كۆيمىگەنگە كۆيمە
مۇھەممەت رەھىم
كۆيمىگەنگە كۆيىدۇ كەم-كوتسىز كالۋا كىشى،
كۆيگىنىنىڭ كەينىدىن كۈنلەيدىكەن كومشا كىشى.
كۆيسە كاشكى كۆيگىنى، كەتمەس كۆرۈشمەي كەچكىچە،
كاپشىغاي كۆرگەندە، كاس-كاس كېسىلى كونا كىشى.
كىم كۆيۈپ، كىم كۆيمىدى، كۆرمەس كۆزى كۈپكۈندۈزى،
كۆڭلى كىر، كەچمىشلىرى كەمچىل، كاۋاك كالۋا كىشى.
كۈلسىمۇ، كۈلدۈرسىمۇ كۆپرەك كۆزەتمەي كۆيمىگەي،
كاج كۆڭۈلنىڭ كەينىگە كىرمەيدىغان كاتتا كىشى.