زىكرى ئەلپەتتا

گۇلنۇر

زىكرى ئەلپەتتا
زىكرى ئەلپەتتا 1915-يىلى غۇلجا شەھىرىدە تۇغۇلغان.
دۇتتار چېلىشنىڭ ماھىرى ھەم ئۇستازى،ئىلى تىياتىرىنى قۇرغۇچىلارنىڭ بىرى،ئارتىست،چالغۇچى، كومپازىتور،رېژىسسور،مۇقامشۇناس،مەدەنىيەت ئەربابى ھەم رەھبەر.
ئۈچ ۋىلايەت ئىنقىلابىي دەۋرى ۋە ئازاتلىقنىڭ ئالدى-كەينىدە روزى تەمبۇر بىلەن بىللە ئىلىدا بىر نەچچە نۆۋەت ئون ئىككى مۇقام ۋە خەلق ناخشىلىرىنى ئۈگۈتۈش كۈرژۈكى ئاچقان. بۇنىڭدا ئۇ خەلق ناخشىلىرىنى ئۈگۈتۈشكە مەسئول بولغان. مەتتاھىر ھەسەن، نۇرمۇھەممەت ناسىرى ،ئەمەتخان بارات، زوردۇن نۇسرەت،ئابدۇۋەلى جارۇللايوف، ئابلاخان كىپەك،سەيدۇللا رەخمىتۇللا،سۇلتان مۇرات، غوپۇر يۈسۈپ،قادىر رازى،ئابدۇكېرىم مامۇت، ئابدۇكېرەش ئەلى،ئابلىكىم ئابدۇللا،قۇربان ئۆمەر،غىياسىدىن بارات،ھۈسەنجان ھەسەن قاتارلىقلارنىڭ ھەممىسى ئىلگىرى-ئاخىر بولۇپ شۇ كۈرژۈكلاردا تەربىيلەنگەن.
زىكرى ئەلپەتتە « غېرىپ-سەنەم»،« پەرھات-شېرىن» ئوپىرالىرى ۋە غۇنچەم درامىلىرىغا يېڭى ئاھاڭلارنى ئىشلىگەن.
ئۇ يەنە سەھنە ئاھاڭلىرىغا ئىشلىگەن ئاھاڭلارنى يىغىپ بىر مۇقەددىمە، بىر تەزە،ئالتە داستانلىق «رۇخسارى» مۇقامىنى يەنە(دىلرابا زار يارەن) ناملىق داپ نەغمىسى بىلەن ئىجاد قىلدى.
ئازاتلىقتىن كىيىن ئۇ تاكى ئۆمرىنىڭ ئاخىرىغىچە مەشھۇر مۇقامچى تۇردى ئاخون ئاكا بىلەن روزى تەمبۇر قالدۇرۇپ كەتكەن كىلاستىك ئون ئىككى مۇقامنى ئۈگۈتۈش، رەتلەش، تەتقىق قىلىش ۋە تارقىتىش ئىشلىرىغا رەھبەرلىك قىلدى. ئون ئىكككى مۇقامنى قۇتقۇزۇش خىزمىتىگە ئۆچمەس تۆھپىلەرنى قوشتى.
زىكرى ئەلپەتتا ئۇيغۇر ئون ئىككى مۇقامىغا ئىجادى تۆھپە قوشقان تالانتلىق مۇزىكانت،ئاتاقلىق مۇقامشۇناس.
ئۇ جوڭگو خەلق سىياسىي مەسلىھەت كېڭىشى 5-نۆۋەتلىك كومىتىتنىڭ ئەزاسى، جوڭگو مۇزىكانتلار جەمئىيىتىنىڭ دائىمىي ھەيئەت ئەزاسى، ئاپتونۇم رايۇنلۇق ئەدەبىيات-سەنئەتچىلەر بىرلەشمىسىنىڭ ھەيئەت ئەزاسى، جوڭگۇ مۇزىكانتلار جەمئىيىتىنىڭ شىنجاڭ شۆبىسىنىڭ پەخرى رەئىسى قاتارلىق ۋەزىپىلەردە بولغان.
ئۇ 1986-يىلى 71 يېشىدا ئالەمدىن ئۆتتى.
as

pari

مەشھۇر كىشىلىرىمىز بىلەن تۇنۇشتۇرغىنىڭىزغا كۆپ رەھمەت.

سەييارە0

دۇتتار چېلىشنىڭ ماھىرى ھەم ئۇستازى،ئىلى تىياتىرىنى قۇرغۇچىلارنىڭ بىرى،ئارتىست،چالغۇچى، كومپازىتور،رېژىسسور،مۇقامشۇناس،مەدەنىيەت ئەربابى ھەم رەھبەر زىكرى ئەلپەتتا ھەققىدە چۇشەنچە بەرگىنڭىزگە رەخمەت.