روسىيەدە بىر يىگىت قىز دوستىغا قورقۇنچلۇق توي تەكلىۋى قويدى

 ئامېرىكا ئاخبارات ۋاستىلىرىنىڭ 5- سىنتەبىر خەۋىرىگە مۇنداق بىر خەۋەر بېسىلغان : " سىز ئەڭ ياخشى كۆرىدىغان قىز دوستىڭىز ئۈچۈن قانداق توي تەكلىۋى قۇيۇشنى ئويلاشتىڭىز ، بىراق سىز ھەرگىزمۇ روسىيەدىكى يىگىتتەك ئەخمىقانە توي تەكلىۋىنى قويماڭ ؛ چۈنكى بۇ يىگىت قىز دوستىنىڭ ئۆزىنى قانچىلىك دەرىجىدە ياخشى كۆرۈشىنى بىلىش ئۈچۈن ، ئەخمىقانە ۋە قورقۇنچلۇق ئامالدىن بىرنى تاپقان ؛ ئۇ ئۆزىنى قاتناش ھادىسىدە ئۆلگەن ھالەتكە كەلتۈرۈپ قىز دوستىنى باشقىلار ئارقىلىق قاتناش ھادىسىسى يۈز بەرگەن نەق مەيدانغا كەلتۈرۈپ ، قىز دوستىنىڭ قانداق ئىنكاس قايتۇردىغانلىقىنى كۆرمەكچى بولغان ؛

بۇ يىل 30 ياشقا كىرگەن ئالىكساندىر . بيكوۋ مەخسوس فوتوگراف ، رىژىسسور ، ئارتىس ۋە گىرىمچىك تەكلىپ قىلىپ ، ماشىنا ھادىسىسى يۈز بەرگەن نەق مەيدانى ياسىغان . ئالىكساندىر قىز دوستى Irena Kolokov نى ماشىنا ھادىسىسى يۈز بەرگەندەك نەق مەيدانغا تەكلىپ قىلىپ ، قىز كەلگىچە " ئۇيۇن " نى باشلىغان .

ئەينى ۋاقىتتىكى نەق مەيداندا ئوت كەتكەن پىكاپ ، قۇتقۇزۇش ئاپتوموبىلى ، دوختۇرلار بار بولۇپ ، " باش پىرسۇناژ " ئالىكساندىر گىرىمچىك قىلغان قان رەڭدىكى گىرىم بىلەن يەردە ياتاتتى . ئالىكساندىرنىڭ قىز دوستىغا بىر قۇتقۇزۇش خادىمى تىلىفۇن قىلىپ ، ئوغۇل دوستى ئالىكساندىرنىڭ قازا قىلغانلىقىنى خەۋەر قىلغان . قىز دوستى نەق مەيدانغا كىلىپ قورقۇپ كەتكەنلىكتىن ۋارقىراپ تۇرۇپ يىغلاپ كەتكەن . بىر قانچە مىنۇتتىن كىيىن ئالىكساندىر بىر دەستە گۈلنى كۈتىرىپ قۇتقۇزۇش ئاپتوموبىلىدىن قانغا مىلەنگەن ھالەتتە چۈشۈپ ، Irena Kolokov توي قىلىش تەكلىۋى قويغان .

Irena يىلىنا بۇ ئىشتىن كىيىن ،" دەسلەپ بەش مىنۇتتا مەن ئالىكساندىرنى ئۆلتۈۋەتكۈم كەلگەن ، چۈنكى ئۇنىڭ بۇ چاقچىقى مېنى بەكلا خاپا قىلدى " دىدى . بىراق يىلىنا يەنىلا ئالىكساندىرنىڭ بۇ توي تەكلىۋىنى قۇبۇل قىلىپ ، توي قىلىشقا پۈتۈشتى .