شىنجاڭدا ئۆيلەرنى مەجبۇرىي چېقىش قاتتىق چەكلىنىدۇ

2014-يىلى 1-يانۋاردىن باشلاپ ، ئاپتونوم رايونىمىزدا ھەرقانداق ئورۇن ۋە شەخىسنىڭ ئالداش ، زورلۇق ئىشلىتىش ، تەھدىت سېلىش ۋە توك ، سۇ ، پارلىرىنى توختىتىۋېتىش ، ھەتتا خىزمەتتىن توختىتىش ، ئىش ئورنىدىن ئايرىۋېتىش ، دەرىجىسىنى چۈشۈرۈش قاتارلىق ۋاستىلەر ئارقىلىق ئۆي ئىگىلىرىنى ئۆي-زېمىن تۆلىمى توختامىغا ئىمزا قويۇشقا مەجبۇرلىشىغا ياكى ئۆيىنى مەجبۇرىي چېقىۋېتىشىگە يول قويۇلمايدىكەن . 1-دېكابىر ، شىنجاڭ ئۇيغۇر ئاپتونوم رايونلۇق خەلق ھۆكۈمىتى قاراپ چىقىپ ماقۇللىغان ‹‹دۆلەت يېرىدىكى ئۆيلەرنى ئېلىش ۋە تۆلەم بېرىش نىزامى ›› نى يولغا قويۇش چارىسى ( تۆۋەندە چارە دەپ ئېلىنىدى) ›› رەسمىي ئېلان قىلىنغان .

　　ئاپتونوم رايونلۇق خەلق ھۆكۈمىتى قانۇنچىلىق ئىشخانىسىنىڭ مۇئاۋىن مۇدىرى جوۋ چىن 4-دېكابىر مۇنداق دېگەن : ‹‹ ‹ چارە › دىكى ئۆيلەرنى ئېلىپ ، تۆلەم بېرىش بەلگىلىمىسىدە ، ئۆيى ئېلىنىدىغانلارنىڭ قانۇنىي مەنپەئەتى قوغدىلىدىكەن ›› . ئاپتونوم رايونلۇق ئولتۇراق ئۆي ۋە شەھەرلەشتۈرۈش قۇرۇلۇشى نازارىتىنىڭ مۇئاۋىن نازىرى چاڭ ۋېيمىڭنىڭ ئېيتىشىچە ، ‹‹چارە›› ئاپتونوم رايونىمىزنىڭ بۇنىڭدىن كېيىنكى ئۆي ئېلىش خىزمىتىدە قوللىنىدىغان مۇھىم قانۇنىي ھۆججەت بولۇپ قالىدىكەن .

‹‹ ئۆي ئېلىش ۋە تۆلەم بېرىش نىزامى ›› نى يولغا قويۇش چارىسى