گېپىڭ راست بولسا

گۇلنۇر

   قاتناشقۇچىلار :
A : نىجات ، 18 ياش ، مودا يىگىت .
B : ئابدۇسەمى ، 18 ياش ، ئەدەپلىك يىگىت .
ئورۇن : شەھەر كوچىسى .
A : ( ئۇ يولدا تۇرۇپ Bنى چاقىرىدۇ) ھەي سەمى، سەمى ! ماڭمامساۋا ياغاچ قۇلاق .
B : مانا، مانا، مانا ، نېمانچە سەت ۋاقىرايدىغاندۇ، ئانىسىنى تاپالمىغان ئوغلاقتەك . ھە ؟ ( ئۇ A غا يېقىنلىشىدۇ) شەھەرنىڭ مەدەنىيىتى ئەمەس، توپىسىمۇ ژۇقمىغان نېمىكەنسەن.
A : ۋاي، ۋاي، ۋاي، كالىچى تېشىلىپ كەتكەن قېرى خوتۇندەك ماڭماي، ئوغوبالىدەك بىر گۈس،گۈس، گۈس دەسسەپ ماڭە، يولنىڭ دۈمبىسى ئاغرىپ كەتمەيدۇ .
B : ماڭساممۇ ماڭاي، شۇ نەگە ماڭىدىغانلىقىمنى بىر دېۋىتە، خاتىرجەم ماڭاي .
A : مانداغ گەپ ،
B : قانداغ گەپ ؟
A : سەن ماۋۇ ھاياتىڭنى مانداغ مەنىسىز ئۆتكۈزىۋەتمە، بۇگۈنكى يەكشەنبىمىزنى مەنىلىك ئۆتكۈزەيلى .
B : ياخشى گەپ، ئاداش ، كىتابخانىغا بارامدۇق،يا ... ؟
A : كىتابخانا ؟! ھەي ! مەن ساڭا بىر گەپنى دەي، ئانچە- مۇنچە ئوغۇرلىقچە تاماكا چېكىمەن ئەمەسما ، بىرنەچچە قېتىم مۇشۇ گېزىت – ژورناللاردىن، قايلا، تاماكا چېكىشنىڭ ئىنتايىن زىيانلىق ئىكەنلىكىنى ئوقۇپ قالدىم. مانا شۇنىڭدىن كېيىن بىراقلا تاشلىدىم.  
B : نېمىنى تاشلىدىڭ ئاداش ؟
A : كىتاب ئوقۇشنى . بۇنىڭدىن كېيىن مەن بار يەردە كىتابنىڭ، كىتابخانىنىڭ گېپىنى قىمما ، بولمىسا، مېڭەمگە قان چۈشۈپ كېتىدۇ، ئۆلەپ كەتسەم، تۆلىيەلەمسەن ؟
B : ئىگىسى ساقلىسۇن، ئەمىسە ، نەگە بارىمىز ؟
A : دىباغا بارىمىز !
B : دىشاغا ؟
A : دىباغا بارىمىز، سەھرالىق، دىباغا .
B : دىسكو- پىسكو ئوينايدىغان، ياش باللا ياشايدىغان جەننەت !( ئۇ بەل، يانباشلىرىنى تولغايدۇ )
B : جەننەت ؟! جەننەتتە يانباشلىرىنى تولغاپ ئۇسسۇل ئوينايدىغانلارنى قوغلاپ چىقىرىۋېتىدۇ دەيدۇ. جەننەتكە بارىمىزدەپ، دوزاققا بېرىپ قاممايلى .
A : جەننەتمۇ، دوزاقمۇ، باغاندا بىلىسەن. ماڭە تېزرەك .
B : ئۇنداغ يەلىگە مەن بامايمىكى ( ئۇ كەينىگە داجىيدۇ )
A : بامايمىكى ؟ ئاۋۇ سىنىمىزدىكى ئوغۇل باللىنىڭ ئەركەكلىرى بارىدۇ. سەن بارامسەن ياكى قىزباللىنىڭ ياغلىقىدىن بىرنى ئارتىپ، ياتاقتا كىر ژۇيامسەن ؟
B : باراي، باراي، باراي، يائاللا ، زەھەر يەپلا چوڭ بوغان نېمىكەنسەن. يا بالدۇراق دەپ قويماپسەن، ئادەمنى ئالدىرىتىپ، مانا دوپپامنىمۇ كىيىۋالماپتىمەن.
A : كۆڭلەمنى بىر ئېلىشتۇرمىغىنە، نېمەئۇ دوپپا دېگەن ؟!
B : ئۇيغۇرنىڭ باش كىيىمى، ئۇيغۇرنىڭ بەلگىسى، ئۇيغۇرنىڭ پەخرى، ئۇيغۇرنىڭ دوپپىسى كۆڭلۈڭنى بىئارام قىلامدىكەن؟ دوپپىنى يالىمايسەن، بېشىڭغا كىيىسەن.
A : ئىناۋەتنى تۆكەپ دوپپىنىمۇ كىيەمدۇ دەيمەن، زامانغا باققان دانىشمەن دېگەن گەپ بار. ھېچ بوممىغاندا ، شىلەپە، كەپكە، شەپكە كىيمەمسەن ئاداش. سېنىڭ ماۋۇ بېشىڭغا شەپكە ياراشمايدۇ، باش دېگىلى بولامدۇ بۇنى؟ سۇلىياۋ داستىن بىرنى كىيىۋالامسەن يە؟ ھەي، ئۇمۇ ياراشمايدۇ، تاۋۇزنىڭ شاپىقىدىنلا بىرنى كىيىۋالە بوممىسا .
B : نىجات ئاداش، ھەجەپ سالاپەتلىك تۇغۇلۇپ قاپتىكەنسەن دەيمەن. ماۋۇ شەپكەڭ ھەجەپ يارىشىپتا، مانداغ قارىسا، قوناغلىقتىكى قارانچۇققا كونا چۈخەينى كىيدۈرۈپ قويغاندەك كۆرۈنىدىكەن ئەمەسمۇ. بۇ شەپكىنى 2 – دۇنيا ئۇرۇشى مەزگىلىدە ياپونلارنىڭ ئۆلۈكىدىن ئېلىۋالغاندەك قىلىسەن، ياپونىيەنىڭ ماللىرى داڭلىق كىيىۋاتىمەن دېگىنە.
A : ئابدۇسەمىجا...ن ، ئۆزەڭلىگە مانداغ بىر قارىۋېتىپ، ئاندىن مېنى مازاق قىساڭلىمىكى . ماۋۇ تايىنى يوق بېشىڭغا ئېشىق كېتىدۇدەپ، خۇدايىم چاچ بەمەي، تۈك بىرىپتىكەن. خۇدايىم بەگەن تۈكنىمۇ ئاياپ، بېشىڭدا تۇغۇزماپسەن. مۇۋۇ باشقا شەپكە ياراشمىغاچقا، كىيەممەي، قول يەتمىگەن شاپتۇل ئاچچىق بولاۋېتىپتۇ-دە،
B : قۇزۇققا ياراشقان شەپكە ماڭا نېمىشقا ياراشمايدىكەن ؟
A : يارىشامدۇ، ياراشمامدۇ، ما شەپكىنى كىيىپ باقە قېنى.
B : مەن دوپپا كىيىمەن ئاداش، ماۋۇ شەپكىگە ئالتۇندا ھەل بېرىپ ئەككەسەڭلىمۇ، كىيمەيمەن. سىنىپقا تاشلاپ قويە، باللا ئەخلەت ئالسۇن .
A : ھالىنى قارا ماۋۇ سەھرالىقنىڭ، ئىشتان كىيدىم دەپ، ئىككى خالتىنى جۇپلاپلا كىيىۋاپسەن، قەلەندەرلەرگە بېىۋىتە، دولىغا ئارتىپلا خۇرجۇن قىلىۋالسۇن.
B : ئەسلىدە، ئوغۇل بالا بولغاندىكىن، كىيىمنىڭ گېپىنى قىلىشمىساق بولاتتى، كونىلار : « گەپكە گەپ كەلگەندە داداڭدىن قالما » دەپتىكەن، ئاغىنە. گەپ يۈزدە ياخشى، ئۇسسۇل تۈزدە ياخشى. ماۋۇ ئۇچاڭدىكىسى بوۋاق ئۇكاڭنىڭ چاپىنىمۇ ياكى كىچىك بالىلاردىن تاتىۋالدىڭمۇ؟ ساڭا بىلىنمىگەن بىلەن تەخەيگە يوپۇق ئارتىپ قويغاندەكلا كۆرۈنىدىكەن. چاچلىرىڭغا قارىغىنە، ساتىراشقا پۇل تاپالمىغان بىچارىلەرگە ئوخشاپ قاپسەن. كورىيەنىڭ قىزلىرىدەك بوغۇۋالامسەن يە ؟
A : ھاي-ھۇي، سېغىزخان، گەپ قىممىسام، ھەجەپ سايراپ كەتتىڭا، «خانغا يارىغان ئېشىم تازغا يارىماپتۇ»دەپ، ياراتمايلا كەتتىڭا ؟ مەدەنىيەت دېگەننى بىلەمسەنوي،سەن ؟
B : مەدەنىيەتنى ھەرھالدا سەنچىلىك بىلەرمەن، مەدەنىيەتنىڭ ئىلغارلىرى، پاسسىپلىرى ؛ پايدىلىقلىرى، زىيانلىقلىرى بولىدۇ جۇمۇ، مىللىي مەدەنىيەت دېگەننىمۇ ئۇنتۇپ قالما، ئەگەر پۇلۇم جىق بولغان بولسا، مىراس كىيىملىرىنىڭ كاستۇم- بۇرۇلكىسىدىن ، مۆتىۋەرنىڭ خىرۇم ئايىغىدىن، كۆكبۆرىنىڭ كۆينىكىدىن، ئاتۇشنىڭ دوپپىسىدىن شۇنداق كىيدۈرۈدىغان بولسام، نىجات ئاداش، سالاپەتلىك شاھزادىلەرنىمۇ ھەيران قالدۇراتتىڭ دېگىنە، ئۇچاغدا مىللىي كىيىملىرىمىزنى ھاقارەتلىگەن ئاغزىڭغا كاچات ئۇراتتىڭ .
A : نېمانداغ خوش قىلىسەنوي مېنى، مىللىي كىيىملىرىمىز شۇنچىلا سالاپەتلىكما ؟
B : پاكىت ھەممىدىن ئۈستۈن تۇرىدۇ. سىناپ باق .
A : جېنىم ئاداش، ئابدۇسەمىجان، گەپلىرىڭ راست بولسا، دىباغا چاچقان پۇلۇمنى شۇيەرگە خەجلەي، مېنى بىر باشلاپ بارغىنە. ساڭىمۇ بىرقۇر ئېلىۋېتەمدىمەن تېخى.
B : مۇشۇ بىرنېمىلىرىڭنى كىيمەيدىغان ئىشىڭ بولسا، يېنىمدىكى پۇلنىمۇ ساڭا قوشۇۋېتىمەن دەيمەن.
A : ماڭە ئەمىسە .
B : ماڭدۇق !

tursunjan

بۇ نىمىگە تەۋە دەيمىز ؟ يىكايىمۇ ياكى ......................؟

مەتتۇردى

بۇ نىمىگە تەۋە دەيمىز ؟ يىكايىمۇ ياكى ......................؟