كورىيە مۇناسىۋەتلىك ئورگانلىرى كورىيە جۇڭگو سۇ ئاستى قانىلى قۇرۇش ئارقىلىق جۇڭگولۇق ساياھەتچىلەرنى جەلپ قىلماقچى

   كورىيە بىرلەشمە ئاگېنتلىقىنىڭ خەۋىرىگە ئاساسلانغاندا، كورىيە مەملىكەتلىك ۋاستىچىلەر بىرلەشمىسى 26-سىنتەبىر سىئولدىكى دوڭ لېتيەن مېھمانخانىسىدا ساياھەتچىلىك كەسپى ئالاھىدە كومىتېت يىغىنى ئاچتى ، كومىتېت باشلىقى پۇ سەنچيۇ كورىيە بىلەن جۇڭگو ۋە كورىيە بىلەن ياپونىيە ئوتتۇرىسىدا سۇ ئاستى قانىلى قۇرۇش ئارقىلىق تېخىمۇ كۆپ جۇڭگولۇق ۋە ياپونىيەلىك ساياھەتچىلەرنى كورىيەگە جەلپ قىلىش تەكلىپىنى ئوتتۇرىغا قويدى .

   ئۇ مۇنداق دەپ كۆرسەتتى : جۇڭگو ۋە ياپونىيەدىن كەلگەن ساياھەتچىلەرنىڭ نىسبىتى كورىيەدىكى پۈتكۈل چەتئەللىك ساياھەتچىلەرنىڭ % 50 تىن كۆپرەكىنى ئىگىلەيدۇ ، تېخىمۇ كۆپ جۇڭگولۇق ۋە ياپونىيەلىك ساياھەتچىلەرنى جەلپ قىلىش ئۈچۈن سۇ ئاستى قانىلى قۇرۇش پىلانىنى چوڭقۇر مۇزاكىرە قىلىشىمىز كېرەك .

   ئۇنىڭ دېيىشىچە ، ساياھەتچىلىك كەسپىنى تەرەققىي قىلدۇرۇش ئىقتىساد ھالسىزلىنىۋاتقان پەيتتە ئىچكى ئېھتىياجنى جانلاندۇرۇش ۋە ئىشقا ئورۇنلىشىش نىسبىتىنى يۇقىرى كۆتۈرۈشتىكى ئەڭ ياخشى چارە ئىكەن . نۆۋەتتە ، كۆزىتىش فۇنىكۇليورى ۋە <جۇڭگولۇقلار كوچىسى>نى جانلاندۇرۇش قاتارلىق كېڭەيتمە ئاساسىي ئەسلىھە ئۈسكۈنىلىرى مەسىلىسى جىددىي ئەمەلىيلەشتۈرۈلۈشكە تېگىشلىك مەسىلىلەر ئىكەن .

  شۇ كۈنى ، مەدەنىيەت تەنتەربىيە سارىيى كۆزىتىش بۆلۈمىنىڭ باشلىقى سۈي گۇاڭجىمۇ تەكلىپ بىلەن يىغىنغا قاتناشتى . "دۆلەت ساياھەتچىلىكى جىددىي تەرەققىي قىلدۇرۇلۇشقا موھتاج" دېگەن ئىدىيە ئاساسىي تېما قىلىنغان نۇتۇقىدا ئۇ مۇنداق دېدى : تەرەققىي قىلغان دۆلەتلەر بىلەن سېلىشتۇرغاندا ، كورىيەنىڭ دۆلەت ئىچى ساياھەتچىلىك نىسبىتى بەكلا تۆۋەن .

   ئۇ دۆلەت ئىچى كارخانىلىرىنىڭ دەم ئېلىش كۈنىدىن ئەركىن پايدىلىنىش كارخانا مەدەنىيىتىنى مۇستەھكەملەشنى تەلەپ قىلدى ، ھەمدە كارخانىلارنى داۋاملىق ئىككى كۈندۈز بىر كېچىلىك قىسقا ساياھەت تۈرلىرىنى يولغا قويۇپ دۆلەت ئىچى ساياھەتچىلىكىنى تەرەققىي قىلدۇرۇشقا رىغبەتلەندۈردى .