ئۇيغۇر تائاملىرى شاھى – پولو

سۈزۈك

ئۇيغۇر تائاملىرى شاھى – پولو

       پولو - ئۇيغۇر خەلقىنىڭ ئەنئەنىۋى تائاملىرىدىن بىرى بولۇپ، تەبىئىتى ئىسسىق، ئوزۇقلۇق قىممىتى يۇقۇرى، تائاملارتۈرى ئىچىدە ئالدىنقى قاتاردا تۇرىدىغان تائاملار شاھىدۇر. پولونىڭتۈرى ئىنتايىن كۆپ بولۇپ، 70 خىلدىن ئاشىدۇ.
      پولو ئادەتتە ‹‹داش قازان پولۇرى›› ۋە ‹‹ئائىلىلەردە ئېتىلىدىغان پولو›› دەپ ئايرىلىدۇ.
      ئائىلىلەردە ئېتىلىدىغان پولو - گۆشلۈك پولو، بەتتە پولو، ئەنجان پولوسى دەپ چوڭ ئۈچ تۈرگە بۆلىنىدۇ. ئائىلىلەردە ئاساسەن گۆشلۈك پولو بىر قەدەر ئومۇمىلاشقان بولۇپ، شارائىت ۋە ئېھتىياجغا قاراپ توخو گۆشى، ئۆردەك گۆشى، باچكا گۆشى، پېتىر مانتا، گۆشلۈك قورۇما قاتارلىقلارنى بېسىپ ئەتسىمۇ بولىدۇ. بۇ خىل پولولار ئايرىم - ئايرىم ھالدا ‹‹بەتتە پولو (قورۇما بىلەن ئەتسە)››، ‹‹ئاش مانتا (پېتىر مانتا بېسىلسا)››، ‹‹توخۇ، ئۆردەك، باچكا پولوسى...›› دېيىلىدۇ. يەنە نۇرغۇن ئائىلىلەردە يۇقۇرىقىدەك گۆشلۈك ۋە گۆشسىز پولولارغا ھەر خىل قوشۇمچىلارنى (بېھى، كىشمىش، ئۈرۈك قېقى، چامغۇر، ياڭيۇ، پالەك، تۇخۇم، قىزىلمۇچ، ئاق نان قاتارلىقلار) خالىغانچە سېلىپ ئېتىدۇ. ئۇنىڭدىن باشقا پولونى دۈملەشتىن بۇرۇن، يېسىۋېلەك (بەسەي)، پىدىگەن (چەيزە)، كۈدە (جۈسەي) قاتارلىق كۆكتاتلارنى بىللە دۈملەپ ئاش پىشقاندا ئايرىپ ئېلىپ سوۋۇتۇپ، زىرە - قارامۇچ، قىزىلمۇچ قىيامى، ئاچچىقسۇ، تۇز ئارىلاشتۇرۇپ ھەر خىل سوغۇق سەيلەرنى ياسىسىمۇ بولىدۇ.
      ئالدى بىلەن 2 چىنە گۈرۈچنى (كىچىكرەك چىنە ئۆلچەم قىلىنىدۇ) پاكىز يۇيۇپ ئىلمان سۇغا چىلاپ قويىمىز ، تەخمىنەن 2 كىلوگىرام سەۋزىنى ئادالاپ تەكشى قەلەم قىلىمىز، پىيازنى يالپاق، گۆشنى چوڭ چوڭتوغرايمىز.
      قازانغا 250 گىرام ئەتراپىدا ماي قۇيۇپچۈچىگەندە ئوبدان داغلاپ، (چوڭراق قوشۇقتا بىر قوشۇق قوي ماي ئارلاشتۇرساق تېخىمۇياخشى) گۆشنى سالىمىز، گۆش قىزارغاندا پىيازنى سېلىپ سارغايغىچە قورۇپ، (مۇۋاپىق مىقداردا تۇز سېلىپ) توغرالغان سەۋزىنى سېلىپ قورۇيمىز، سۈيى پۈتۈنلەيتۈگىگەندە ئازراق پەمىدۇر قىيامى سېلىپ (پەمىدۇر سالساقمۇ بولىدۇ) ئارلاشتۇرىۋېتىپ سۇ قۇيۇپ، (ئادەتتە بىر چىنە گۈرۈچكە بىر يېرىم چىنە سۇ ئۆلچەمقىلىنىدۇ، گۈرۈچنىڭ سۇ ئىچىش ئەھۋالىغا قاراپ تەڭشىلىدۇ) ئوت كۈچىنى تۆۋەنلىتىپسۈيى پىشقىچە قاينىتىمىز، ئاندىن تۇزىنى تەڭشەپ (تۇزى سەل ئۆتۈپرەك كەلسە ياخشى) قازاننىڭ قاينىشىنى توختۇتۇپ تۇرۇپ (سەۋزە ئاستىغا چۆككەندە) گۈرۈچنى يەڭگىلسالىمىز، ئوتنى كۈچەيتىپ قازاننى تەكشى قاينىتىپ، سۈيى تۈگەشكە ئاز قالغاندا، كاپكىرنى سەۋزىگە يەتكۈزمەي سېلىپ گۈرۈچنى بىر قېتىم ئۆرۈپ، ئوتتۇراھال ئوتتا 2 - 3 مىنۇت قايناتقاندىن كىيىن سۈيى پۈتۈنلەي تۈگىگەندە ئاشنى قازاننىڭ ئوتتۇرىسىغىراقيىغىپ كويزا سانچىيمىز ،ئۈستىگە سوققان زېرە سېپىپ ، گۆش، بېھې ، كىشمىش قاتارلىقلارنى سېلىپ (قوشۇمچە نەرسىلەرشارائىتقا، ئىھتىياجغا ئاساسەن سېلىنسا بولىدۇ) دۇملەيمىز، 10 مىنۇتتىن كىيىنئوت كۈچىنى تېخىمۇ تۆۋەن ھالەتكە ئەكىلىپ يەنە 20 مىنۇت دەم يىگۈزگەندىن كىيىن ئاچساق ئاش كۆيۈپ كەتمەي ياخشى پىشىدۇ، پىشقان پولونى گۆشنى ئېلىۋېتىپ تۇرۇپياخشى ئارلاشتۇرۇپ تەخسىلەرگە ئۇسساق بولىدۇ.
      ئالاھىدىلىكى: پولونىڭ ئوزۇقلۇق قىممىتى يۇقۇرى، تەبىئىتى ئىسسىق، قۇۋۋەتلىك، كۈچلۈك، قويۇق تاماق بولۇپ، بەدەندىكى خورىغان ئېنىرگىيىلەرنى ۋە ئادەم بەدىنىگە زۆرۈر بولغان ھەر خىل ۋىتامىنلارنى تولۇقلايدۇ.
      ئەسكەرتىش : ئىسسىق مىجەزلىك كىشىلەر ھەرخىل سوغۇق سەيلەرنى قوشۇپ ئىستىمال قىلىشى كېرەك.

گۈلزار

بۇ تېمىنى كۆرۈپ پولا ئەتكۈم كېلىپ قالدىغۇ . مەن ئەتكەن پولو بەك ئوخشىدۇ .  قېنى ئەمىسە بايقاشتىكى ئەزالارنى پولو يىشيىشكە تەكلىپ قىلاي .  

سۈزۈك

گۈلزار سىزدىن سۇراي  مۇشۇنداق تىما يولغاندا رەسىمنى قانداق يوللايدۇ؟

گۈلزار

سۈزۈك يوللىغان ۋاقتى  2013-4-14 10:57
گۈلزار سىزدىن سۇراي  مۇشۇنداق تىما يولغاندا رەسىمنى قا ...

قايتارما ئىنكاس يازماقچى بولسىڭىز ئاشۇ ئىنكاسنىڭ ئاستىدىكى ئىنكاس دىگەن خەتنى باسسىڭىز بىر كۆزنەك چىقىدۇ ، شۇ كۆزنەكنىڭ ئىچىگە ئىنكاس يازسىڭىز ئىنكاسىڭىزنى قارشى تەرەپ كۆرەلەيدۇ . بۇ ئىنكاسىڭىزنى مەن تەستىقلاش جەريانىدا كۆرۈپ قالدىم بولمىسا كۆرەلمەيتىىم .

رەسىم چىقىرىشتا تېما يوللاش سىتونىدىن چىقىرىسىز، ئەگەر ئۆگەنمەكچى بولسىڭىز بايقاش چچ توپىدىن ماڭا ئۇچۇر قىلىڭ مەن ئۆگىتىپ قوياي .  
بايقاش چچ توپىنىڭ نومۇرى : 110384522

سۈزۈك

بىلۋالدىم رەخمەت سىزگە.بۇنىڭدىن كىيىن كۆپرەك ياردەم قىلارسز.

pari

گۇلزار يوللىغان ۋاقتى  2013-4-13 12:19
بۇ تېمىنى كۆرۈپ پولا ئەتكۈم كېلىپ قالدىغۇ . مەن ئەتكەن  ...

گۈلزارىم پولويىڭىز بەك ئوخشاپتۇ ، رەھمەت .

گۈلزار

◤pari◥ يوللىغان ۋاقتى  2013-4-15 15:47
گۈلزارىم پولويىڭىز بەك ئوخشاپتۇ ، رەھمەت .

كەلسىڭىز بۇنىڭدىن بەكرەك ئوخشىتىپ ئېتىپ بېرىمەن دوستۇم . سىز ئۈچۈن خىزمەت قىلىشقا قولۇم كۆكسۈمدە . ھەر ۋاقىت يولۇڭىزغا قارايمەن جېنىم .

گۈلزار

گۇلزار يوللىغان ۋاقتى  2013-4-15 15:49
كەلسىڭىز بۇنىڭدىن بەكرەك ئوخشىتىپ ئېتىپ بېرىمەن دوست ...

خەۋرىڭىزنى ئاڭلىغان ھامان پولونى دۇملەپ تۇرىمەن .