ئاھ ئوقۇتقۇچى ھالىڭغا ۋاي

ئۇيغۇرۇم

                                                         ئاھ ئوقۇتقۇچى ھالىڭغا ۋاي

                                               (ناھەق ئېلىنغان 1443 يۇەنلىك جەرىمانە ھەققىدە)

يېقىندا مەلۇم بىر مەكتەپتە (يېزىلىق ئوتتۇرا مەكتەپتە) مۇنداق بىر ناھەق ئىش يۇز بەرگەن.

بۇ مەكتەپ تەۋە ناھىيىنىڭ ئىنتىزام تەكشۇرۇش خىزمىتىنى تېخىمۇ يۇقىرى كۆتۇرۇش ئۈچۈن ئۆزئارا قوشنا ھەر قايسى يېزا-بازارلارنى بىرلىك قىلىپ《ئىنتىزام تەكشۇرۇش تارماق ئىدارىسى》قۇرۇپ ، مۇشۇ دائىردىكى بارلىق خىزمەتلەر ۋە خىزمەتچىلەرنىڭ خىزمەتتىكى ئەھۋالىنى ئېنىقلاش ئېلىپ بارغان (يەنە داۋاملىق ئېلىپ بېرىلىۋېتىپتۇ).

ئاقىۋەتتە بۇ خىل قارا كۈن بىچارە ئوقۇتقۇچىلارنىڭ بېشىغا توقماق بولغان.

بۇ خىزمەت گۇرۇپپىسى چاقماقتەك تېز بولۇش، كونكېرىتنى ئىشلارنى كونكېرىت ھەل قىلىش، ھەل قىلىشتا قاتتىق بولۇپ، مەسىلىلەرنى بايقاپ، مەزكۇر ئورۇننىڭ خىزمەت ئۈنۈمىنى يوقىرى كۆتۇرۇشتەك تەشۋىقات لوزىنكىسىنى كۆتۇرۇپ چىقىپ، بۇ مەكتەپتە كەڭ كۆلەملىك تىنتىش ئېلىپ بارغان.

بۇلارنىڭ ھەر دەرىجىلىك مەكتەپلەردىكى تەكشۇرۇش ئوبېكىتلىرى شۇكى، كومپىيوتېر سەپلەنگەن بارلىق ئىشخانا-بۆلۇملەرنى تەكشۇرۇش، ھەر قايسى ئوقۇتۇش ئىشخانىلىرىدىكى ئوقۇتقۇچىلارنىڭ مۇشۇ ۋاقىتتا نېمە ئىش قىلىۋاتقانلىقىنى ئېنىقلاپ، ناھىيىلىك باش ئىنتىزام تەكشۇرۇش ئىدارىسىگە يوللاشتىن ئىبارەت ئىكەن.

تەكشۇرۇشتىن بايقالغان ئاتالمىش مەسىلىلەر تۆۋەندىكى مەسىلىلەر بولغان:

1. ئىلمىي بۆلۇمدە ئوقۇغۇچىلارنىڭ نوپۇسلىرىنى كومپىيوتېرغا كىرگۇزىۋاتقان بىر ئوقۇتقۇچى (بۇ ئوقۇتقۇچى ئىشخانىدا يالغۇز قالغانىكەن) كىيۇ-كىيۇغا چىققان دېگەن ناملار بىلەن ساختا مەيدان ھاسىل قىلىنىپ سۈرەتكە تارتىلغان. ئەمەلىيەتتە بۇ ئوقۇتقۇچى كىيۇ-كىيۇسىنى ئەمدىلا ئاچقان بولۇپ تېخىچە ئېچىلمىغان بولسىمۇ، خىزمەتتە مەسئۇلىيەتسىزلىك قىلغان دېگەن نامغا قالغان. ئەڭ ئېچىنىشلىقى شۇكى، بۇ ئوقۇتقۇچى ئەتىسى جەرىمانە سۇيلەپ كەلگەن تەكشۇرگۇچىلەرگە بىر ئايلىق ئۈنۈم ئىش ھەققى بولغان 1443 يۇەن تۆلەپ بەرگەن ۋە تەكشۇرۇشنامە يېزىپ بەرگەن. بۇ ۋاقىت مۇئاش تارقىتىدىغان مەزگىل بولمىغاچقا مەكتەپنىڭ مالىيە بۆلۈمىدىن نەق ئېلىپ چىقىپ كەتكەن ھەمدە بۇ ئوقۇتقۇچى ناھىيە بويىچە ئومۇمىي ئوقتۇرۇش قىلىنغان.   

  2. يەنە بىر ئوقۇتقۇچىمۇ ئوخشاشلا كىيۇ-كىيۇغا چىققان دېگەن نام بىلەن ئەيىپلەنگەن بولسىمۇ، ئەمما بۇ ئوقۇتقۇچى ئۆزىنىڭ ناھىيىلىك مائارىپ ئىدارىسىنىڭ ھۆججەتلىرىنى چۇشۇرىۋاتقانلىقىنى ئەمەلىي مىساللار بىلەن كۆرسەتكەن بولغاچقا بۇ توقماقتىن قۇتۇلۇپ قالغان.

3. يەنە بىر ئوقۇتقۇچى ئىشخانىسىدا تېلفۇنىدىن ناخشا ئاڭلىغاچ تاپشۇرۇق تەكشۇرىۋاتقان بولۇپ، بۇ ئوقۇتقۇچىمۇ خىزمەتتە مەسئۇلىيەتسىزلىك قىلغان دېگەن نام بىلەن ئەيىپلەنگەن. بۇ ئوقۇتقۇچىنىڭ تونۇشلىرى كۆپ بولغاچقا جەرىمانە تۆلىمەي تەكشۇرۇشنامە يېزىپ بەرگەن ھەمدە ناھىيە بويىچە ئومۇمىي ئۇقتۇرۇش قىلىنغان.

4. يەنە بىر مۇزىكا ئوقۇتقۇچىسى ئوخشاشلا ناخشا ئاڭلىغان دېگەن سەۋەنلىك بىلەن بايقالغان بولسىمۇ،《مەن بۇ ناخشىنى كېيىنكى سائەتتە ئوقۇغۇچىلارغا ئۆگىتىمەن، شۇڭا مەشىق قىلىۋاتىمەن》دەپ تىركىشىپ تۇرىۋالغاچقا بۇ توقماقتىن قۇتۇلۇپ قالغان.

يۇقارقىلار پەقەت بىر مەكتەپنلا تەكشۇرۇپ بايقىقان مەسىلە بولۇپ، باشقا مەكتەپلەردە ئىشلار زادى قانداق؟ بۇنىسى مۇئەللىپكە قاراڭغۇ.

ئىسىت، ناھەق كەتكەن 1443 يۇەن نەق پۇل.... ئىسىت، ئەجرىگە مۇناسىپ مېۋە ئالالمىغان جاپاكەش ئوقۇتقۇچى...

سەييارە0

ئوقۇتقۇچىلارغا ئىگە بۇلدىغان ئۇرۇن،ئادەم يۇقما؟مۇشۇنداق كىچىكنە ئىش ئۇچۇن 1443 يۇەن جىرىمانە ئالسا شۇ ئوقۇتقۇچى بۇندىن كىيىنكى خىزمەتلەرنى قانداقراق قىلار،تەربىيە قىلىپ تۇگەتسە بۇلدىغان ئىش ئىكەنغۇ،دۆلتىمىز جۇڭگۇدا بۇنداق ئىشلار ئازمۇ،نىمىشقا ھەممە ئىشلار تۇۋەندە جاپا چىكىپ خىزمەت قىلىۋاتقانلارنىڭ بىشغا كىلدۇ؟..................................

Qol~Ogli

          ئاتالمىش «مەدەنىيەت زور ئىنقىلابى» دا مۇشۇنداق گۇرۇپپىلار تەسىس قىلىنىپ پۇقرالارنىڭ ئۆيى ئاختۇرىلاتتىكەن، گەرچە ھازىر بۇ خىل ھەركەتلەرنى ئىلىپ بېرىش مەركەز تەرىپىدىن قاتتىق چەكلەنگەن بولسىمۇ ،يەرلىكتىكى بىر قىسىم بىلىمسىز، نادان ، ھاماقەت ،« دەۋېر بىلەن تەڭ ئىلگىرىلەش » قابىلىيىتى يوق، 21- ئەسىرنىڭ داشقاللىرى مۇشۇ خىل ئەڭ قالاق ئۇسۇل بىلەن ھاكىمىيەت يۈرگۈزۈپ كومىنىستىك پارتىيەنىڭ ئىززەت -ئابرويىغا نۇقسان كەلتۈرىۋاتىدۇ ، مۇناسىۋەتلىك ئورۇنلار بۇ خىل مىتىلەرنى ھاكىمىيەت ئورنىدىن تازىلاپ چىقىرىشى تولىمۇ زۆرۈر .

كۆل

يۇقۇرىنىڭ خىزمەتلەرنى تەكشۈرۈپ تۇرۇشى دائىم بولۇپ تۇرىدۇ،لىكىن بۇ قىتىمقى تەكشۈرۈش ئارقىلىق تەربىيە ئارقىلىق تۈزەتكىلى بولىدىغان ئىشلارغا نەچچە مىڭلاپ جەرىمانە قويغىنى توغرا بولماپتۇ. بۇ ئوقۇتقۇچىنىڭ ئائىلىسى يوقمۇ ، بالىلىرى يوقمۇ؟ بۇ جەرىمانە ئۇ ئوقۇتقۇچىنىڭ تۇرمۇشىغا تەسىر يەتكۈزمەسمۇ!

ayqeqak

دۆلەت مەمۇرى ئورۇنللىرى ۋە بەزى ئىدارە جەمىيەت ،ئىش بىجىرىش ئورۇنلىرىدا قىلىدىغان ئىش تاپالماي كەچكىچە  قەرت ۋە باشقا  ئويۇن ئويناپ،ئىشخانا ساقلاپ كۈن ئۆتكۈزىدىغان نۇرغۇن خىزمەتچىلەرنى ئۇچرىتىپ تۇرىمىز. ئەمدى ئوقۇتقۇچىغا كەلسەك بىر كۈنلۈك ئىشىنى مەكتەپتە تۈگىتىپ بۇلالماي،ئۆيىدە ئىشلەيدۇ،بالىلىرى دادا دەپ بوينىغا ئېسىلسا ئەركىلەتكىدەك ۋاختى يوق تاپشۇرۇق تەكشۈرىدۇ،دەرس تەييارلايدۇ. ھازىر ئۇچۇر دەۋرى چ چ دىن پايدىلىنىپ ماتىرىيال يوللىغىلى ،پىكىر ئالماشتۇرغىلى بۇلىدۇ بۇمۇ خىزمەتنىڭ ئېھتىياجى.ئۇندىن باشقا ئۇقۇتقۇچى ماشىنا ئادەم ئەمەس،ئۇلارنىڭمۇ تۇرمۇشى،ئائىلىسى،دوستلىرى بار ،ئۇلار بىلەن ئەھۋاللىشىدۇ.بۇ لار ھېچقانداق ئەھۋالدا خىزمەتكە تەسىر يەتكۈزمەيدۇ. بۇنى قىلغانلار ساپاسى يوق ،قاراقۇرساق،يالاقچىلىق قىلىپ جان بېقىپ كۈنۈپ قالغان گەدەنكەشلەر.بۇنى ئويلاپ تاپقىنىمۇ بىر پوق قۇساق،دەلتە.بولمىسا مائارىپنى ئىلمى چۈشەنگەن بۇلاتتى.

otmakani

otmakani

otmakani

otmakani

otmakani