۇ بۇنداق ھارامخور ئەزالارنى سىغدۇرالمايمىز ۋە ئۇلارنى مۇنبىرىمىزدىن قوغلاپ چىقىرىمىز. بىز شۇنداق قىلىشقا ھەقلىق ۋە شۇنداق قىلىشقا قادىر! چۈنكى بايقاش مۇنبىرىدىكى 7500 دىن ئارتۇق تورداشنىڭ ئەمگەك مىۋىسى، ئاپتورلۇق ھوقۇقى قوغدىلىشقا مۇختاج!

مۇشۇ مۇناسىۋەت بىلەن مۇنبىرىمىزگە تېما يوللىغۇچى تورداش دوستلارنىڭ ئۆزلىرى يوللىغان، ئۆزلىرىنىڭ جاپالىق ئەمگىكى نەتىجىسىدە بارلىققا كەلگەن تېمىلىرىغا مەسئۇل بۇلۇشىنى، تېما يوللاشتىن بۇرۇن يوللىماقچى بولغان تېمىلىرىنىڭ ئىچى ۋە سىرتىغا بايقاش مۇنبىرىگە خاس تامغا (www.baykax.com) بېسىشىنى، بايقاش مۇنبىرىگە خاس مائارىپ بايلىقلىرىمىزنىڭ بىر قىسىم باشقىلارنىڭ چاپىنىدا تارلەشنى ئۆزىگە كەسىپ قىلىۋالغان، نومۇسسىز «قاراڭغۇ بازارچى»
لارنىڭ باشقا مۇنبەرلەردە  قۇرۇق ئابروي ۋە شەخسى تاپاۋەت تېپىش ۋاستىسىغا ئايلىنىپ قېلىشىنىڭ ئالدىنى ئېلىشقا تېگىشلىك ھەسسە قوشۇشىنى جىددى ئەسكەرتىمىز.

چۈنكى بىز خېلى بۇرۇنلا بايقاش مۇنبىرىمىزدىكى مائارپ ماتىرىياللىرىمىزغا بايقاش تامغۇسى بېسىپ كېلىۋاتقانلىقىمىز ئۈچۈن تاييارغا ھەييار ھارامخورلارنىڭ رەزىل قىلمىشىنى ئۆز ۋاختىدا پاش قىلىپ، ئۇلارنىڭ ئەپتى-بەشىرىسىنى ئېچىپ تاشلاپ، جاپاكەش تورداش دوستلارنىڭ ئەمگەك مىۋىسىنى، ئاپتورلۇق ھوقۇقىنى ئەمىلى پاكىتلار ئاساسىدا قوغدىيالىدۇق.

تۆۋەندىكى تېمىدا بايقاش مۇنبىرىمىزگە خاس مائارىپ ماتىرىياللىرىغا بايقاش مۇنبىرىگە خاس بەلگە www.baykax.com تامغۇسى بېسىش ئۇسۇللىرى تەپسىلى تونۇشتۇرۇلدى. مۇنبىرىمىزدىكى تورداش دوستلارنىڭ ئۆزلىرىنىڭ قان-تەرى بەدىلىگە كەلگەن ماتىرىياللىرىنى مۇنبەرگە يوللاشتىن بۇرۇن بايقاش تاغۇسى بېسىشنى ئادەت قىلىشىنى سەمىمى ئەسكەرتىمىز..

/bbs/forum. ... amp;extra=#pid90527

ماتىرىياللارغا تامغا بېسىش ۋە باشقا جەھەتلەردە چۈشىنەلمەي، تېڭىرقاپ قالغان جايلار بولسا مۇنبىرىمىزدىكى باشقۇرغۇچى ۋە ئاتامانلاردىن ھەرقانداق ۋاقىتتا ياردەم سورىساڭلار بۇلىدۇ.

بايقاش Q 360805095، ئامان Q 1823308556، گۈلزار Q 1175024135.

زەپەر

  ئامان ئەپەندىم ياخشى تەكلىپ پىكىرلەر بۇپتۇ . مەنمۇ تۇلۇق قوللايمەن . يېقىندىن بىرى سىز ئويلىغاندەكلا بايقاش مۇنبىرنىڭ  ھەرخىل تىمىللىرى باشقا مۇنبەرلەرگە ئېغىپ كىتىش . بۇلۇپمۇ تەييارغا ھەييار نۇمۇسسسىز قارنىيەت كىشىلەر تەرپىدىن باشقا مائارىپ مۇنبەرلىرىگە ئۆ ز ئەينى كۈچۈرۈش . شۇ تىمىنى يوللىغان باشقا ئاپتۇرلارنىڭ رۇخسىتىىسز باشقا مۇنبەرگە يوللاش ئەھۋاللىرى كۈرلىۋاتىدۇ . بۇ خىل ناچار ئىشلارنى تۈزۈتۈش ئۈچۈن ھەممىمىز بىرلىكتە شۇ قارنىيەتچىلەرگە قاتتىق زەربە بىرەيلى ! يەنە داۋاملىق بايقاش مۇنبىرىنىڭ ماتىرياللىرىنى رۇخسەتسىز باشقا مۇنبەرلەرگە يوللىغان قار نىيەتچىلەرگە نىسپىتەن ھۇششىيار بۇلايلى . مەنمۇ بەزى تور بىكەتلىرىدە بايقاشنىڭ ماتىرىياللىرىنى  ئەينەن كۈرۈپ قالدىم . نىمە دىگەن نۇمۇسسسىزلىق شەرمەندە ئىشلار بۇ . ئەگەردە باشقا ئەزالار بايقاش مۇنبىرىنىڭ تىمىللىرىنى باشقا مۇنبەرلەرگە يوللىغان ئەھۋال بارلىقىنى بايقىساڭلار دەر ھال باشقۇرغۇچىلارغا ياكى بايقاش  چ چ تۇپىغا خەۋەر قىلىشىڭىلارنى سۇرايمىز .
رەخمەت سىزگە ئامانجان ئەپەندىم

بەختىيار(بايقاش

بۇ دەل ۋاقتىدا ئوتتۇرىغا قويۇلغان مۇنبەر باياناتى بوپتۇ،مەنمۇ بىر نەچچە كۈننىڭ ئالدىدا ‹‹بايقاش››قا يوللىغان بەزى تېمىلىرنىڭ باشقا مۇنبەرلەردە يېتمىسراپ تۇرغانلىقىنى كۆرگەندىم،بۈگۈن بۇ باياناتنىڭ ھەقىقەتەن ئورۇنلۇق ئىكەنلىكىنى ھېس قىلدىم،مەن ۋە مۇنبەردىكى يېڭى-كونا دوستلىرىمنىڭ يۇقىرى ئامان ئاتامان ئوتتۇرىغا قويغان مەسلىگە سەگەكلىك بىلەن مۇئامىلە قىلىپ،ماتېرىيال يوللىغاندا ‹‹بايقاش تامغىسى››بىلەن تامغىلاپ،ئۆز ئەجر-ئەمگىكىمىزنىڭ ئاشۇ قاراڭغۇ بازارچىلارنىڭ قولىدا ئەرزىمەس نەرسىگە ئايلىنىپ قىلىشنىڭ ئالدىنى ئېلىش ئۈچۈن ھەممىمىز ئورتاق كۈچ چىقىرايلى ھەم ئاشۇنداق زىدى-پەس پۇرسەتپەرسلەردىن ھەر ۋاقىت ھوشيار تۇرايلى!!!

بايقاش

باشقۇرغۇچىلارنىڭ تېخىمۇ ئەستايىدىل بولۇپ يوللانغان مائارىپ ماتېرىياللىرىنى چۈشۈرۈپ كۆرۈپ، تامغا ئۇرۇلمىغانلىرى بولسا ئۇرۇپ ئىشەنچىلىك تور دىسكىلىرىغا قايتا يوللىشىنى ھەمدە تېما ئىگىسىگە تامغا ئۇرۇپ يوللاش توغرىسىدا ئەسكەرتىش بېرىشىنى سورايمەن. چۈنكى بايقاشتىكى 7000 دىن ئارتۇق تورداشنىڭ ئەقلى مۈلۈك ھوقۇقىنى قوغداش بىزنىڭ مەسئۇلىيىتىمىز.

hikmat

بايقاشنىڭ بۇ چاقىرىقىغا ئاۋاز قوشىمەن .بۇندىن كېيىن بايقاشنىڭ تامغىسىنى بېسىشنى ۋە بەيدۇ دىسكىسىغا ماتېرىيال يوللاشنى  ئادەت قىلىمەن.

گۈلزار

مۇنبىرىمىزدىكى ئەزاارنىڭ كۆپىيىشىگە ئەگىشىپ بىر قىسىم« قاراڭغۇ بازارچىلارمۇ »مۇنبىرىمىزگە بۆسۈپ كىرمەكتە . ئۇلارنىڭ مۇنبەرگە كىرىشتىكى مەخسىتى بىرسى مۇنبەردىكى تېمىلارنى كۆچۈرۈش بولسا يەنە بىرسى مۇنبىرىمىزدىكى بىر قىسىم مۇنبەر باشلىقلىرى بىلەن كۆزگە كۆرۈنگەن ئەزالارنى  قايمۇقتۇرۇپ ئۇلارنى  ئاشۇ تەرەققى تاپقۇزالمايۋاتقان ئۆڭكۈرلىرىگە تەكلىپ قىلماقتا .  ئىشىنىمەنكى مۇنبىرىمىزدىكى ھەر قايسى ئەزالار بۇ قايمۇقتۇرۇشلارغا  ئالدىنىپ قالمايدۇ . مۇنبىرىمىزمۇ ئەقىلسىزلىك قىلىپ ئالدىنىپ قالغان ئەزالارغا قىلچە تاتىشىپمۇ كەتمەيدۇ . شۇڭا مۇنبىرىمىزنى چىن كۆڭلىدىن سۆيىدىغان  ھەم مېھرىنى ئاتا قىلغان ئەزالارنى ئەتىۋارلاپ ئىشلىتىدۇ ھەم ئۇلارنى مەڭگۈ قەدىرلەيدۇ .  
مۇنبىرىمىزنىڭ شۇنداقلا ئۇيغۇر مىللى مائارىپىمىزنىڭ  كەلگۈسى تەرەققىياتى ئۈچۈن  ئامان ئەپەندى ئوتتۇرغا قويغان ئۇسۇل بويىچە  تېما يوللاشقا  ئېتىبار بېرەيلى ھەم   ئۆزىمىزنىڭ ئەمگەك مىۋىسىنىڭ باشقىلار تەرىپىدىن دەپسەندە بولىشىغا يول قويمايلى  .
   بارلىق مۇنبەرداشلارنىڭ قولنى - قولغا تۇتۇشۇپ . بايقاش مۇنبىرىمىزنىڭ شۇنداقلا ئۇيغۇر مىللى مائارىپىمىزنىڭ كەلگۈسى تەرققىياتى ئۈچۈن بىرلىكتە  ئالغا ئىلگىرلىشىنى ئۈمىد قىلىمەن . رەھمەت

دىلرۇس

ھۇقۇق- مەنپەتىمىزنى قوغداشتا ئۆزىمىزگىمۇ تايىنىشقا توغرا كېلىدۇ. تور دۇنياسى، بىر مەھۇم دۇنيا، سىز ۋە مېنىڭ مېھنىتىم باشقىلار تەرىپىدىن تالان- تاراج قىلىنسا  بۇ مەۋھۇم دۇنيادا ئۇنىڭ جاۋابكارلىقىنى سۈرۈشتە قىلماق بەس- مۈشۈل ئىش. ئۇستاز ئامان ئەپەندىنىڭ «باياناتى» ھەممىمىزگە پايدىلىق. مەن بۇ باياناتنى قەتئىي قوللايمەن ۋە بۇنىڭدىن كېيىن تېما يوللىغاندا «بايقاش» تامغىسىنى ئىشلىتىشنى ئادەتكە ئايلاندۇرىمەن
ھەممىمىزگە نەپ بېرىدىغان ۋە ئۆزىمىنىڭ ھالال مېھنىتىنى قوغدايدىغان، بۇ نادىر تېمىڭىزغا رەھمەت!

يۈسۈف

مەنمۇ بۇنىڭدىن كىيىن چوقۇم بايقاش تەمغىسى ۋە بەيدۇ دىسكىسىغا ماتىريال يوللايمەن

مەرىپەت

ئەسسالامۇ ئەلەيكۇم ئامان ئەپەندىم، بۇ پىكىرنى دەل ۋاقتىدا ئوتتۇرغا قويۇپسىز، پىكرىڭىزنى قوللايمەن.
دىمىسىمۇ بەزى ئەزالار مۇنبەردىن مۇنبەرگە تېما كۈچۈرۈپ تېما پاخاللىقىنى كەلتۈرۈپ چىقارماقتا، بۇنداق بولسا مۇنبەرنىڭ خاسلىقى يوقايدۇ ھەم ئەزالارنىڭمۇ  مۇنبەرگە بولغان قىزغىنلىقى يوقايدۇ. بۇنىڭ ئالدىنى ئېلىش ئۈچۈن بۇ تېمىدا دىيىلگەندەك ھەممىمىز ھۇشيار ھالەتتە تۇرىشىمىز كېرەك.بىز مۇنبەر ئەزالىرى بۇنىڭغا ھەرۋاقىت سەگەك بولۇپ ، مۇنبەرنىڭ خاسلىقى ۋە تەرەققىياتى ئۈچۈن  كۈچ چىقىرىشىمىز كېرەك.

قەسىر

ئەسسالامۇ ئەلەيكۇم ئۇستاز...
  تېمىڭىز بايقاشنىڭ بايلىقى شۇنداقلا ،ئەجىركەش-مېھنەتكەش ئۇستازلارنىڭ ساپ ئەقىل-پاراسىتىنىڭ جەۋھىرى بەدىلىدە جۇغلانغان قىممەتلىك ماتىرياللارنى ئۆز ئىچىگە ئالغان ،مۇنبىرىمىزنىڭ سەرخىل تېمىلىرىنى ساداقىتىمىزنى كۆرسىتىپ قوغدىشىمىز كېرەكلىكىنى قەتئىي ئاگاھلاندۇرۇپتۇ.
  مەنمۇ ئۆزۈمنىڭ بىر كىشلىك ساداقىتىمنى كۆرسىتىدىغىنىمنى،پىكىرىڭىزنى قوللاپ-قۇۋۋەتلەيدىغىنىم توغرىسىدا بايرىقىم روشەن،مەيدانىم مۇستەھكەم ھالدا ئوچۇق ئىپادە بىلدۈرىمەن.رەھمەت!