بىلگىيەدە قوشكېزەك ئاكا - ئۇكا ئازاپلانماي ئۆلۈۋېلىش يولىنى تاللىدى

   جۇڭگو ئاخبارات تورى 15- يانىۋار تېلىگراممىسى . بىلگىيەدە بىر جۈپ ئەما قوشكېزەك ئاكا - ئۇكا كىچىكىدىن باشلاپ بىللە ئۈسۈپ چوڭ بولغان بولۇپ ، ئۆز - ئارا ياردەم قىلىشىپ ھازىرغىچە ياشاپ كەلگەن . بۇ ئىككى ئاكا - ئۇكا كۆرۈش ئىقتىدارىدىن مەھرۇم بولغاندىن كېيىن ، ئۆزلىرىنىڭ بىر - بىرىنى كۆرەلمەسلىكىدىن ئەنسىرەپ ،دوختۇردىن بىرلىكتە ئازاپلانماي ئۆلۈۋېلىشنى تەلەپ قىلغان .

  خەۋەردە دىيىلىشچە ، بۇ قوشكېزەك ئاكا - ئۇكىنىڭ ئىسمى ئايرىم - ئايرىم مارك بىلەن ئەندى بولۇپ ، بۇ يىل 45 ياشقا كىرگەن ، ئۇلار تۇغما ئاڭلاش ئىقتىدارىدىن ئايرىلغان بولۇپ ، ئىككىسى بىللە تۇرمۇش كەچۈرگەن . كېيىن كۆرۈش ئىقتىدارىدىنمۇ ئايرىلىپ قالىدىغانلىقىنى بىلگەن مارك بىلەن ئەندى بىرلىكتە ئازاپلانماي ئۆلۈش يولىنى تاللىغان .

  بۇ قوشكېزەك ئاكا - ئۇكىنىڭ تۇققانلىرىنىڭ دىيىشىچە " ئەگەر ئۇلارنىڭ ئۆزىگە تەۋە ئائىلىسى يەنى ئۆزىنىڭ ئايالى ۋە بالىسى بولغان بولسا ، ھەرگىزمۇ بۇنچىلىك ئۈمۈتسىزلىنىپ كەتمىگەن بولاتتى " دىگەن . شۇڭا تۇققانلىرى بەس - بەس بىلەن بۇ ئىككى ئاكا - ئۇكىغا ئۆلۈم يولىنى تاللىشىنى ئەيىبلىگەن ھەمدە بۇ خىل تاللاش يولىدىن ۋاز كىچىشنى تەلەپ قىلغان .

  بۇ بىر جۈپ قوشكېزەك ئىككى يىل دوختۇر ۋە مۇناسىۋەتلىك رەسمىيەتلەرنى سۈرۈشتۈرۈش ئارقىلىق ، ئەڭ ئاخىرى ئازاپلانماي ئۆلۈش رەسمىيەتلىرىنى پۈتتۈرگەن . ئۇلارنىڭ ئۆلۈش ئارزۇسى ئەمەلگە ئاشسا ، بۇ بىر جۈپ قوشكېزەك دۇنيادىكى تۇنجى بىرلىكتە ئۆلۈۋېلىشنى يولىنى تاللىغان قوشكېزەك بولۇپ قالىدىكەن .

ھەمبەھىرلىنىڭ