ئوقۇغۇچىلارنى تۈرگە ئايرىش مەنئى قىلىنىدۇ

ئۇيغۇرۇم

مەكتەپلەرنىڭ ئوقۇغۇچىلارنى تۈرگە ئايرىشى مەنئى قىلىنىدۇ

مائارىپ مەمۇرىي تارماقلىرىنىڭ مەكتەپلەرنىڭ كونكىرېت ئوقۇتۇش ئىشلىرىنى باشقۇرۇش ھەرىكەتلىرى ۋە ئوقۇتۇشقا ئارىلىشىشى چەكلىنىدۇ. مائارىپ مىنىستىرلىقىنىڭ يېقىندا ئېلان قىلغان «مەكتەپلەرنى قانۇن ئارقىلىق باشقۇرۇش، زامانىۋى مەكتەپ قۇرۇش تۈزۈمىنى يولغا قويۇش پىروگراممىسى (پىكىر ئېلىش لايىھەسى)» دە مۇنۇلار بەلگىلەندى: مەكتەپلەرنىڭ جەرىمانە تەسىس قىلىشىغا ياكى ئوقۇتقۇچىلار بىلەن ئوقۇغۇچىلارنىڭ ھوقۇقىغا دەخلى - تەرۇز قىلىش مۇمكىنچىلىكى بولغان باشقا جازالاش ۋە ئاگاھلاندۇرۇش ئۇسۇللىرىنى قوللىنىشىغا يول قويۇلمايدۇ؛ تەن جازاسى بېرىش ياكى شەكلى ئۆزگەرگەن تەن جازاسى بېرىش، ئىنسانىي ئەركىنلىكنى چەكلەش، قانۇنغا خىلاپ قالايمىقان ھەق ئېلىش ھەم مەكتەپلەرنىڭ سەۋەنلىكى تۈپەيلى ئوقۇغۇچىلارنى زىيانكەشلىككە ئۇچرىتىش قاتارلىق ھوقۇققا دەخلى - تەرۇز يەتكۈزۈش قىلمىشلىرى چەكلىنىدۇ.  
لايىھەگە ئاساسەن، ئوتتۇرا، باشلانغۇچ مەكتەپلەر يىللىقلار ۋە مەكتەپتىن ئىبارەت ئىككى دەرىجىلىك ئاتا - ئانىلار كومىتېتىنى تەسىس قىلىشى ۋە ئۇنى مۇكەممەللەشتۈرۈشى كېرەك. مەكتەپلەرنىڭ مەكتەپ فورمىسى سېتىۋېلىش، دەرسلىك ۋە ئوقۇتۇش ماتېرىيالىنى زاكاز قىلىش، ئوقۇغۇچىلارنى پائالىيەتلەرگە ئۇيۇشتۇرۇش، ۋاكالىتەن ھەق ئېلىش قاتارلىق ئوقۇغۇچىلارنىڭ مەنپەئەتىگە بىۋاسىتە چېتىلىدىغان پائالىيەتلەردە، مەكتەپ ياكى ئوقۇتقۇچى تەكلىپ بېرىش ۋە تاللاش لايىھەلىرىنى ئوتتۇرىغا قويۇپ، ئۇنىڭغا ئىزاھات بېرىپ، ئاتا - ئانىلار كومىتېتىنىڭ قارار قىلىشىغا سۇنۇشى كېرەك.   
لايىھەدە مۇنۇلار بەلگىلەندى: مەكتەپلەر ھەر بىر ئوقۇغۇچىغا باراۋەر مۇئامىلە قىلىشى، ھەرقانداق شەكىلدىكى ئوقۇغۇچىلارنى تۈرگە ئايرىش، پەرقلەندۈرۈش ۋە كەمسىتىش تۈزۈملىرىنى بىكار قىلىشى كېرەك. مېيىپلەر ۋە ئاجىزلارنىڭ مائارىپتىن باراۋەر بەھرىلىنىش ھوقۇقىغا ھەقىقىي كاپالەتلىك قىلىش، تۈرلۈك سەۋەب بىلەن مېيىپ، ئاجىز ئوقۇغۇچىلارنى قوبۇل قىلىشنى رەت قىلماسلىق كېرەك.
مەنبە:خەلق تورى ئۇيغۇرچە بىتى http://uyghur.people.com.cn/158069/15243838.html  

ئالماس

ناھايىتى ياخشى ئىش بۇلۇپتۇ .بۇرنراق ئىلان قىلغان بولسا شۇنداق تېخمۇ ياخشى بۇلاتتى.

ئامان

بۇ بەلگىلىمە بۇرۇنراق چىقىرىلىشى كېرەك ئىدى. نوختىلىق سىنىپ، ئەدەتتىكى سىنىپ دىگەنلەر نىمە ئۇ؟.... نوختىلىق سىنىپلاردا ئوقۇۋاتقانلار بىزنىڭ پەرزەنتلىرىمىز بولسا، ئادەتتىكى سىنىپلاردا ئوقۇۋاتقانلار كىمنىڭ پەرزەنتى؟!!.... ئەشۇ ‹‹نوختىلىق سىنىپ››لاردىكى ئوقۇغۇچىلارنىڭ نەتىجىسىگە قاراپ، بىر مەكتەپنىڭ بىر ناھىيىنىڭ، ھەتتا بىر ۋىلايەتنىڭ ئائارىپىغا باھا بېرىش _ سېپى ئۆزىدىن ئۆز-ئۆزىنى ئالداش ۋە مىللەتنىڭ ساپاسىز قېلىشىغا كۆز يۇمۇشتىن باشقا نەرسە ئەمەس!
مىللەتنىڭ ساپاسى بىر بۈلۈك ‹‹نوختىلىق سىنىپ››لاردا تەربىيەلىنىۋاتقان ‹‹نوختىلىق ئوقۇغۇچى››لارنى ‹‹نوختىلىق›› يەربىيەلەش ئارقىلىق ئەمەس، بەلكى بارلىق ئوقۇغۇچىلارنى ئىلغار ئوقۇتۇش شارائىتى، ئىلغار مائارىپ بايلىقلىرىدىن ئورتاق بەھرىمان قىلىش ئارقىلىق يۇقۇرى كۆتۈرۈلىدۇ.

سەييارە0

بۇ ياخشى لاھىيە بوپتۇ،لىكىن مۇشۇ تۇۋەندە ئىجرا بۇلشى مۇمكىنمىدۇ.