◆◆بەشتاش بالىلار مائارىپ تورى◆◆Http://Www.BaxTax.Cn◆◆维文专门教育教学资料，全册教案下载，全册课件下载，全册教科书下载，试卷，论文，儿歌，动画片，图片，教育信息网！◆◆

راك ھۈجەيرىسىنى قايتا تونۇش

   ئالىملار راك ھۈجەيرىسى بىلەن ساغلام ھۈجەيرىنىڭ سىرتقى كۆرۈنۈشىدە روشەن پەرقنىڭ بارلىقىنى ئاللىقاچان بايقىغان بولسىمۇ، لېكىن مۇناسىپ نەزەرىيە ۋە پەرق ئېتىش ئۆلچىمىنىڭ كەملىكىدىن، راكنى تەكشۈرۈشتە يەنىلا بىيوخىمىيەلىك ئۇسۇل قوللىنىلاتتى. ئامېرىكا تەتقىقاتچىلىرى يېقىندا ساغلام ھۈجەيرىگە سېلىشتۇرغاندا راك ھۈجەيرىسىنىڭ سىرتقى شەكلىدە تېخىمۇ روشەن پارچىلانما شەكىلدىكى ئالاھىدىلىك بارلىقىنى بايقىغان. قار ئۇچقۇنىنى مىسالغا ئالساق، بىر مىللىمېتىر، 0.1 مىللىمېتىر ياكى 0.001 مىللىمېتىر چوڭلۇقتىكى قار ئۇچقۇنىنى مىكروسكوپ بىلەن كۆزەتسەك، قار ئۇچقۇنىنىڭ چۆرىسىدىكى شەكىللەرنىڭ ئاساسەن ئوخشاش بولىدىغانلىقىنى بايقايمىز. تەتقىقاتچىلار ئاتوم كۈچى مىكروسكوپى بىلەن ئاياللارنىڭ بالىياتقۇ بوينىدىن ئېلىنغان ساغلام ھۈجەيرە بىلەن راك ھۈجەيرىسىنىڭ سىرتقى شەكلىنى سېلىشتۇرغاندا، راك ھۈجەيرىسىنىڭ سىرتىدا روشەن پارچىلانما شەكىلدىكى ئالاھىدىلىك بارلىقىنى، ساغلام ھۈجەيرىدە بۇنداق ئالاھىدىلىكنىڭ روشەن بولمايدىغانلىقىنى بايقىغان.