خوتۇننى ئۇرۇش نوچىلىقمۇ؟

سۈزۈك

خوتۇننى ئۇرۇش نوچىلىقمۇ؟
        مەنچە خوتۇننى ئۇرۇش مەيلى قانۇن نوقتىسدىن، مەيلى ئەخلاق نوقتىسدىن ۋە ياكى ئۆرپ-ئادەت نوقتىسدىن ئېيىتقاندا بولسىمۇ ياخشى ئىش ئەمەس.
        يېقىندا مەھەللىمىزدە خوتۇننى ئۇرۇپ ينىك زەخمىلەندۈرگەن ئوتتۇرا ياشلىق بىر قوشنىمىز خوتۇننىڭ قانۇن ئورنىغا شىكايەت قىلىشى بىلەن قانۇن جازاسىغا تارتىلىپ، قانۇننىڭ كۈچ-قۇدرىتىنى كۆرگەندىن كېيىن خوتۇنىغا ناماقۇل بۇلۇپ، باشقىلارغا خوتۇننى ئۇرۇشنىڭ قانۇنغا خىلاپ ئىكەنلىكىنى چۈشەندۈرۈشتە جانلىق مىسال بولدى.
        خوتۇننى ئۇرۇش جاھالەت دەۋرىدىن قالغان قالاق ئادەت بۇلۇپ، بىزدىكى ئىنتايىن ئاز ساندىكى كىشلەر ئەنە شۇ دەۋىردىكى «خوتۇن كىشىنى ئۈرۈپ تۇرمىسا .....» دىگەنگە ئوخشاش قالاق ئىديىنى «ئەڭگۈشتەر» قىلۋېلىپ، خوتۇننى دائىم ئۇرۇنسىز ئىشلار تۈپەيلى ئۇرۇپ، دۇمبالايدۇ.
        ھېلىمۇ ياخشى« ئاساسى قانۇن» دا «ئاياللار ئەرلەر بىلەن باراۋەر ھوقۇققا ئېگە» دىيىلگىنى، «نىكاھ قانۇنى»، «ئاياللارنىڭ ھوقۇق مەنپەتىنى قوغدا قانۇنى» قاتارلىق بىر يۈرۈش قانۇن-نىزاملارنىڭ يولغا قۇيۇلغىنى. بىراق، شۇنداق تۇرۇپمۇ يېزا-قىشلارقلاردا ئاياللارنى ئۇرۇپ، يۈز-كۆزلىرىنى كۆكەرتىپ، جىسمانىي جەھەتتىن زەخمىلەندۈردىغان، گۇناھسىز ئاياللارنى ھاقارەتلەپ ئۆي-ماكانسىز قالدۇردىغان، ئاياللارنى ئۇرۇش، ئۆيدىن ھەيدەپ چىقىرىشنى«غورۇرلۇق» «نوچىلىق» دەپ قارايدىغان سەۋىيسى ئىنتايىن تۆۋەن ،قالاق ئەرلەر قەدەمدە بىر ئۇچراپ تۇرىدۇ. ئائىلە زوراۋانلىقى كىشلىك ئەخلاق،قانۇن-نىزاملاردا قاتتىق چەكلەنگەن. خوتۇننى ئۇردىغان نوچىلارغا شۇ نەرسە ئېنىقكى، ئۇلارغا«كۈيئۇغۇل» بولغۇچى ئۇلارنىڭ قىزلىرنى، ئاچا- سىڭىللىرىنى ئاشۇنداق ئورۇنسىز ھاقارەتلەپ، ئۇرۇپ زەخمىلەندۈرسە، شۇ نوچىلار بۇ ئىشلارغا ھەرگىزمۇ چىداپ تۇرالماسلىقى مۇمكىن.
        دىمەك، خوتۇننى ئۇرغان كىشى ھەرگىزمۇ غورۇرلۇق،نوچى ئەر ئەمەس،بەلكى،قالاق،نامەرت،پەس ئەردۇر! ئەگەر ئۇلار ئەر-خوتۇن ئۆز-ئارا ھۆرمەت قىلىشىپ، ئىناق ئائىلە قۇرۇپ، ھالال مېھنەت ۋە ئەجرىگە تايىنىپ باياشات،خاتىرجەم تۇرمۇش كەچۈرسە، پەرزەنىتلىرىنى لاياقەتلىك قىلىپ تەربىيەلىسە، جەمئىيەتكە بىر كىشلىك تۆھپە قۇشۇلسا ھەققى ئەر، ھەققى نوچى بولالايدۇ.

بەختىيار(بايقاش

ئۇرۇش،تىللاش بولسا بىلىمسىز،ئاڭسىز كىشىلەرنىڭ ئىش-ھەرىكىتى.
ھازىر بىر قسىىم يول تاپقان،پۇل تاپقان كىشىلىرىمىز ئۆز خوتۇنىنىڭ رازىلىقىسىز خوتۇن ئۈستىگە خوتۇن ئېلىپ ئۆز خوتۇنىنى ئۇرغاندىمۇ بەتەر روھى ئازاپلارنى ئېلىپ كېلىۋاتىدۇ...ھەي بۇنىڭغا نېمە دېگۈلۈك ئەمدى؟!...

pari

ئۇرۇش،تىللاشدىگەن ساپاسى يوق ، بىلىمسىز ، ئاڭسىز كىشىلەرنىڭ ئىش-ھەرىكىتى .

گۈلزار

ئاياللارنى پەقەت ئۇلۇغ ئادەملەرلا ھۆرمەت قىلىدۇ . ئۇلارنى پەقەت پەسكەش ئادەملەرلا خارلايدۇ .

سەييارە0

خۇتۇننى ئۇرۇش ياخشى ئىش ئەمەس،خۇتۇننى ھورمەتلەيلى،ئىززەتلەيلى.

زەپەر

ئايالنى ئۇرۇش تىللاش  بولسا بىلىمسىزلىكتىن دىرەك بىرىدۇ  .شۇڭا ئاياللارنى تىللىمايلى . ئۇلارنى ياخشى ھۆرمەتلەيلى