نەۋرۇز ھېكمىت

گۇلنۇر

نە

ۋرۇز ھېكمىتى
                     ( غەزەل)   گۇلنۇر
باھار كەلدى،قۇياش كۈلدى،يۈرەك ياشنار مۇھەببەتتە،
كۆتۈردى باش جېمى جاندار،يوقالدى جۇت ھارارەتتە.

ھېدايەتلىك بۈيۈك نەۋرۇز ئويغاتتى كەڭ جاھانىمنى،
جېنىڭغا جان،قېنىڭغا قان بەخىش ئەتتى ساخاۋەتتە.

ئۈمىدسىزلىك چىرايلاردىن ئۇچۇپ كەتتى ئۇزاقلارغا،
ھاياجاندا كۆڭۈل يايراپ بۇ كۈن ئۆتكەي سائادەتتە.

پەلەك كۆپكۆك،يېشىل ۋادا،زېمىن تولدى زىيا-نۇرغا،
مانا مەشرەپ،ئەنە بەيگە،ھايات قاينار ھىدايەتتە.

ئەجەپ تاتلىق پۇراپ كەلدى دىماقلاغا نورۇزلۇق ئاش،
قىزىپ كەتتى چېلىش، ئوغلاق، باھادىرلار بەھەيۋەتتە.

كۆرۈڭ،دېھقان چاپار كەتمەن،ياراملىق ئەر ئەزەلدىن ئۇ،
ۋەتەن-ئەلگە بېغىشلاپ جان،ئۆتەر رۇستەم شىجائەتتە.

يېڭىڭنى تۈر،بېلىڭ باغلا،باغاشلا نەۋ باھارىڭنى،
ئۆزۈڭنى «ئەر»ئاتار بولساڭ،تەرىڭ ئاقسۇن جاسارەتتە.

زەپەر

گۈلنۇر ياخشىمۇ سىز  نىڭ مۇنبەرگە ئالدى بىلەن يىڭىدىن ئەزا بولغانلىقىڭىزنى قىزغىن قارشى ئالىمەن . ئەھۋالدىن قارىغاندا شىئېرى ئەسەرلەرگە خېلى قىزىقىدىكەنسىز . بولسا بۇندىن كىيىنمۇ ئۈزىڭىزنىڭ ئىجادىي تىمىللىرىنى كەڭ مائارىپچىلارغا تەقدىم قىلىشىڭىزنى ئۈمۈد قىلىمەن  رەخمەت سىزگە  تىمىڭىزنى ئازراق بولسىمۇ زىننەتلەپ قويدۇم . بۇندىن كىيىن شىئېر يازغاندا بىزەشنى ئۇنۇتماڭ

سەييارە0

ياخشى شېئىرئىكەن،قۇلڭىزغا دەت كەلمىسۇن.

بەختىيار(بايقاش

شۇنداق،ھەقىقەتەن ياخشى يېزىلىپتۇ،رەھمەت سىزگە،شېئىرىڭىزنى ئوقۇپ دىللىرىم بەكمۇ سۆيۈندى...