تايلاندتا مايمۇنلار ساقچى بولدى

  تايلاند يېلا ئۆلكىسى سابۇلى رايۇنىدىكى ساقچى ئىدارىسى يېقىندا ، ئالاھىدە بىر يېڭى " مىھمان " نى ساقچى ئىدارىسىگە تەكلىپ قىلىپ ئىشلەتتى . ئۇ " مىھمان " دەل 5 ياشلىق مايمۇن سانتۇسۇكا بولۇپ ، ئۇ ساقچىلارغا ياردەملىشىپ ساقچى فورمىسىنى كىيىپ قاتناش ساقچىلارغا ياردەملىشىپ قاتناشنى تەرتىپكە سالىدۇ .

   ھەر كۈنى بىر ساقچى ئۇنىڭغا ياردەملىشىپ سابۇلا رايۇنىدا چارلاش ئېلىپ بارىدۇ . سانۇتسۇكا ساقچىلارغا خاس سالاپەت ۋە ھوشيارلىق بىلەن ساقچى ئاپتوموبىلغا ئولتۇرۇپ چارلاش خىزمىتىنى ئېلىپ بارىدۇ . ساقچى Yutthapol.Phromdao نىڭ بايانىغا قارىغاندا ئۇ سانتوسۇكا بىلەن بىللە خىزمەت قىلسا ئۆزىنى بەك خوشال ھېس قىلدىكەن ، چۈنكى ئۇ ئاپتوموبىلىنى مەجبورى توختىتىپ تەكشۈرۈشنى تەلەپ قىلمىسىمۇ ، شوپۇرلار ئوماق تۇرغان مايمۇن ساقچىنى كۆرۈپ ئۆزلىكىدىن ئاپتوموبىلىنىڭ سۈرئىتىنى ئاستىلىتىپ ، ئاپتوموبىلدىن چۈشۈپ مايمۇن ساقچى بىلەن كۆرۈشۈپ ، بىللە سۈرەتكە چۈشۈپ كىتىدىكەن . سانتوسۇكا يەنە يەرلىك كىشىلەرگە ياردەملىشىپ ، كوكوس ياڭىقى ئۈزۈشۈپ بىرىدىكەن . يەرلىكلەرنىڭ ئۇنى مۇكاپاتلاش ئۈچۈن بىر بوتۇلكا سۈت بىرىپ قويسىلا بولىدىكەن .