ئەخمەدى . نىجاد مىسىردا ئاياق « ھۇجۇمى » غا ئۇچرىدى

   ئەنگلىيە رادىئو شىركىتى 6- فېۋرال خەۋىرىدە . ئىران زۇڭتۇڭى ئەخمەدى . نىجاد مىسىر پايتەختى قاھىرەدە بىر مەسچىتنى زىيارەت قىلىۋاتقان چاغدا ، ئاياق ھۇجۇمىغا ئۇچرىغان .

  تۈركىيە ئاخبارات ئورگانلىرىنىڭ تارتقان قىسقا فىلىمىدە ، ئەينى چاغدا ئەخمەدى . نىجاد قاھىرە شەھەر مەركىزىدىكى مەسچىتتە بىر ئۆلىما بىلەن قول ئېلىشىپ كۆرۈشىۋاتقان چاغدا ئادەم بەك كۆپ بولۇپ ، بىر ئەر تۇيۇقسىز ئايىقىنى سېلىپ ئەخمەد . نىجادقا قارىتىپ ئاتقان ، يەنە تېخى " توخۇ يۈرەك " دەپ تىللىغان . بىراق ئاياق ئەخمەدى . نىجادقا تەگمىگەن ، قوغدىغۇچىلىرىنىڭ ياردىمىدە نەق مەيداندىن ئايرىلغان . ئاياق ئاتقان ئادەم نەق مەيداندا قولغا ئېلىنغان .

  خەۋەردە دىيىلىشىچە ، نىجاد 1979- يىلى ئىسلام ئىنقىلابى باشلانغاندىن تارتىپ ھازىرغىچە مىسىرغا زىيارەتكە كەلگەن تۇنجى ئىران زۇڭتۇڭى بولۇپ ، ئىسلام دۆلەتلىرىدە ئاياقنى باشقىلارغا قارېتىپ ئېتىش بىر خىل ئېغىر خورلاشقا ۋەكىللىك قىلىدۇ .

  ئىگىلىنىشىچە ، نىجادنىڭ بۇ قېتىمقى مىسىرغا قىلغان زىيارىتى ئاياق ھۇجۇمىغا ئۇچرىغاننى ھىسابقا ئالمىغاندا ، خېلى مۇۋاپىقىيەتلىك بولغان ، ئىراندىكى بىر قىسىم شىئە مەزھىپى ۋە سۈنئىي مەزھىپىدىكلەرنىڭ كونا ئاداۋىتى ، ئىراننىڭ سۇرىيە زۇڭتۇڭى بەشىرنى قوللىغانلىقى سەۋەبىدىن بىر قىسىم مىسىرلىقلار ئىران زۇڭتۇڭ ئەخمەدى . نىجادنى ئانچە قارشى ئېلىپ كەتمىدى .