8-يىللىق ئىددىيە-ئەخلاق 2-قىسىم دەرس تەييارلىقى

سۈزۈك

مەجبۇرىيەت مائارىپى دەرس ئۆلچىمى تەجرىبە دەرسلىكى
8-يىللىق ئىددىيە-ئەخلاق 2-قىسىم
دەرس تەييارلىقى


ۋاقىت :    2013-يىلى 6-ئاينىڭ 2-كۈنى
دەرس تېمىسى: بىز مال-مۈلۈككە ۋارىسكىق قىلىش ھوقۇقىغا ئىگە

ئوقۇتۇش نىشانى :
               بىلىم نىشانى:مىراسنىڭ مەنىسى ۋە ھازىرلاشقا تېگىشلىك شەرىتلەر ،ۋارىسلىق قىلغۇچى ۋارىسلىق ھوقۇقى قاتارلىقلارنىڭ مەنىسى ،قانۇندا بەلگۈلەنگەن ۋارىسلىق قىلغۇچىنىڭ دائىرىسى،ۋارىسلىق تەرتىپى قاتارلىق مەزمۇنلارنى چۈشۈنۈپ ئەستە ساقلاش.
             ئىقتىدار نىشانى :ئوقۇغۇچىلارنىڭ مىراسقا ۋارىسلىق قىلىش مەسىلىسىنى قانۇنى تەرتىپ بويىچە توغرا پەرىقلەندۈرەلەيدىغان ئىقتىدارىنى ئۆستۈرۈش.
          ھىسيات –پوزىتسىيە ۋە قىممەت قارشى:
ئوقۇغۇچىلارنىڭ ئائىلىۋى ئىجتىمائىي مۇناسىۋەتتە مال-دۇنيانى مۇھىم ئورۇنغا قويۇۋالماي قېرىنداشلىق ،تۇغقاندارچىلىق مىھرى-مۇھەببتىنى ئالدىنقى ئورۇنغا قويىدىغان ھىسياتىنى كۇچايتىش.

مۇھىم نوقتا :ئوقۇغۇچىلار مىراسنىڭ شەرتى ،قانۇندا بەلگۈلەنگەن ۋارىسلىق قىلغۇچىنىڭ دائىرىسى ،ۋارىسلىق تەرتىپىنى ياخشى ئىگەللەش.
قىيىن نوقتا :ئوقۇغۇچىلاردا ۋارىسلىق تەرتىپىنىڭ ئاساسى ئالاھىدىلىكى بويىچە مىراسقا ۋارىسلىق قىلىش مەسىلىسىنى توغرا ئايرىيالايدىغان ئىقتىدارنى يېتىلدۈرۈش.
ئوقۇتۇش ئۇسۇلى ؛كىتابتىكى مىسال ۋە مۇلاھىزە سۇئاللىرىنى ئوقۇغۇچىلارغا تونۇشلۇق بولغان ئەمەلى مىساللار بىلەن بىرلەشتۈرۈپ ،ئوقۇغۇچىلارنى ئۆز قاراشلىرىنى سۆزلەشكە يىتەكلەش ،ئوقۇغۇچىلارنىڭ قاراشلىرى ئاساسىدا تۈزىتىش ۋە چۈشەندۈرۈش بېرىپ خۇلاسىلاش.
ئۆگۈنۈش ئۇسۇلى:ئوقۇغۇچىلار مۇلاھىزە ،مۇھاكىمە  مۇھاكىمە يۈرگۈزۈش شەكلىدىكى مۇستەققىل ئۆگۈنۈش،ھەمكارلىشىپ ،ئۆگۈنۈش ۋە ئىزدىنىپ ئۆگۈنۈش .
ئوقۇتۇش مەزمۇنى : 1.مىراس قالدۇرغۇچى ۋە مىراس دىگەن نىمە ؟
مىراس قالدۇرغان ئۆلگۈچى مىراس قالدۇرغۇچى دىيىلىدۇ.مىراس قالدۇرغۇچى قالدۇرغان قانۇنىي خۇسۇسىي مال-مۈلۈك مىراس دىيلىدۇ .
مال-مۈلۈكنىڭ مىراس بولىشى ئۈچۈن قايسى شەرتلەر ھازىرلىنىشى كېرەك؟
مال-مۈلۈكنىڭ مىراس بولىشى ئۈچۈن مۇنداق ئۈچ شەرت ھازىرلىنىشى كېرەك:بىرىچى ،پۇقرا ۋاپات بولغاندا قالدۇرغان مىراس بولىشى كېرەك؛ئىككىنچى،پۇقرانىڭ ئۆز ئىگىدارلىقىدا بولىشى كېرەك؛ئۈچىنچى،قانۇنلۇق بولىشى كېرەك.
ۋارىس دىگەن نىمە؟ قانۇندا بەلگۈلەنگەن ۋارىسلىق قىلغۇچىنىڭ دائىرىسى كىملەرنى ئۆز ئىچىگە ئالىدۇ؟
ئۆلگۈچىدىن قېپقالغان مىراسقا قانۇن بويىچە ۋارىسلىق قىلغۇچى قانۇندا ۋارىس دەپ ئاتىلىدۇ.
قانۇندا بەلگۈلەنگەن ۋارىسلىق قىلغۇچىنىڭ دائىرىسى،جورىسى،پەرزەنتى،ئاتا-ئانىسى ،ئاكا-ئۇكا،ئاچا-سىڭىللىرى،بوۋا-مومىللىرىنى ئۆزئىچىگە ئالىدۇ.
ۋارىسلىق ھوقۇقى دىگەن نىمە؟
ۋارىسلىق ھوقۇقى دىگىنىمىز –ۋارىسنىڭ مىراس قالدۇرغۇچىدىن قېپقالغان مىراسقا قانۇن بويىچە ئېرىشىش ھوقۇقىنى كۆرسۈتىدۇ.
قانۇندا بەلگۈلەنگەن ۋارىسلىق تەرتىپى قانداق بولىدۇ؟
دۆلىتىمىزدە مىراسقا ۋارىسلىق تەرتىپى مۇنداق بولىدۇ. ۋارىسلىق دائىرىسىدىكى كىشىلەر بىرىنچى رەتتىكى ۋارىسلار ۋە ئىككىنچى رەتتكى ۋارىسلار دەپ ئايرىلىدۇ.بىرىنچى رەتتىكى ۋارىسلار جورىسى،پەرزەنتى ۋە ئاتا-ئانىسىنى ئۆزئىچىگە ئالىدۇ.ئىككىنچى رەتتىكى ۋارىسلار ئاكا-ئۇكا،ئاچا-سىڭىللىرى ۋە بوۋا مومىللىرىنى ئۆزئىچىگە ئالىدۇ.
مىراسقا ئالدى بىلەن بىرىنچى رەتتىكى ۋارىسلار ۋارىسلىق قىلىدۇ،بىرىنچى رەتتىكى ۋارىسلار بولمىسا ياكى ھوقۇقىدىن ۋاز كەچسە ئىككىنىچى رەتتىكى ۋارىسلار مىراسقا ۋارىسلىق قىلىدۇ .
ئوقۇتۇش جەريانى :
                 يېڭى دەرىسكە باشلاپ كىرىش ،بەزى كىشىلەر مىراس بۆلۈشكەندە چوڭلار كۆپ كىچىكلەر ئاز ئېلىشى كېرەك دەپ قارايدۇ.يەنە بەزىلەر چوڭلار ئاز كىچىكلەر كۆپ ئىلىش كېرەك دەپ قارايدۇ.سىز بۇ مەسىلىگە قانداق قارايسىز؟
بۇ سۇئال ئاساسىدا ئوقۇغۇچىلارنى مۇلاھىزىگە تەشكىللەپ يېڭى دەرىسكە باشلاپ كىرىمەن.
ئاندىن دەرىسلىك كىتابنىڭ 97-بېتىدىكى مىسالنى ئەمەلى مىساللارغا بىرلەشتۈرۈش ئاساسىدا ئوقۇغۇچىلارنى مۇلاھىزىگە يىتەكلەپ ،ئوقۇغۇچىلارنىڭ قاراشلىرى ئاساسىدا چۈشەندۈرۈش بېرىپ مىراس قالدۇرغۇچى ،مىراس ۋە مىراس ھازىرلاشقا تېگىشلىك شەرتلەرنى چۈشەندۈرىمەن.
ئاندىن،98-بەتتىكى سۇئالغا قاراتا ئوقۇغۇچىلارنى ئۆز قاراشلىرىنى سۆزلەشكە يېتەكلەپ ،ئوقۇغۇچىلارنىڭ قاراشلىرى ئاساسىدا چۈشەندۈرۈش بېرىپ ،ۋارىس ،ۋارىسلىق قىلغۇچىنىڭ دائىرىسى ،ۋارىسلىق ھوقۇقى قاتارلىق مەزمۇنلارنى چۈشەندرۈمەن.
ئاندىن،98-بەتنىڭ ئاستىدىكى مۇنازىرە سۇئالىغا قاراتا ئوقۇغۇچىلارنى ئۆز قاراشلىرىنى سۆزلەشكە يېتەكلەپ ،ئوقۇغۇچىلارنىڭ قاراشلىرى ئاساسىدا تۈزىتىش ،چۈشەندۈرۈش بېرىپ قانۇندا بەلگۈلەنگەن ۋارىسلىق تەرتىپىنى چۈشەندۈرۈمەن .
ئاخىرىدا مۇستەھكەملەش سۇئاللىرى ئاساسىدا مۇھىىم مەزمۇنلاردىن خۇلاسىلاش ئېلىپ بارىمەن.
مۇستەھكەملەش سۇئالى :بىرىچى رەتتىكى مىراسقا ۋارىسلىق قىلغۇچىلار (     )نى ئۆزئىچىگە ئالىدۇ.
ئا،جورىسى،ئاكا-ئۇكىسى ۋە ئاچا-سىڭلىسى
ب،ئاتا-ئانىسى،بوۋا-مومىسى ۋە پەرزەنتى
س،جورىسى،پەرزەنتى ۋە ئاتا-ئانىسى
د،ئاتا-ئانىسى،ئاكا-ئۇكىسى ۋە ئاچا-سىڭلىسى

دوسكا لايىھەسى:
بىز مال-مۈلۈككە ۋارىسلىق قىلش ھوقۇقىغا ئىگە

        1.پۇقرا ۋاپات بولغاندا قالدۇرغان
مىراس بولۇشنىڭ شەرتى        2. پۇقرانىڭ ئۆزئىگىدارلىقىدا  
        3.قانۇنلىق بولۇش
       
        بىرىنچى رەتتىكى ۋارىسلار
ۋارىسلىق تەرتىپى

        ئىككىنچى رەتتىكى ۋارىسلار
تاپشۇرۇق:بىرىنچى رەتتىكى ۋارىسلار بار ھەم ھوقۇقىدىن ۋاز كەچمىگەن ئەھۋالدا مىراس قالدۇرغۇچى مىراسىنى ئىككىنچى رەتتىكى ۋارىسلارغا قالدۇرالامدۇ؟

دەرىستىن كىيىنكى
قايتا ئويلىنىش:

asrar

دەرس تەييارلىقىنى مۇنداق تەييارلىسىمۇ بۇلىدىكەنغۇ؟ قەدەم باسقۇچلار ئىنىق ، ئوقۇتقۇچى -ئوقۇغۇچىنىڭ پائالىيەت پىلانىنى ئىنىق يېزىپ قويسىڭىز تېخىمۇ ياخشى بۇلىدىكەن ،رەخمەت ،،

pari

ياخشى تەييارلىنىپتۇ رەھمەت . نۇشۇنداق ياخشى تېمىلىرىڭىز ئۈزۈلۈپ قالمىسۇن !!

بەختىيار(بايقاش

ئوقۇتقۇچىلار ئۈچۈن پايدىلىق تېمىلارنى يوللاپ كېلىۋاتىسىز،رەھمەت سىزگە!