لەۋلىرىم لېۋىڭدىن كەچكەندە تولۇق
مەمەت ئۆمەر مەتتۇرسۇن
لەۋلىرىم لېۋىڭدىن كەچكەندە تولۇق،
كۆڭۈلسىز دەملىرىم بولدى پاناھىم.
مەن سېنى قانچىلىك سۆيگەن ئىدىم-ھە؟
ئويلىسام، مۇڭلىنار دەردلىك يۈرىكىم.
قاراڭغۇ ئۆيلەردە سۈرلۈك ياتىمەن،
ياستۇقۇم تۈۋىدە ئىللىق بىر ئازاب.
قارايغان دېرىزە ھىجرانغا شېرىك،
پاتمىدىم ئىچىمگە مىڭ يىللىق قاناپ!
ئاسىيلىق قىلىدۇ ماڭا بۇ كۈنلەر،
قەلبىمدىن ئالەمگە نەپرەت ياغدۇرۇپ.
سەن كەتتىڭ، كەتكەندەك بولدى ھەممە ياق،
مەن قالدىم يىگانە پەريادلار ئۇرۇپ.