1. -پارتىدىشىمغا شۇنداق ھەۋىسىم كېلىدۇ جۇمۇ !
-قانداق دەيسە؟
-چۈنكى پارتىدىشىمنىڭ پارتىدىشى مېنىڭ پارتىدىشىمدىن خېلىلا چىرايلىق...
2. -ئاڭلىسام سىزنى ئۆگىنىشتە بەك ياخشى دەيدۇ، بىر سوئال سوراپ باقايمۇ؟
-چاتاق يوق، قېنى سوراڭ.
-بۈگۈن تېمپراتۇرا دەل 0 گرادۇس، ئاڭلىسام ئەتە بۈگۈنكىدىن ئىككى ھەسسە سوغۇق بولىدۇ دەيدۇ، ئەمىسە ئەتە قانچە گرادۇس بولىدۇ دەپ بېقىڭە؟
-ئاپ...
3. پۈتكۈل ئولتۇراق رايوندا توساتتىن توك توختاپ ئۆي ئىگىلىرى بەس-بەستە خوجىلىق بۆلۈمىنىڭ ئالدىغا كېلىشىپ داۋراڭ سېلىشقا باشلىدى. ئۆي ئىگىلىرى ئارىسىدا بەزىلىرى ئاچچىقىنى باسالماي ئاغزىنى بۇزۇشۇپ تىللاپلا چۈشكەنىدى، بۇ چاغدا خوجىلىق بۆلۈمىنىڭ مۇدىرى كىشىلەرگە مەمەتجاننى كۆرسىتىپ :
-قاراڭلار بۇ يىگىتنى، مۇشۇنداق سالماق مەدەنىي تۇرمامسىلەر، ئاغزىڭلارنى بۇزغانغا ھېچ ئىش ھەل بولمايدۇ-دېيىشىگە ھېلىقى مەمەتجان :
-مەن 30-قەۋەتتىن يۈگۈرۈپ چۈشكەن، نەپىسىم يېتىشمەيۋاتىدۇ...بىردەم ئېسىمگە كېلىۋاپ سېنى ئاندىن تىللاي قېنى !
4. مۇتەللىپ نورۇز ئۆتكۈزىدىغانغا پۇل تاپالماي ئىلاجىسىز بانكا بۇلىماقچى بوپتۇ-دە، دەل نورۇز كۈنى بىر بانكىنى تېپىپ بۆسۈپلا كىرىپتۇ-دە :
-ھەممىڭلار...-دەپلا توختاپ قېلىپ مۇنداق قاراپ باقسا شۇ كۈنى ساقچى خادىملارغا مۇئاش تارقىتىدىغان كۈن بولغاچ بانكىدا ئون-يىگىرمىچە ساقچى خادىملار ئۆچرەتتە تۇرغان ئىكەن، بۇ چاغدا مۇتەللىپ قورققىنىدىن دەررۇلا :
-ھەم...ھەم...ھەممىڭ..لارنىڭ نورۇز بايرىمىغا مۇبارەك بولسۇن-دېگۈدەك.
5. ئوسماننىڭ ئۆيىدىكىلىرى سېستىرا قىز دوستى بىلەن ئەينى ۋاقىتتا قانداق تونۇشقانلىقىنى سورىسا ئوسمان :
-بىر كۈنى كوچىدا ئايلىنىپ كېتىۋاتسام بىر توپ لۈكچەكلەر بىر ساھىبجامالنى بوزەك قىلىۋېتىپتۇ، شۇنىڭ بىلەن ئۇلارنىڭ ئىپلاسلىق قىلمىشىغا چىدىماي ساھىبجامالغا ياردەم قىلماقچى بولغانتىم
-شۇنىڭ بىلەن بۇ ساھىبجامال بىلەن تونۇشۇپ ئەپلىشىپ قالغان گەپما؟-دېسە ئوسمان بېشىنى قاشىلىغاچ :
-ئۇنداق ئەمەس، ئارقىدىن شۇ لۈكچەكلەردىن تاياق يەپ كېتىپ دوختۇرخانىغا كىرىپ قالغاندا تونۇشۇپ قالغانتىم...