جاڭ چۈنشيەن شىنجاڭ ۋەكىللەر ئۆمىكى ۋە كىچىك پۇتبول چولپانلىرى بىلەن كۆرۈشتى

 17-سېنتەبىر چۈشتىن كېيىن ، ج ك پ مەركىزىي كومىتېتى سىياسىي بيۇروسىنىڭ ئەزاسى ، شىنجاڭ ئۇيغۇر ئاپتونوم رايونلۇق پارتكومنىڭ شۇجىسى جاڭ چۈنشيەن 12-نۆۋەتلىك مەملىكەتلىك تەنھەرىكەت مۇسابىقىسىدە زەپەر قۇچۇپ قايتىپ كەلگەن ئەزىمەتلەر ۋە ترېنېرلار ، شۇنداقلا خەلقئارا ياشلار-ئۆسمۈرلەر پۇتبول مۇسابىقىسىدە چېمپىيونلۇققا ئېرىشكەن ئۈرۈمچى شەھەرلىك 5-باشلانغۇچ مەكتەپ پۇتبول كوماندىسىدىكى كىچىك چولپانلار بىلەن كۆرۈشتى .

   تېخى يېقىندىلا ئاياغلاشقان مەملىكەتلىك 12-نۆۋەتلىك تەنھەرىكەت مۇسابىقىسىدە ، ئاپتونوم رايونىمىزدىكى ھەر مىللەت خەلقىگە ۋەكىل بولۇپ بارغان ئەزىمەتلىرىمىز چەۋەندازلىق ، بوكىس ، ۋېلىسپىت مىنىش ، پۇتبول ، چېلىشىش ، يېنىك ئاتلېتىكا قاتارلىق كۆپ تۈرلەردە ئالتە ئالتۇن مېدال ، سەككىز كۈمۈش مېدال ۋە ئىككى مىس مېدالنى قولغا كەلتۈرۈپ ، 30 يىلدىن بۇيانقى ئەڭ ياخشى نەتىجىنى قولغا كەلتۈردى ؛ ئۈرۈمچى 5-باشلانغۇچ مەكتەپ ياشلار-ئۆسمۈرلەر پۇتبول كوماندىسى ئۇدا ئۈچ نۆۋەت جۇڭگو ‹‹ ئۈمىد لوڭقىسى ›› نى تالىشىش خەلقئارا ياشلار-ئۆسمۈرلەر بىرلەشمە پۇتبول مۇسابىقىسىدا ئوغۇللار U13 گۇرۇپپىسىدا 1-لىكنى قولغا كەلتۈردى ھەمدە كۆپ قېتىم مەملىكەت ئىچىدىكى مۇسابىقىلەردە چېمپيونلۇقنى قولغا كەلتۈردى .

 جاڭ چۈنشيەن 5-باشلانغۇچ مەكتەپ پۇتبول كوماندىسىدىكى كىچىك چولپانلار بىلەن سۆھبەتلەشمەكتە

    جاڭ چۈنشيەن ئالدى بىلەن مەملىكەتلىك 12-نۆۋەتلىك تەنھەرىكەت مۇسابىقىسىدە زەپەر قۇچۇپ قايتىپ كەلگەن ئەزىمەتلەر بىلەن قىزغىن كۆرۈشۈپ ، مۇسابىقە مەيدانىدىكى ھاياجانلىق كۆرۈنۈشلەرنى ئەسلەپ ئۆتتى ، ئارقىدىن كىچىك پۇتبولچى ئەزىمەتلەر بىلەن كۆرۈشۈپ ، ئۇلارنىڭ جاسارىتىگە ئاپىرىن ئوقۇدى ھەمدە ئۇلارنى ساغلاملىقنى كۈچەيتىپ ، ئىرادىنى تېخىمۇ تاۋلاپ ، شىنجاڭدىكى ‹‹لوناردو›› بولۇپ چىقىشقا ئىلھاملاندۇردى .  

   ئاپتونوم رايون رەھبەرلىرىدىن بەي جىجيې ، لى شۆجۈن ، ئەركىن تۇنىياز ، ۋەن خەيچۈەن قاتارلىقلار كۆرۈشۈشتە بىللە بولدى .

ھەمبەھىرلىنىڭ